تروي «منال» حكايتها بشيء من البؤس والحزن المثير للضحك حنقا، فهي تقول في رسالتها «أنا بنت ثلاثينية وسعودية وجامعية وكأغلب الحاصلات على شهادات انتظر الوظيفة، وحقيقة ليس شغلي الشاغل الوظيفة، وليست هي اهتمامي الأول؛ لأنها شبه مستحيلة إلا بالواسطة، والواسطة لها أهلها. همي الأول هو الزواج، وها أنا ذا قد وصلت الثلاثين ولم أتزوج، فماذا أفعل؟ عرضت علي إحدى صديقاتي أن أتصل بأحد الشيوخ المختصين بتزويج النساء، وبعد تردد دام أسابيع، اتصلت عليه وأجبت على أسئلته، ثم اشترطت ألا يكون الزوج متزوجا بأخرى، وليس مهما إن كان مطلقا أو أرملا، فأكد لي أن طلبي تعجيزي، فأنا ثلاثينية ولا يمكن لرجل أعزب أن يتزوج امرأة بهذا السن. فيما بعد اكتشفت أن هناك نساء أكبر مني سنا، وأقل جمالا قد تم تزويجهن عن طريق الشيخ، فيما أنا ما زلت أنتظر، وأن الأمر واسطة أيضا، فهو اهتم بتزويج نساء في زمن قياسي، لأنهن جئن عن طريق معارف له، وكن أكبر سنا مني، وتزوجن رجالا عزابا، فهل وصلت الواسطة إلى هنا، مع أن من يعمل بهذا الأمر أشخاص يقولون إنهم يقومون بهذا العمل لوجه الله»؟
11-03-2009, 03:34 PM
HAIDER ALZAIN
HAIDER ALZAIN
تاريخ التسجيل: 12-27-2007
مجموع المشاركات: 22434
انتهت رسالة «منال» المثيرة لكل المشاعر في آن واحد، فهي وإن لم تستطع تفسير أسباب ترددها لأسابيع قبل الاتصال لتسجل اسمها في قائمة مكاتب التزويج، إلا أنه يمكن لنا القول بأنها كانت تعيش صراعا بين تنازلها عن إنسانيتها مقابل أن تكون سلعة كسيارة تنتظر من يشتريها وبلا ضمانات بأن تكون حياتها سعيدة. هذا الوضع لن يؤدي إلا لدفع القلة من الشباب والفتيات للخلوة الأكثر خطورة كما يحذر منها، فيما غالبية النساء سيتم تحويلهن إلى سلعة في مكاتب بدأت تنتشر بكثرة، وكل مكتب أصبح يتفنن في أنواع الزواجات التي يقدمها، وغالبية الرجال اقتنعوا أيضا بأن الزواج مثل شراء سيارة، لهذا هم يهتمون بالزوجات لفترة قصيرة، كما يحدث حين يشتري أحدهم سيارة جديدة، ثم مع الوقت يفقد دهشته فيكف عن الاهتمام بها «تلميعها» فيغطيها التراب وتصدأ مشاعرها. إن إنشاء أسرة سعيدة بهذه المواصفات، أمر مستحيل، لهذا كان من الطبيعي أن يحضر السائق ليقوم بدور الأب، وتلعب الخادمة دور الأم، فالقضية هنا ليست كسل الأب والأم فقط، بل شعورهما بفقدان شيء ما ينقصهما، شيء ما يربط بينهما بطريقة مختلفة عما يربط الرجل بسيارة جديدة. إن الزواج عن طريق المكاتب بحجة حماية المجتمع، هو تدمير لإنسانيتنا، وهذا التدمير لن يطال الزوج والزوجة/ السيارة وحدهما، حتى الأبناء سيطالهم التدمير، فالطفل الذي يعيش ببيت خال من الحب والعاطفة، لا يمكن له أن يكون سويا، وإن رددنا عليه هذا، فهو في النهاية سيقول لنا: لم أشاهد أسوياء لأتعلم منهم كيف يمكن لي أن أكون إنسانا سويا ومحبا.
