|
|
|
 Re: قناة النيل الازرق ترد الان برزانة على قناة النيل المصرية (Re: هشام آدم)
|
اول مره اشوفها يا عبد الكريم
ما متابعه التلفزيون شديد
تلقائيه، و تحس بيها فعلا بتسمع ردود
الضيوف، حتي ترد او تتداخل، و بعدين
ما عندها حركه المقاطعه بي مناسبه و من
غير مناسبه ديك
----------
قولو لي انتي في شنو و الحسانية في شنو
النزيد الطين بله، غايتو كورة امبارح دي العجبني فيها الحكم
صرف ليك كروت لنص اللاعبين، عفيت منه
---------
يا جماعه واحد يسجل الحلقه لهشام :)
| |
 
|
|
|
|
|
|
|
|
Re: قناة النيل الازرق ترد الان برزانة على قناة النيل المصرية (Re: Rihab Khalifa)
|
Quote: اول مره اشوفها يا عبد الكريم
ما متابعه التلفزيون شديد
تلقائيه، و تحس بيها فعلا بتسمع ردود
الضيوف، حتي ترد او تتداخل، و بعدين
ما عندها حركه المقاطعه بي مناسبه و من
غير مناسبه ديك
|
بالله يا رحاب تابعوها الزولة دي بعد ده عندها برنامج في النيل الازرق اسمه (البحث عن هدف)
وكمان بتدير استديوهات تحليلة في المباريات زي السلام عليكم..
وكمان بتزرز ناس الكورة ديل بشجاعة وجرئية جدا جدا
وغايتو هي بالتاكيد فخر للمراءة السودانية وجه اعلامي جدير بالتقدير ..
..
الحكم فعلا صرف كروت صفراء واداء الجماعة ديل العين الحمراء من البداية
وده كان المطلوب لفريقين مجارمة زي الجونا امس ديل
يا كافي البلاء ناس جنهم كبع وضرب وسكاكين وغايتو
| |
|
|
|
|
|
|
|
|
|
Re: قناة النيل الازرق ترد الان برزانة على قناة النيل المصرية (Re: صديق الموج)
|
Quote: عبد الكريم شكرا على الاطراء لللاعلاميه المتميزة ميرفت حسين الصادق
وبالمناسبه هى ابنة اخى وابنة اختى
يعنى انا عمها وخالها،،، |
تحياتي يا الموج
وميرفت فعلا مذيعة ومقدمة برامج مميزة ورياضية مطبوعة يعلم الله..
وماشاء الله بتكم رافعة راسنا فووق ونحن كجمهور اصبحنا متابعين لبرنامجها الهادفة..
زمان كانت هنالك ايضا احدي الاخوات اسمها هويدا الماحي
لا ادري اين هي الان ولكنها ايضا وجه نسائي يتكلم في الكورة بطريقة مميزة
وكانت ستكون فلتة مثلها مثل بت اخوك النجضية دي
تحياتي ليها وليك ياخال
هشام ادم تحياتي ياخي وياريت ياخي كنا نقدر نسجل الحلقة دي
فهي مهمة فعلا..وياريت يقوم احد الاخوان بتسجيلها حتي تعم الحقائق
| |
|
|
|
|
|
|
|
|
|
Re: قناة النيل الازرق ترد الان برزانة على قناة النيل المصرية (Re: Mamoun Ahmed)
|
الاخ مامون
التحيه
للاسف لا استطيع مشاهد قناة النيل الازرق
ولكن من واقع تجارب كثيره.. اكتملت لدي قناعه انو الجماعه ديل ما بنفع معاهم غير شغل الجزائريين ده... لما تتكلم معاهم بوعي وعقل... بفتكروك اضينه وطوالي يفكروا يستكردوك ويعتدوا عليك...
دا تاريخ العلاقه بين السودان ومصر... علاقه بتاعت استهبال واستعباط... ليس إلا...!
