|
|
 معاناتنا مع بتاعين تحويل قروش المغتربين لأهلهم ... حافظ كريمة مثالاً والشكية لي أب يداً قوية
|
في بلد الوطن ما هو القيمة الأولي لسكانه متوقع جداً أن يكون المال هو الغاية التي تكرس لها حتي معاناة الآخرين
وذي ما بقول المثل مصايب قوم عند قوم فوايد
محاصرة السودان إقتصادياً وإختلاف سعر صرف العملة بين الصرافات والسوق دي كانت المصيبة الاستثمروها ناس الصرافات السرية
مش عشان يخدموا المغتربين الذين يكدون عرقهم لإرسال مصاريف إيجار بيوت اهلهم ومصاريف مدارس الشفع والعلاج والسكر الكل يوم متعزز زيادة
في إمريكا في أحلك الظروف والحق يقال كا ن للصوماليين شركات اعانت السودانيين كتير في التحويل لأسرهم لكن وقفت ما عارفة ليه
وقفت الشركات الصومالية الكانت عادلة جداً ومنضبطة جدا في التسليم والمواعيد وجات شركات سودانية منها شركة حافظ كريمة
غير إنهم بياخدو رسوم للتحويل علي عكس كل الشركات العاملة في الخليج والسعودية ورسومهم عالية جدا لكن قلنا نستحمل
بيدوك قروش اقل من سعر السوق بمعني أنهم بيشتروا منك سوق اسود يعني ما تحويل لصرافة رسمية بل قروش ما داخلة لا في علم الدولة ولا ضرايبها ولا بتحاسبهم عليها الدولة وممكن تحول لذبونهم الماش الصين او اوروبا او الخليج بسعر أكبر من سعر السوق لكنهم يسلموك مقابلها مبلغ اقل من السوق
الأدهي وأمر من كل ذلك المماطلة والتي تخلق بين المحول وأهله مشاكل عدة قد تصل من نقاش بسيط بسبب ان المحول قال أو قالت لأهلها أنهم سيستلمون غداً ووعدوا من يطلبهم بأن فلوسه ستدفع له غداً ويذهبوا للشركة بعد أن يتصلوا علي تلفون الشركة مئات المرات بدون رد
وهنالك يقولون لهم إما إسمك ما جانا أو النت معطل أو أو أو أو من أعذار غير مقبولة أبداً في عهد ثورة الإتصال لأنه إتصال لنص دقيقة بالموبايل ويخصم من حساب العميل ممكن يؤكد التحويل
أسرة حدثت لها وفاة فجائية واسرعوا وسلموا مندوب شركة حافظ واخبروهم بالموقف الإنساني الأليم راجين لو كان ممكن يستلموا المبلغ اليوم أو بسبب فرق الزمن اقصي حاجة بكرة صباحاً
من طرق تفنن هؤلاء الذين ظهرت إمبراطورياتهم المالية في لمح البصر أنهم يحددون ساعات عملهم من 12:30 وإلي 4:30 والشركة فاتحة من الصباح
إتصل أهل الوفاة بهم ولكن التلفون لا يرد أبداً فإضطروا لتأجير أجاد من الثورة وحتي محطة البلابل
عندما قابلوا الموظف قال لهم هنالك مشكلة في النت ولم نستلم كشف التحويلات بعد ولكن حنستلموا قبل ما نقفل ونتصل عليكم
معقولة مشكلة في النت؟؟؟؟ طيب ما عندكم مليون فاكس
انقضي اليوم الثاني وما من متصل وبكرة رفع الفراش وحافظ كريمة لن يفتح لأصحاب الأموال قبل 12:30 وفيها يديهم وفيها لا
نقول شنو في بلد ذي دي الفقير فيها ما ليه وجيع والغني يغني علي رؤوس الفقراء
|
|
 
|
|
|
|
|
|
|
|
Re: معاناتنا مع بتاعين تحويل قروش المغتربين لأهلهم ... حافظ كريمة مثالاً والشكية لي أب يداً قوي (Re: صباح حسين طه)
|
صدقيني يا صباح
ريحي نفسك
اشتري راحة أهلك وراحة بالك
حولي عن طريق الصرافات الرسمية الكبيرة وسترون يونيون أو ما يماثلها
حتى لو كان أسعارهم أقل من السوق ، فالفرق دا بيضيع منك ومن أهلك في قيمة مشاوير أمجاد ومكالمات تلفونية وحرق أعصاب
مرات كتيرة القروش لو الزول ما استلمها في لحظة احتياجو الحقيقي ليها بتفقد طعمها ومعناها
الشركات الرسمية الكبيرة دي عندها اسم بتخاف عليهو
وعندها مسؤولين الزول ممكن يشتكي ليهم ويسمعوك ويحلوا مشكلتك لو حصلت
من زمااااان بعيد
وقفنا التعامل مع الجربندية ديل
| |
|
|
|
|
|
|
| |
isam elzein
عاطف عمر
فيس بوك
تويتر
انستقرام
يوتيوب
بنتيريست