|
Re: ياخوانا نويت الحج أعفوا لي (Re: عزام حسن فرح)
|
Quote: عافي ليك لله والرسول ... حج مبرور وذنب مغفور ... تمش وتجي بِالسلامة ... ما تنسانا مِن صالِح الدعوات الله يرضى عليك |
رجل البر والاحسان عزام فرح الله يفرح قلبك كان فرحت قلبي
لبيك اللهم لبيك لبيك لا شريك لك لبيك ان الحمد والنعمة لك والملك لاشريك لك _________________ اللهم كما طهرت بيتك الطائفين والعاكفين والركع السجود طهر لساني وجناني
| |
|
|
|
|
|
|
Re: ياخوانا نويت الحج أعفوا لي (Re: Kostawi)
|
لبيك اللهم لبيك لبيك لا شريك لك لبيك ان الحمد والنعمة لك والملك لا شريك لك.
صلاح دهب شكرا جزاك الله خيرا اخي
كوستاوي انت تعلم اني احبك ياخي بدون سبب كرمبا كدا بس دحين ما كفاية ياخ حرية والذي منه ، تعال معانا الحج اشهد ليك منافع وانا اشهد ليك وانت تشهد لي صدقني انت من النوع القلبه عامر بالايمان مشكلتك بيئة وصحبة وتبديل اجندة اولويات وبعدين اسمعني في ناس عندك هناك انا محتاج شدييد لعفوهم ومسامحتهم ( ليس للنشر ) شكرا مقدما يا ود هجام انت زول نضيف وبتفهم مشاعر الناس المتأسفين وندمانين وسجمانين وما عارفين يعملوا شنو الوصية في الذمة بس اتصرف كويس وحج _______________ لبيك اللهم لبيك
| |
|
|
|
|
|
|
Re: ياخوانا نويت الحج أعفوا لي (Re: محمد عبدالقادر سبيل)
|
الأخ سبيل
تقبل الله منك زحجاً مبروراً وسعياً مشكوراً وتجارة لن تبورا
بإذن الله تعالي سأتوجه للأراضي المقدسة الإسبوع القادم وهذه فرصة للقياك إن شاء الله
سأنزل في المدينة النورة يوم الأربعاء لحوالي 5 أيام ويمكنك الإتصال علي في فندق رياض الزهراء
مع بعثة بريطانيا
أخوك
محمد الأمين
| |
|
|
|
|
|
|
Re: ياخوانا نويت الحج أعفوا لي (Re: Muhammad Elamin)
|
الأخ محمد،
إن شــاء الله قشــة ما تعتر ليك..
من الدوحة وحتى القبة الخضـراء. (دى دعوة فرح ود تكتوك ما تستهين بيها)
سالم ومرضى عنك من الله إن شاء الله..
العفو لله تعالى.
الدعوة دى ما مشروطـة، لكن لو نسيت تذكر اسمى عند قبر النبى تكون الفيك إتعرفت.
| |
|
|
|
|
|
|
Re: ياخوانا نويت الحج أعفوا لي (Re: Abureesh)
|
اخي الكريم العظيم محمد عثمان ابو الريش شاكر لله على دعائك الطيب ولشدما تمنين ان نحج معا وادع لي بأن اتذكر فادع لك
واخي محمد الامين
Quote: بإذن الله تعالي سأتوجه للأراضي المقدسة الإسبوع القادم وهذه فرصة للقياك إن شاء الله سأنزل في المدينة النورة يوم الأربعاء لحوالي 5 أيام ويمكنك الإتصال علي في فندق رياض الزهراء مع بعثة بريطانيا |
ياخي انا سعيد بهذا الخبر وان شاء الله تعالى ساحاول زيارتك في فندق رياض الزهراء جوار مسجد المصطفى (ص) لننعم بلحيظات تأمل في رحاب مشى فيها رسول الله (ص) معطرا الممرات متبسما بين اصحابه الكرام زائرا او عائدا غاديا او رائحا ذكرني هنالك ما وصفه به احد اصحجابه وهو يرصد كيف كان الحبيب يجوب تلك الارجاء وهو مهتم بامر الانسانية جميعا كيف تخرج من الظلمات الى النور من الظلم الى الحق من الغم الى الحبور ومن الشرك والكفر الى التوحيد والايمان قال الصحابي ابو هالة يصف المصطفى ًص:
" كان رسول الله متواصل الأحزان، دائم الفكرة، ليست له راحة، لا يتكلم فى غير حاجة، طويل السكوت، يتكلم بجوامع الكلم، يعظم النعمة وان دقت، لا يذم منها شيئآ ولا يمدحه اذا أشار أشار بكفه كلها ،واذا تعجب قلبها، واذا غضب أعرض وأشاح، واذا فرح غض طرفه، جل ضحكه التبسم. ذكرني اذا جلسنا في فناء داره بين القباب الخضر ومنارات الحق البيضاء ان نتخيل كيف كانت صورته الشريفة الموصوفة في حديث ابي هالة هذا . متواصل الأحزان، دائم الفكرة، ليست له راحة، لا يتكلم فى غير حاجة، طويل السكوت، يتكلم بجوامع الكلم ، يعظم النعمة وان دقت، لا يذم منها شيئآ ولا يمدحه اذا أشار أشار بكفه كلها ، واذا تعجب قلبها، واذا غضب أعرض وأشاح، واذا فرح غض طرفه، جل ضحكه التبسم.
