|
دعا لتوزيع وتوفير الكوندوم .. الجميعابي : 500 -600 من طلاب وطالبات أي جامعة مصابون بالايدز
|
اكد الدكتور محمد محي الدين الجميعابي رئيس منظمة انا السودان ان ما بين 500 - 600 طالب وطالبة في جامعة الخرطوم مصابون بالايدز وذات العدد في جامعة النيلين وامدرمان الاسلامية وكل الجامعات السودانية . ودعا الجميعابي في ندوة اقيمت مساء امس بمسجد ابراهيم الزين بالكلاكلة الى دعم اتجاه وزيرة الصحة بتوفير وتوزيع الكوندوم اسوة بيوغندا التي عملت على توفيره مما ادى الى خفض نسبة الاصابة بالمرض .
|
|
|
|
|
|
|
|
Re: دعا لتوزيع وتوفير الكوندوم .. الجميعابي : 500 -600 من طلاب وطالبات أي جامعة مصابون بالايدز (Re: JAD)
|
منطِق ... (1) < سين > مِن الأولاد و< عين > مِن البنات زُناة ... حقيقة مُشاهدة واقِعِية (2) < سين > مِن الآولاد حامِل لِلايدِز ... حيِنقُلو لـ < عين > ... حقيقة عِلمِية (3) يخسر السودان ملايين الجِنيهات لِعِلاج مرضى الايدِز ... حقيقة مُشاهدة (4) يخسر السودان المُستقبل ... بِإعتِبار أن الشباب هو المُستقبل ... حقيقة (5) يخسر السودان تكاليف دراسة هؤلاء الطلبة/الطالِبات الزُناة ... حقيقة (6) ينتُج عن هذا الإثم (الزنى) أطفال مُصابون بِمرض الايدز ... حقيقة (7) ينتهي بِاطفال الزنى بِدار المايقوما (فاقِدي الأبَوين) ... حقيقة (8) يُكلِف رِعاية طِفل واحِد فاقِد لأبَويِهِ ملايين حتى يخرُج إلى سوق العمل ويعتمِد على نفسِهِ ... حقيقة
النتيجة : إستِخدام الواقي (الكوندوم)
لا يجوز أن ننقاد وراء < نحنا أحسن وأشرف وأرجل ... ناس > إلى يَوم القِيامة ... نحنُ مِثلُنا مِثل بقِية العالمين
| |
|
|
|
|
|
|
Re: دعا لتوزيع وتوفير الكوندوم .. الجميعابي : 500 -600 من طلاب وطالبات أي جامعة مصابون بالايدز (Re: عزام حسن فرح)
|
Quote: منطِق ... (1) < سين > مِن الأولاد و< عين > مِن البنات زُناة ... حقيقة مُشاهدة واقِعِية (2) < سين > مِن الآولاد حامِل لِلايدِز ... حيِنقُلو لـ < عين > ... حقيقة عِلمِية (3) يخسر السودان ملايين الجِنيهات لِعِلاج مرضى الايدِز ... حقيقة مُشاهدة (4) يخسر السودان المُستقبل ... بِإعتِبار أن الشباب هو المُستقبل ... حقيقة (5) يخسر السودان تكاليف دراسة هؤلاء الطلبة/الطالِبات الزُناة ... حقيقة (6) ينتُج عن هذا الإثم (الزنى) أطفال مُصابون بِمرض الايدز ... حقيقة (7) ينتهي بِاطفال الزنى بِدار المايقوما (فاقِدي الأبَوين) ... حقيقة (8) يُكلِف رِعاية طِفل واحِد فاقِد لأبَويِهِ ملايين حتى يخرُج إلى سوق العمل ويعتمِد على نفسِهِ ... حقيقة
النتيجة : إستِخدام الواقي (الكوندوم)
لا يجوز أن ننقاد وراء < نحنا أحسن وأشرف وأرجل ... ناس > إلى يَوم القِيامة ... نحنُ مِثلُنا مِثل بقِية العالمين |
الأخ عزام تحياتي لقد أوفيت ولم تترك شيئاً يقال أو يضاف بعد قولك إنها الحقيقة والوقائع والواقع وكفانا دفن رؤوسنا في الرمال
...........
| |
|
|
|
|
|
|
Re: دعا لتوزيع وتوفير الكوندوم .. الجميعابي : 500 -600 من طلاب وطالبات أي جامعة مصابون بالايدز (Re: حاتم الفاضل)
|
لو عندنا الف شخص مصاب بالايدز وهما ما عارفين
1000 شخص ديل قول كل واحد بمارس الجنس مرة وحدي بس في الشهر ...