ولو جيت للكلام الجد الما هو هزار والله ياحيدر الحته دي أهميته إنها البتدي الانسان أستقرارو وقدرتوا يخطط لحياتو ويتعامل معاها بذهن صافي , في ناس بتحيرك ماشه لاخر تلاتيناته ولسه ما مفكرة وقبل مدة نزل زميل هنا حكاية المهندس الحصل 54 سنة وبفتش لسه في عروس , أنا المحيرني الناس ديل صعب الواحد يقعد عمرو ده كلو من غير زوج/ة !!!! و أكيد أى وأحد/ة بدخل مود الزواج بحس في فترة كدة إنتقالية بتمر عشان يبتدي يتبرمج على الزواج ووجود شراكة أنا غايتوا لفترة طويلة كنت بستغرب من الزولة البتقطع لى قعدتي بمزاج في المكتب عشان تسألني حتتأخر ولا جاى تقول ليها بدون تشعر وانت مالك ؟؟؟
لكن شوية شوية حتدخل في حته أنك ما بقيت وأحد فرد وحتبتدي تتعامل أنو بقي عندك شريك في الحياة كل ما تطول فترة أنك براك التأقلم ده بكون صعب وحيأخد مدة أطول عشان تعتادو , ده غير أنو فعليا وجود شريك بتحس بي مهتم لامرك ومرافقك في دنيتك دي يفرحوا البفرحك ويزعلو البزعلك شي ما هين وشعور ما بيتقدر خصوصا لما تحسوا أنو بقت بينكم سنين وذكريات ومواقف وحاجات ما بتتنسي
بالجد لما أشوف الناس الممهولين ديل بحس أني كنت شفقان ساى يوم كنت ماشي في 36 وداخل 37 ومطلق وبراي وعامل لي نفسي نفسيات أني خلاص فات فيني الفوت ياخي الناس طلعوا متمهلين بصورة ما عادية لو الواحد كان لقي طولت بالهم دي كان قعد في دنيتو دي عاجبو شبابو
بس الشفقة نعمل شنو بالجد الشفقه تطير
11-03-2009, 07:45 PM
Hadeer Alzain
Hadeer Alzain
تاريخ التسجيل: 07-13-2008
مجموع المشاركات: 3530
Quote: وانا في رأيي هو وينو الراجل البستاهل !!!!!!
مشكلة اصحابي ديل ما بيقولوا مافي بت بتستاهل زي ما ختيتها انتي حافة وحامضة كدة .. لا لا لا ديل بيقولوا ما لاقيين بت كلو كلو .. يعني الدنيا رغم انه النساوين 3 اضعاف الرجال لكن هم للآن ما لقوا واحدة .. شايفة كيف ..؟
ياربي معاهم حق وبقن نسوان الزمن دا مافي والا هم عميانين في قلوبهم ..
11-04-2009, 07:46 AM
HAIDER ALZAIN
HAIDER ALZAIN
تاريخ التسجيل: 12-27-2007
مجموع المشاركات: 22434
Quote: بالجد لما أشوف الناس الممهولين ديل بحس أني كنت شفقان ساى يوم كنت ماشي في 36 وداخل 37 ومطلق وبراي وعامل لي نفسي نفسيات أني خلاص فات فيني الفوت ياخي الناس طلعوا متمهلين بصورة ما عادية لو الواحد كان لقي طولت بالهم دي كان قعد في دنيتو دي عاجبو شبابو
يآخي هم اصحابي ديل ممهولين مهلة نصاح .. وأجمل شئ فيهم يا ناصر انهم مريحين ضميرهم على الآخر بقصة ما لاقيين بت .. الواحد يقول ليك وهو جااادي كدة ...والله يا حيدر للآن ما لقيت الزولة الارتبط بيها وهو يكون قرب يدق في الخمسة وتلاتين !! لكن لو وصل الــ54 لومك بي كان افتح فيهو بلاغ في الشرطة
انا ضمير التأنيث الانت وضعته دا مرات بتحفظ عليه لانه اغلب البنات ما بيختارن العزوبية جرجرة منهن والا مهلة لكن ظروف الواسطة هي البتحكم..
