|
|
|
 Re: منتدي دال الثقافي يكرم ساحر الكمان علي خاصرة البحر الأحمر (Re: Mohamed Moatasim)
|
سلام يا عشاري..
وجميل ورائع هو تكريم الفنان المدهش محمدية وواحد من اروع حراس الوجدان الجمالي لهذا الشعب
عبر تحليقه الرائع في اغلب نوتات الاغاني السودانية وظهور بصمة كمنجته المميزة الالحان..
فمحمدية كنز موسيقي حقيقي وسحارة مزيكة تمشي علي قدمين
ونرفع معكم القبعة عالية تحية وتقديرا لهذا الزول الفنان السمح
ومزيدا من التكريم لمبدعي بلادنا يعني مزيدا من الوفاء في هذا الزمن الردي
| |
 
|
|
|
|
|
|
|
|
Re: منتدي دال الثقافي يكرم ساحر الكمان علي خاصرة البحر الأحمر (Re: Faisal Elrasheed)
|
Quote: رئيس قسم الموسيقي بالإزاعة ...عضو مجلس إدارة المصنفات الأدبية ...نائبا لرئيس إتحاد الفنانين ...
مؤسس فرقة النجوم الموسيقية ...رئيس فرقة الإزاعة ...عضو اللجنة القومية للإزاعة والتلفزيون
____
ذبحتنا يا رعاك الله. |
حسين ملاسي
والله القصة الفوق دي ( كوبي بيست ) من إيميل فيهو السيرة الذاتية لمحمدية مرسل من بورتسودان وإن كان هذا لايعفينا من خطأ عدم التصحيح والملاحظة ...خصوصا في وجود زول زيك الناس مشغولة بالثناء علي محمدية وهو عامل فيها أستاذ عربي ...عندك عندي غلطة واااحدة مابتلقاها مني تاني حتي يرث الله هذا البورد
الله لاكسبك ياخ
البوست كان ماشي رهيف ولطيف حتي أناخ عليه ظلك الثقيل
| |
|
|
|
|
|
|
|
|
|
Re: منتدي دال الثقافي يكرم ساحر الكمان علي خاصرة البحر الأحمر (Re: عمر عشاري)
|
| Quote: ادعو الله صادقا ان يخرج اخونا عمر عشاري سالما من هذه المحنة |
فيصل ياصاحبي ...مفروض تتكتب صحبي عشان القراءة السلسة لكن خايف من حركاتكم الإنصرافية
لقيتها مقنطرة وشتها
دايرني تاني ارجع أشتغل ليك مدقق لُغوي
والله يافيصل بتعبك ...قريت مداخلتك الفوق لقيتها كلها صحيحة عجبت لذلك ثم سعدت لهذا التطور ( وش متكيف )
| |
|
|
|
|
|
|
|
|
|
Re: منتدي دال الثقافي يكرم ساحر الكمان علي خاصرة البحر الأحمر (Re: عمر عشاري)
|
| Quote: كنت أظن أن الزمن قد تجاوز مثل هذه الهدايا التقليدية. |
حتي لو توسط هذا الإطار وجهك البهي ...كنت حتقول نفس الملاحظة
عارفك مابتشوف حاجة سمحة وشناف
________________
التكريم لم يقتصر علي هذه اللوحة وحدها...والتي نالت إعجاب اخونا محمدية وكان بها سعيدا
لو كان مابين محمدية ومن قدم الهدية مجرد هواء
لأتيت تقول انه هواء فاسد
ومن كانت نفسه بغير جمال لايري في الوجود شيئا جميلا
ياخ مرة كدة ركز علي الموضوع الأساسي
أنظر ولو لمرة للنصف الملئ من الكوب
_____________------
هسه رايك شنو في محمدية وتكريم المنتدي ليهو
قول ليك كلمة طيبة في حق الراجل العظيم دة ....والله مابتموت
| |
|
|
|
|
|
|
|
|
|
Re: منتدي دال الثقافي يكرم ساحر الكمان علي خاصرة البحر الأحمر (Re: عمر عشاري)
|
Quote: فيصل ياصاحبي ...مفروض تتكتب صحبي عشان القراءة السلسة لكن خايف من حركاتكم الإنصرافية
لقيتها مقنطرة وشتها
دايرني تاني ارجع أشتغل ليك مدقق لُغوي
والله يافيصل بتعبك ...قريت مداخلتك الفوق لقيتها كلها صحيحة عجبت لذلك ثم سعدت لهذا التطور ( وش متكيف ) |
والله يا عمر عشاري مداخلتي ما كنت ابدا في شكل بتاع اقواس
انا جيت ماري بي هنا لقيت ملاسي يادوب داير يفتح الماسورة قلته اخير نسجل حضور ودعم لوجستي 
| |
|
|
|
|
|
|
|
|
|
Re: منتدي دال الثقافي يكرم ساحر الكمان علي خاصرة البحر الأحمر (Re: عمر عشاري)
|
Quote: تقدم ساحر الكمان
صوب المنصة شامخا عاليا كمنار |
التشبيه التمثيلي : يكون وجه الشبه فيه مجموعة من الصور المركبة وقد توجد أداة التشبيه وقد لا توجد
التشبيه الضمني هو الذي يفهم المشبه والمشبه به من خلال المعنى ولا توجد أداة التشبيه فيه
التشبيه المقلوب : هو الذي يكون وجه الشبه في المشبه أقوى من المشبه به
التشبيه البليغ :هو التشبيه الذي يقتصر على المشبه والمشبه به دون أداة التشبيه ووجه الشبه