ما اجملك سيدي ما اجمل صفاتك وكمالاتك وحسن طباعك وانسانيتك المعجزة حتى انك اذا غضبت تشيح بوجهك حتى لا ترى غضبان فتؤذي من يراك وتؤلمه واذا فرحت غضضت طرفك تواضعا وحياءا؟؟ كل هذا يارسول الله (ص) يا حادي الركب عجل وعزي اصطبارنا بمدح شمائله حتى نصله اليه ونسلم عليه السلام عليك يا رسول الله
مدحة: أجول بسيف شعري في السحاب وأسكبُ مزنة الطرف المذاب على عتبات من أودي بجاشي وأجهش إذ يبادرُ بالعتاب أبا الزهراء ما بيدي خيل مسومة ولا رطب جرابي أجيئك وافراً بجراح نفس وأوسع أصبعي ندما بناب أجيئ تضئ جرحى لؤلؤات قوافيهن من ذخر العباب وشأوك ليس تدركه شرود معلاة المعارج والقباب لأشكو حالهم وعصيَّ حالي فتنكر حالتي سؤل الجواب! لنا في القدس نار لو أقيلت لنقدحها بأكباد غضاب ولكن لا صلاح الدين باد ولا كعب ستسلم من كلاب نريق دماءنا والخون فينا وما لدمائنا غير الذئاب أبا النورين ما في القلب نور ومعتصم بحبل في الكتاب ظلامات ظلامات وأنى تلفت ثمَّ مظلوم بباب وهذا القلب يدني لي هلاكاً ومابيني ويومي غير قاب ومابيني وبين من استقاموا سوى نظرات عتبى واغتراب ولكن حسبه كتمان حب يعذبه فيدرأ لي عذابي بحبك سيدي سأرد عمراً أضاعته مطيات الشباب فكل الناس قبلك يا حبيبي يتامى يتم اعشاب الروابي فجئت تسائل الأزمان عنهم وتزجي الغيم في تلك الرحاب فزدت مكارم الأخلاق وحياً فساويت الصحابة بالسحاب ولو شمساً يمينك ما تبالي ولو بدراً شمالك ما تحابي فيا بشرى لمكة ذات برق سما تلقاء شعب بني طلاب ويا بشرى لأقطار السماء وللثقلين والأرض اليباب ويا لله كيف فلحت صخراً تجاهده على فصل الخطاب فسبح ثم قبح كل نُكرٍ ورتل ان «على خلق» عجاب! ولو فظ فؤادك ما استضاءوا ولا نفضوا فُضاضات الشهاب دعوت العالمين لخير يوم إذ الرحمن مكشوف الحجاب فليت المسلمين وقد أضاعوا أراقوا الدمع من خوف التباب ولكن ويحهم والله راحوا يسومون المثاني بالتراب فباتوا مضرب الأمثال بؤساً ومرتع كل ضرب بالرقاب نبيَّ الله مافي القلب سمح ومعتصم بحبل في الكتاب أجيئك زائغ النظرات أكبو ووِرِدك لا يغيضهُ شرابي لأنت مثابة القاصين مثلي وشيمتك الشفاعة في المآب صلاة الله مرسلة سلاماً عليك وآل بيتك والصحابِ
_________________ رب اوزعني ان اشكر نعمتك
| |
|
|
|
|
|
|
Re: ياخوانا نويت الحج أعفوا لي (Re: Muhammad Elamin)
|
غيتو لو زول عادي ماظنيت تحتاج مني مسامحة لانك ماغلطت في حقي .. لكن لو كنت كوزانقاذي ...الا تتوب وتوعد ربك تاني ماترجع ليهم .. بعداك ربنا بغفر ليك إن شاء الله ...واهم حاجة وكت ترجع تاني ماترجع ليهم ..دي شروط التوبة والتسامح ...
ربنا يقبل حجك ويتوب علينا وعليك ...
تجي وتمشي بالسلامة
| |
|
|
|
|
|
|
Re: ياخوانا نويت الحج أعفوا لي (Re: فايزودالقاضي)
|
اخي الفاضل محمد سبيل اولا العفو و العافيه وحجا مبرورا وذنبا مغفور.
واعذرني لم احضر للبوست بتاعك فقط للمشغوليات ولكن ليس لتناقضه مه بوست لؤي وانا لم ارى بوست لؤي هذا....
وامسك في كلام اخوك فائز ود القاضي يعلم الله اداك نصيحه غاليه....وتذكر الدتيدن لا يعني الانقاذ ولا الدفاع عنها.
Quote: غيتو لو زول عادي ماظنيت تحتاج مني مسامحة لانك ماغلطت في حقي .. لكن لو كنت كوزانقاذي ...الا تتوب وتوعد ربك تاني ماترجع ليهم .. بعداك ربنا بغفر ليك إن شاء الله ...واهم حاجة وكت ترجع تاني ماترجع ليهم ..دي شروط التوبة والتسامح ... |
اخي الفاضل وانت بين يدي الله تذكرنا بالخير وتذكر باننا نحبك في الانسانيه وندعو الله ان تعود لاهلك ورهطك سالما غانما بمغفرة الله.