11-04-2009, 09:16 AM
عبد الناصر الخطيب
عبد الناصر الخطيب
تاريخ التسجيل: 10-25-2005
مجموع المشاركات: 5180
العزيز / حيدر الزين صباحك زين ,,, -----------------------------------
وما تنسي في شباب منتظرين ظروفهم تبقي زي (الباسطة) حتى بعد داك يختار ست الحسن ويبقي ليها زي خاتم سليمان قادر يحقق كل طلباته وامنياته مع أنو نصيحة مخلصة الناس ما تقيف في الحته دي ممكن تلاقي الإنسانة المهما كانت ظروفهم ما مناسبة قادرة تتحدي معاهم الظروف دي وحتساعدهم بصبره ومحبته أنو واقعهم يتغير _ أسالني _ لأنو عمرك ما تكون قاعد بلا مسؤليات وتهتم تغير وضعك ده غير أنو مكن الظروف الزي الباسطة دي ما تجيك الا بعد تكون أحلى أيامك ضاعت
ده غير أنها بتّسهل وصدقني زمان ما كنت بؤمن بالحته دي والله يا حيدر طلعت حقيقة كيف ما تعرف ربنا بسهله وبفتحه من واسع
بالنسبة للكلام ده :
Quote: - لا تناقشي
- لا تجادلي
- لا تحاسبي
- لا تطالبي
- لا تعاتبي
زوجة بالمواصفات دي ماظن تكون إضافة في حياة زوجها والحياة معاها حتكون غاية في الرتابه والملل والراجل الما بحس انو عندو شريكة بتضيف لحياتو وبتجادلو وتناقشو وتلقي معه حلول لكل الحاجات البتعترض حياتهم والله أخير عدمه
تحياتي
11-04-2009, 10:21 AM
سارة كرودى
سارة كرودى
تاريخ التسجيل: 05-06-2009
مجموع المشاركات: 764
Quote: اها يازول لو فكرت تعرس تعال بنديك واحده على الضمان وتقفيل الشركة بس ماتقوم تقول لي عايزها بالاقساط المريحة لووووول يكه
زمان في كلام سوداني بقول ليك في النسوان والعربات شوف الناس (....) شنو وما تخالفهم بالمناسبة الكلام ده طلع فاضي لا في الاوله ولا في التانية تابعته الناس والحمد لله موفق في الاتنين للغاية
مع التحفظ أنو مافي شي بلمهم الهم إلا أنو الزواج بفرض وجود العربية لكمية من الاسباب المنطقية
وياذاتو الظاهر حيدر الزين يا منتظر يقابل بت الحلال يا بت الحلال قاعدة بس شابكة شيلى الصبر يا بت الناس لما الظروف تبقي زي الباسطة
وهي بتسمع في أم كلثوم متصبرنيش خلاص أنا فاض بي ومليت
ويدك معانا بالله رشي السيارات البلاضمان بعد الخمسين دي! شي تصلب شرايين وشي ذبحات وشي سكري وفشل كبدي وو .. إلخ .. وشي حاجات تانية حامياني ... ونحنا يا دوووب تبدا نورتنا الوكت داك .. وهم تبدا مراهقتهم من جديد ويبدوا في المقابضة في البنيات الصغار ليجددو باقي الشباب الراح .. باقي القصة عارفاها مش؟ .. لوووول
.
11-04-2009, 12:45 PM
Hadeer Alzain
Hadeer Alzain
تاريخ التسجيل: 07-13-2008
مجموع المشاركات: 3530
شارية شنو يا هدير يا اختي .. انت البوست قلعتيهو عين حمررررة ...تجي تقولي شارياهو .. حاتبقي علي زي قصة المصريين مع مصطفي عثمان اسماعيل قلعو منو حلايب رجالة وحمرة عين وهو لغاية هسع شغال يقول ليهم رايكم شنو نتكامل أها رايك شنو هسع نتكامل اخدي البوست كلو بس النرد على الزول زاااتو وميادة كامل الجاية رافعة الكورة سماء ..