لو ال 1000 ديل مارسو الجنس مع 500 شخص ما عندهم ايدز دي معناتو ال1000 نفر بقو 1500 شخص
وفي نفس الوقت لو هم كانو بلبسو الواقي نسبة الاصابة بتنخفض بنسبة 95% لانو الواقي برضو ما مضمون 100%
فكرة توزيع الواقي وتوفيره اثبتت نجاحه في العديد من الدول حولنا
____________________________________________________________ كل من يرد ان يمارس الجنس يعلم سلفا ان الامر مخالف للتعاليم الدينية (كل الاديان ما الاسلام)
| |
|
|
|
|
|
|
Re: دعا لتوزيع وتوفير الكوندوم .. الجميعابي : 500 -600 من طلاب وطالبات أي جامعة مصابون بالايدز (Re: Nader Abu Kadouk)
|
أشكر كل الاخوة الكرام الذين مروا على البوست او اضافوا اليه ونحترم اتجاهاتهم ورؤيتهم التي ذهبوا اليها ..
واود أن أؤكد ان الدكتور الجميعابي ذكر حرفيا ان عدد الطلاب والطالبات هو ما بين 500 الى 600 طالب وطالبة وليس كما ذكر للصحيفة ..
واذا اعملنا النسبة التي ذكرها حسب حديثه للصحيفة بان نسبة الايدز وسط المتقدمين للجامعات تبلغ 1.1 % فسيخرج لنا رقم اكبر مما ذكر بكثير .. مع ملاحظة ان النسبة التي ذكرت كانت في دراسة اعدت قبل 5 سنوات وعلى الطلاب المتقدمين للجامعات وليس على كل الطلاب فاذا اعملنا هذه النسبة بعد مرور خمس سنوات وعلى جميع طلاب الجامعات .. فالرماد كال حماد .. او كما قيل ..
| |
|
|
|
|
|
|
Re: دعا لتوزيع وتوفير الكوندوم .. الجميعابي : 500 -600 من طلاب وطالبات أي جامعة مصابون بالايدز (Re: ihsan fagiri)
|
About Time
افتكر انه الناس كلها عارفه العواقب الدينيه و رغم كده برضه بتمارس في علاقات محظوره و ممنوعه دينيا, بعدين بيسمعوا في الوعظ و الارشاد من عمرهم سنتين و اختاروا انهم ما يطبقوا الكلام و يعيشوا حياتهم بحريه, يبقى خلاص بلاش ندفن رؤوسنا في الرمال و لازم نخطي خطوه ايجابيه و نحميهم و نحمي المجتمع منهم و الوقايه خير م العلاج.
حكاية حرام و ما حرام دي حاجه بين الانسان و بين ربه ما لينا دخل بيها و يمكن الناس دي تتوب و ربنا يسحامحها لكن وقتها يكونوا نقلوا العدوي لناس غيرهم.
في مدرستنا الثانويه في نيويورك كان هناك عدد مهول من الحوامل قبل دفعتنا و في اول سنه دخلنا الثانوي طبقوا انهم يوزعموا الواقي على الجميع و انخفضت نسبة الحوامل و كمان انتقال المرض, الكلام ده سنة 1994. و عمر توزيع الواقي ما كان بيشجع على الر زيله, كان كل اسبوع بيتوزع لكل طالب صندوق و غيره متوفر في مكتب الممرضه و كان الما بيستعمله فينا بيديه لزملائه يعني ما في زول قال والله انا حادخل في علاقه جنسيه عشان بيوزعوا لي واقي, و كل واحد و تربيته و قناعاته.
| |
|
|
|
|
|
|
Re: دعا لتوزيع وتوفير الكوندوم .. الجميعابي : 500 -600 من طلاب وطالبات أي جامعة مصابون بالايدز (Re: Dania Elmaki)
|
Quote: التوعية والإرشاد فى المساجد محورها العفة ومنع الزنا وغض البصر والزواج على كتاب الله وسنة نبيه.... أما أن تتحول المساجد لمنابر لتوزيع الموانع تقى من الأمراض أثناء إرتكاب المعاصى، فهذا ما لم تنشأ من أجله دور العبادة.... |
سلامات يا اسامة وكل سنة وانت طيب
الامع دا بتعلموا فيه اي حاجة تخص النيا والدين.. وانا سعيدة جدا في شخص ما دافن راسو في الرملة وفاهم شنو يعني لو الناس ما سمعت الوعظ والارشاد ومشت زنت نشرت مرض يفتك بالامة...