وادعو لينا وتذكر ابن اختك تراجي(حازم) وادعو الله له ان يكرمه بالشفاء. وادعوا لشعبك ان ينصر الله ابنائه المخلصين له والمنحازين لبسطائه ومحتاجيه..من سيقيمون العدل لو مكن لهم. ويبعد عنه المفسدين و الظلمه.
| |
|
|
|
|
|
|
Re: ياخوانا نويت الحج أعفوا لي (Re: مزمل خيرى)
|
Quote: أنا زي دومة, حبيبتي المابياني. |
لوووووووول وانا لاقياك وين يا خرده لما اباكا
لكين غايتو شيخ سبيل دا الا يجيب قزازه مويه زمزم وسبحه بي ميضنه متل حقه حبوبتي بت الفكي وسجاده خدراء حتي بعد داك افكر في موضوع العفو عنه
اتمني لك يا شيخ سبيل حجا مقبولا وسعيا مشكورا وعودا حميدا لاهلك
| |
|
|
|
|
|
|
Re: ياخوانا نويت الحج أعفوا لي (Re: doma)
|
حج وعمرة مقبولين بإذن الله.. ربنا يغفر ذنوبك وذنوبنا ويوعدنا بحجة لبيته العظيم ورسوله الكريم..
ثلاة وصيات..
زح من الجماعة الغلاض ديلك ما يعفصوك..
أدعي لي ولأمي وإبنتي وأسرتها.. ادعي للسودان ربنا يزيل بلاه ويبعد الشياطين من دربه..
العفو منك وليك..وربنا يرجعك بالسلامة..
| |
|
|
|
|
|
|
Re: ياخوانا نويت الحج أعفوا لي (Re: Muna Khugali)
|
حجا مبرورا وسعيا مشكورا يا سبيل وتمشي وتجي بالف صحة وسلامة.. وارفع الاكف وانت في حضرة ذلك المكان المهيب وتلك الشعيرة المقدسة ان يحفظ الله فقراء وطننا الحبيب ويقيهم شرور الظالمين من سلاطينه وان يقيه شرور هذه الدنيا الفانية..
وكل التحايا والتقدير وتعود بالف سلامة يا سبيل
| |
|
|
|
|
|
|
Re: ياخوانا نويت الحج أعفوا لي (Re: garjah)
|
العفو والعافية وربنا يتقبل منك -إنشاءالله- نتمني لك السلامة والتوفيق
وعلى كل حال نتلاقى في جدة لاني ساكون هناك في نفس الفترة اتصل بي على 0567029394
صلاح غريبة
| |
|
|
|
|
|
|
Re: ياخوانا نويت الحج أعفوا لي (Re: garjah)
|
الأستاذ والأخ محمد عبد القادر سبيل،
يا سلام على الأخبار الحلوة .. تسافر وترجع لينا بالسلامة ..
فقط لى طلب واحد أثناء وجودكفى مكة .. وأثناء الطواف .. تسأل سبحانه وتعالى .. أن يريك الطريق الصحيح ..!!
هل تعدنى بذلك يا أخى محمد ..
وأعتقد .. انه سؤال يجوز لأى أنسان أن يسأله .. قل : " يا رب إرشدنى الى الطريق الصحيح "
يا رب ..
الله معاك يا أخى محمد .. والرب يكون معاك ويرجعك بالسلامة .. يارب ..
أخوك المحب دائماً .. ارنست
| |
|
|
|
|
|
|
Re: ياخوانا نويت الحج أعفوا لي (Re: مهيرة)
|
يسرك الله أمرك أخي سبيل ، و سهل حجتك ، و بلغك مقصودك
و ما غلطت علينا في شيئ نعفيهو ليك
____________________
** يقال :العفو لله وحده
و لا يقال : العفو لله و الرسول فالأعمال يجب أن تكون خالصة لله تعالى
** الدعاء بمسجد النبي صلى الله عليه و سلم مظنة قوية للإجابة و ليس عند قبه تحديدا
و كثير من العامة يدعون الرسول صلى الله عليه و سلم و ينزلون به حاجاتهم و الصحيح دعاء الله وحده و إنزال الحاجات به فهو وحده من يجيب المضطر إذا دعاه
** سمعت من واحد مثقف سوداني و مسؤول كبير قال إنو لمامشى الحج أوصته زميلته ( هند ) بأن يقف عند قبر الرسول عليه السلام و يقول له : ( يارسول الله .. هند بتقول ليك : هند ما بيفسر .. و إنت ما بتقصر ) !! أي أنه يعلم حاجتها و يقضيها لها !!
| |
|
|
|
|
|
|
Re: ياخوانا نويت الحج أعفوا لي (Re: Muna Khugali)
|
يا سيبل انا معافي ليك لله و الرسول برغم انك ما عملت لي أي حاجة كعبة غير حزب الفونج القومي داك ..
لكن قبال العفو عندي شروط: أمي وأبوي السنة دي في الحج و هم ناس كبار ما بقدروا علي دفسيبة الحج دي ,,, شفت من هسي الحجاج ديل في طرفك و كدي يجونا ناقصين او بانفونزا الحصين الجات جديدة دي والله تشوف عروض...