تحياتي
11-04-2009, 01:15 PM
نجاة محمد بابكر
نجاة محمد بابكر
تاريخ التسجيل: 09-10-2009
مجموع المشاركات: 571
Quote: فعشان كدي يا أخوي أعقلها وتوكل على بركة الله .. وشوف بت الجيران الكبرت وبقت تسعتاشر سنة ديك .
العزيزة.. هدير.. اخبارك و مشتاقين .... و الله متوكلين..علي الله..بس ريك يهون.!!!! لكن بيني و بينك.. ناس 19 سنة ديل..ما بخارجو معانا.... كدي فيك الخير ...زيديها شوية..... ويا حليل بت الجيران و جكس الجيران...ههههه
زوجة بالمواصفات دي ماظن تكون إضافة في حياة زوجها والحياة معاها حتكون غاية في الرتابه والملل والراجل الما بحس انو عندو شريكة بتضيف لحياتو وبتجادلو وتناقشو وتلقي معه حلول لكل الحاجات البتعترض حياتهم والله أخير عدمه
بالعكس يا عبد الناصر بالعكس .. زوجة بمواصفات زي دي الناس بتهاجر ليها هجرة وتدفع فيها النفيس والغالي .. والعجيبة بالاضافة للحاجات دي تكون خرساء
ـــــ اكيد بتفرقو بين الجد والهظار
11-04-2009, 01:49 PM
mayada kamal
mayada kamal
تاريخ التسجيل: 08-31-2007
مجموع المشاركات: 8015
Quote: بالعكس يا عبد الناصر بالعكس .. زوجة بمواصفات زي دي الناس بتهاجر ليها هجرة وتدفع فيها النفيس والغالي .. والعجيبة بالاضافة للحاجات دي تكون خرساء
--------- بالعكس ياحبيب تكون مناسبة ليك في السن بتعليم عالى وتحسها وسط اهله كلمة وراى مسموع وليها ثقافته وإهتماماته ورأئه ومنطقة الممكن تختلف وتتفق معه في حاجات قادره تخليك حتى وانت متزوجه هي حبيبتك وتاعبه قلبك ولحظة معاها ما تعدي عليكم زهجانين ولا مدبرسين تشطبو كل الأحاسيس السلبية دي من حياتكم لا الناس شغالة بيكم ولا شغالين بالناس نعيش برانا نعيش في جنه لا يقولو قالوا لا يقولو قلنا
مره زي دي ياحيدر قيمته الجد إنها حتكون على الزمن معاك لكين عمره ما تكون مع الزمن عليك
عوز تغتس حجرك عرس شافعة ناس كبرتى وليك 19 سنة
وليك الود كلو
11-04-2009, 01:58 PM
Faisal Elrasheed
Faisal Elrasheed
تاريخ التسجيل: 07-02-2008
مجموع المشاركات: 4713
حيدر بما انك نايم بالبوست العجيب ده وبما اني كنت مشغول مع ناس داحس والغبراء ديلك وبما انك شتته من بي غادي وخليت البوست يمشي الخور وجيت فتحت ليك صالون بي هنا فحاقوم اديك اوفر حسب طلبك الفوق ده اديني رايك سريع قبال الواطه تمغرب
11-04-2009, 02:05 PM
HAIDER ALZAIN
HAIDER ALZAIN
تاريخ التسجيل: 12-27-2007
مجموع المشاركات: 22434
Quote: أها عافي ليك بس بالله الاوفر بتاعك اعيد تقديمه عشان اعرف كان داسي لي شنو في عقلك الظلامي
انت كدي اعمل لينا مجهودك في البوست القلتو ليك اول بعدين الاوفر ملحوق ما تفكر فيه كتير