يا اسامة انت بتعارض من اجل المعارضة فقط لانه الجميعابي الكوز قال كدا
في مؤتمر هنا لاقيت امام مسجد في يوغندا من هول الحاصل هو نفسه بيوزع الكاندوم للمصلين موش هو بس حتى القساوسة لانهم فهموا خطورة من لا يسمع المواعظ على المجتمع البشري.. ودي خطوة في الطريق الصحيح يجب تشجيعها
مع التوعية والارشاد
ونطالب ان يلعب المسجددور كومينتي سنتر موش بس دار عبادة فقط
وكل عام وانت بالف خير
| |
|
|
|
|
|
|
Re: دعا لتوزيع وتوفير الكوندوم .. الجميعابي : 500 -600 من طلاب وطالبات أي جامعة مصابون بالايدز (Re: د.نجاة محمود)
|
قلنا كدا زمااااان دقوا بينا طار وطلعونا ناس ما كويسين الكاندوم دا مالو يعني لو وزعوه؟ الكعب في كدا شنو؟ ناس بتحمل لاخطر مرض وحايمة وسط الناس .. نخليهم ينشروه وللا نعمل باضعف الايمان ونوزع ليهم كاندوم عشان ما ينقلوا المرض دا لغيرهم؟ بعدين في حاجة اظن اي زول عارفها انو الداير يزني دا بزني .. بزني باي طريقة وخصوصا انو في اوضاع سودانا الحالية بتكون كل الظروف مواتة ليهو انو يعمل كدا.. جوع... فقر فاقة..جهل.. انحطاط في السلوك... كلو كلو راااااقد عندنا وبالكوم بس ( لاننا امة استثنائية) بندعي التجاهل ونلبس انفسنا ثوب العزة والفخار والشنو وانحنا اولاد عزة الما بتجي مننا العيبة... تقوموا تلفوا كدا وللا كدا... دا حنك ضارب... السودان فيهو ايدز تقيل... دي حقيقة واقعة مافيها لولوة... يتوزع كاندوم ثم نقوم بعدها بتوعية العالمين من ضرر المسالة دي, بنكون في السليم واقلاها بنحد من الانتشار ما نعمل كدا ونعمل وكانما نحن ملائكة تنزلنا الرحمن في بقعة من الارض واطلق علينا ( شعب الله المختار) تاكلو نيم وتمرضو ويتفشى المرض الخطير دا بيناتكم ويفتك بناس كتاااار . حينها لا يفيدكم ان تعضو بناناللندم.
وزعوا الكاندوم يرحمكم الله.
| |
|
|
|
|
|
|
Re: دعا لتوزيع وتوفير الكوندوم .. الجميعابي : 500 -600 من طلاب وطالبات أي جامعة مصابون بالايدز (Re: الخير محمد عوض)
|
Quote: التوعية والإرشاد فى المساجد محورها العفة ومنع الزنا وغض البصر والزواج على كتاب الله وسنة نبيه.... أما أن تتحول المساجد لمنابر لتوزيع الموانع تقى من الأمراض أثناء إرتكاب المعاصى، فهذا ما لم تنشأ من أجله دور العبادة.... |
طيب يا اسامة لو الندوة اقيمت في حوش الجامع او في صالة ملحقة برضو بكون عندك مشكلة؟؟ حقو تقول رأيك في الفكرة نفسها مباشرة بدل حكاية بركة الجات منك يا جامع دي LOL مرات مرات برضو الكيزان بيعملوا حاجات مفيدة و كلام الجميعابي ده مثال على ذلك.