شوف يا سبيل بنكرر تاني العفو لكن الشرط الفوق تاني ما تنساهو
حجاً مبروراً و سعياً مشكوراً يا سبيل و العفو لوجه الله تعالي
| |
|
|
|
|
|
|
Re: ياخوانا نويت الحج أعفوا لي (Re: عبد الرحمن الطقي)
|
Quote: يقال :العفو لله وحده
و لا يقال : العفو لله و الرسول فالأعمال يجب أن تكون خالصة لله تعالى
** الدعاء بمسجد النبي صلى الله عليه و سلم مظنة قوية للإجابة و ليس عند قبه تحديدا
و كثير من العامة يدعون الرسول صلى الله عليه و سلم و ينزلون به حاجاتهم و الصحيح دعاء الله وحده و إنزال الحاجات به فهو وحده من يجيب المضطر إذا دعاه
** سمعت من واحد مثقف سوداني و مسؤول كبير قال إنو لمامشى الحج أوصته زميلته ( هند ) بأن يقف عند قبر الرسول عليه السلام و يقول له : ( يارسول الله .. هند بتقول ليك : هند ما بيفسر .. و إنت ما بتقصر ) !! أي أنه يعلم حاجتها و يقضيها لها !! |
أها ... شفتا ؟ تعمل ريس ، وتنصب نفسك مندوب للسماء ، يجيك اليوريك نجوم القايلة . بكرة اخونا الطقي يجيهو واحد يقول ليهو ما تقول العفو لله ، قول العفو بس. ممكن أخونا سبيل والطقي تورونا حنطلع القمر كيف ومتين ؟
| |
|
|
|
|
|
|
Re: ياخوانا نويت الحج أعفوا لي (Re: النذير حجازي)
|
. .
الأخ الكريم محمد عبد القادر سبيل
أسأل الله تعالى أن يتقبل طاعاتك .
دعواتي لك بحج مبرور وسعي مشكور وذنب مغفور إن شاء الله .
حفظك الله وصرف عنك كل سوء بجاه الحبيب المصطفى صلى الله عليه وآله وسلم وماتنسانا من دعواتك.
. .
| |
|
|
|
|
|
|
Re: ياخوانا نويت الحج أعفوا لي (Re: مهيرة)
|
احبتي الكرام قرجة غريبة ( اشوفك في منى انا مع بعثة قطر ) محمد المرتضى شبكة الفاتح ميرغني باشمهندس كمال فرانكلي د. مهيرة عاجز جدا عن شكركم بما يكافئ مودتكم وخيركم السابق وسادعوا لكم جمعيعا ان شاء الله ( الله يذكرني )
واما مستر ارنست السوداني العجوز
ان شاء الله سأدعو لك بالهداية الى الصرط المستقيم الذي تحبه ووفاء لما تطلبته مني سأدعو لنفسي بهذا الدعاء المأثور عن خليفة رسول الله عمر الفاروق رضي الله عنه ولعله يفي بغرضك اذ يقول ما معناه: اللهم ارني الحق حقا وارزقني اتباعه وارني الباطل باطلا وارزقني اجتنابه. ادعو انت ايضا معي بهذه الدعاء فهو اوفى لأنه يطلب رزق اتباع الحق بعد الهداية اليه وشكرا على اعتقادك بان بيت الله الحرام مظنة استجابة ______________ لبيك اللهم لبيك ، لبيك لا شريك لك لبيك ، ان الحمد والنعمة لك والملك لا شريك لك
| |
|
|
|
|
|
|
Re: ياخوانا نويت الحج أعفوا لي (Re: عبدالكريم الامين احمد)
|
مزمل دوما عبد الكريم الامين عاجز عن شكركم وقادر على محبتكم والدعاء لكم
الاخت منى خوجلي كلامك اثلج صدري ووصياك اوامر جزاكم الله عني كل خير اخوتي واخواتي ولا تنسوا جميعا ان الحج ركن فرض عين لكل مستطيع وخير البر عاجله ومن مات ولم يحج وهو قادر قال عنه رسول الله كلاما صعبا فعجلوا لقاء ربكم احياء قل ان تلاقوه امواتا قولوا معي لبيك اللهم لبيك لبيك لا شريك لك لبيك ان الحمد والنعمة لك والملك لا شريك لك ______________ الحمد لله على نعمة الايمان والعمل الصالح ونعمة الاخوان الصالحين
| |
|
|
|
|
|
|
Re: ياخوانا نويت الحج أعفوا لي (Re: Tragie Mustafa)
|
لبيك اللهم لبيك لبيك لا شريك لك لبيك ان الحمد والنعمة لك والملك لا شريك لك
شكرا اخي وصديقي الحبيب كمال عباس تراجي مصطفى ابشري وأملي يا اختي والله يعافي حازم بس انت ساعدينا شوية بكثرة الاستغفار خاصة من ذنب ( الدولة العلمانية المكنكشة فيها دي) بالمناسبة شفت دعواتك من خلال تجربة الفيديو فاطرقت مليا وما دريت ما اقول سوى: الله
اخي فايز القاضي قلت
Quote: غيتو لو زول عادي ماظنيت تحتاج مني مسامحة لانك ماغلطت في حقي .. لكن لو كنت كوزانقاذي ...الا تتوب وتوعد ربك تاني ماترجع ليهم .. بعداك ربنا بغفر ليك إن شاء الله ...واهم حاجة وكت ترجع تاني ماترجع ليهم ..دي شروط التوبة والتسامح ...
|
لا لا ياخ انا زول عااااادي تاكل عشاي وتقش ايدك في طرفي لا عندي حزب ولا شي لكن كان الله رفع القدم حا اصوت للبشير عشان مافي خيارات ما بتسامحني في دي كمان ؟ لك العتبى حتى ترضى ___________________
| |
|
|
|
|
|
|
Re: ياخوانا نويت الحج أعفوا لي (Re: محمد عبدالقادر سبيل)
|
الاستاذ سبيل ... عافية ليك حقي من قبل طلبك و الله يتقبل صالح الاعمال و يعفو عن تقصيرنا جميعا و تصل بيت الله و تزور الحبيب طيب ..
