|
|
|
 Re: هل يمكن في جمهوريه السودان رفع دعوه قضائيه علي وزاره او وزير ؟؟ (Re: doma)
|
Quote: هل يقف الدستور حائلا امام مقاضاتهم ؟؟
ام لماذا لا يحاسبون ؟؟الرجاء تنويري |
الدستور لايمنع ذلك ....... والقوانين تنظم مثل هذه الدعاوي يعني عندها اجراءات خاصة يمكن واحد من الاخوان المحامين اعضاء
المنبر يزودنا بتفاصيل اكثر ........ وللحكومة واجهزتها محامي يتبع لوزارة العدل .............
هناك كثير من السوابق القضائية في هذا الشأن ، التقصير يقع في كثير من الاحيان على المتضرر الذي يستسلم ويعتقد انه لاسبيل له
لمقاضاة الحكومة ، لذا نشر الوعي القانوني بين المواطنين هو السبيل لحثهم على التمسك بحقوقهم القانونية في مواجهة الحكومة
واجهزتها.
| |
 
|
|
|
|
|
|
|
|
Re: هل يمكن في جمهوريه السودان رفع دعوه قضائيه علي وزاره او وزير ؟؟ (Re: omer osman)
|
| Quote: لذا نشر الوعي القانوني بين المواطنين هو السبيل لحثهم على التمسك بحقوقهم القانونية في مواجهة الحكومة |
طبعاً دي الشماعة الجاهزة، ياخوي المواطنين واعين بي حقهم، إنتو المحتاجين توعو إنو الأمر تكليف وامانة، لمن الواحد يجي يشتكي وتختو ليهو ألف عقبة قدامو، والقضة الباتخد في الدنيا كلها أسبوعين بتاخد عندكم سنتين يبقى منو المحتاج وعي قانوني وإنساني وأخلاقي؟ قضاء بيحتاج خمسة سنة وعشرة سنة عشان يبت في قضية دا أخير عدمو، لأنو ببساطة عنصر الزمن في التقاضي أهما من التقاضي نفسو، الفايدة شنو أرفع لي قضية وأكسبا بعد ما سيد الأمانة يشيل امانتو؟ والأسوأ من دا كلو، إن الحكومة بتنشر في المعلومة دي بكل ما أوتيت من قوة، يعني كان رفعتا نملة من الشارع، حتقول ليك الكلام القلتو ليك فوق دا. يبقى قصة نشر الوعي القانوني بين المواطنين دي ذريعة وهمية ما عندها أساس من الصحة، الموطنين واعين، بس إنتو أصلحوا المؤسسات القانونية وعينكم ما تشوف إلا النور.
| |
|
|
|
|
|
|
|
|
|
Re: هل يمكن في جمهوريه السودان رفع دعوه قضائيه علي وزاره او وزير ؟؟ (Re: doma)
|
نظرياً ... ممكن. عملياً مستحيل. الحكومة بتلعب على وتر الزمن، يعني عاوز تشتكي ممكن مافي مشكلة اتفضل طوالي، لكن لمن الكلام يصل الجد، تبقى في أمشي وتعال، بكرة وبعيدن، شيل وخت، هات وجيب، تلقى خمسة سنة من عمرك راحت. مرة أتذكر عاوز أفتح بلاغ في عسكري، سنة 2005، أخدت شهر من أمشي وتعال، جيب الشهود، خت الورق، الخميس يوم إداري، السبت صفرجت، الأحد دس دس، الإتنين يوم الرواتب، وكيل النيابة مشغول، في النهاية قنعتا، ورفعت الشكوى لي رب العالمين.
| |
|
|
|
|
|
|
|
|
|
Re: هل يمكن في جمهوريه السودان رفع دعوه قضائيه علي وزاره او وزير ؟؟ (Re: doma)
|
| Quote: وهناك فصل تام بين السلطه القضائيه والتنفيذيه والتشريعيه ؟؟؟ |
دومة نهارك سعيد
لا يوجد فصل في الواقع وهذه النصوص الجميلة الموضوعة في ما يسمى الدستور ليس المقصود بها نحن هذه الدساتير تتجمل وتنظر للخارج ولا تنظر للمواطن فهي لم تخلق من اجل المواطن وليس لاجله وضعت
تقدمي ببلاغ ضد احد التنفيذيين وستجدين المتاريس تبدأ من رسوم التقاضي يعني لو ما عندك قروش (ادينا عجاج كرعيك ) ثم تبدأ متاريس الحصانات ومن يقوم برفع الحصانة هو الدولة وهناك تضامن لاعضاء الحكومة مع بعضهم البعض لن يوافقوا على رفع الحصانة عن زميلهم
اذا ترفعي شكواك لرب العالمين فطريقها سالك ومفروش بالقبول وسرعة البت وان تأخر طبعا دا كلام قليل الحيلة اما العندو حيلة فيشوف صاحب نفوذ اعلى من صاحبو و ياخد حقو غمتي
واصحي يا بريش انت في السودان بلد الشريعة (ما شريعة رب العالمين طبعا شريعة مقاسات مختلفة والوان اكثر اختلافا)
فتك بعافية
| |
|
|
|
|
|
|
|
|
|
Re: هل يمكن في جمهوريه السودان رفع دعوه قضائيه علي وزاره او وزير ؟؟ (Re: وليد شريف)
|
دومة سلامات
في بلد زي السودان يُقرأ سؤالكـ ده مقرون بمن هم في موضع الاتهام من المسئولين
إذا كان المسئول اكسبيردز بالنسبة للمؤتمر الوطني , من السهل جدا إعلاء قيمة القانون
ولا كبير علي المحاسبة و القوي الامين و لو سرقت فاطمة و ..الخ
اما إن كان المسئول لسه فيهو رقشة , فـ طـــز كبير في القانون .. المؤتمر الوطني هوا الاعلي و هو القانون.
| |
|
|
|
|
|
|
|
|
|
Re: هل يمكن في جمهوريه السودان رفع دعوه قضائيه علي وزاره او وزير ؟؟ (Re: خدر)
|
العزيزة دومة
لك وللاسرة عميق المودة
أتخيلي بلد القاضي فيها ممكن يرتشي
الحكومة ممكن تقتل زول وتلبس القضية لخصم سياسي ماعندو اي علاقة بالمكتول
الحكومة ممكن تجيب الحكم للقاضي جاهز وعليه يتلوا الحكم ويوقع عليه
اتخيلي زول يتقتل والقاتل الحكومة
وبرضوا ممكن يكون في امل في دولة قانون
وتسلمي من كل بلاء
بس رب العالمين بعاين وهو شايف الظلم الحاصل لعبادوا
نسأله الرحمة
_________
عماد قبل كده ما قايل بلد بايظة
| |
|
|
|
|
|
|
|
|
|
Re: هل يمكن في جمهوريه السودان رفع دعوه قضائيه علي وزاره او وزير ؟؟ (Re: ودقاسم)
|
Quote: مش القضاء مستقل ؟؟؟
وهناك فصل تام بين السلطه القضائيه والتنفيذيه والتشريعيه ؟؟؟ |
التومة دومـة،
داية تتمردى واللا شنو؟
المحامين قايدين الفسـاد فى السـودان (معذرة من الأخوة فلم أقل كل المحامين)
صديق قال أن محاميا أتفق مع قريبه فباعا سيارته بدون توكيل ولا تسجيل ولا نمر وبدون رقم مسلسل ولا أى شئ.
طبعا المحامى عرف أنو الزول قريب الزول وما ممكن يشتكيه، وقرط على كدا.
| |
|
|
|
|
|
|
|
|
|
Re: هل يمكن في جمهوريه السودان رفع دعوه قضائيه علي وزاره او وزير ؟؟ (Re: Abureesh)
|
Quote:
وهناك فصل تام بين السلطه القضائيه والتنفيذيه والتشريعيه ؟؟؟ |
دوما صباح الخير ..
الفصل بين السلطات بيكون كالآتى : المؤتمر الوطنى فرع السلطة القضائية : المؤتمر الوطنى فرع السلطة التنفيذية : المؤتمر الوطنى فرع السلطة التشريعية .
ممكن جدا ترفعى قضية على ياسر عرمان وبكرة يرفعوا ليكى عنه الحصانة ويطلبوا محاكمته .. غير كدة مافى ..
الصحفية لبنى تعرضت للظلم دا عينك عينك وحاولت ترفع قضايا على ناس متنفذين لكن تم تهديدها بالقتل .. اها لو دايرة ترفعى قضية على وزير خليكى بعيد وارفعيها بالتلفون ..
| |
|
|
|
|
|
|
| |
doma
omer osman
ود شاموق
ودقاسم
محمد الأمين موسى
محمد إبراهيم علي
محمد النيل
خدر
Amin Mahmoud Zorba
Abureesh
عابدون محمد عابدون
فيس بوك
تويتر
انستقرام
يوتيوب
بنتيريست