_______________________________________________________________________________ سلامات يا نيستا قالوا لي توزع في الموبايلات ساااكت شمال و يمين..
| |
|
|
|
|
|
|
Re: دعا لتوزيع وتوفير الكوندوم .. الجميعابي : 500 -600 من طلاب وطالبات أي جامعة مصابون بالايدز (Re: السيد المسلمي)
|
إذا كانت الرزيلة واقعة بمنأي عن الرقابة الرسمية فمن باب أولي التقليل من ضررها ..وهنا تستحضرني واقعة تابعت حدوثها في العام2003 وفي الخرطوم حيث تم القبض علي شلة من الشباب في منطقة (هادئة ) حيث داهمتهم شرطة مايسمي بأمن المجتمع وقبض علي بعضهم وفي حوزتهم شئ من البنقو وفي جيب الأخر وجدوا (كوندوم ) وأعتبر الكوندوم نفسه من المضبوطات ودار جدل كبير بيني وبين الأخرين بأن الكوندوم ليست جريمة وخاصة بأن الجلوس كلهم كانوا من جنس واحد ..وعلا الصياح بأن (الكوندوم ) أسوء من (الحشيش ) ولكن يبدو بأن السلطات تفيق إلي رشدها علي الأقل لن تعتقل من يحمل (كوندوما ) معه بعد الأن...
| |
|
|
|
|
|
|
Re: دعا لتوزيع وتوفير الكوندوم .. الجميعابي : 500 -600 من طلاب وطالبات أي جامعة مصابون بالايدز (Re: السيد المسلمي)
|
Quote: الجميعابي قال الكلام المناسب في المكان غير المناسب . |
سلام
في الجامع كان الرسول ص يتلقى الاسئلة في اخص حصائص الحياة الخاصة للصحابة حيث يريدون ان يتعملوا دينهم وقد افرد يوما للنساء حتى لا يستحين من السؤال في الفقه الاسلامي يوجد تفاصيل عن الحياة الخاصة
الجامع محل تجمع يجب مناقشة كل ما يخص المسلمين فيه
وقدسيته ما في المواضيع البتطرح.. حيث حرية التعلم والمعرفة حق من حقوق اي مسلم واجباري عليه كمان
فالتنطلق التوعيةو ارشاد للشباب من الجامع فهذا واحد من ادوار المسجد المغيبة
| |
|
|
|
|
|
|
Re: دعا لتوزيع وتوفير الكوندوم .. الجميعابي : 500 -600 من طلاب وطالبات أي جامعة مصابون بالايدز (Re: مرتضى الكجم)
|
السلام عليكم قبل الدخول فى الموضوع و من خلال بحث فى متناول الجميع يلاحظ الاتى فى مصر يتوفر المنتج فى جميع الصيدليات و باسعار رمزية ان لم نقل مجانية الحال كذلك فى سوريا و الاردن السعودية المنتج متوفر فى الصيدليات كافة لمن اراد , و من دون وصفة طبية و لحساسية المسألة , الصيادلة محايدون تماما لا يقحمون انفسهم و خياراتهم لدى المشترى ومن يشعر بالحرج رغم ذلك يمكنه الحصول عليه بواسطة البنغالة فى اثيوبيا تجد المنتج فى ادراج الدوليب فى الفنادق و فى البارات بل هو مثل الباندول متوفر فى جميع البقالات فى السودان نعم هو متوفر بالصيدليات و باسعار معقولة . االصيدلانية لن تبيعك وربما حرشتك - فى حال كان المشترى رجلا - و الصيدلانى يحدجك بنظرة كانما طلبت منه القوادة
قال الرسول صلى الله عليه و سلم: و الذى نفسى بيده لو لم تذنبوا لذهب الله بكم و لجاء بقوم غيركم يذنبون فيستغفرون الله فيغفر لهم و الزنا من الذنوب التى يمكن ان يقع فيها المسلم هذا الحديث ليس دعوة لمنكر و انما تقرير لحال المجتمعات المسلمة بالدرجة الاولى و كل مجتمع . الملائكة لا يعصون الله ما امرهم و يفعلون ما يؤمرون و نبينا صلى الله عليه و سلم طلب منا الصوم فى حال عجزنا عن الزواج فمن منا اليوم يصوم لهذه الغاية الصحابى الجليل المغيرة بن شعبة ثبت عليه فعل الزنا , لا ينفى هذه الحقيقة تراجع احد الشهود عن اقواله
على موسى أحمد
| |
|
|
|
|
|
|
|