بعدين صراحة يا حيدر انا والله شايف انو حقو توهب حياتك للفن والادب وسيبك من حكايت العرس والدوشه ووجع الراس المافي ليه داعي ده تجي تقع ليك في واحدة تشبكك نبني عشنا وحته حته والحياة والبتاع وحا اديك قلبي وتديني (بث) اوضه في قلبك انشا الله مافيها عرش وكان اتاخرته ساكت في مواعيد العرس تشبكك ود عمي قالو جايي من ابو ظبط نظام دايرك تعمل الوليد بن المغيره وكده وتقعد تنقنق فيك وتملاك فقر ياخ عليك الله شفته ليك زول عرس وبعد 3 شهور كان لسه فرحان ؟ يعني براك داير تشيل ايدك وتطبظ عينك ...ياخ الحرية حلوه حلا
عليك الله خش لينا في امرؤ القيس والا اي واحد من الناس الدقسو زمان ديل خلينا نطرطش معاهم قرف يقرف سوق عكاظ كله ياخ
11-04-2009, 03:21 PM
Tabaldina
Tabaldina
تاريخ التسجيل: 02-12-2002
مجموع المشاركات: 11844
حيدر عندي واحد صاحبي الله يفك محنته ..قول امين . اميـــــــــــــن جزاك الله خير ..
ايوه ..كان زول طموحاته عالية جدا جدا ومن زمن الجامعة ما بعاين للبنات النص كلتش اللي هم البروتارية والبجو الجامعة بعد جهاد وكتاحه وبالمواصلات وبتمو اليوم تسالي وفول حاجات المهم صاحبنا هو اساسا مسخن لكن مدعي البرجوازية ..يعني من دخلنا الجامعه ما شرب ليه ليمون والا كركدي من ابو جردل البقيف جنب الباب داك كان بشرب سفن اب بس .. صاحبنا في سنة تانية اكتشف انه عنده بت خالت امه بت عمها عايشه في امريكا ... وجايين اجازة .. ظبط اموره وحلف بالتقطعه لي امه واهله انه يا البت دي يا بقع البحر..والبت يا امي امريكية يعني انا من هنا وطوالي حا ابقي ليك محامي في امريكا.. وكان عملتي لي مسكول ساكت بحاسبك بيه ..وقرقر لي امه مخها اها لسؤ حظه اللي حنشوفه بعدين وحسن حظ العروس انه الاجازة اتكنصلت والجماعة ماجو زولنا بقي راشي لا خلا لوتري لا خلا ماسنجر لا خلا mirc ...يا حليل ايام البرنامج ده ..ياخ ده كان المتعه زاته .كانت لنا ايام ..عليك الله يا حيدر كان عندك نزله لينا هنا يا خ نتذكر بيها ال mirc وايامه الطاعمه اها بقي يشيل ويرسل في الجوابات والاميلات ..ودخل كورس في سلتي مخصوص عشان الحنك يكون بالانجليزي المهم يا حيدوره..صاحبنا في النهاية من شدة استعجاله والتلفونات الضربه والاجاويد الدخلو قامو حددو العرس وعقدوا لي صاحبنا وسلموهو ليك الطرد ... وعينك ما تشوف الا البعاتي ..ياخ بعاتي امريكي عديييييييل ..والله انا لمن شفته الصور فيما بعد كنت قايله wesley snipes ملبسنه زفاف
اها بجيك راجع للشرح بعدين
11-07-2009, 09:22 AM
HAIDER ALZAIN
HAIDER ALZAIN
تاريخ التسجيل: 12-27-2007
مجموع المشاركات: 22434
Quote: منتظرررك يا فيصل تكمل لينا قصة ويسلي سنايبس دا .. لووووووووول ..