Quote: بس بطيبة قلوب السودانيين البيسامحو حتى الديكتاتور |
انا ما باعفي للديكاتور ما حييت و توكلت عليه بالجبار المقتدر الحي الذي لا يموت
| |
|
|
|
|
|
|
Re: ياخوانا نويت الحج أعفوا لي (Re: عزاز شامي)
|
Quote: الاستاذ سبيل ... عافية ليك حقي من قبل طلبك و الله يتقبل صالح الاعمال و يعفو عن تقصيرنا جميعا و تصل بيت الله و تزور الحبيب طيب ..
|
العزيزة عزاز شامي
شايفك شايلة مني شديد، عليك الله أعفي لي أنا برضو والله ناوي أحج السنة دي
| |
|
|
|
|
|
|
Re: ياخوانا نويت الحج أعفوا لي (Re: nadus2000)
|
النذير حجازي حافظ حسن ود شاموق ( تعفي لحجازي وانا توعظني دا تمييز وجداني ؟ ) ازهري 2 ابو الحسين ندوس عفاف الصادق عزاز شامي ( محتاج لفتوى بخصوصك من شيخ الطقي : هل يجوز ان تدعو عند الكعبة لصالح مسلم بما لا يريد منك ان تدعو له به؟) عموما لم اشك قط انك تسامحينني وتسامحين عشرة من امثالي
لبيك اللهم لبيك لبيك لا شريك لك لبيك ان الحمد والنعمة لك والملك لا شريك لك
اخوتي ما حكم المسلم القادر على الحج ولم يحج: ج:
Quote: أوجب الله تعالى الحج على الناس جميعًا فقال: (وَللهِ عَلَى النَّاسِ حِجُّ الْبَيْتِ مَنِ اسْتَطَاعَ إِلَيْهِ سَبِيلاً وَمَنْ كَفَرَ فَإِنَّ اللهَ غَنِيٌّ عَنِ الْعَالَمِينَ) [آل عمران: 97]. ولهذا قال بعض أهل العلم: إن تارك الحج -وهو قادر مستطيع- كافر، لقوله تعالى: (وَمَنْ كَفَرَ فَإِنَّ اللهَ غَنِيٌّ عَنِ الْعَالَمِينَ). وقد روى سعيد بن منصور في سننه بسند صحيح -كما يقول السيوطي في الدر المنثور- عن عمر بن الخطاب - رضي الله عنه - أنه قال: "لقد هممتُ أن أبعث رجالاً إلى هذه الأمصار، فينظروا كل من كان له جِدة ولم يحج، فليضربوا عليهم الجزية، ما هم بمسلمين.. ما هم بمسلمين". قال ابن حجر ومحمله على من استحل الترك. ولا شك أن من اعتقد أن الحج ليس بواجب فهو كافر، حتى ولو حج ولبى، وكذلك من ترك الحج استهانة به، وتقليلاً من شأنه، فهو كافر؛ لأنه لا يعظم حرمات الله تعالى، ولا يعتقد إيجابه، وإلزامه أيضًا. أما من كان ينوي الحج، ولكنه يؤخر، ويسوِّف، ويقول: أحج العام، أحج بعد العام، حتى جاءه الأجل، وهو لم يحج، فليس داخلاً في هذا، وإن كان الحزم أن يعجل الإنسان بالحج [انظر: المغني لابن قدامة 3/100]؛ لقول النبي - صلى الله عليه وسلم-: "من أراد الحج فليتعجل، فإنه قد يمرض المريض، وتضل الراحلة، وتعرض الحاجة" أخرجه أحمد (3169) |
اللهم يسر لنا سبل الرشاد والصلاح ________________ لبيك اللهم لبيك
| |
|
|
|
|
|
|
Re: ياخوانا نويت الحج أعفوا لي (Re: Amany Elamin)
|
Quote: أها ... شفتا ؟ تعمل ريس ، وتنصب نفسك مندوب للسماء ، يجيك اليوريك نجوم القايلة . بكرة اخونا الطقي يجيهو واحد يقول ليهو ما تقول العفو لله ، قول العفو بس. ممكن أخونا سبيل والطقي تورونا حنطلع القمر كيف ومتين ؟ |
الزميل ود شاموق
الأمر جد ، و كل إنسان يقدم ما عنده ، و أنت لو عندك لينا سبيل يطلعنا القمر سويهو
يا سادة ، المسامحة عمل صالح يبتغي به المسامح وجه الله و ثوابه ، فهو الذي يقبل الصالحات و يثيب عليها ، و ليس غيره من خلقه ، فما معنى أن يضاف إليها ( و الرسول ) ؟! فهل الرسول صلوات الله و سلامه عليه شريك لله في قبول الأعمال الصالحة و الإثابة عليها ؟
هي أخطاء شائعة .. ترد في كلام الناس حتى المثقفين كما رأيت هنا فجاءت المناسبة لإبداء الرأي الشرعي عنها بصورة لطيفة و غير مباشرة ، فواجب المسلم العمل بالنصح و شكر من أهداه له لا ذمه .
| |
|
|
|
|
|
|
Re: ياخوانا نويت الحج أعفوا لي (Re: عمر سعد)
|
كتب عبد الرحمن الطقي:
Quote: الزميل ود شاموق
الأمر جد ، و كل إنسان يقدم ما عنده ، و أنت لو عندك لينا سبيل يطلعنا القمر سويهو
يا سادة ، المسامحة عمل صالح يبتغي به المسامح وجه الله و ثوابه ، فهو الذي يقبل الصالحات و يثيب عليها ، و ليس غيره من خلقه ، فما معنى أن يضاف إليها ( و الرسول ) ؟! فهل الرسول صلوات الله و سلامه عليه شريك لله في قبول الأعمال الصالحة و الإثابة عليها ؟
|
يا الطقي إيش معني تخاطب سبيل بالأخ وود شاموق بالزميل؟! وتوعظ بالمسامحة فى نفس الوقت؟! وبعدين الحديث الشريف بقول:" وخيرهما الذي يبدأ بالسلام" وإنت جيت شايت ضفاري لا إحم ولادستور، وعامل فيها واعظ، أها دي زاتا عدم مجادلة أنصار السنة بالحسنى اللي قاصدها ليك
| |
|
|
|
|
|
|
Re: ياخوانا نويت الحج أعفوا لي (Re: Elawad)
|
حجا مبروك وذنبا مغفور وسعيا مشكور
اللهم اعفى عنا وعنه , عافي عنك لله والرسول (المابفهم للرسول دي يعني كرامة لرسول الله نعفو)
اتمنى ان لا تنسى في زيارتك لمدينة الحبيب المصطفى صلى الله عليه واله وسلم ان تسال عن قبر السيدة فاطمة الزهراء عليها السلام ,,, لان هنالك الحقيقة المغيبة التى تغنى عن كل كتاب ,,,
قلدت الدعاء والزيارة لسيدي ابوالبتول المصطفى ,, ولائمتى الحسن بن على , وعلى بن الحسين , ومحمد بن على , وجعفر بن محمد الصادق عليهم السلام ,, وهؤلاء قبرهم عند بوابة البقيع وكذلك السيدة الفضلى ام البنين , وهذه قبرها على شمالك وانت داخل من البوابة , وجوارها عمتى رسول الله صلى الله عليه واله وسلم , ولا تنسى فاطمة بنت اسد والدة الامام على عليه السلام وحاضنة الرسول الاعظم صلى الله عليه واله وسلم ,,, اما السيد فاطمة الزهراء عليه السلام (اذا وجدت من يدلك على قبرها ولا اظن ان تجده) فيلغها سلامي ,,
غفر الله لنا ولك ,,
| |
|
|
|
|
|
|
Re: ياخوانا نويت الحج أعفوا لي (Re: عمار عبدالله عبدالرحمن)
|
Quote: ان تسال عن قبر السيدة فاطمة الزهراء عليها السلام ,,, لان هنالك الحقيقة المغيبة التى تغنى عن كل كتاب ,,, قلدت الدعاء والزيارة لسيدي ابوالبتول المصطفى ,, ولائمتى الحسن بن على , وعلى بن الحسين , ومحمد بن على , وجعفر بن محمد الصادق عليهم السلام ,, وهؤلاء قبرهم عند بوابة البقيع وكذلك السيدة الفضلى ام البنين , وهذه قبرها على شمالك وانت داخل من البوابة , وجوارها عمتى رسول الله صلى الله عليه واله وسلم , ولا تنسى فاطمة بنت اسد والدة الامام على عليه السلام وحاضنة الرسول الاعظم صلى الله عليه واله وسلم ,,, |
عمار ياخوي شكرا على الزيارة لكن انا وكت حا اعمل ليك دا كلو أكون خليت ليك شنو غايتو ما فضل ليك الا تقول لي ( الحج البقيع على وزن الحج عرفة ) ورغم ذلك حا ازور البقيع لان المصطفى زارها ودعا الى زيارتها
لبيك اللهم لبيك لبيك لا شريك لك لبيك ان الحمد والنعمة لك والملك لا شريك لك
من فضائل الحج :
Quote: فضائل الحج ، ودلائل فرضيته، وبيان حكمته فضائل الحج: عن أبي هريرة - رضي الله عنه - عن النبي صلى الله عليه وسلم قال: "من حج لله فلم يرفثن ولم يفسق، رجع كيوم ولدته أمه". وعن عائشة أم المؤمنين - رضي الله عنها- أنها قالت: يا رسول الله نرى الجهاد أفضل العمل، أفلا نجاهد؟ قال:" لا، لكن أفضل الجهاد حج مبرور". وعن أبي هريرة - رضي الله عنه- أن رسول الله صلى الله عليه وسلم قال: "جهاد الكبير والصغير، والضعيف، والمرأة: الحج والعمرة". وقال صلى الله عليه وسلم: "العمرة إلى العمرة كفارة لما بينهما، والحج المبرور ليس له جزاء إلا الجنة". - فهذه الأحاديث صريحة في فضل الحج والعمرة، وأن الحج المبرور ليس له جزاء إلا الجنة. والحج المبرور هو الذي لا يخالطه إثم مأخوذ من البر، وهو الطاعة وقيل: هو المقبول، ومن علامة القبول أن يرجع الحاج خيرًا مما كان عليه قبل الحج، وأن لا يعاود المعاصي، وقيل: الحج المبرور هو الذي لا رياء فيه. والواقع أن كل هذه المعاني والأوصاف مطلوبة في الحج المبرور. دلائل فرضية الحج: الحج من فراض الإسلام ثبتت فرضيته بالكتاب