حيث حدث تذبذُب مفاجيء و غريب و أصبح التيّار يتردّد ما بين قوي و ضعيف إلى أن إنفجرت كل لمبات المنزل تبِعها جهاز التلفزيون و الرسيفر و انا أُشاهد مذهولاً إنفجاره و تصاعد الدُخان الأبيض الكثيف منه ثم الثلاّجة ، خرجت فوجدت عدد من الجيران مُتجمِّعون ألمّ بهم نفس المُصاب. بالمناسبة العقد البينا و إدارة الكهرباء إسمو عقد إذعان يعني تضرب عِندك أي حاجة تمشي تضرب رسك في الحيط إنتهى
11-18-2009, 06:11 PM
فتحي الصديق فتحي الصديق
تاريخ التسجيل: 06-17-2003
مجموع المشاركات: 6072
Quote: نسأل الله ان نري يوما اسودا كيوم عاد وثمود في كل من تلاعب في حقوق اهلينا الضعاف. الله المستعان
آميييييييييييييييييين و باليدين مرفوعات فوووووووووووووق خاصة الزول العمل عقد الكهرباء عقد إذعان يعني هسي لمباتي و تلفزيوني صاغِراً "مُذعِناً" أوديهم أقرب مكب زِبالة و أنفُض يديني و أجي راجِع أنا غايتو أكلتها و جيت أكتِب و إتفشّى هِنا واللهِ جيراني واقفين جمب الدُكّان وشيهم ينعل قفاهم و آخر نقنقة لكن بكرة بلقاهم قِدّامي في مكب النفايات و كل واحد فينا يجي يفكِّر يجيب حق التلفزيون الجديد مِن وين
11-18-2009, 06:48 PM
علاء الدين يوسف علي محمد علاء الدين يوسف علي محمد
تاريخ التسجيل: 06-28-2007
مجموع المشاركات: 19580
شكراً بنت الحُسيّن غايتو لو سِمِعتي الطِرْشيقة كان إتخلعتي جِنِس خُلعة والحمد لله على كُلِّ حال هسي المُشكِلة نجيب تلفزيون جديد و و تلاجة ولاّ خروف العيد؟ ولو جِبنا خروف العيد إلا نعملو ربيد بعدم التلاّجة
11-18-2009, 08:05 PM
مزمل خيرى مزمل خيرى
تاريخ التسجيل: 03-29-2009
مجموع المشاركات: 5657
Quote: هسع يجوك محمد فرح وعمــر عثمان يقولوا متييين الكلام دا .. واجهزتكم دي تايلاندية ما اصيلة والا الكهرباء مستقرة جداً ..
ما تقول أنا اليومين ديل أصلاً سِمِّي فاير كدي يجوا شان تاني ما يلقوني إلا ورا صطوفي ياخ كمان أخوك خبير كوبي بيست ممكن صطوفي يجي ياخد دكتوراة عِندنا واللهِ إلا يشردوا من المِنبر دة
_____________________
شكراً يا حيدر على النعي الحزين لتلفزيوني و لمباتي و إنشاء الله تلفزيونك و لمباتك ما يشوفن شر
11-18-2009, 09:02 PM
Magdi Ahmed Elsheikh Magdi Ahmed Elsheikh
تاريخ التسجيل: 03-11-2008
مجموع المشاركات: 7720
Quote: أبو الشوش إحساسك الجميل دة نسّاني تلفزيوني و تلاجتي ذاتو
no seriously, you shouldn't deal with such matter by yourself it is not your fault, and we all should help each others here and you should not be so senssitive about it everyone can help with whatever they can afford
sorry, i am using a different laptop with no arabic keyboard
11-18-2009, 09:45 PM
علاء الدين يوسف علي محمد علاء الدين يوسف علي محمد
تاريخ التسجيل: 06-28-2007
مجموع المشاركات: 19580
أبو الشوش يا راجِل يا راقي إنت نسيت إنو عندنا مثل شعبي بيقول ليك الموت مع الجماعة عِرِس؟ واحد جارنا قِبطي قبل فترة بيتو كللللللللللللو إتحرق بسبب مُكيِّف غاز لكن الخطأ كان مِنُّو هسي لقيتو في الشارع قال المروحة زادت سُرعتها بصورة غريبة و قلّت سُرعتها لُتعلِن توقُّف نهائي جرى يلحق الأنوار لأنُّو إتنين ضربو و هو بيعاين ليهم التلفزيون طرشق جاري يأمِّن الكهرباء التلاّجة طرشقت واللهِ دي من خشمو فِنحن مع الجماعة يا حبيب تسلم تسلم تسلم
11-18-2009, 09:56 PM
ASHRAF MUSTAFA ASHRAF MUSTAFA
تاريخ التسجيل: 08-04-2008
مجموع المشاركات: 11543
علاء الدين يوسف علي محمد... الزول القيمة ما تشوف شر إن شاء الله وكفاااااااااااااااااااااااااااااارة ليك يازول وكل المنبر كرامتك والجاتك في مالك سامحتك وقدر أخف من قدر
زعلت بالخبر والله
11-19-2009, 10:00 AM
Osama Siddig Osama Siddig
تاريخ التسجيل: 10-08-2006
مجموع المشاركات: 1079
كفارة أخى علاء الدين , و زى ما بقولوا الجاتك فى مالك ســامحتك.
و لكن و حتى لا يتكرر ذلك أرجو عمل الآتى:
اذهب لناس الهيئة و اطلب منهم باصرار مراجعة توصيلات مخرج المحول الذى يغذى المنطقة المذكورة.
تحدث هذه الظاهرة عند ارتخاء صواميل توصيلات مخرج المحول خاصة ال Neutral مما يتســبب فى ارتفاع الفولت بشــكل كبير و يتســبب فى تلف الأجهزة بالصورة التى ذكرتها.
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
علاء الدين يوسف علي محمد
فتحي الصديق
مبارك محمد
مريم بنت الحسين
مزمل خيرى
HAIDER ALZAIN
Magdi Ahmed Elsheikh
عمر صديق
محمد عبد الماجد الصايم
ASHRAF MUSTAFA
بكري عباس علي
mayada kamal
فيس بوك
تويتر
انستقرام
يوتيوب
بنتيريست