حيدر يا عمك اول حاجه انت مختفي من يوم الخميس ما ظاهر في الشبكات كلها ..شكلك كنت نايم ليك بي حاجه نجيضه
بعدين شايفك حنكتني في الموضوع بتاع زهير ابن ابي سلمي وعمر بن كلثوم ياخ قوقلته ليك الشباب ديل لقيت ليك عندهم شغل من النوع ابو لستك ..بكي شديد وتكسر زي الخرصانة
عليك الله جادين كده تعال افتح لينا الحنك ده علي الاقل بوست بكون مضمون ما بخشوهو ناس (طراجي) وعمك كوبي بست وصاحبك المتصور بالبدلة في الطيارة والغريبة راكب في الايكونمي كلاس ..طبعا قطع شك عرفته
11-07-2009, 12:10 PM
HAIDER ALZAIN
HAIDER ALZAIN
تاريخ التسجيل: 12-27-2007
مجموع المشاركات: 22434
ويسلى أسناب معلم ما فيها كلام لكين صاحبك يعيش وياخد غيره ويا حيدر ما عوزة نصائح لا تعرس بي صورة ولا صوت في التلفون لازم تتعارفوا بدون أى وسائط لا تقنية ولا غير تقنية
وما تنسي إننا في غربة يعني الواقعية زيها مافي وزي ما قال صاحبي المكنيكي مرة الدرب البتمشي بـ 4WD الأتوس في ما بتنفع
وفي الاخر كلو قسمة ونصيب
11-08-2009, 07:31 AM
Faisal Elrasheed
Faisal Elrasheed
تاريخ التسجيل: 07-02-2008
مجموع المشاركات: 4713
Quote: وزي ما قال صاحبي المكنيكي مرة الدرب البتمشي بـ 4WD الأتوس في ما بتنفع
عبده الناصر ياخ لقيتك لكن مولود في مستشفي العيون عدييييل وصاحبك المكنيكي باين عليه من انسال لقمان الحكيم
والله لكن وصيتك لي اخونا حيدر وصية ليها ضل وانشا الله يقرض علي كده ويجلي حنك الفيس بوك والماسنجر وباقي العدة البتجيب الورطات دي حتي لا تكون نهايته ويسلية اسنابية
11-08-2009, 07:50 AM
HAIDER ALZAIN
HAIDER ALZAIN
تاريخ التسجيل: 12-27-2007
مجموع المشاركات: 22434
يا فيصل ياخوي النهايات الوسلية أسنابية ما بتجي من فراغ والجهجهة بتحصل متى ما قترب أحدهم من سن القلق في غربة قاعدة خياراتها محدودة وناس عهودهم باعوا بدري بدري ومابين ترشيحات الأهل والأصدقاء ببتدي سقف الطموحات ببت الحلال المواصفات خاصة تقل تدريجيا وقد يصل البعض منهم لمراحل أكثر تعقيدا زى ما بتشوف في بعض المناسبات السودانية ناس كبار وبعاينوا لى شفع ممكن يكونوا في عمر بناتهم لو أتزوجوا في السن المفروض يتزوجوا فيها وخالات بلغن من الكبر عتيا ولسه منتظرات العريس الفل أوبشن أنجكشن بخاخ
حكاية صاحبي الميكانيكي دي والزول فردتي سوداني واخو أخوان جاء نصحوا ده في سياق كلاموا لى صاحب لينا كان بكلمنا عن خياراتو المتاحه وكلاموا كان منطقي للغاية مافي زول ضامن ظرفوا يبقي الأقرب للمنطق تشوف الإنسانة الممكن تعيش معاك في كل الظروف , وهي حامده شاكره
Quote: شفت فيس صلاح غريبة دا غلبني كلو كلو .. دي الشغلة المافهمتها .. ناس تكتب وتسوط ساي .. اشتركت فيهو وكل يوم القي نفسي في حيطة زول
والله ياحيدر عندي فيهوا صفحة بس أصرار الولية تكون معاى في صورة البروفيل لاصرار سبق أكون أساسي في بروفيل صفحته خلاني اقنع من الإنطلاقات الصلاح غريبية فيهوا
وكل مرة برسلو لى ايميل تواصل مع أصدقائك مجددا في الفيس بوك
Quote: حكاية صاحبي الميكانيكي دي والزول فردتي سوداني واخو أخوان جاء نصحوا ده في سياق كلاموا لى صاحب لينا كان بكلمنا عن خياراتو المتاحه وكلاموا كان منطقي للغاية مافي زول ضامن ظرفوا يبقي الأقرب للمنطق تشوف الإنسانة الممكن تعيش معاك في كل الظروف , وهي حامده شاكره
عبد الناصر
بعد كلامك ده الواحد يقول اللهم ارزق اخونا حيدر واحدة همر 3H فل اوبشن علي الزيرو ولساتكه ضد المسامير والمكنة بتشتغل بدون بنزبن
11-08-2009, 11:00 AM
هيثم درار
هيثم درار
تاريخ التسجيل: 07-14-2008
مجموع المشاركات: 544
Quote: اسمع نصيحتي دي بي طول الفتح والسد بتتخلخل وتكركب براها بعدين ..والله صدقني احرف سمكرجي ما يرجعه
الكلام علي السواق يا حبيب ..
