|
|
 عبيد يبحبثون عن سيد حاله انفصال
|
تصريح السيد النائب الاول المنفى بعد ذالك فتح باب كبير للسؤال لماذا الخوف من انفصال الجنوب
الخوف من حقيقيه جازمه لا تقبل النفى ...
استقلال السودان فى العام 1956 منذ ذالك الحين لا يربط الجنوب مع الشمال اى رابط سوى الحدود الجغرافيا
المسلمه مع وثيقه الاستقلال ....
لماذا يصوت الجنوب للوحده ؟؟
ماذا تعنى كلمه جاذبه المحدده فى نيفشا ؟؟ هل تعنى محو الاثر النفسى الذى سببته اله الحرب لمده خمسه واربعين عام
ام تعنى محو الاثر النفسى لشعب عاش على الهامش طول هذه المده ..
لماذا لا نكون من الشجاعه بمكان لتقف كل القوى السياسيه بمختلف الوانها لتقدم وثيقه اعتذار للاخوه الجنوبين
وتعويضهم عن ما اصابهم من استعبادهم طول فتره حكم الشمال لهم ....
عندما كنا صغار كنا نرى الجنوبى فى الشارع ونجرى للداخل ونظن انه حرامى كنا فى الخامسه او اقل ..
تربيه سالبه ...
عندما كبرنا تخزن هذا الجزء فى منطقه مظلمه فى عقلنا يظهر كل ما ظهر طارى وحركه ليقفز للسطح
اذكر اننى كنت العب الورق مع بعض الاصدقاء عندما اتى الحارس العجوز ليخبرنى ان شخص قد سرق مريات العربه الخاصه بى
قفزنا كلنا وجرينا الى الشارع نبحث فى قلب رجل واحد عن شخص اسود ومسكنا اول من صادفنا من الاخوه الجنوبين
وسالنهم من الذى سرق المريات ؟؟؟شى محير غريب
ادركت بعدها نفسى وقلت لاصحابى لماذا نبحث عن شخص اسود لماذا لا يكون السارق من الجزيره او الشماليه
او البطانه لماذا ارتبط الاسود على انه حرامى ...
خلل نفسى وتربوى واستعلا على الفاضى
امثله كثيره اظنكم الان تتذكرون كم مره تم جرح شخص لمجرد لونه الذى لا ذنب له في
السوال الذى يدور فى الذهن هو ضع نفسك فى مكان اى جنوبى تعرفه هل ستصوت للوحده
الاجابه هى ما رد به صديقى الجنوبى ماذا تريدون منا نحن عبيد نبحث عن سيد ....
اخوتى الجنوبين فى كل مكان هذا اعتذارى مكتوب انا اسف على ما فعلت فى حقكم يوما..
فعلا او عملا او قولا
هل سنعتذر لم نركب موجه النعره الكذابه ...
|
|
 
|
|
|
|
|
|
|
|
Re: عبيد يبحبثون عن سيد حاله انفصال (Re: كمال علي الزين)
|
سلام يا عصام، وكفارة إن شاء الله
شايف لو احتسبت المرض الله يعوضك الهام صحيح متل الكتبتو دا.
وبوست زى دا غالبا ما يمروا عليه كتار، عشان الزول ما يحب يشوف وشو فى المراية.. (زح المراية دى)
كلامك صحيح 100%، ولا افهم مصدر سذاجة الكثيرين هنا الذين ما زالوا يتحدثون عن إحتمال التصويت للوحدة..
هو اسمه تقرير المصير!!