لكن دواهم اتعرف
هسي بتفرج في قناة الحياه شايفهم بهددوا في الجزائر قالوا انهم حا يوقفوا استثماراتهم فيها ويبوظوا سمعتها ويقولوا انها دوله بتاعت ارهاب الخ...
دي طريقتكم ابتزاز لا متناهي...
| |
|
|
|
|
|
|
|
|
|
Re: قناة النيل الازرق ترد الان برزانة على قناة النيل المصرية (Re: Mamoun Ahmed)
|
مامون
تحايا بحجم البلد
فى البدء شكرا قناة النيل الازرق على تخصيص
هذه الحلقة ردا على بعض الفضائيات التى تناولت
الموضوع بشكل ليس له علاقة بما جرى فى مكان الحدث
ولكن
دعنى فى الاول اقول انه ما كان لنا فى الاساس
ان نتقبل فكرة اقامة المباراة الفاصلة بين
مصر والجزائر فى السودان اصلا ... لانها شكلة ومشكلة
متحركة ... اينما وضعتها فى كذلك ..ما العيب فى ان
نرفضها من الاساس ... ما من دولة كانت ستقبل بتلك الشكلة
المتحركة ...ولاننا دوما ما نحب ان نكون فى لب اى مشكلة
قبلناها لاننا جينيا لا نستطيع ان نعيش ونتعايش الا وسط الاشكالات
والمشاكل ...
رد قناة النيل الازرق ليس بكاف لان عدد مشاهدينها ليس بالتساوى
مع قنوات اخرى ( القاهرة اليوم (عمرو اديب ) نايل اسبورت ( ابراهيم حجازى )
ما يفيد هو ان يتداخل الساده الضيوف مع مقدمى البرامج فى تلك القنوات المذكورة
وكما يقال عندما نتحدث مع انفسنا فذلك هوحوار الطرشان بام اعينه ...
قاسم المهداوى
| |
|
|
|
|
|
|
|
|
|
Re: قناة النيل الازرق ترد الان برزانة على قناة النيل المصرية (Re: Al Sunda)
|
القنصل العام المصرى فى السودان
يتحدث الان فى قناة دريم حديث منصف ومسئول
برغم من تعمد المذيعة لاستدراجه بخباثة
لكى يسير فى خط العبط والاستهبال
اؤيد بشدة كلام الزميل اعلاه الذى انتقد
قبولنا ان تقام هذه المشكلة على ارضنا
من واقع معايشتنا لهؤلاء البشر بهم صفة
تكاد تشملهم جميعا وهى انهم ممكن يبيعوك
ويقلبوا عليك فى ثوانى بالاضافة لتكبرهم
وغرورهم على مافيش لا مدنية ولا حضارة
ولا علم ولا اى حاجة لكن نحن نستاهل
اننا بنتمادى فى تقبل الاهانات من هؤلاء
| |
|
|
|
|
|
|
|
|
|
Re: قناة النيل الازرق ترد الان برزانة على قناة النيل المصرية (Re: عبداللطيف حسن علي)
|
سلام ياشباب
Quote: هسي بتفرج في قناة الحياه شايفهم بهددوا في الجزائر قالوا انهم حا يوقفوا استثماراتهم فيها ويبوظوا سمعتها ويقولوا انها دوله بتاعت ارهاب الخ...
|
في الحتة دي بالذات ذكر لي زميل جزائري ان المستثمر في شركة اتصالات في الجزائر المصري (ساويرس) سيمنى بخسائر فادحة بعد ظهور موجة لتحطيم شرائح الاتصال من قبل عملاء الشركة.
| |
|
|
|
|
|
|
| |
Mamoun Ahmed
عبدالكريم الامين احمد
Rihab Khalifa
هشام آدم
صديق الموج
Asskouri
tariq
عبد الحكيم نصر
قاسم المهداوى
Al Sunda
احمد التجانى احمد
GeerTor Tong
عبداللطيف حسن علي
كمال ادريس
احمد محمد بشير
نجوان
فيس بوك
تويتر
انستقرام
يوتيوب
بنتيريست