حفرة دخان ... ( يوجد طلح وفركة قرمصيص ) !!!

Quote: عرفة بت الطاهر لو تعلمون .. كانت مـرَة مشهورة بالجيهة للدرجة الجابت ليها النجيهة والحسادة من باقي نسوان حلة ورا ! النسوة اللائي ينطبق عليهن لفظ البشتنة والجوباك ! لم تمنعني حداثة سِنِّي من إبداء إعجابي الشديد بها , وهي تقطع المسافة من بيتهم الواقع علي بعدِ جدعة حجر من رامي لا يجيد التصويب، إلي دكان الجّزُر بتاع عمك فضل المولي ! كل عشرة خطوات كانت بمشية مختلفة ، وهي تقدِل زي وزينة تريانة( وتريانة) لمن لم يسمعوا بها تعني سمينة أوشبعانة والله تعلم ! أو تتصنّع الخِفّة تارةً أخري و تترك مؤخرتها التي كانت تدرك قوة مغنطيسا تفعل ما تفعل بقدامي الصعاليك المساخيت الذين يلاحقونها وهم يرددون شل أجِب موبيل توتال شل أجِب موبيل توتال

Quote: هل ثمن أن تكون أديب هو التحلي عن الحياء !!؟

Quote: وعلى اى اساس انت حكمت على كده؟؟؟ هل لما بها من مدلولات وإيحاءات جنسية؟ ما يهوداك المرحوم الطيب صالح كتب اكتر من كده

Quote: أما ود الرضي خليناهُ علي اللانام ولا أكل الطعام وهو يقول طابق البوخة قام ندا يهتِّف نام من الدوخة إيدوا عاقباهُ جدلة مملوخة في معالق الجوف موسو مجلوخة ! أما صديقتي ( قادر الله) إنتي يا الكبرتوك والبنات فاتوك الله يصبرك يختي وخليك من راي ماما دومة وتنظيراتا التقدمية في النسوان أمات حفرة دخان وقولي ليها الكديسة لمن ما تقدر تحصل اللبن في المشلعيب بتقول بِس عفِن !!!

(عدل بواسطة السيد المسلمي on 11-13-2009, 09:32 PM)

Quote: فأنالا أذكر أحداً سلم علي عرفة ما شمّ إيدوا بعد المصافحة مباشرةً !

Quote: انا ما عارف الناس ديل عندهم اخوات؟؟ واذا عندهم اخوات ممكن يخلوهم يقروا بوستاتم

Quote: لو زي كلام ود نورة ,, كتبوها شيوخ دين بكون رايك شنو ,,,,,

Quote: الاخ حذيفة بى كلامك ده انت بتسيئ لكل الاخوات الاعضاء الموجودين فى سودانيز اون لاين لسه انتو فى قصة انو الراجل يقراء والمرة لا؟؟؟؟؟؟؟؟؟ قمة الجندر والتخلف

Quote: والمبر العام هو متاح للجميع فمن الواجب ان لا نخرج عن اللياقة والذوق العام