نحن شعب تربى على التفكيـر بالأمانى المستحيلة.
| |
|
|
|
|
|
|
|
|
|
Re: عبيد يبحبثون عن سيد حاله انفصال (Re: doma)
|
سلامات يا عصام والف حمد لله علي السلامة
ــــــــــــــ
ياخي يقولوا ليك وحدة جاذبة ويتشدقوا ليك في المنبر دا للصباح ونفس الجنوبي دا لو اتقدم لي بتهم كلكم عارفين البيحصل شنو . فهم انه الشماليين اسياد وانه الجنوبيين عبيدهم فهم راسخ جدا في ثقافتنا وحتي عادتنا وتقاليدنا , من ناحية تانية كمان اختلاف التقاليد والعادات والديانات بيخلي الانفصال جاذب جدا
| |
|
|
|
|
|
|
|
|
|
Re: عبيد يبحبثون عن سيد حاله انفصال (Re: اساسي)
|
أخي عصام
صحة وعافية
ليست كل العلاقات كانت فوقية
مازلنا نذكر أصدقاء من مختلف المناطق
وكذلك تراودنا مشاعر الأخوة والأبوة
والعشرة ما بتهون...
والمسألة لن تقف عند هؤلاء الذين حملوا السلاح أو توظفوا في الجيوش
لكنها سوف تمس تاريخ علق بجدران كل قرية وكل مكان...
| |
|
|
|
|
|
|
|
|
|
Re: عبيد يبحبثون عن سيد حاله انفصال (Re: محمد عبدالله مختار)
|
عصام الخواض
تحياتي
Quote: عندما كنا صغار كنا نرى الجنوبى فى الشارع ونجرى للداخل ونظن انه حرامى كنا فى الخامسه او اقل ..
تربيه سالبه ...
عندما كبرنا تخزن هذا الجزء فى منطقه مظلمه فى عقلنا يظهر كل ما ظهر طارى وحركه ليقفز للسطح
اذكر اننى كنت العب الورق مع بعض الاصدقاء عندما اتى الحارس العجوز ليخبرنى ان شخص قد سرق مريات العربه الخاصه بى
قفزنا كلنا وجرينا الى الشارع نبحث فى قلب رجل واحد عن شخص اسود ومسكنا اول من صادفنا من الاخوه الجنوبين
وسالنهم من الذى سرق المريات ؟؟؟شى محير غريب
ادركت بعدها نفسى وقلت لاصحابى لماذا نبحث عن شخص اسود لماذا لا يكون السارق من الجزيره او الشماليه
او البطانه لماذا ارتبط الاسود على انه حرامى .. |
و بعد ان ابيضت العقول . نتسائل :
بعد (الاخوة) الجنوبيون ...
هناك من (الاخوة) الدارفوريين يريدون معرفة ما جري لهم قبل ان يصلوا مرحلة نيفاشا!؟.
مع مودتي
| |
|
|
|
|
|
|
|
|
 Re: عبيد يبحبثون عن سيد حاله انفصال (Re: أنور أدم)
|
عصام الخواص حمد لله على السلامة والف سلامة ليك
عارف يا عصام ابوي من قبل ما يتزوج كان شغال في الجنوب فترة طويلة جدا ..
ولما اتزوج ساق الحاجة معاه الجنوب ..
الحمد لله ربانا على اننا ما نخت فرق بينا وبينهم ابدا وهو بحبهم وبحترمهم جدا ..
وبثق فيهم ثقة عمياء يعني بتعامل مع الجنوبيين بصدق وثقة اكتر من الشماليين ..
بعدين بيني وبينك هم ناس صادقين ونضيفين من الدواخل ..
حتى هسى في الشارع ولا المواصلات لو ركبت جنب جنوبي بتكون مطمئن انو ما حا يسبب ليك ادنى ضيق لو الجريدة الشايلها ما بعاين ليك فيها .. ودا أدب ما بعده أدب ..
جدي ( محمد على دفع الله) متزوج من جنوبية وجايب منها بت هسى الزولة دي عايشة مع ناس خالتي في امن وأمان ..
وعندنا قربينا برضو متزوج جنوبية الله يرحمها ماتت ولكن ربت اطفالها على طبائع حلوة جدا ..
الحمد لله انو ربونا على كدة ..
_____
وهسة انا بريد ليك شول ودوت من جوة قلبي أسالهم ..
| |
|
|
|
|
|
|
|
|
|
Re: عبيد يبحبثون عن سيد حاله انفصال (Re: انعام حيمورة)
|
عبد
كم ضُرِبْنا ، ونحن صغار ،
بسبب هذه الكلمة.