*ونجد ان التشبيه التمثيلي : يكون وجه الشبه فيه مجموعة من الصور المركبة وقد توجد أداة التشبيه وقد لا توجد بالإضافة أن وجه الشبه في هذا التشبيه وهي مجموعة الصفات التي تربط بين المشبه والمشبه به تكون مركبة غير بسيطة كما في وجه الشبه في التشبيه البليغ فالصفات فيه بسيطة وقد تكون عدةصفات مستقلةقد نكتفي بإحداها ويكون وجه الشبه قد تم توضيحه والتمثيلي حالة مركبة من عدة صفات غير مستقلة عن بعضها
التشبيه الضمني هو الذي يفهم المشبه والمشبه به من خلال المعنى ولا توجد أداة التشبيه فيه
بالإضافة أنه يأتي بعد تمام المعنى الذي يتحدث فيه الشاعر قد يكون مبدأ أو قضية مؤمن بها ثم يأتي بالتشبيه الضمني بعده كالدليل والبرهان على صحة قضيته التي تطرق إليها
طيب نرجع للاقتباس الفوق ده لمزيد من (اللياقه) مشتقه من (لايوق)
اها .. وجه الشبه بين محمدية والمنارة الفي البحر شنو ؟
الطول ؟ هل المنار يتحرك ؟ الاضاءة الفوق (الكشاف) ونضارة محمدية؟ ام لون المنارة الابيض ولون بدلة محمدية ؟ مع العلم انه لم يكن يلبس ابيض اتمني من الزميل عمر اخذنا معه الي عالم البلاغة الجميل لتعم الفائدة مع كامل ودي وتقديري
ولا يسعني هنا الا ان اتقدم بالشكر لمنتدي دال الثقافي والاستاذ عمر عشاري الذي اشرف علي هذا العمل الضخم وتكريمه لاحد ( منارات )الفن في السودان والاستاذ حسين ملاسي في المراجعات الفنية والادبية والنحوية 
| |
|
|
|
|
|
|
|
|
|
Re: منتدي دال الثقافي يكرم ساحر الكمان علي خاصرة البحر الأحمر (Re: omer osman)
|
سعد أهل بورتسودان بتكريم إبنهم محمدية
وفخر منتدي دال الثقافي أن يكرم فنانا سامقا مثله ظل يقدم الكثير لفنه ومعجبيه منذ الأربعينيات وحتي هذه اللحظة
تملك الفرح الجميع ...وتأثر عركي وأثني علي المبادرة ...وصفق القدال وحميد
ووقف أهل بورتسودان إحتراما لهذه اللحظة المهيبة
وبتواضعه المعروف وإبتسامته النضرة شكر محمدية الجميع
ثم عاد لمقعده البحر من خلفه وأمامه جموع المعجبين
برفق حمل آلة الكمان لتستلقي علي كتف طالما عانقته لأكثر من خمسين عاما
ثم نقر علي ( أوتار الكمنجة ) بحب وشوق وإحتراف
حينها لبت الآلآت الموسيقية النداء
وإنطلق صوت عركي الشجي ...الندي ...القوي
بخاف أسال عليك الناس
وسر الريدة بينا ( يذيع )
وأخاف أكتر كمان ياغالي
من أيديَ إنت تضيع
| |
|
|
|
|
|
|
|
|
|
Re: منتدي دال الثقافي يكرم ساحر الكمان علي خاصرة البحر الأحمر (Re: عمر عشاري)
|
Quote: طيب نرجع للاقتباس الفوق ده لمزيد من (اللياقه) مشتقه من (لايوق)
اها .. وجه الشبه بين محمدية والمنارة الفي البحر شنو ؟
الطول ؟ هل المنار يتحرك ؟ الاضاءة الفوق (الكشاف) ونضارة محمدية؟ ام لون المنارة الابيض ولون بدلة محمدية ؟ مع العلم انه لم يكن يلبس ابيض اتمني من الزميل عمر اخذنا معه الي عالم البلاغة الجميل لتعم الفائدة مع كامل ودي وتقديري
|
فيصل
اليلة واليلة
دة شنو يازول
| |
|
|
|
|
|
|
|
|
|
Re: منتدي دال الثقافي يكرم ساحر الكمان علي خاصرة البحر الأحمر (Re: عمر عشاري)
|
Quote: طيب نرجع للاقتباس الفوق ده لمزيد من (اللياقه) مشتقه من (لايوق)
اها .. وجه الشبه بين محمدية والمنارة الفي البحر شنو ؟
الطول ؟ هل المنار يتحرك ؟ الاضاءة الفوق (الكشاف) ونضارة محمدية؟ ام لون المنارة الابيض ولون بدلة محمدية ؟ مع العلم انه لم يكن يلبس ابيض اتمني من الزميل عمر اخذنا معه الي عالم البلاغة الجميل لتعم الفائدة مع كامل ودي وتقديري
|
بجامع الشموخ ياصديقي بجامع الشموخ
يعني هسة محمدية قدم شامخا كمنار
ماجاية يعني ...والله حلوة عديل
فيصل يافردة شايل كتاب البلاغة معاك في المكتب لكن مافاهمو كويس
يعني أنا لو داير أقول محمدية كالأسد
مالازم محمدية يكون متزوج لبوة ( وش ضاحك )
| |
|
|
|
|
|
|
| |
عمر عشاري
Ishraga Mustafa
Mohamed Moatasim
عبدالكريم الامين احمد
ناصر احمد الامين
Hussein Mallasi
Faisal Elrasheed
omer osman
HAIDER ALZAIN
فيس بوك
تويتر
انستقرام
يوتيوب
بنتيريست