|
|
 تعظـيم سـلام لزيـدان إبراهيـم.. وكنـوز محـبة..
|
ّ
دون مناسبة .. ودون مقدمّات،
ابعث عاطر التحايا والإحترامات للرائع الأستاذ زيدان إبراهيم..
وأشكره إنابة عن جموع غفيرة على سنوات من المحبة والمشاعر المرهفة..
والصوت الحريري الملائكي العجيب حقيقة..
_____
قبل شوية بالنيل الأزرق فاجأني المذيع الواعد شيبة الحمد بأغنية كنوز محبة..
هدية غير متوقّعة.. بس مرّحب بها شديد ومقبولة..
صدح عندليبنا فأمطرت السماء قلوبا صغيرة..
يا ســلام!
لما تشتاق للمشاعر
تملي دنياك بي عبيرا
لما تشتاق لي العواطف
تنسجم تلبس حريرا
أبقي أسأل عن قلوبنا
تلقي فيها كنوز محبة
تلقي فيها بحور حنان
تلقي فيها الشوق يغرد
وتلقي فيها الريدة
فاردة جناحها تشتاق للربيع
يا ربيع يا ربيع
لما تقسو عليك ليالي الوحدة
والليل يبقي ليل
والنجوم تلمع بعيد
تسخر من السهران وحيد
برضو أسأل عن قلوبنا
تلقي فيها كنوز محبة
تلقي فيها بحور حنان
تلقي فيها الشوق يغرد
وتلقي فيها الريدة
فاردة جناحها تشتاق لي الربيع
يا ربيع يا ربيع
إنت ما برضك حبيبنا
والحنان الفي قلوبنا
أصلو نابع من عيونا
والمحبة الفيها لو ما إنت ما كانت محبة
كل أشواقنا ومشاعرنا
وأحساسينا النبيلة
إنت ما أهديتا لينا
ليه تضيع أحلى ما أهديت ياغالي
_______
النيل الأزرق، غفرنا لك ما تقدّم من درّاب وما تأخر..
ألف شكر..
|
|
 
|
|
|
|
|
|
|
 Re: تعظـيم سـلام لزيـدان إبراهيـم.. وكنـوز محـبة.. (Re: walid taha)
|
| Quote: قبل شوية بالنيل الأزرق فاجأني المذيع الواعد شيبة الحمد بأغنية كنوز محبة.. |
تستاهليها يا نجوان
شكراً انك اتقاسمتي معانا الهدية
واسمحي لي اهديها برضو
لهالة اختي لانها من اغانيها المفضلة
ولاسامة ( ابو مهيار ) لانو كان بعزفها ليها
في لمات العصرية بتاعت بيتنا قبل ما الزمن يفرقنا
يا حليلهن
| |
|
|
|
|
|
|
|
|
 Re: تعظـيم سـلام لزيـدان إبراهيـم.. وكنـوز محـبة.. (Re: ضياء الدين ميرغني)
|
كيفك اختنا نجوان الفنانه
كنوز محبه غير انها الاغنية الوحيدة التي لحنها بشير عباس لزيدان
هي ايضا الاغنية الوحيده المغناه للشاعر بشير عبد الماجد وهو للعلم شقيق عبد الباسط عبد الماجد
وزير التعليم السابق وهو من بين شعراء الاغنية الواحده والتي بالفعل لو قالها وسكت لكفته
ومن اشهر شعراء الاغنية الواحدة الهادي العمرابي في اين مي والطيب محمد سعيد العباسي في يا فتاتي
ود. عبد الله سليمان في ليل الفرح وكثيرون لا اذكرهم الان
| |
|
|
|
|
|
|
| |
نجوان
saadeldin abdelrahman
khaleel
Moawia Mohammed
walid taha
الجندرية
سمندلاوى
انعام عبد الحفيظ
مدثر قرجاج
ياسر بيناوي
ضياء الدين ميرغني
فيس بوك
تويتر
انستقرام
يوتيوب
بنتيريست