إنها محرمة في ثقافة والدنا ،
الدنقلاوي الأزهري ، عليه السلام.
عندما سألتني
الشافعة السعودية الما قامت من الواطة:
""أنْت عبد؟؟""
ضحكت ، وأجبتها "
""والله يابتي أنا في بلدي حلبي."
" ومضيت في حال سبيلي .
ضحكت سروراً وشماتة .
ضحكت سروراً لأن تلك الطفلة الصغيرة عبرت
عما لا يستطيع والدها ، جاري ، أن يبوخ به تأدباً.
وضحكت شماتة في أخوة وأصدقاء
مازالوا يدعون، رغم شعورهم الجعداء
وشفاههم الغليظة ولونهم ""الأخدر""
الذي يظنون أنه الأخضر ، وما دروا أن ""أخدر""
في العربية ، التي يتوهمون أنها لغتهم ، تعني ""أسود""
يدعون أنهم عرب ، بل ومن أشراف العرب ، ومن بيت نبوتهم.
نحن ، عزيزي خواض ، أسرى ثقافة وافدة آسنة،
نتشبث بها وهي تتذيل ثقافات العالم ،
أدرنا ظهورنا للكمونويلث ، وتعلقنا بها وهي تصدنا
حتى قبلتنا بوساطة مصرية!!!
نحن كلنا أحباش وعبيد من منظورها،
إن جعنا سرقنا وإن شبعنا زنينا.
كم هو جميل ، عزيزي ، ونبيل ، أن تعتذر ،
ولكن
لايكفي أن تعتذر أنت ، فلن تبريء نفسك ما دمت من هؤلاء.
تحياتي
| |
|
|
|
|
|
|
|
|
|
Re: عبيد يبحبثون عن سيد حاله انفصال (Re: أنور أدم)
|
الأخ عصام الخواض،
تحياتى،
شكرا لهذه الكتابه، فهذا إتجاه جيد.
وصحيح أن المواقف من الأحزاب تبدأ بالمبادرات ال"شعبية".
وصحيح أيضا "الإعتذار" - وهى دعوه لها تاريخ طويل- الاعتذار له قيمه معنوية كبيره،
ولكن لابد وأن أيكون مصاحبا برامج وخطط تنموية شامله وملتزمه، خطط وبرامج تعليمية وتعميرية.
"فالاستثمار" يجب لمن يتبنى مثل موقفك المتقدم أعلاه- يجب ان يكون فى الانسان أولا!
فالمبادرات الشعبية نحو تحقيق بعض من "العدل" لابد لمن يتبناها أن يتحمل مسؤلياتها، ويدعمها ب"يسن".
تحياتى تانى والى الأمام.
| |
|
|
|
|
|
|
|
|
 Re: عبيد يبحبثون عن سيد حاله انفصال (Re: Khalid Kodi)
|
ياسلام عليك
هذا عملا جليل ولايقدم عليه الا شخصا له قلب سليم وعقل ذكي
تسلم وهذا يدفع في اتجاه لملمة الجراح والاحتقانات التي سببتها العنصرية القبيحة وعدم المساواة طيلة هذه السنوات الطويلة
تسلم كتيير كم افرحتني كلماتك الصادقة
علي
| |
|
|
|
|
|
|
|
|
|
Re: عبيد يبحبثون عن سيد حاله انفصال (Re: degna)
|
نتمنى من الله ان يغفر لنا ذنوبنا ...
كم شخص مات فى الجنوب منذ اندلاع الحرب ...
كم شخص مات فى الشمال ....
عندما اندلعت احداث جون قرنق كنت خارج السودان وريت ما ريت من اهوال عبر التلفاز
عندها انفعل صديقى من تصرف العبيد فى شوارع الخرطوم ...وبعد برهه سالته ...
هولا الناس فقط يضربون الناس بلحجاره ويحرقون اطارات السيارات وما يقع تحت ايديهما من ..
ممتلكات ...كان هذا هو اول رد فعل يحدث فى العاصمه من الاخوه الجنوبين ....المشهد بد غريب ...
ولكن السؤال كم رد فعل مثل هذا واعنف حدث عند اقتحام قوات الجيش الى قرى الجنوب ...
اقتحام ليس بلحجاره.... بلراجمات والدبابات والعسكر ...ماذا تخلف هذه الافعال فى النفوس البشريه ....
ماذا تتوقع من شعب عاش طول فتره الاستقلال ....تحت وطه الحرب ...لا تتوقعو الامنيات بوحده فلوحده ...
ليست ...طريق او اناره ...او مصنع ...الوحده احساس بلانتماء وهذا ما يفقده الجنوبى ....
| |
|
|
|
|
|
|
|
|
|
Re: عبيد يبحبثون عن سيد حاله انفصال (Re: أنور أدم)
|
أخي عصام الخواض حمدا لله علي السلامة
فعلا الأمر يحتاج لوقفه وكل منا حسب زاويته ونحن الدناقلة لنا نسب مع أخوتنا في جنوب السودان وبيننا أولاد وبنات هذا الجيل أين يذهب في حال الأنفصال وتقرير المصير المزمع هنا الأنتماء هل قبيلة الأم أم الأب ، الله يسامح من ورثو هذا المفهوم في أذهان أجيال توالدت فيهم مشاعر من نوع لا يقبله الدين أولاً والعقل زينة أبن آدم وآدم من تراب وإلي تراب وبعد كل هذة المعايير يبقي العمل الذي يصعد لصاحب العمل والأجساد سوي بيضاء أو سوداء تعود للتراب وتتحلل من ذيف ما ورثونا أصحاب الذهنية المريضة صح بدنك ولسانك أخي عصام.
،،،،أبوقصي،،،،
| |
|
|
|
|
|
|
|
|
|
Re: عبيد يبحبثون عن سيد حاله انفصال (Re: مجدي عبدالرحيم فضل)
|
| Quote: نوع لا يقبله الدين أولاً والعقل زينة أبن آدم وآدم من تراب وإلي تراب وبعد كل هذة المعايير يبقي العمل الذي يصعد لصاحب العمل والأجساد سوي بيضاء أو سوداء تعود للتراب وتتحلل من ذيف ما ورثونا أصحاب الذهنية المريضة |
ابو قصى يسلم فهمك وتسلم انت
| |
|
|
|
|
|
|
|
|
|
Re: عبيد يبحبثون عن سيد حاله انفصال (Re: Elfadil Sabeil)
|
لاخ عصام الخواض...كفارة وحمدالله علي السلامة مع اني ما عارف الناس
بتكفر ليك في شنو ؟ لكن هي حسنة واجر..
سأختلف معك غيما اوردته ...بشأن النظرة النمطية التي سقتها
بشأن الجنوبيين...وحراميتهم...وعممتها هنا...وحتي لو اتفق
معك فيها كل من مر قبلي...
فهذه النظرة لم تكن في الاجيال من العشرينات... وحتي
التسعينات...الا يكون دا جيلكم الهسي دا...
ياخ الدنيا دي كان فيها علي عبداللطيف..وكان فيها بيتر
ووليم...ورمضان...وعبيد...الخ القائمة...
ولا انسي عمنا سايمون...ومجوك...
انتو اظنكم الانقاذ دي تغتكم وبدلتكم
| |
|
|
|
|
|
|
|
|
|
Re: عبيد يبحبثون عن سيد حاله انفصال (Re: nazar hussien)
|
Quote: ياخ الدنيا دي كان فيها علي عبداللطيف..وكان فيها بيتر
ووليم...ورمضان...وعبيد...الخ القائمة... |
الغالى نزار ....
كل الاخوه المتداخلون ...
تحياتى ...
اخى نزار هل سوف تغير نظرتك الى الساده عبدالحمن المهدى وعلى الميرغنى اذا اطلعت
على الوثيقه المبعوثه الى الحاكم العام ...عن على عبد اللطيف ...
ما جاء فى نص الرساله من الساده ان على عبد اللطيف عبد وان ما جا به من تصرف فهو مرفوض
وهم يسنكرون ما حصل.... اخى نزار اذا لم ننظر الى الحقيقه من قرب ودون مساحيق تجميل
لن نصل الى تربيه جديده ..
اخوتى لا فائده من جيلنا علينا ان نربى الاجيال القادمه على حب الاخر والمواطنه دون تفرقه
جهويه او عرقيه ....
| |
|
|
|
|
|
|
|
|
|
Re: عبيد يبحبثون عن سيد حاله انفصال (Re: حبيب نورة)
|
ما تكتبه أخي عصام قليل الكلمات
كبير المعاني
هو ما تتحاول كافة القُوى السياسية التهرب منه
(الإعتذار)
لقد عانى الجنوب الجغرافي والإثني كثيرا من الشمال
والآن هو في مرحلة قدرته على التنازل إلى حد قبول (الإعتذار)
ولكن حتى هذا نضن به عليه
أنا بشكل خاص أحيانا أتقمص شخصية الجنوبي
وأغضب
لماذا يأخذ مني الشمال كل هذا ؟؟؟؟
الجنوب ايس جاهلاً ولا ضعيفاً وصمته لمحاولة المرور بسلام عبر نفق الوحدة والإنفصال
وقولهم ليس إبتزازاً ولكن تنبيهاً ولكننا تعودنا الا نسمع
وأنت الآن يا عصـــام وأنت تلقي بذلك القفاز عليك تطوير الكتابة إلى فكرة
والفكرة إلى مشروع يدعو لتبني ثقافة (الإعتذار) كبداية لسودان موحد
ولسلام إجتماعي وليس دستوري
هلا بدأت أخوي الخواض
وحملله على سلامتك من مرض الجسم ومرض الروح
| |
|
|
|
|
|
|
|
|
|
Re: عبيد يبحبثون عن سيد حاله انفصال (Re: Ahmed musa)
|
ما الذى سيقنع تلاتة مليون جنوبى يعيشون فى الشمال بان الوحدة ليست جاذبة ويجب ان يصوتوا للانفصال ويعودوا من حيث اتو!
هنالك الملايين من الجنوب سيبقون فى الشمال ويتوجب عليكم التعامل معهم بانهم اخوة لكم فى المواطنة وهم عدد لا يستهان به!
انتوا بتتكلموا ســـــــــــــــــــــــــــــــــاكت!
جنى
| |
|
|
|
|
|
|
|
|
|
Re: عبيد يبحبثون عن سيد حاله انفصال (Re: يازولyazoalيازول)
|
برغم الجراحات ..وتحدى الموقف صرخه هنا يا صديقى الجميل احمد موسى ..
نعم لا بد ان نعتذر وان نعوض الجنوبين على سنين القهر ..
ليس استهلاك للكلام ولكن تبنى فكره الاعتذار من هذا المنبر ..
اعتذار لا نرتجى منه اتحاد ام انفصال ....
فقط اعتذار
قبل مده طويله تم انتخابى فى مجلس امناء جمعيه تعتنى بالسرطان وفى يوم الجمعيه العموميه
الاول تم انتخاب صديقى الجميل دكتور دوت دينق ريئس لهذه الجمعيه ..وكان هذا الحدث قبل اتفاق نيفاشا ..
وسلام الورق...
وقفت كثيرا عندما اعطى صديقى الجميل دكتور دوت الكلمه ..كان رجل مبتسم سريع النكته
امسك الميكرفون وقال عندما تم تبليغى اننى ريئس هذه الجمعيه سالت ...(هى جميا دا ما فيها اولاد ارب)
ضحك طويلا وابكانى.... وفتح جرح كنت اظنه مندمل ...
واتمم الكلام بعد ضحكته الصافيه (نهنا جنوبين ديل ما بنكون ريئس بتاع منظما..نهنا بنكون بس نائب بتا ريئس )
الجميل دكتور دوت وانت الان فى اقصى حدود الارض عد فقد تجد فرصه الان لتكون ريئس فى بلدك الجديد
اتى الزمن الذى يمكن ان تكون فيه ريئس فى بلدك الذى عشقته
| |
|
|
|
|
|
|
|
|
|
Re: عبيد يبحبثون عن سيد حاله انفصال (Re: Esam El-Khawad)
|
اخى الفاضل عصام
كلماتك كبيرة وعظيمة
لكل ذو حس انسانى
وضمير حى
---
,
اتمنى ان نتخطى اثار هذا الماضى المظلم
وانا مثلك احس كشمالى بالتقصير فلم اسعى كما يجب
فى تعديل كثير المظالم الاجتماعية
كان فى امكانى ان افعل الكثير
لكن الجهل وحب الذات
واعتذر
| |
|
|
|
|
|
|
|
|
|
Re: عبيد يبحبثون عن سيد حاله انفصال (Re: Ahmed Osman)
|
Quote: اتمنى ان نتخطى اثار هذا الماضى المظلم
وانا مثلك احس كشمالى بالتقصير فلم اسعى كما يجب
فى تعديل كثير المظالم الاجتماعية |
الغالى
احمد عثمان ....شكرا لنتبنى مبادره الاعتذار من هذا المنبر
ونشكل ثقافه جديده فمن حق الجنوبين علينا اولا ان نعتذر ...
ثم بعد ذالك نبحث عن وحده جاذبه
| |
|
|
|
|
|
|
|
|
|
Re: عبيد يبحبثون عن سيد حاله انفصال (Re: Esam El-Khawad)
|
الاخ عصام كل عام وانت بخير
الاعتزار وحده لايكفى يجب ان يكون هنالك تعويض مادى
فى شكل تنمية اقتصادية واجتماعية حتى نكفر عن زنوبنا
لكن ما شفت رايك فى كلام جنى الفوق ده بشان الجنوبيين الفى الشمال ؟
مع تحياتى واحترامى لوجهات نظرك
| |
|
|
|
|
|
|
|
|
|
Re: عبيد يبحبثون عن سيد حاله انفصال (Re: عادل عبدالعزيز عبد الرحيم)
|
| Quote: لكن ما شفت رايك فى كلام جنى الفوق ده بشان الجنوبيين الفى الشمال ؟ |
كلام الاخ جنى محل تقدير بس الحديث ليس عن احترام الجنوبين الموجدين فى الخرطوم
وان سلمنا انهم يعيشون بحترام ؟؟؟؟
اخى عادل درست المرحله الابتدائه فى مدرسه السجانه (مدرسه النور) كانت المبانى
مبنيه من الطوب الاحمر ولصق هذه المدرسه مدرسه (التجانى)مبنيه من الطوب اللبن (زباله)
الدخول لهذه المدارس مبنى على العرق .....هذا ليس فى القرن الماضى ؟؟؟؟
فى الخرطوم قبل ثلاثه عقود من الان ...
كم مدرسه زباله تذكرون فى احيا العاصمه ......
اخى جنى الجنوبين الموجدين فى العاصمه دون شك ان وجدو طريقه
سوف يعودون الى جذورهم التى فقدوها بسببنا ...
| |
|
|
|
|
|
|
|
|
|
Re: عبيد يبحبثون عن سيد حاله انفصال (Re: Esam El-Khawad)
|
الأخ / عصام الخواض
كل سنة وإنت طيب
ياليت كل السودانين أدركوا ما أدركت حتى ننتقل إلى مرحلة
أخرى من مراحل بناء الوطن . إن المظالم التي إرتكبها السودانين في
حق بعضهم البعض من عظمتها يندي لها الجبين و تخجل كل من نظر
إليها بعقل سليم . هذا الإسراف في الظلم يوجب إعتذارات مقرونة
بالندم و مشفوعة بإلتزام صارم بعدم تكرارها و التصدي لمن يحاول
إثارة الكراهية في المجتمع السوداني .
عندما ندعوا الجنوبين للتصويت للوحدة ننطلق من أن المصلحة
العامة لشعبنا شمال و جنوب في الوحدة و لعل الجنوبين بحكم وعي
التصدي هم أكثر السودانين تقديرا للمصلحة العامة و أكثر مقدرة
على إدراك مخاطر المستقبل وفوق ذلك أن للجنوبين حظا و حقا ثابت
عبر التاريخ في شمال السودان لاينبغي أن يتنازلوا عنه طواعية و
يجب أن لا يسمحوا أن يأخذ ذلك الحق غصبا .
أتفق معك أن الحكومة قد فعلت كل ما من شأنه جعل الوحدة
غير جازبة للجنوبين و مع ذلك نجد بعض الجنوبين يعملون بشدة من
أجل الوحدة ليس بحثا عن سيد يستظلون تحت سيادته وإنما إدراكا
لمعنى الوطنية الحقة التي لا تتأتى إلا بالتضحيات الجسام .
الواجب يحتم علينا إنشاء جسم يعمل على جعل هذه الإعتذارات
تصدر من جهات و هيآت رسمية معنية بالتسبب فيما حدث .
وشكرا
حامد شارف
| |
|
|
|
|
|
|
|
|
|
Re: عبيد يبحبثون عن سيد حاله انفصال (Re: Hamid Sharif Abdelrasoul)
|
الأخ عصام
كل عام وأنتم بخير
بعد أن تم التوقيع على اتفاقية السلام بين الحكومة السودانية والجيش الشعبي لتحرير السودان في 5 يونيو 2004 لم نسمع حتى الآن عن المساءلة للانتهاكات الخطيرة التي حدثت لإنسان الجنوب خلال الحرب الضروس التي دارت رحاها أكثر من عشرون عاماً ...
وظللنا نسمع العبارات الرنانة الوحدة الجاذبة
الشراكة الذكية والخ
وإقتسام السلطة مع كل من يحمل السلاح
| |
|
|
|
|
|
|
|
|
|
Re: عبيد يبحبثون عن سيد حاله انفصال (Re: محمد نجيب عبدا لرحيم)
|
يا الخواض
كل سنه وانت طيب وكل السودان قبل الإنفصال طيب
يـاخ الجنوبيين ديل إنظلموا معانا ودفعوا فاتورة ما حقتهم
فاتورة طُغيان وإستبداد أهل الشـمال عليهم وعلى شعب الشمال في كل سنين إستقلالهم معانا -
خلوهم ينفصـلوا ويشوفوا ليهم درب تاني غير لصـقتهم فينا ..
مافي داعي يواصلوا في دفع الفاتورة الغلط دي ،
البلد دي ما ماشة ليـ قدام عشان نكون واضحين وبالعربي كدا
خلوهم يمكن يقدروا يدبروا أمرهم براهم ! وخلونا نحنا في السجم الفيهو دا
دي بلد الفيها كلوا كان قريب كان بعيد ما منو رجاء !
بلد المتعوس في ذمة خايب الرجاء ...
يمكن بعد كم سنة كدا يحاولوا ينضموا ليـ كينيا والا يوغندا
واضعف الإيمان يكون في أمل ليـ حاجه جديده ! لكن يقعدوا يبارونا في هلاكنا دا ؟؟
غايتو نحنا بي بلانا دا - خايف بعد فترة نطالب ننضم ليهم !!
أنا مش بحب منوت وشول بس ،، بحب كل ثمرة في الجنوب في فرعها متدلدله راجية اليقطفها ،
وكل قطية راكنه في وسط خضرة قدامها سيدا مولع كدوس وبعاين في زرع قام بي قدرة الله ومطرو !!
عشان هم اخونا وحبايبنا نقول ليهم الله يسهل عليهم ويجعل دربهم اخضر ووراف !
الجنوب دا لو فارقنا ما زي جرح السكري تقطعوا من جسمك عشان تعيش ،،
لكن في الحقيقة : حا يعيش الجزء المقطوع ويموت المريض !
دي اكيد اكيد وكل السحب تشير لهلاكـ باين !!
وعشان بنحبهم أفسحوا ليهم المجال ...
هشام
| |
|
|
|
|
|
|
|
|
|
Re: عبيد يبحبثون عن سيد حاله انفصال (Re: Hisham Ibrahim)
|
والله فكرةالاعتذار ديه فكرة راقية ... وفعلا حتكون عملية ومجدية اذا اتبنتها الاحزاب السياسية
وعما عن الانقصال ده فعمرو ما حيجيب فايده لاي طرف.
العالم بقي كلو تحالفات .. بين دول وجماعات كانت في يوم علي طرفي نقيض .. ونحن ماشيين نفتش للانفصال.
والعبرة في دول شبه القارة الهندية ودول شرق اسيا اللي انفصلت واللي عايزة تنفصل, بنغلاديش , تاميل, تيمور شرقية وغربية و ..و..
شكرا عصام واضم صوتي للمعتذرين .. وأعتذر لكل الجنوبيين ..
خصوصا الزميلة الدكتورة ماري فرانسيس .. اللي كانت دايما بتحكي لينا.. وبكل مرارة ..
وبالرغم من انها مولودة وساكنة في نمرة 2 .. كانت كلما تكون ماشية برجليها .. تقيف عربية جنبها ويسالوها
" تشتغلي يابت "
| |
|
|
|
|
|
|
|
|
|
Re: عبيد يبحبثون عن سيد حاله انفصال (Re: Osama_Ali)
|
العزيز عصام الخواض...أولا كل سنة وانت طيب
سألتني ان كنت سأغير رأي في السيدين/ بشأن ما كتباه للحاكم
العام في حق علي عبداللطيف...وانه مجرد عب...سيبك منه...
فقد سمعت الفاضل سانتو اليومين الفاتو في احدي القنوات
الفضائية - السودانية- يحكي نكتة عن سليمان عبدالقادر..
عندما يحاوره سانتو ويرميه في الأرض في التمارين...فسانتو وهو مبتسم
قال سليمان كان بقول لي يا عب تاني ما تعمل كده...وضحك سانتو وضحك
معه الآخرون...وممكن ترجع الي قفشات ابي داؤود
والدكتور عوض دكام ...فمشكلتي اذن هي ليست مع السيدين انما مع الحاكم
العام الذي قبل مبرراتهما...ورتب عليها امورا كثيرة؟؟؟؟؟؟
| |
|
|
|
|
|
|
|
|
|
Re: عبيد يبحبثون عن سيد حاله انفصال (Re: nazar hussien)
|
الأخ الخواض
تحيه وتقدير .
أشكرك على ما منحتني أياه من سعور بالسعاده قلما أجده في هذه الأيام .
أتفق معك كليا .
وأسمح لي أن اعتذر عبر هذا الخيط المفرح لكل أهلي , أهل الجنوب عن أدراكي المتأخر ...
أعتذر لكم بكل صدق بأنني كنت يوما جزء من هذا الظلم الكبر الذي وقع عليكم ...
وأطلب منكم العذر والغفران و أنا على يقين كامل من قبول أعتذاري وأعتذار كل من يمتلك الشجاعه ليعتذر , لأنكم تحملون قلوب بيضاء كالقمر , فكل من غرفته وعاشرته من أهل الجنوب ترك في قلبي أثار لا تمحى من الجمال والروعه .
شكرا مره تانه الحبيب الخواض لمنحي هذا الجمال .
...............................................
لنعتذر أولا وبأمانه ولنترك لهم يختاروا بحريه في الأستفتاء ...
| |
|
|
|
|
|
|
| |
Esam El-Khawad
كمال علي الزين
Abureesh
doma
اساسي
المسافر
محمد عبدالله مختار
أنور أدم
انعام حيمورة
baha eassa
Khalid Kodi
degna
مجدي عبدالرحيم فضل
Deng
حبيب نورة
Ahmed musa
jini
Abd-Elrhman sorkati
يازولyazoalيازول
عادل عبدالعزيز عبد الرحيم
محمد نجيب عبدا لرحيم
Hisham Ibrahim
Osama_Ali
على محمد على بشير
Mohamed Moatasim
مجدى محمد مصطفى
فيس بوك
تويتر
انستقرام
يوتيوب
بنتيريست