والسنة والإجماع والمعقول. أما الكتاب فقوله تعالى: (ولله على الناس حج البيت من استطاع إليه سبيلاً، ومن كفر فإن الله غني عن العالمين). وأما السنة: فقول النبي صلى الله عليه وسلم "بني الإسلام على خمس: شهادة أن لا إله إلا الله وأن محمدًا رسول الله، وإقام الصلاة، وإيتاء الزكاة، والحج، وصوم رمضان" رواه البخاري ومسلم والترمذي والنسائي. وعن أبي هريرة - رضي الله عنه - قال: خطبنا رسول الله صلى الله عليه وسلم فقال: "أيها الناس قد فرض الله عليكم الحج فحجوا .. الخ" رواه مسلم. وقد أجمع الفقهاء على وجوب الحج على المستطيع. وأما المعقول فهو أن العبادات وجبت لحق العبودية أو لحق شكر النعمة، وفي الحج يوجد المعنيان : أما إظهار العبودية فلأن العبودية هي إظهار التذلل والخضوع للمعبود وهو الله - جل جلاله- ، وفي الحج يظهر هذا المعنى بصورة جلية في اللباس وسائر الأفعال والأقوال التي يقوم بها، وفيما يمتنع عنه الحاج، وأما شكر النعمة فلأن العبادات بعضها بدنية وبعضها مالية، والحج عبادة لا تقوم إلا بالبدن والمال، فكان الحج شكر هاتين النعمتين، لأن شكر النعمة ليس غلا استعمالها في طاعة المنعم، وكر النعمة واجب عقلاً. حكمة الحج: من خصائص الإسلام أنه لا يكتفي في تزكية النفوس وتربيتها بالقول والموعظة فقط، وإنما يقرن بهما أسلوب التربية العملية، ونجد هذا واضحًا جليًا فيما شرعه من عبادات مثل الصلاة والصوم. ويظهر مسلكه في التربية العملية في فريضة الحج، فأفعال الحج كلها تربية عملية على الطاعة التامة لله رب العالمين، والإخلاص في العبودية له، والامتثال لأمره، فأفعال الحج كما يقول الإمام الغزالي- رحمه الله- لا حظ لنفوس، ولا أنس للطبع فيها، ولا اهتداء للعقل إلى معانيها، فلا يكون في الإقدام عليها باعث إلا الأمر المجرد، وقصد الامتثال للأمر - أمر الشرع- من حيث إنه أمر واجب الاتباع فقط. وحيث إن أفعال الحج كما وصف الغزالي فإن النفس تعيش رياضة عملية وتربية فعلية على الإخلاص في العبادة لله رب العالمين. كما أن ترك الطيب في فترة الحج ولبس لباس الإحرام، كل هذا وغيره يُذكره بكفنه الذي يخرج به من الدنيا، فيعرف أنها لا تستحق منه كل هذا الحرص عليها، والتعب من أجلها، والركض وراءها، والحزن على ما قد يفوته من متاعها، فليس له مما يحرص عليه منها سوى هذا الكفن الذي يضع على جسمه مثله في إحرامه إن قدر له كفن عند موته. ثم في وقوفه في عرفات وقد ضج الواقفون بالدعاء إلى الله تعالى بمختلف اللغات واللهجات يذكره ذلك بموقف يوم القيامة يوم يقوم الناس لرب العالمين.. وهكذا سائر أفعال الحج وأقواله تربية روحية عملية، وتعريف للإنسان بقدر نفسه، وحقيقة مركزه في الحياة، والغاية التي من أجلها خلق، وبالتالي تموت فيه عوامل دوافع الغرور والكبرياء، وأخيرًا فإن في أفعال الحج تعويدًا للمسلم على امتثال أمر الله تعالى لأنه أمر الله تعالى، سواء عقل معناه وحكمته أم لا. ومن حكمة الحج أنه ييسر للمسلمين فرصة طيبة معلومة المكان والزمان للاجتماع والتشاور فيما بينهم وفيما يهمهم. وهذا التشاور في الأمور العامة للمسلمين يغلب عليه النفع العام للمسلمين، والوصول إلى الصواب فيما يتشاورون فيه ومن أجله، لأنهم يفعلون ذلك وهم في عبادة وفي مكان طاهر، ونفوسهم متفتحة بمعاني الإيمان وقد غُسلت من أدرانها بأفعال الحج والعمرة، ولا شك أن هناك من حكمة الحج الشيء الكثير غير ما ذكرناه
|
| |
|
|
|
|
|
|
Re: ياخوانا نويت الحج أعفوا لي (Re: ابو جهينة)
|
سبيل أنا ما بيني وبينك أي حاجة ولا اتلاقينا في حياتنا عشان نتعافى ، كانت بيننا حوارات تسخن وتبرد ، ثم هجرنا الحوار المباشر منذ أمد طويل .. أعتقد ما في حاجة تعفيها لي ولا حاجة أعفيها ليك ... لكن لو انت متذكر حاجة قولها ، ولو عندي حاجة عندك ردها ، ولو متذكر إنك غلطت معاي اعتذر بصورة مباشرة .. أما أنا فمتأكد تماما أنني لم أغلط في حقك .. عموما حجا مبرورا ..
| |
|
|
|
|
|
|
Re: ياخوانا نويت الحج أعفوا لي (Re: محمد على طه الملك)
|
حجاً مبروراً و سعياً مشكورا و ذنباً مغفوراً و عوداً حميداً بإذن الله تعالى ..
الأخ محمد .. أسأل الله يعفو عنا جميعاً في تقصيرنا في حق الله وفي حق العباد والأرحام ..
حفظك الله في سفرك .. تقبل حجك وغفر ذنبك وعدت إلى سربك كيوم ولدتك أمك يا الحبيب ..
ادعو لي معك قل: اللهم ارحم عبدك الفقير جمال الدين وأصلح له شأنه كله ..
جاد
| |
|
|
|
|
|
|
Re: ياخوانا نويت الحج أعفوا لي (Re: خالد العبيد)
|
اخ سبيل انا انتبهت للبوست دا فقط الآن حجا مبرورا وتمشى وتجى بالسلامة ولا يوجد كلام احسن من كلام الاستاذ جاد اقوله هنا بس اتذكر تقول اسمى بعد ان تدعو لجاد ولو نسيت انا عفيتك لله
Quote: حجاً مبروراً و سعياً مشكورا و ذنباً مغفوراً و عوداً حميداً بإذن الله تعالى ..
الأخ محمد .. أسأل الله يعفو عنا جميعاً في تقصيرنا في حق الله وفي حق العباد والأرحام ..
حفظك الله في سفرك .. تقبل حجك وغفر ذنبك وعدت إلى سربك كيوم ولدتك أمك يا الحبيب ..
ادعو لي معك قل: اللهم ارحم عبدك الفقير جمال الدين وأصلح له شأنه كله .. |
| |
|
|
|
|
|
|
Re: ياخوانا نويت الحج أعفوا لي (Re: خالد العبيد)
|
تقبل الله منك حجاً مبروراً وسعياً مشكوراً وذنبا مغفوراً.. ولا تنسنا من صالح الدعاء. عافين منك لله والرسول، وإن كان في نفسي شيءٌ من ... نسيانك!☺
Quote: وشكرا على اعتقادك بان بيت الله الحرام مظنة استجابة
|
لهذا... ولمثله ♥
| |
|
|
|
|
|
|
Re: ياخوانا نويت الحج أعفوا لي (Re: ودقاسم)
|
سامي عتباني ( شاكر فضلك وتفضلك بالمدحة يا اخي الكريم ) عماد الدين عبد الله جعلك الله عمادا للدين وعبده المخلص لعبادته عمر سعد اسعدك الله في الدارين اماني الامين امانتك وصلت وانا عليها امين فسأدعو ان شاء الله العوض اخوي شكرا هواري ود نمر شكرا لك ولسنجة بلدنا على حسك ايها السناري العظيم ابو جهينة ( قلنا نمشي نتوب من التيويق لصورك الجهنمية ديك !) ود قاسم ( لربما اشتددنا قليلا في الحوارات لا ادري وانت مني وحقك علي المحبة واللين في الكلام وخفض الجناح فانت المرجو بالدعاء ايها الشيخ العركي )
لبيك اللهم لبيك لبيك لا شريك لك لبيك ان الحمد والنعمة لك والملك لا شريك لك ________________ اللهم ارزقني حجا مبرورا بلا جدال ولا فسوق
| |
|
|
|
|
|
|
Re: ياخوانا نويت الحج أعفوا لي (Re: Muhammad Elamin)
|
محمد الأمين وصلت المدينة ؟ نحن ان شاء الله حانقوم من الدوحة بكرة التلات وبمشيئة الله حانصل الاربعاء مسجد رسول الله (ص)
لبيك اللهم لبيك لبيك لا شريك لك لبيك ان الحمد والنعمة لك والملك لا شريك لك ________________ اللهم اهدنا ويسر لنا مناسكنا وتقبل منا اعمالنا واغفر لنا ذنوبنا جميعا
| |
|
|
|
|
|
|
Re: ياخوانا نويت الحج أعفوا لي (Re: ودقاسم)
|
الاحبة الكرام محمد علي طه جاد الاستاذة العظيمة عواطف ادريس خالد العبيد محمد النيل مريم عبد الله تبلدينا السناري العريق عثمان رضوان نجاة بابكر محمد فرح وليد عبد اللطيف بتاع الخمسة مليون ديك اني احبكم في الله فادعوا لي حتى لا اخشى انفلونزا اتش ون ان ون اياها ياخ الموت هناك زاتو تضرب له اكباد الابل حسب المنايا ان يكن امانيا في هاتيك الربوع
لبيك اللهم لبيك لبيك لا شريك لك لبيك ان الحمد والنعمة لك والملك لا شريك لك ________________ اللهم اني اشهدك واشهد حملة عرشك وملائكتك وجميع خلقك انك انت الله لا اله الا انت وحدك لا شريك لك وان محمدا عبدك ورسولك
| |
|
|
|
|
|
|
Re: ياخوانا نويت الحج أعفوا لي (Re: الطيب شيقوق)
|
اخى العزيز الحج المبرور ليس له جزاء إلا الجنة لا تنسانا من صالح الدعاء الجسد معلول وقد طال ليل الحزن وثمة وصية فى الذمة كما يقولون وأنت فى صعيد عرفات الطاهر تناجى ربك الغفور وتلح فى السؤال أنشدك بالله الواحد الاحد أن تدعوا لى بالشفاء الشفاء أخى العزيز كل ما أرجو فأدعوا لى وإن أنساك الشيطان أن تذكره فى يوم الوقوف فلا بأس فى كل مكة الطاهرة فهل توعدنى بذلك ؟؟؟؟؟؟؟
| |
|
|
|
|
|
|
|