مفروض ما يستخدم المفتاح دا وعندو زر الفتح مختوت بي قدام تحت كرسي السواق .. بس لو عصلجت يد الفتح من قدام لا ضرر ولا ضرار في استخدام المفتاح في الكبوت الخلفي
ثم لا تنسي إنه الضهرية دي مساحة سعة للعربية تستحمل التخزين وكل ما كبرت كان ما تحمله من المواد كبير .. فينصح بالتسوق الغير مشروط حينها...
11-08-2009, 07:07 PM
abdalla osman
abdalla osman
تاريخ التسجيل: 11-27-2008
مجموع المشاركات: 1066
وحدة فرنسيه اسمها ليزا .. ووحدة إنجليزية إسمها اليزابيث .. ووحدة عربية إسمها أم محمد ....
الثلاثة زهقوا من شغل البيت والطبخ والكنس فإتفقوا يعملون إضراب ويخلوا أزواجهم يشتغلون بدالهم وبعد إسبوع يتقابلون وكل وحدة تقول وش صار لها
وبعد أسبوع
قالت ليزا الفرنسية أنا قلت لزوجي من اليوم مافيه كنس ولا طبخ ولا كوي .. أنا زهقت من الشغل وشوف لك حل!!! مر يوم وماشفت شى وثاني يوم برضو ماشفتت شى وثالث يوم لقيت زوجي قايم الصبح بدري ومجهز الفطور والشاي وجابه لي في السرير وأنا نايمة وبعدين راح شغله
اما البريطانية اليزابيث ردت وقالت: وأنا بعد قلت لزوجي أنا من اليوم ماني كانسه ولا طابخه ولا كاويه في هالبيت , أنا زهقت خلاص أول يوم ماشفت شى وثاني يوم بعد ماشفت شى لكن في اليوم الثالث لقيت زوجي رايح للبقاله وإشترى كل الطلبات الي كنت ابيها في البيت وبعدها قام نظف البيت كله وكل شئ صار تمام التمام
أم محمد جاء دورها في الحكي فقالت: أنا رحت بعد ماتركتم وقلت لزوجي إسمع يابو محمد أنا زهقت من شغل البيت وإعمل حسابك أنا من بكرة لا كانسه ولا طابخه ولا كاويه وبصراحة أول يوم ماشفت شى وثاني يوم ماشفت شى وثالث يوم بعد ماشفت شى والحمد لله رابع يوم قدرت أشوف شوي بعيني الشمال
قول لي هدير وميادة تاني ما يعصرن شديد, ام محمد دي كان عندنا كان العمى اللى يوم الليلة
11-15-2009, 09:30 AM
HAIDER ALZAIN
HAIDER ALZAIN
تاريخ التسجيل: 12-27-2007
مجموع المشاركات: 22434
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة