|
|
 بياتو فهم استنبطت انو الشوايقة والجعليين جايين من خبث رحم سودانى يا NEWSUDANI
|
فى معرض رده على احد الاعضاء فى بوست ل DENG ذكر NEWSUDANI التالى :
Quote: لأنه حسب ما عرفت هي من القبائل النوبية في الشمال الجغرافي وتدافع عن نظام عنصري بغيض وما لا تعلمه -ولا تريد أن تعلمه- أنه هذه المنظومة الخبيثة من المتأسلمين يستخفون ويحقرون بأهلها الدم واللحم وهي مسألة وقت وسترى هي بنفسها والله يديها طولة العمر بعد أن يتجزأ السودان ويصبح قطعة أرض صغيرة يحكمها جعليين وشوايقة ما سيفعلون بهم،،،
طبعا كثير من في عمرها كبروا في ظل الغيبوبة الذهنية اللي حاصلة في السودان ولم يعلموا أن المتحكمين في السلطة ديل هم من أخبث رحم سوداني على الأطلاق |
طيب ياصاحب الافكار الجديدة فى تصنيف القبائل السودانية ياريت تورينا انت اثبت كلامك ده كيف ؟؟؟؟
|
|
 
|
|
|
|
|
|
|
|
Re: بياتو فهم استنبطت انو الشوايقة والجعليين جايين من خبث رحم سودانى يا NEWSUDANI (Re: خالد احمد محمد)
|
الكلام القلتو فوق يعتبر نوع من الشتم الصريح لقبيلتين هم ارفع واشرف منك ملايين المرات وينتمى اليهم رجال ونساء ساهموا بتعمير هذه البلاد بدماءهم وارواحهم واموالهم وبكل مايملكون .... وشوف من وضاعة المواقف وهوان الكرام على اللئام انو يجى واحد زيك ويتكلم عنهم بى كلام زى ده .... ولقبح كلامك وافعالك تظل متسترا خلف هذا القناع الذى تحمله ولاتسحتق ان تكونه .... والكويس انو كل المرضى النفسيين اصحاب النفوس الحاقدة والمريضة مابقدروا مرات يمسكو نفسهم عن قول مايرونه من اوهام تصوره لهم نفوسهم الهزيلة التافهة وها انت قد اخرجت احقادك وكل ماتشعر به تجاه هؤلاء الشرفاء .... بالله من انت ايها القزم كى تتحدث عن مثل هؤلاء الشرفاء
| |
|
|
|
|
|
|
|
|
|
Re: بياتو فهم استنبطت انو الشوايقة والجعليين جايين من خبث رحم سودانى يا NEWSUDANI (Re: خالد احمد محمد)
|
هل تعنى حالة الاهتزاز التى يعانى منها الوطن ان ينفتح الباب واسعا لمثل هذا القزم ان يتناول اهلنا فى الشمال بكل مايشاء من شتائم ؟؟؟؟؟؟
فكرة صغيرة اخرى تعشعش فى خيال العديد من الاقزام وهى ان التعريض بالقبائل الشمالية الان هو نوع من الوطنية الحقة باعتبار ان هؤلاء ( الجلابة ) هم اساس مايحصل للوطن الان !!!!
ولو امعن اى واحد لوجد ان كلمة جلابة تذكر فى اليوم الواحد عشرات المرات فى الكثير من البوستات التى يدعى بعض اصحابها حرصهم على وحدة هذا التراب وهم اكثر الناس اشتياقا لتمزقه من غيرهم !!!!
| |
|
|
|
|
|
|
|
|
|
Re: بياتو فهم استنبطت انو الشوايقة والجعليين جايين من خبث رحم سودانى يا NEWSUDANI (Re: خالد احمد محمد)
|
وين كان شمال السودان عايش فى رفاهية منفردة عن باقى الوطن ؟؟؟؟ منو الفى الشخصيات المريضة دى القاعدة تتبجح بكرهها للشمال وللجلابة قام يقوم وقال كدى النمشى نشوف الناس ديل عايشين كيف فى خلا العتمور ولا حتى فى القرى النايمة فى حضن ويعانى اهلها الامرين فى توفير مياه شرب صالحة للشرب ّ!!!!!
طيب نخلي الكلام العاطفى ده ونشوف الفهم شنو البيخلى انتهاك كل مواثيق وقداسة الوحدة الوطنية بوصفهم اخبث ناس وبوصفهم جلابة ماصين دم الشعب ده شنو البخلى الفهم نوع من الوطنية واقل هجوم على اى قبيلة تانى فى السودان كفر بالوطنية واستهداف للمهمشين ؟؟؟؟
| |
|
|
|
|
|
|
|
|
|
Re: بياتو فهم استنبطت انو الشوايقة والجعليين جايين من خبث رحم سودانى يا NEWSUDANI (Re: خالد احمد محمد)
|
| Quote: لكن هسع لو واحد ببراءة قال ( الجانقي ديل ناس مساكين خلاس ) و اللا ( الغرابة بيسروا القلب ) حتلقى مليون مناضل ناطي جوز و يكلم ليك عن العنصرية و الإستعلاء و الإسلاموية و البطيخ ، و ما بعيد يجيك واحد عينة ( بشاشة ) وهو يلهث و يحكر ليك في البوست ويرفع رجلو الشمال ويتبول عليك بقلمه و يعمل ليك فيها فحييص و يطلعك ود حرام .. |
عصام يديك العافية ياحبيب .... وهو عليك الله نحن ساعة مرقنا من اخبث رحم سودانى المابيخلينا نبقى اولاد حلال شنو ???? ....
خليك قريب لامن نشوف الزول ده وغيرو فهمهم شنو للموضوع ده .... فيا اما الناس كلها اتفقت انو تدين السلوك ده او كلام الزول ده يكون موافقة ضمنية على انتهاك وتشويه صورة اى قبيلة فى السودان بدون مايجى اى زول ينطط ويعمل لينا انو مظلوم ....
| |
|
|
|
|
|
|
|
|
|
Re: بياتو فهم استنبطت انو الشوايقة والجعليين جايين من خبث رحم سودانى يا NEWSUDANI (Re: علاء الدين يوسف علي محمد)
|
Quote: أجاوبك أنا معليش
بفهم الحِقدو الحسد و الكراهِية
و مُسبِّباتها
عقدة لن تنفك
و إحساس بدونِيّة مُدقعة
و تقزُّم أمام حقيقة النفس التي لا يد له فيها ولا لنا
و تفكير بطريقة الأداهم و ما أداني في حاجات كتييييييييييييرة
بس
|
علاء الدين يديك العافية .... والغريبة ياعلاء انو فى ناس كتاااااااار ينططو فى البورد ده ليل نهار ويتشدقو بى كترة كلام عن الوطنية والوحدة ووووووو .... ساعة تشوف كلام الزول تقول والله زولى ده ياهو مخلص السودان باذن الله بس لكن تلقاهو عندو عقدة مالياهو من فوق لى تحت اسمها متلازمة كراهية الشمال وبالجد القلم مابزيل بلم لانو العقدة دى متجذرة فى نفوس الكثير من انصاف المثقفين وارباعهم مشوهى النفس من مدعى الدفاع عن وحدة السودان وكرامة المواطن السودانى كانو قبائل الشمال دى قاعدة فى كازاخستان !!!!
| |
|
|
|
|
|
|
|
|
|
Re: بياتو فهم استنبطت انو الشوايقة والجعليين جايين من خبث رحم سودانى يا NEWSUDANI (Re: خالد احمد محمد)
|
الأخ خالد
لا أعرف لماذا يكتب هؤلاء عمداً عن إساءة أشرف القبائل
السودانية وأعرقها هذا الكلام - القبائل التي قاتلت
المستعمر وقدمت الغالي والنفيس - والقبائل التي تعلمت
فنون القتال والعسكرية وقدمت للسودان اقوى الرجال
وأشدهم بأساً.
زي ماقال عصام دهب - فهم كذلك, ولا أظنها سوف تقف هنا بل أظن أن ما سيأتي اسوأ وربي يستر.
Quote: الظاهر الناس عاملة فيها ما شايفة ..
لكن هسع لو واحد ببراءة قال ( الجانقي ديل ناس مساكين خلاس ) و اللا ( الغرابة بيسروا القلب ) حتلقى مليون مناضل ناطي جوز و يكلم ليك عن العنصرية و الإستعلاء و الإسلاموية و البطيخ ، و ما بعيد يجيك واحد عينة ( بشاشة ) وهو يلهث و يحكر ليك في البوست ويرفع رجلو الشمال ويتبول عليك بقلمه و يعمل ليك فيها فحييص و يطلعك ود حرام ..
ـ
أديهم بلاء يخمهم .. |
ابوفتحية
| |
|
|
|
|
|
|
|
|
|
Re: بياتو فهم استنبطت انو الشوايقة والجعليين جايين من خبث رحم سودانى يا NEWSUDANI (Re: mayada kamal)
|
Quote: طبعا كثير من في عمرها كبروا في ظل الغيبوبة الذهنية اللي حاصلة في السودان ولم يعلموا أن المتحكمين في السلطة
ديل هم من أخبث رحم سوداني على الأطلاق |
هذه العباره قد يقصد بها الذين عاثوا فسادا من القبيلتين..واقول قد..
وما أعرفه عن الهادي هو ما يجعلني استشف هذا المعني من حديثه..
أرجو أن يتمكن اخي وصديقي الهادي..الشمالي الاصل والمعروف بنيو سوداني من أن يأتي ويشرح حديثه..
تحياتي لك وللجميع..
| |
|
|
|
|
|
|
|
|
|
Re: بياتو فهم استنبطت انو الشوايقة والجعليين جايين من خبث رحم سودانى يا NEWSUDANI (Re: علاء الدين يوسف علي محمد)
|
Quote: منى خوجلي
سلام
المُفسدين في كل مكان و من كُل القبائل
تعميمه لا يُبرّر و القصد واضِح
الغلط غلط و الصاح صاح |
كلامك صح يا علاء..
في اي جنس انساني يوجذ القبيح كما يوجد الصالح..
لذلك ولاني كذلك اعرف الاخ الهادي فانني اظن انه بماقال قد اخطأ خطأ غير مقصود..ربما كان خطأ لغويا..
لذلك طلبت وتمنيت ان يشرح حديثه أكثر..
فلو كان في تأكدي انه قصد التعميم لما رضيت..لعدم اتفاقي مع التعميم اولا..
ولغضبت اشد الغضب حينها لاني شايقية اما وابا واجدادا من الناحيتين وهذا تانيا تتساوي مع أولا عندي..
أي أن السب يعنيني تماما كما يعني اي شايقي وأي جعلي..
واي انسان لا يرضي بسب القبائل..
تحياتي..
| |
|
|
|
|
|
|
|
|
|
Re: بياتو فهم استنبطت انو الشوايقة والجعليين جايين من خبث رحم سودانى يا NEWSUDANI (Re: Muna Khugali)
|
Quote: لا أعرف لماذا يكتب هؤلاء عمداً عن إساءة أشرف القبائل
السودانية وأعرقها هذا الكلام - القبائل التي قاتلت
المستعمر وقدمت الغالي والنفيس - والقبائل التي تعلمت
فنون القتال والعسكرية وقدمت للسودان اقوى الرجال
وأشدهم بأساً.
|
الصادق يديك العافية ياحبيب .... والخيط ده رسالة للزول ده ولى ناس كتار استسهلو فكرة استهداف اهل الشمال والكلام ده واضح داخل المنبر ومنتشر بكثرة من بعض الناس ويبقى الخيط رسالة للجميع انو اى استهداف تانى بالطريقة دى حيرتد فى شكل استهداف وتحليل للزج بالقبائل فى الصراع العفن الداير ده ....
| |
|
|
|
|
|
|
|
|
|
Re: بياتو فهم استنبطت انو الشوايقة والجعليين جايين من خبث رحم سودانى يا NEWSUDANI (Re: Muna Khugali)
|
Quote: وفي نفس الوقت يكشفوا للاخرين نواياهم الحقيقة
وبؤس شعاراتهم البنادوا بيهم
يعني كشف قناع وكدا ....... |
الاخت ميادة بالجد تصريح سلفاكير الاخير ده كان مفرزة للكيمان الحقيقية والتصريح اظهر بالجد هشاشة نسيج الوحدة الاجتماعى وانو فى ناس كتااااااار عجبتهم الفكرة دى شديد ودايرين يفتحو منها طاقة ومدخل للهجوم على القبيلتين ديل بافتراض احساس ناس كتار منهم بالدونية وراكبة ليهم فكرة الجلابة دى شديد واصلها ابت تمرق من ذاكرتهم ومشغلين الاسطوانة دى باعلى صوت وعلى انغامها قاعدين يرقصو رقصة المظلومين المضهدين فى بلدهم ممايبرر ليهم الهجوم على الناس الاوهمو نفسهم انهم مضهدنهم ديل !!!!!!!!! اها الناس ديل قامو صدقو الفكرة دى وامنو بيها عدييييييييييل وبقت ليهم زى هاجس كده .... المهم الرسالة الواضحة لى كل الناس اللى قاعدة تتنطط دى انو الحتة حقت الشتائم المستمرة دى خط احمر ياريت الناس تقيف عندو عشان مايتقلب المنبر ده محل شتائم قبلية هم ماقدرها ...
| |
|
|
|
|
|
|
|
|
|
Re: بياتو فهم استنبطت انو الشوايقة والجعليين جايين من خبث رحم سودانى يا NEWSUDANI (Re: خالد احمد محمد)
|
الاخت منى خوجلى .... كدى اتمعنى فى الاقتباس ده :
Quote: أنه هذه المنظومة الخبيثة من المتأسلمين يستخفون ويحقرون بأهلها الدم واللحم وهي مسألة وقت وسترى هي بنفسها والله يديها طولة العمر بعد أن يتجزأ السودان ويصبح قطعة أرض صغيرة يحكمها جعليين وشوايقة ما سيفعلون بهم،،،
طبعا كثير من في عمرها كبروا في ظل الغيبوبة الذهنية اللي حاصلة في السودان ولم يعلموا أن المتحكمين في السلطة ديل هم من أخبث رحم سوداني على الأطلاق |
طيب ايه اللى دخل الشوايقة والجعليين فى المكان ده ؟؟؟؟؟؟ وليه جب سيرة الناس ديل من اساسو ؟؟؟؟؟ وليه ماشمل معاهم اى قبيلة سودانية تانى ؟؟؟؟الزول ده كلامو واضح وارسل عدة رسائل واضحة جدا :
اولا : انو الشوايقة والجعليين قاعدين يستخفوا بباقى القبائل السودانية
ثانيا : هدف الشوايقة والجعليين النهائى هو الاستحواذ على ماتبقى من السودان بعد تقسيمه
ثالثا : الشوايقة والجعليين جايين من اخبث رحم سودانى ...
ونحن ذاتنا معاكى عشان الزول ده يجى يورينا استنبط افكارو دى من وين ومابيهم انو يكون هو شنو المهم انو قال كلام مرفوض تناوله باى حال من الاحوال وهو لو ماشايف الكلام ده استهتار انا وغيرى كتار شايفنو ...
| |
|
|
|
|
|
|
|
|
|
Re: بياتو فهم استنبطت انو الشوايقة والجعليين جايين من خبث رحم سودانى يا NEWSUDANI (Re: خالد احمد محمد)
|
Quote: هذه العباره قد يقصد بها الذين عاثوا فسادا من القبيلتين..واقول قد..
وما أعرفه عن الهادي هو ما يجعلني استشف هذا المعني من حديثه..
أرجو أن يتمكن اخي وصديقي الهادي..الشمالي الاصل والمعروف بنيو سوداني من أن يأتي ويشرح حديثه..
|
أخت الروح منى
شوفي الفهم اللي فهمتيه أنتي والفهم اللي ترسخ في أذهان من نشأووا في ظل الغيبوبة الذهنية!!!!
Exactly what I meant is after dismantling the so called existing SUDAN the other minorities will suffer from the tribal dominance of the governing people from both those tribes.
المعنى المراد هو أن هؤلاء الشباب صغار السن يجب أن يخرجوا من هذه العنصرية البغيضة لئلا Back fire عليهم مستقبلا ،،،
أما الزول اللي بيفهم غلط تعمل ليه شنو يا حبوبة منى ،الفهم ده الحاجة الوحيدة اللي ما بتقدر تساعد الناس بيها لأنه قسم(بجر القاف)
تحياتي لكي وللأسرة
| |
|
|
|
|
|
|
|
|
|
Re: بياتو فهم استنبطت انو الشوايقة والجعليين جايين من خبث رحم سودانى يا NEWSUDANI (Re: NEWSUDANI)
|
انت كلامك واضح ياسيد وماداير ليهو اى فهم ..... وكلام قبيح ومرفوض واهانة مابعدها اهانة وعليك الله المغيب فى القصة دى كلها منو .... المغيب ياسيد هو انت وافكارك الهدامة اللى ماشى بى سيرتها بين الناس .... ورينا بس فهمك ده استنبطتو من وين وخلينا من قصص الذهنيات المغيبة ومخارج الهروب اللى قاعد تفتش ليها دى ؟؟؟؟؟؟؟؟؟
الدخل الشوايقة والجعليين فى نص كلامك ده شنو ؟؟؟؟؟
وليه بس الشوايقة والجعليين ؟؟؟؟؟
ومنو القال ليك انو الشوايقة والجعليين عايشين حالة العداء البغيض اللى انت ذكرتها تحديدا للاخت ميادة وهى كمامعلوم تنتمى للنوبيين .... منو القال ليك انو فى عداوة زى دى بين الشوايقة والجعليين وباقى اهلنا الحلفاويين ولا الدناقلة ولا المحس ولا غيرهم ؟؟؟؟؟؟
من ويت جبت انو الشوايقين جايين من اخبث رحم سودانى ؟؟؟؟
وماتتحجج بى انقاذ ونضال لانك بى فهمك ده ابعد ماتكون عن النضال لانو فكرك قاصر وفهمك بغيض ونفسك حاقدة ومافيها اى ذرة تسامح عشان تنتج ليها فكر ولا نضال ولا تحقق ليها اى هدف فى الحياة ...
| |
|
|
|
|
|
|
|
|
|
Re: بياتو فهم استنبطت انو الشوايقة والجعليين جايين من خبث رحم سودانى يا NEWSUDANI (Re: خالد احمد محمد)
|
وسؤال صريح وواضح مين اللى قال بى فهمك دى انو الانقاذ دى هى حقت الشوايقة ولا الجعليين ووين باقى القبائل السودانية اللى انغمست فى الانقاذ حتى الركب ؟؟؟؟؟ اسى فى ذمتك ده تفسيرك للاهانات الردمتها بالكوم للناس الكريمين الشرفاء ديل ؟؟؟؟؟ الكلام ده انتو قلتو استسهالا للامر ولانك شايف غيرك كتير والغين فى حوض الشتيمة ده لكن بعد ده ناس كتار مفروض يعرفو انو الحفلة دى انتهت وده وقت الجد وده مش على مستوى المنبر ده بس حتى على مستوى الوطن الكبير حوض الكراهية امتد للجميع بسبب التصريحات والتلفيقات والكلام الغير مسئول ده ...
| |
|
|
|
|
|
|
|
|
|
Re: بياتو فهم استنبطت انو الشوايقة والجعليين جايين من خبث رحم سودانى يا NEWSUDANI (Re: NEWSUDANI)
|
Quote:
Quote: هذه العباره قد يقصد بها الذين عاثوا فسادا من القبيلتين..واقول قد..
وما أعرفه عن الهادي هو ما يجعلني استشف هذا المعني من حديثه..
أرجو أن يتمكن اخي وصديقي الهادي..الشمالي الاصل والمعروف بنيو سوداني من أن يأتي ويشرح حديثه..
أخت الروح منى
|
ألأخ//NEWSUDANI السلام عليكم
نعم الفهم قسم.إذن...لماذا ترمى بالكلمة وتتوقع الناس كلها بمستوى فهم واحد..الله خلق الناس وميزها عن بعضها البعض..ولذا يجب على ألأنسان حين يكتب أو يتكلم يطرح طرحه لتفهمه كل الشرائح...
وايضأ إذا رأيت بأن شخص فهمك خطآ بكل بساطة أعتذر عن ذلك وواصل فى حديثك وواصل رؤيتك إن لم تكن مخطىء..
ولاداعى لآن نقول حديث ونأتى نشرحه..دعنا نتكلم بدون غضب حتى لانسىء لغيرنا من غير ان نقصد..ونطرح طرحنا بوضوح..
شكرآ اخى خالد لغيرتك...وخالص تقديرى للجميع.............إسماعيل محمد احمد عباس..
| |
|
|
|
|
|
|
|
|
|
Re: بياتو فهم استنبطت انو الشوايقة والجعليين جايين من خبث رحم سودانى يا NEWSUDANI (Re: ismeil abbas)
|
| Quote: طبعا كثير من في عمرها كبروا في ظل الغيبوبة الذهنية اللي حاصلة في السودان ولم يعلموا أن المتحكمين في السلطة ديل هم من أخبث رحم سوداني على الأطلاق |
الأخ أسماعيل طبعا المتحكمين في السلطة دي لا يمكن أن أقول ألا أنهم من أخبث رحم سوداني ،، أما موضوع القبلية والأستشهاد بهتين القبيلتين It goes without saying أنه المقصود الحاكمين منهم بدليل أن الكثير من المناضلين في السودان من الشايقية وما الشهيد مصطفى خوجلي (شقيق منى ) ألا واحد من كثر حتى أطلق على الشايقية على سبيل المزاح في الثمانينات قبيلة الأتحاديين والشيوعيين ..
لذلك قلت الفهم على كيفية أن تنظر للأمور ،، على سبيل المثال أتصل بي احد الأصدقاء وهو شايقي قبل قليل قائلا- وعلى سبيل المزاح أيضا- "والله يا أخي الجماعة ديل جابوا لينا الشتيمة"
لك الشكر
| |
|
|
|
|
|
|
|
|
|
Re: بياتو فهم استنبطت انو الشوايقة والجعليين جايين من خبث رحم سودانى يا NEWSUDANI (Re: خالد احمد محمد)
|
المكتب القيادي لحزب المؤتمر الوطني الحاكم
اكتوبر 2009م
1- الاستاذ على عثمان محمد طه - شايقي
2- د نافع على نافع - جعلي
3- بروفسير ابراهيم احمد عمر - شايقي
4- د غازى صلاح الدين العتبانى ?
5- بروفسير ابراهيم احمد غندور - جعلي
6- الاستاذة رجاء حسن خليفة - جعلية
7- الاستاذ احمد ابراهيم الطاهر - شايقي
8- الاستاذة سامية احمد محمد - شايقية
9- د. الزبير احمد الحسن - شايقي
10- د. مصطفى عثمان اسماعيل
11- د. محمد مندور المهدى
12- د. رياك قاى كوك
13- الاستاذة بدرية سليمان - شايقية
14- د. مهدى ابراهيم
15- بروفسير احمد على الامام - جعلي
16- الاستاذة سمية ابو كشوة - شايقية
17- د. عوض احمد الجاز - شايقي
18- د. سعاد الفاتح البدوى - جعلي
19- د. عائشة الغبشاوى - جعلية
20- د. ازهرى التجانى
21- بروفسير عبد الرحيم على محمد - شايقي
22- الاستاذة حليمه حسب الله
23- د. فتحى خليل - شايقي
24- د. كمال عبيد - شايقي
25- السيد / السون منانى مقايا
26- الاستاذ حسن عثمان رزق -جعلي
27- د, عصام احمد البشير - جعلي
28- بروفسير الامين دفع الله - جعلي
29- السيد / عبد الجليل النذير الكارورى ?
30- السيد/ الشريف احمد عمر بدر - جعلي
31- المشير عمر حسن أحمد البشير - جعلي
| |
|
|
|
|
|
|
|
|
|
Re: بياتو فهم استنبطت انو الشوايقة والجعليين جايين من خبث رحم سودانى يا NEWSUDANI (Re: خالد احمد محمد)
|
السلام عليكم يا أهلنا...
لا يغرنكم إنتصاركم إنتصاركم على الجعليين والشايقية...فنحن الملوك وهم الرعية،
ما تزال تتردد على مسامعي هذه العبارات ذات الدلالة التاريخية...
لنبحث التاريخ ونستلهم منه لماذا كان هؤلاء رعية، وهؤلاء ملوك، أو لماذا أنقلبت الآية
والخ...
(وتلك الأيام نداولها بين الناس)، ولو دامت السلطة لأحد...لما آلت لأحد!
وكم من ملك رُفعت له علامات...فلما علا...مات!
لفت نظري وحفزني على المشاركة الآتي:
Quote:
المكتب القيادي لحزب المؤتمر الوطني الحاكم
اكتوبر 2009م
1- الاستاذ على عثمان محمد طه - شايقي
2- د نافع على نافع - جعلي
3- بروفسير ابراهيم احمد عمر - شايقي
5- بروفسير ابراهيم احمد غندور - جعلي
6- الاستاذة رجاء حسن خليفة - جعلية
7- الاستاذ احمد ابراهيم الطاهر - شايقي
8- الاستاذة سامية احمد محمد - شايقية
9- د. الزبير احمد الحسن - شايقي
13- الاستاذة بدرية سليمان - شايقية
15- بروفسير احمد على الامام - جعلي
16- الاستاذة سمية ابو كشوة - شايقية
17- د. عوض احمد الجاز - شايقي
18- د. سعاد الفاتح البدوى - جعلي
19- د. عائشة الغبشاوى - جعلية
21- بروفسير عبد الرحيم على محمد - شايقي
23- د. فتحى خليل - شايقي
24- د. كمال عبيد - شايقي
26- الاستاذ حسن عثمان رزق -جعلي
27- د, عصام احمد البشير - جعلي
28- بروفسير الامين دفع الله - جعلي
30- السيد/ الشريف احمد عمر بدر - جعلي
31- المشير عمر حسن أحمد البشير - جعلي
|
إحصائية مثيرة للغاية!
بالمناسبة في ناس كتار هاجموني في اليوتيوب، موش لأنو كلامي كان صاح ولا غلط...لا،
لأنهم قايلني زغاوي، غرابي حاقد...!
المهم..
| |
|
|
|
|
|
|
|
|
|
Re: بياتو فهم استنبطت انو الشوايقة والجعليين جايين من خبث رحم سودانى يا NEWSUDANI (Re: AnwarKing)
|
لفت نظري وحفزني على المشاركة الآتي:
Quote:
المكتب القيادي لحزب المؤتمر الوطني الحاكم
اكتوبر 2009م
1- الاستاذ على عثمان محمد طه - شايقي
2- د نافع على نافع - جعلي
3- بروفسير ابراهيم احمد عمر - شايقي
5- بروفسير ابراهيم احمد غندور - جعلي
6- الاستاذة رجاء حسن خليفة - جعلية
7- الاستاذ احمد ابراهيم الطاهر - شايقي
8- الاستاذة سامية احمد محمد - شايقية
9- د. الزبير احمد الحسن - شايقي
13- الاستاذة بدرية سليمان - شايقية
15- بروفسير احمد على الامام - جعلي
16- الاستاذة سمية ابو كشوة - شايقية
17- د. عوض احمد الجاز - شايقي
18- د. سعاد الفاتح البدوى - جعلي
19- د. عائشة الغبشاوى - جعلية
21- بروفسير عبد الرحيم على محمد - شايقي
23- د. فتحى خليل - شايقي
24- د. كمال عبيد - شايقي
26- الاستاذ حسن عثمان رزق -جعلي
27- د, عصام احمد البشير - جعلي
28- بروفسير الامين دفع الله - جعلي
30- السيد/ الشريف احمد عمر بدر - جعلي
31- المشير عمر حسن أحمد البشير - جعلي
سلام يا أنور كينج..
ماكنت اود ان يصل الحوار لمثل هذا خاصة ان الهادي قد شرح وجههة نظره..
ان كان منظر هولاء القتلي في هذه اللسته قد لفت نظرك..
فإنه كان أولي لو أحضرت معهم عدد ضحاياهم من الشايقية ومن الجعلية.
والسجون وتاريخها والاعتقالات وبيوت الاشباح..ومشردي الصالح العام..وبلاد العالم شهدت يف وكم كان اضطهادهم
بنفس المجموعة التي وضع امامها اسم القبيلة!
هذا طريق لن يوصل الا لمزيد من النيران..ارجو ان نتقي شره!
تحياتي
| |
|
|
|
|
|
|
|
|
|
Re: بياتو فهم استنبطت انو الشوايقة والجعليين جايين من خبث رحم سودانى يا NEWSUDANI (Re: Muna Khugali)
|
العزيزة جداً منى خوجلي،
تحياتي ومحبتي...
بالنسبة للقائمة أدناه...لسع عندي سؤال تاني مهم للغاية في نظري حولها...
السؤال هو:
كم من القائمة أدناه لديه صلة قرابة\مصاهرة مع عائلة المهدي؟
طبعاً بإضافة غازي صلاح الدين هذه المرة...
يا سيدتي قد تعلمين أنني من تلك القبائل...وفي نفس الوقت أقف ضد القبلية كأساس لمحاكمة أي قضية أو موضوع،
لكن القبيلة هي محرك أساس في كل تاريخ السودان كما تعلمين.
إذاً فمن غير السليم تغافل الأمر وعدم بحثه بدارية ووعي...
في مقطع لفت نظري في كتابة حول الكيزان والحركة الإسلامية عامة:
Quote: وهم يستفيدون حالياً من حالات الزواج البيئي، حيث يتزوجون من
بعضهم البعض، فتكون الاتصالات التى تتم فيما بينهم لها غطاء مهم جداً
وهو النسب والقرابة، أما باقى الأفراد بالمنطق فيتم الاتصال بهم فرادى، أى
أن تزورهم مجموعة المسئولين فى كل منطقة فرادى ويوزعون عليهم
البرامج فرادي )
Re: السيرة الشعبية للحركة الاسلاموية السودانية
|
قلت:
لم يهتم أي باحث في نظري بالتدقيق في هذه الجزئية المهمة جداً...
والتي تعيد إنتاج أشخاص مختلفين بنفس الفكر والإيدلوجيا...
قبل فترة دخلت في نقاش مع أحد الأخوة العارفين بعلاقات الكيزان الإجتماعية...
وقد أذهلني بكمية العلائق الإجتماعية السياسية لبعض الأسر في السودان، مثل أسرة
المهدي تحديداً وعلاقات الكيزان الإجتماعية فيها...
على سبيل المثال نجد أن القاسم المشترك بين الترابي "المعارض حالياً" وعلي عثمان محمد طه
الحاكم حالياً هو الأسرة والنسب...
كما أن نفس الأسرة تربط المتعافي وغازي صلاح الدين وشريف التهامي وأسماء كثيرة أخرى،
كانت لها أدوار سياسية، وآخرين سيكون لهم أدوار مرسومة بعناية عند النظر لتحالف
السلطة والمال الإستراتيجيين.
أرجو أن أتمكن من طرح هذا الموضوع الجاد جداً في القريب العاجل، لنعرف من سيحكمنا
في السنين القادمة وفي ذهني تلك المقولة التي قالتها السيدة وصال المهدي حرم الترابي،
عندما أطلق عصام الترابي -ابنها- النار على الصحفي محمد طه محمد أحمد وهي:
أبوه حاكم السودان-حسن الترابي-، يفكها أبوه...يمسكها خالو -تعني الصادق المهدي
....
واليوم فقط نُشر حوار مع مبارك الفاضل المهدي...أقتطف منه هذه الجزئية:
Quote: * عبد الله مسار يقول إنك لا تحرص على العلاقات حتى في الإطار الأسري، دعك من لم شمل الأحزاب على برنامج موحد كما تزعمون في ملتقي جوبا؟
- لا أعتقد أن هذا تقدير صادق لأن التواصل الأسري بيني وبين السيد الصادق المهدي قائم واليوم كان معاي في البيت،
والأخ عبد الله مسار نفسه عندما توفى والده أنا اتصلت به في الفردوس وعزيته هو وإخوانه،
فأي واجب يحدث ما قاعدين نقصر فيهو والأخ مسار يمكن أن يقول ما يشاء فهو يعتبر إن ترقيته
داخل الإنقاذ وكسبه فيها يقوم على مناهضته لنا فنحن سامحين له وإذا كان بمثل هذا الحديث يزيد نقاطه لدى الإنقاذ فنحن قابلين بأن يصعد على أكتافنا.
http://www.sudaneseonline.com/ar2/publish/_26/Sudan_News_A3096.shtml
|
Quote: * سمية هباني: وهي زوجة السيد مبارك المهدي
سامية هباني: وهي زوجة الدكتور غازي صلاح الدين، مستشار رئيس الجمهورية.
ابراهيم هباني.. وهو الأخ غير الشقيق لـ «سمية وسامية» وقيادي بارز بحزب المؤتمر الشعبي
ثلاثتهم ـ في الحسبة ـ أخوال الدكتور الراحل عمر نور االدائم، النائب
لسيدة فاطمة الأمين، هي أيضاً من آل المهدي وآل هباني وهي زوجة الأستاذ علي عثمان محمد طه، نائب رئيس الجمهورية .
والدتها «مدينة عبدالقادر هباني»... وأبوها «الامين» هو أخو الحاجة رحمة عبدالله جاد الله، والدة السيد الصادق المهدي.
قد يسأل أحدهم: ما الذي ربط بين أسرة علي عثمان محمد طه «الشايقية» وأسرة د. غازي صلاح الدين «العتبانية» بال المهدي وآل هباني، ذوو الخلفيات الأنصارية والمهدوية؟؟!..
أغلب الظن أنَّ بيت د. حسن الترابي، وتحديداً حرمه السيدة وصال الصديق المهدي، شقيقة السيد الصادق هي التي لعبت دوراً في «الترشيحات»، على طريقة السودانيين في اختيار العروس |
والملاحظ أنو مبارك الفاضل المهدي نفسه، أُتهم بمحاولة إنقلابية فاشلة وتم إيداعه
في السجن لفترة...مثله مثل حسن الترابي الذي سُجن في كافوري لنفس التهمة (محاولة إنقلابية
وزعزعة الأمن الداخلي والخ...
لماذا تمت محاكمة بعض الناس بالإعدامات -وإن لم تنفّذ- بينما لم تتم محاكمة مبارك الفاضل ولا
الترابي ولو بصورة شكلية؟
أعتقد أن هذا يصب في نفس المنحى بتاع تحالف السُلطة والمال في شكل أُسر...
ومن بينهم يخرج أشخاص قد يكونوا ليسوا بكيزان...لكنهم أشد ضراوة في "الحفاظ على مكتسبات الكيزان"...
وهكذا...
أريد أن نتعمق -ما أمكن- في العلاقات الأسرية للكيزان ومن حالفهم بتهتدون، تفلحون، تموتون والخ...
حتى أنني أسميتها بنظرية "العقد الإجتماعي السياسي السوداني"... وهي أن
جُلّ السياسيين تحلقوا حول عائلة المهدي حتى يدخلوا
بوابة الحكم في السودان...والحركة الإسلاموية...
++++
وواصلت في نفس النقطة وجمعت بيانات إضافية حول الأمر من عدة مصادر...منها :
و
Quote:
* د.شريف التهامي متزوج من السيدة/فاطمة عبد الرحمن المهدي وهي عمة السيد الصادق المهدي
وبالمناسبة شريف التهامي انصاري وليس كما تعتقد وقد تباينت مواقفه السياسية مع حزب الامة بعد خروج
الحزب عن المصالحة السياسية مع الرئيس السابق جعفر نميري ولكن د.التهامي آثر الاستمرار وقد تم تقديمه للمحاكمة ضمن سدنة مايو فيما بعد
وكل علاقته بالترابي بدأت بعد ان قام الترابي بحكم منصبه كنائب
عام بحفظ القضية بالاتفاق مع رئيس الوزارء السيد الصادق المهدي وهذه القضية هي سبب خلاف بين السيدة/فاطمة المهدي وابن اخيها الامام الي يومنا هذا
|
ثم أخيراً طلبت\ وما أزال أطلب ممن لديه معلومات أو تحليل عن هذا الأمر بصورة أكثر...
يبقى يا عزيزتي منى، أبداً لا أخاف من دخول هذه المناطق المظلمة-وأنظر لها بعين باحث-، طالما أنني أسعى لفهم كيف ولماذا والى أي مدى!
الأمر ليس ساذج كما يعتقد البعض، كما أنه ليس كله شرّ...وليس كله خير!
تسلمي وإحتراماتي
أنور
البقية هنا...
أسوأ من الكيزان - من هم؟
| |
|
|
|
|
|
|
|
|
|
Re: بياتو فهم استنبطت انو الشوايقة والجعليين جايين من خبث رحم سودانى يا NEWSUDANI (Re: AnwarKing)
|
مُمكِن أقول < عُمر حسن أحمد البشير > زول كيت وكيت
مُمكِن أقول < سِلفاكير مِيارديت > كيت وكيت
مُمكِن أقول < علي عُثمان محمد طه > زول كيت وكيت
مُمكِن أقول < بكري حسن صالِح > زول كيت وكيت
مُمكِن أقول < الزبير محمد صالِح > كان كيت وكيت
مُمكِن أقول < احمد هارون > كيت وكيت
مُمكِن أقول < محمد طاهِر إيلا >
لكِن أقول الجعلي / الدينكاوي / الشايقي / المحسي / الدُنقُلاوي / الغرباوي / الهدندوي ... تبقى حِكاية ما صاح أبدًا أبدًا ... معقول كِده ... بِواحِد تِتاخد القبيلة كُلها ... نحن في مضارِب كُلَيب ومُرة ولا شنو؟
| |
|
|
|
|
|
|
|
|
|
Re: بياتو فهم استنبطت انو الشوايقة والجعليين جايين من خبث رحم سودانى يا NEWSUDANI (Re: عزام حسن فرح)
|
Quote: مُمكِن أقول < عُمر حسن أحمد البشير > زول كيت وكيت
مُمكِن أقول < سِلفاكير مِيارديت > كيت وكيت
مُمكِن أقول < علي عُثمان محمد طه > زول كيت وكيت
مُمكِن أقول < بكري حسن صالِح > زول كيت وكيت
مُمكِن أقول < الزبير محمد صالِح > كان كيت وكيت
مُمكِن أقول < احمد هارون > كيت وكيت
مُمكِن أقول < محمد طاهِر إيلا >
لكِن أقول الجعلي / الدينكاوي / الشايقي / المحسي / الدُنقُلاوي / الغرباوي / الهدندوي ... تبقى حِكاية ما صاح أبدًا أبدًا ... معقول كِده ... بِواحِد تِتاخد القبيلة كُلها ... نحن في مضارِب كُلَيب ومُرة ولا شنو؟ |
كبير يا عزّام
كبير واللهِ
إحتراماتي
| |
|
|
|
|
|
|
|
|
|
Re: بياتو فهم استنبطت انو الشوايقة والجعليين جايين من خبث رحم سودانى يا NEWSUDANI (Re: عزام حسن فرح)
|
Quote: ماكنت اود ان يصل الحوار لمثل هذا خاصة ان الهادي قد شرح وجههة نظره..
ان كان منظر هولاء القتلي في هذه اللسته قد لفت نظرك..
فإنه كان أولي لو أحضرت معهم عدد ضحاياهم من الشايقية ومن الجعلية.
والسجون وتاريخها والاعتقالات وبيوت الاشباح..ومشردي الصالح العام..وبلاد العالم شهدت يف وكم كان اضطهادهم
بنفس المجموعة التي وضع امامها اسم القبيلة!
|
اصلا الخيط ده اتفتح يااخت منى كشفا للعديد من الوجوه القميئة والنفوس الحاقدة المريضة التى تحركها مجموعة من عوامل الاحساس بالنقص وكراهية قبائل الشمال .... واهم قاعدين يظهرو شوية شوية بعد ماكانو مختبئين خلف التلميحات والغمزات المنتشرة هنا وهناك ودى ذاتو فرصة انو نلم القذارة دى كلها فى كيس زبالة واحد عشان نعرف نتفاهم معاها ...
| |
|
|
|
|
|
|
|
|
|
Re: بياتو فهم استنبطت انو الشوايقة والجعليين جايين من خبث رحم سودانى يا NEWSUDANI (Re: ismeil abbas)
|
مش في حاجة في اللغة العربية اسمهاالمجاز !! ذكر الكل و اراد البعض !! يا اهل مكة !!!
كل السودانين حراميية !! مثال !( تضامن مع نيوسوداني لشرح ماليس بحاجة لشرح )
واكيد ما الكل "السودانين حراميية" !! وانما العصبة التي تتاجر بالدين , تبيع و تشتري به ! و تشكله كيفما اشاءت!!
مدعين عروبة وتجار دين !
و تعفي ما ليس لها من مال !!
والشاهد قول البشير " خليتو لي الله " في السؤال عن اموال الطريق المفقود و رد على تحدي على الحاج في عبارته " خلوها مستوره"
يااخي والله حاجه مقززة و لشخص مسلم يشهدان لا إله إلا الله محمد رسول الله . ويعي حقيقة ان الله لا يعفي حق شخص فما بالك بشعب كامل .
و يساند و يسكت عن الحق
العزيز نيو سوداني والهادي دوماً:
"عيونك فيها شي يحير يغير إتجاه الزول و صورتك جات قريب مني خيال... "
لا حاجة لك في إيضاح او شرح او إلتفات,,, و الفهم فهم.
| |
|
|
|
|
|
|
|
|
|
Re: بياتو فهم استنبطت انو الشوايقة والجعليين جايين من خبث رحم سودانى يا NEWSUDANI (Re: خالد احمد محمد)
|
سياسة عفن ..
ونتاج خلافاتنـــا فيها ياها دي ..
أخبث رحم سوداني أنتج الشايقية والجعليين ..
بكل بساطة !!
والتوقيع نيو سوداني ..
وفعلاً نيو يا زميل الحوش ..
يا ربي ما اتذكرت النعام آدم وهو بقول ويغني ..
ولا ما اتذكرت فلان وفلان وفلان ..
( لستة ) من عشرة سفاحين وحرامية خلتكـ تمسح بكرامة تاريخ كامل بالأرض ..
دون اعتذار وبفلسفة الفهم قسمة !!!
صحي والله قسمة ..
___________________________________
غلبنا ناخد حقنــا بكل الطرق ولجأنا لآخر وأسوأ أنواع الرفض
| |
|
|
|
|
|
|
|
|
|
Re: بياتو فهم استنبطت انو الشوايقة والجعليين جايين من خبث رحم سودانى يا NEWSUDANI (Re: عمران حسن صالح)
|
Quote: مُمكِن أقول < عُمر حسن أحمد البشير > زول كيت وكيت
مُمكِن أقول < سِلفاكير مِيارديت > كيت وكيت
مُمكِن أقول < علي عُثمان محمد طه > زول كيت وكيت
مُمكِن أقول < بكري حسن صالِح > زول كيت وكيت
مُمكِن أقول < الزبير محمد صالِح > كان كيت وكيت
مُمكِن أقول < احمد هارون > كيت وكيت
مُمكِن أقول < محمد طاهِر إيلا >
لكِن أقول الجعلي / الدينكاوي / الشايقي / المحسي / الدُنقُلاوي / الغرباوي / الهدندوي ... تبقى حِكاية ما صاح أبدًا أبدًا ... معقول كِده ... بِواحِد تِتاخد القبيلة كُلها ... نحن في مضارِب كُلَيب ومُرة ولا شنو؟ |
ده فهم راقى وانيق ياعزام ياريت يصل ليهو العديد من اصحاب الغرض من خلق التوترات دى .... والامر برمته واضح وصريح وضوح الشمس لكن نقول شنو للناس اللى بتحاول تلوى عنق الواقع والحقيقة وتحاول تلبسه ماتراه مناسبا لها ويخدم اغراضها الرخيصة حتى ولو كانت النتيجة عزل مجموعات اجتماعية بعينها من هذا النسيج الهش اصلا ولا يحتاج لكثير عناء حتى ينفتق من جميع اطرافه ...
| |
|
|
|
|
|
|
|
|
|
Re: بياتو فهم استنبطت انو الشوايقة والجعليين جايين من خبث رحم سودانى يا NEWSUDANI (Re: خالد احمد محمد)
|
| Quote: غلبنا ناخد حقنــا بكل الطرق ولجأنا لآخر وأسوأ أنواع الرفض |
يديك العافية ياعمران وبالجد حالة الرفض ومحاولات العزل دى مستمرة من زمن ويمكن كان الامر مجرد تلميحات فيمامضى ولكن الكثير من ذوى العقول الخفيفة لقو فى الوضع الراهن فرصة لنشر سمومهم دى ودى احسن حاجة عشان الناس تعرف تفرز الكيمان كويس فى المرحلة الجاية دى ... وبالجد فرز الكيمان فى حالة الوطن الغير متوازنة الحالية دى حيكون على اساس قبلى وعرقى واضح والدليل حالة الاستقطاب الحادة اللى مالية البلد الان ...
| |
|
|
|
|
|
|
|
|
|
Re: بياتو فهم استنبطت انو الشوايقة والجعليين جايين من خبث رحم سودانى يا NEWSUDANI (Re: طارق جبريل)
|
الكلام دة للمدعو يحيى بن عوف
ولمن يجي يقراهو حيعرِف سببو شِنو
غايتو إنت كل يوم بتسقُط في نظري أكتر و أكتر
طيِّب وقِت زي الكلام الفوق دة الما فيهو أيييييييييييييييييييييي حاجة حرقك
الجريمة الكتبة الزول الجاي تدافِع عنُّو بكل وقاحة و صفاقة دي
ما أدِنتها ليه!!!؟
ولاّ ما أهلك زي ما بتقول و تدّعي
راجِع هِنا
بياتو فهم استنبطت انو الشوايقة والجعليين جايين من خبث ...سودانى يا NEWSUDANI
Quote: لأنه حسب ما عرفت هي من القبائل النوبية في الشمال الجغرافي وتدافع عن نظام عنصري بغيض وما لا تعلمه -ولا تريد أن تعلمه- أنه هذه المنظومة الخبيثة من المتأسلمين يستخفون ويحقرون بأهلها الدم واللحم وهي مسألة وقت وسترى هي بنفسها والله يديها طولة العمر بعد أن يتجزأ السودان ويصبح قطعة أرض صغيرة يحكمها جعليين وشوايقة ما سيفعلون بهم،،،
طبعا كثير من في عمرها كبروا في ظل الغيبوبة الذهنية اللي حاصلة في السودان ولم يعلموا أن المتحكمين في السلطة ديل هم من أخبث رحم سوداني على الأطلاق |
و أوعك تجي تعمل لينا فيها ربّ الفضيلة في المِنبر
الدور دة لا تجيده و لا تصلُح له و دة شَعَراً ما عِندك ليهو رقبة
| |
|
|
|
|
|
|
|
|
|
Re: بياتو فهم استنبطت انو الشوايقة والجعليين جايين من خبث رحم سودانى يا NEWSUDANI (Re: علاء الدين يوسف علي محمد)
|
| Quote: أكتر مجموعة في تاريخ السودان الحديث لجأت لي تحويل الصراع الثقافي/الايدلوجي/السياسي الى صراع قبلي جهوي هم أصحاب السلطة الحالية لا شك، وأظن وليس كل الظن إثم إن من يجاريهم في طريقتهم إنما هو أحدهم ولكنه لا يدري فالكوز سلوك سواء إنضم صاحبه للمؤتمر الوطني أم لم ينضم وللأسف جل من يدعون أنهم ضده ومن معارضي سياسته لا يختلفون عنه إلا بمقدار وليس إختلاف نوع |
الاخ بشرى الطيب ... يسعد نهارك
القصة يابشرى ومافيها انو البلد الان تحديدا ووسط نذر الانفصال والتوترات الرسمية التى تسودها تتحرك فيها امواج من التوترات ايضا على مستوى الشارع وذاكرة الشارع السودانى القريب تحمل الكثير من المرارات بخصوص المواجهات القبلية المباشرة وهناك الكثير من السياسيين ومشايعيهم من اصحاب الرؤية القاصرة يساهمون فى تاجيج هذه الحالة بدل محاولة احتواءها وذلك عبر اذكاء الصراع بالعديد من الوسائل المكشوفة ..... والرسالة واضحة ويمكن تلمسها فى الدور القذر الذى يلعبه العديد هنا باللعب على وتر الجلابة القديم ...
| |
|
|
|
|
|
|
|
|
|
Re: بياتو فهم استنبطت انو الشوايقة والجعليين جايين من خبث رحم سودانى يا NEWSUDANI (Re: خالد احمد محمد)
|
Quote: عوض الجاز شايقي
وعلي عثمان شايقي
حُميد شايقي
ومنى خوجلي شايقية
جني شايقي
ابراهيم كرسني شايقي
ابراهيم ابو دية والسني الضوي شوايقة
كمال أوسلي (الله يطراه بالخير) شايقي
اسماعيل حسن شايقي |
طارق .... سلامات
الكلام ده واقع لاصحاب النظرية الحقيرة حقت الانتصار للمهمشين على حساب الجلابة المستغلين .... والوتر ده زمان كان ناس كتار قاعدين يكبرو اللفة منو باعتبار خوفهم من وصمة الجلابة اعداء الضعفاء ... وغصبا عن الناس دى كلها نحن والله بنفخر انو اهلنا ديل كلهم زيهم مافى وهم عمود راااااااااااكز فى البلد دى بى جهدهم وبى حبهم للبلد دى وابدا ماكانو يوم مغرزة فى عين الوطن ده .... بالعكس كانو بناة حضارات وناس مثل وقيم ومبادى ...
| |
|
|
|
|
|
|
|
|
|
Re: بياتو فهم استنبطت انو الشوايقة والجعليين جايين من خبث رحم سودانى يا NEWSUDANI (Re: خالد احمد محمد)
|
الأخ خالد محمد أحمد والإخوة زملاء المنبر
سلام
أولاً :السودان كله عنصري في عهد الإنقاذ بعد المفاصلة :
وقد اكتوى الناس في عهد الإنقاذ بالعنصرية ..فحينما حدثت المفاصلة بين الترابي والبشير ، بدات تظهر للعيان القبلية النتنة ..فظهر أول ما ظهر في لجنة الاختيار العامة وفي ممارسة مسؤولي الدولة ...في وزارة الطاقة التي كان يترأس وزراتها عوض الجاز ...وأحس الناس بالغبن وهم يرون الوظائف أمامهم تمر ويحملون الشهادات العلمية وتسد دونهم الأبواب ، وانفتح الباب بالكتاب الأسود فقد وقع في يد كل طبقات المجتمع السوداني ، وبدأ الناس في التمايز القبلي للأسف من النخب التي يظن بها خيراً لهذا الوطن القارة ، والمخرج الوحيد من هذه الجاهلية هو سودان يتقاسم فيه الحقوق والواجبات على أساس المواطنة فعلاً لا شعارات .وإن كان بعض من أبناء الجعليين أو الشايقية لظروف تاريخية أصبحوا أكثر عدداً في مناصب الدولة العليا وخلافه فليس في ذلك منقصة أو عيب ..ولكن العيب أن تستقل هذه السلطة لتكريس القبلية وتقريب الأقارب على الأساس القبلي وإبعاد الآخرين من أبناء هذا الوطن ..وفي التعدد إثراء ...
ثانياً ليس من حق أي شخص أن يعمم على الآخرين ...
ثالثاً : يرجى عدم الالتفات لمثل هذه الأمور فلن تخدم الوطن ولا المواطن .يجب ترسيخ مبدأ المواطنة وإفهام المواطن حقوقه المدنية والدستورية بدل هذا الهرج وعدم المنطقية .
أخيراً
والإنسان بفعله وليس بقبيلته ( إن أكرمكم عند الله أتقاكم ) ، ( لا فضل لعربي على عجمي إلا بالتقوى ) هذا كلام خير البشر وأشرف الناس نسباً ( أنا ولد إسماعيل ولا فخر ).
تقبل سلامي ومحبتي للجميع
| |
|
|
|
|
|
|
|
|
|
Re: بياتو فهم استنبطت انو الشوايقة والجعليين جايين من خبث رحم سودانى يا NEWSUDANI (Re: عبدالرحمن الحلاوي)
|
Quote: ليس من حق أي شخص أن يعمم على الآخرين ...
|
عبد الرحمن الحلاوى .... نهارك سعيد
ده كلام مفيد جدا .... وداير اقول ليك حاجة انو الخيط ده الهدف من فتحو مع ايصال فكرة عدم احقية التعميم والتقييم فيهو رسالة صغيرة حبينا نوصلها وهى انو فكرة الحمية القبلية موجودة فى دواخلنا شئنا ام ابينا والناس قاعدة تحاول تكبتها حفاظا على حبال الوصل واداب التعامل مع الاخرين لكن استمرار التطاول والقاء مثل هذه التفاهات يجب ان يلقى الرد فى النهاية ومش رد ساكت ولكن رد حازم يوصل رسالة للجميع انو بيوتهم كلها من زجاج ومااسهل رميها باحجار عزل الاخر والتمترس خلف ستار قبيلتى وقبيلتك ....
| |
|
|
|
|
|
|
|
|
|
Re: بياتو فهم استنبطت انو الشوايقة والجعليين جايين من خبث رحم سودانى يا NEWSUDANI (Re: خالد احمد محمد)
|
الرسالة أخوي خالد وصلت
وكتر خيرك وما قصرت
الراجل شعر بي غلطتو وحاول يبرر بي إنو ما قاصد وبدأ يلخبط عربي وانجليزي عشان يوري انو ما بقدر يعبر كويس بالعربي، لكن لا اتوقع اعتذاره ، وبيني وبينك بعد ده الاعتذار لا يكفي حتى لو عدل المشاركة.
كثير من عنصريي المنبر درجوا على توجيه تلميحات وإيحاءات بنفس المعنى تسيء بالدرجة الاولى لقبائل الجعلية والشايقية قوبلت بقوة عالية من ضبط النفس ظنه البعض ضعفاً
المعارضة وبعد تصريحات سلفاكير الاخيرة شعرت باحتراق آخر فرمالة لها وبدأت بالتدحرج للهاوية وتحاول التمسك بأي شيء يثير الفتنة مثل النعرات القبلية واشاعات التزوير وخلافه
آمل من جميع من مسه هذا الكلام التافه ان لا ينجرف لهذا المسار وان يتم الرد على الافراد فقط دون الاشارة لقبائلهم التي نكن لها كل الاحترام وان نعتبرهم قلة لا يمثلون الا انفسهم
تحياتي
| |
|
|
|
|
|
|
|
|
|
Re: بياتو فهم استنبطت انو الشوايقة والجعليين جايين من خبث رحم سودانى يا NEWSUDANI (Re: خالد احمد محمد)
|
الاخت سناء .... شكرا لابداء الراى ...
وحقيقة القصة مش سلوك فردى عشان يعتذر منو زى المدعو المذكور اعلى البوست ده ولكن القصة بقت ممارسة واتطبع عليها العديد من الكتاب والسياسيين سواء داخل المنبر او خارجه .... والسكوت على الممارسة اللااخلاقية دى شجع الكثير منهم على ترديد الكثير من العبارات اللى بستعدى فئات محددة فى الشعب السودانى على القبيلتين ديل .... يبقى نحن قدامنا خيارين لاثالث لهما فيااما نطاطى راسنا للقذرارات اللى بتصيب اهلنا دى خوفا على تجريح احاسيس ومشاعر اصحاب فكرة التهميش والمهمشين ديل او انو نتصدى ليهم بقوة تخلى الواحد يفكر مية مرة قبل مايقول كلام زى ده ...
وبرضو كلها رسائل ...
| |
|
|
|
|
|
|
|
|
|
Re: بياتو فهم استنبطت انو الشوايقة والجعليين جايين من خبث رحم سودانى يا NEWSUDANI (Re: خالد احمد محمد)
|
Quote: عقدة لن تنفك
و إحساس بدونِيّة مُدقعة |
عين الحقيقة اخ علاء وهي عقد لن تنفك وتزول بين ليلة وضحاها
والغريبة من يأتي باسماء المكتب التفيذي ويزور على الملا وينسب أسماء لقبائل ليس منها وين الصدق والامانة في نقل المعلومة ولا بس كتابة وخلاص
اغلب الاسماء الواردة في المكتب التنفيذي وتم تصنيفها على اساس انها جعلية وشايقية لم تكن دقيقة على سبيل المثال لا الحصر الزبير احمد الحسن جعلي من كنور ولاية نهر النيل احمد على الامام دنقلاوي من دنقلا احمد ابراهيم الطاهر من المزروب قبيلة المجانين والقائمة طوووووويلة
وفي الاخير الجعلين والشوايقة هم من قامت علي اكتافهم النهضة في هذا البلد والتطور والرقي والحضارة وكل صور المدنية تمت وادخلت بواسطتهم وفي النهاية ياتي من هو ساقط ويرمى الحديث على عواهنه دون مراعاة لاي تاريخ او انجاز او حضارة ويقول الفهم قسم ياتو فهم وياتو قسم البتتحدث عنه انت ياريت لو كان الكلام دا على في الهواء الطلق وامام جمع من القبلتين عشان تعرف معني الفهم والقسم
| |
|
|
|
|
|
|
|
|
|
Re: بياتو فهم استنبطت انو الشوايقة والجعليين جايين من خبث رحم سودانى يا NEWSUDANI (Re: ebrahim_ali)
|
Quote: كثير من عنصريي المنبر درجوا على توجيه تلميحات وإيحاءات بنفس المعنى تسيء بالدرجة الاولى لقبائل الجعلية والشايقية قوبلت بقوة عالية من ضبط النفس ظنه البعض ضعفاً
|
الشفيع ... يسعد مساءك
حقيقة فكرة ظن الضعف اهم نقطة لانو السكوت طوال الفترة دى بداعى عدم اثارة النعرات العنصرية كان اكبر غلط لانو الناس ديل وهم كثر ومعروفين فى البورد اثارو النعرة دى الاف المرات بدون وازع لا اخلاقى ولا اجتماعى .... ومادام كان هدف السكوت نبيل من البداية وهو عدم جر اسماء القبائل فى المعتركات الرخيصة دى فالاولى انو المعنيين والمقصودين بالرسائل يمسكو احقادهم دى عليهم بدل ماترتد ليهم فى شكل اساءات مباشرة ونقعد بعدين فى الطبطيب ...
| |
|
|
|
|
|
|
|
|
|
Re: بياتو فهم استنبطت انو الشوايقة والجعليين جايين من خبث رحم سودانى يا NEWSUDANI (Re: خالد احمد محمد)
|
| Quote: وفي الاخير الجعلين والشوايقة هم من قامت علي اكتافهم النهضة في هذا البلد والتطور والرقي والحضارة وكل صور المدنية تمت وادخلت بواسطتهم وفي النهاية ياتي من هو ساقط ويرمى الحديث على عواهنه دون مراعاة لاي تاريخ او انجاز او حضارة ويقول الفهم قسم ياتو فهم وياتو قسم البتتحدث عنه انت ياريت لو كان الكلام دا على في الهواء الطلق وامام جمع من القبلتين عشان تعرف معني الفهم والقسم |
ابراهيم على ... مساك سعيد
رسالة واضحة ومباشرة ياريت تصل لى المعنيين بالامر ...
| |
|
|
|
|
|
|
|
|
|
Re: بياتو فهم استنبطت انو الشوايقة والجعليين جايين من خبث رحم سودانى يا NEWSUDANI (Re: علاء الدين يوسف علي محمد)
|
كيفك يا علاء
للتذكير
| Quote: آمل من جميع من مسه هذا الكلام التافه ان لا ينجرف لهذا المسار وان يتم الرد على الافراد فقط دون الاشارة لقبائلهم التي نكن لها كل الاحترام وان نعتبرهم قلة لا يمثلون الا انفسهم |
لذا أرجو أن تترفع ولا تنزل لهذا المستوى
إيراد قائمة الأسماء قصد به ان نتبرأ منهم ولكننا نقول" إنهم منا ونحن منهم" ونفتخر بهم لأنهم أنبل وأشرف من أن يستطيعوا أن يمسوا شعرة منهم
الحكومة ما هي قدامهم مالهم ومال الشايقية والجعليين
يا علاء الجماعة شكلهم اتزنقوا بعد تصريحات الحركة، وبعد ده مافي طريقة، يا صناديق الاقتراع ولا يبقو رجال ويقلبوها.
تحياتي لك وللاسرة
| |
|
|
|
|
|
|
|
|
|
Re: بياتو فهم استنبطت انو الشوايقة والجعليين جايين من خبث رحم سودانى يا NEWSUDANI (Re: علاء الدين يوسف علي محمد)
|
Quote: و مشّيناها ليهم ساكِت
هُم الجموعي عملوهو جعلي و الشايقي ما عرفوهو و ساطوها سواطة |
علاء الدين ... يسعد صباحك
طبعا فى ناس ياعلاء عندهم متلازمة اسمها عقدة ( الشوايقة والجعليين اضهدونى وهمشونى ) وهى عقدة ولو تعلم مريرة جدا ابت السنين الطوال دى كلها وحالة التعايش الابدى دى انو تمحيحها عشان كده فى ناس كتااااار بى جاى ماسكاهم الكاروشة دى وتلقى الواحد خبير فى مسالة التهميش دى وممكن يجيك ناطى فى اى زمان ومكان ويخلق ليهو مجموعة من الاثباتات تبرر حالة الوهم الهو عايش فيها دى .... اها الزى ديل الشرح وقصة انك تقول ليهو ده غلط وده صاح مابجيب معاهو فايدة لانو هو مبرمج منتهى ....
| |
|
|
|
|
|
|
|
|
|
Re: بياتو فهم استنبطت انو الشوايقة والجعليين جايين من خبث رحم سودانى يا NEWSUDANI (Re: الشفيع وراق عبد الرحمن)
|
ياوراق ما تصطاد في الماء العكر فالبوست هدفه العنصرية والقبلية وليس تبرئة الانقاذ
| Quote: واشاعات التزوير وخلافه] |
التزوير بدأ زمان من الاحصاء السكاني ويمر الآن بثاني مراحله في محاولات التلاعب بتجسيل الناخبين بتقليص الفترة الزمنية وتعيين المفوضين وفرض السرية والتعتيم والبقية تأتي وشكلكم كده حتلحقونا ايران وأفغانستان والعراق حيكون أحسن مننا..
العالم أصبح قرية صغيرة حقيقة يجب أن تدركوها والانتخابات لن تكون مطية لاكتساب الشرعية بالزيف والتزوير..
| |
|
|
|
|
|
|
|
|
 Re: بياتو فهم استنبطت انو الشوايقة والجعليين جايين من خبث رحم سودانى يا NEWSUDANI (Re: بشري الطيب)
|
أكتر مجموعة في تاريخ السودان الحديث لجأت لي تحويل الصراع الثقافي/الايدلوجي/السياسي الى صراع قبلي جهوي هم أصحاب السلطة الحالية لا شك، وأظن وليس كل الظن إثم إن من يجاريهم في طريقتهم إنما هو أحدهم ولكنه لا يدري فالكوز سلوك سواء إنضم صاحبه للمؤتمر الوطني أم لم ينضم وللأسف جل من يدعون أنهم ضده ومن معارضي سياسته لا يختلفون عنه إلا بمقدار وليس إختلاف نوع
تسلم يا بشري الطيب .. وكلام في الصميم
| |
|
|
|
|
|
|
|
|
|
Re: بياتو فهم استنبطت انو الشوايقة والجعليين جايين من خبث رحم سودانى يا NEWSUDANI (Re: HAIDER ALZAIN)
|
| Quote: الحكومة ما هي قدامهم مالهم ومال الشايقية والجعليين |
الشفيع .... يسعد نهارك
كويس انو بالجد البوست ده بقى فرصة الناس ترسل رسائل واضحة ومفهومة وبدون لولوة لكل اصحاب العادة السيئة دى انو ياجماعة كترة النقة عن التفاهات دى عمرو ماحيجعل منها حقيقة .... وحتى ضبط النفس عندو حدود فى النهاية .... وانو كلامهم البقولو فيها ده والبنقول فيهو ده انعكاس واضح لحالة الاستقطاب الحاصلة فى الشارع السودانى ...وبالجد مفروض الناس تلتزم وتلزم الناس المعاها انو الحك الشديد فى النقطة وخلق حالة العداء الواضحة دى للقبيلتين ديل حاينفجر فى وش الجميع فى النهاية ....
| |
|
|
|
|
|
|
|
|
|
Re: بياتو فهم استنبطت انو الشوايقة والجعليين جايين من خبث رحم سودانى يا NEWSUDANI (Re: خالد احمد محمد)
|
| Quote: يدعم ذلك الكثير من السفاهات الفكرية التى ظل يبثها ويروج لها العديد من قيادات المناطق والقبائل ] |
غير الشعور بالدونية المسيطر
تجد بعض المنظرين الذين يزرعون مثل هذا الوهم عن الاستعلاء العرقي لتحقيق أهداف وغايات رخيصة ويقع في شراكهم شذاذ الآفتق مثل هكذا نفر..
في بداية أحداث دارفور انبرى للحديث عن العنصرية والاستعلاء كثيرين من يتدثرون بشهادات الدكتوراة التي لم تقدم شيئاً للوطن مثل المدعو : د. حسين آدم الحاج - مقيم بأمريكا- نظر ونظر لتبؤ موقع قيادي بين قومه فلما تم تجاوزه تنكر لما خطته يداه وهو الآن يتمرغ في بين أرجل الانقاذيين...
ياخي فكوا عقدكم بعيد ونادوا بدولة سيادة القانون والمؤسسات والتنمية المتوازنة وستجدوننا معلكم، أما عنصرية وعقد نفسية دونية فدي ما بتقسم معانا ولن تفيدكم،،
احتراماتي..
| |
|
|
|
|
|
|
|
|
|
Re: بياتو فهم استنبطت انو الشوايقة والجعليين جايين من خبث رحم سودانى يا NEWSUDANI (Re: خالد احمد محمد)
|
Quote: ياخي فكوا عقدكم بعيد ونادوا بدولة سيادة القانون والمؤسسات والتنمية المتوازنة وستجدوننا معلكم، أما عنصرية وعقد نفسية دونية فدي ما بتقسم معانا ولن تفيدكم،،
|
عثمان جلال الدين ... يسعد نهارك ياحبيب
المشكلة ياعثمان انو قصة التهميش دى صورت واقع خيالى لدى الكثير من الناس عن حالة المناطق الشمالية ولكانو الناس ديل قاعدين يرفلو فى ثياب من حرير وعايشين فى احسن حال .... رغم انو العديد من قرى الشمال الجغرافى بى فهمهم هم قاعدة تعانى اشد المعاناة ولولا الجهود الجماعية لاهل تلك المناطق وتكاتفهم وتعميرهم لكل المرافق الخدمية والتعليمية والخدمية بالعون الذاتى لزالت العديد من تلك القرى من الخارطة الى الابد .... البلد كلها ناقصة تنمية وبدل ما الناس تتحد عشان تشوف ليها حل من الازمة الحالية يتنادى العديد من هؤلاء لبث المزيد من حالات الفرقة والشتات بدعوى الاقتصاص والنيل من الجلابة المنعمين وساكنى القصور فى الشمال ورغم قصور الفكرة وسذاجتها الا انها اصبحت موروث شعبى عديل لدى الكثير من الاعراق ويمكن تلمس ذلك على مستوى النكات الشعبية واحاديث البسطاء فى الشارع السودانى ...
| |
|
|
|
|
|
|
|
|
|
مرات الإنْفعال بِخلي الزول يِقول كلام ساااااي (Re: خالد احمد محمد)
|
ebrahim_ali
صباح/مساء الخير ...
| Quote: وفي الاخير الجعلين والشوايقة هم من قامت علي اكتافهم النهضة في هذا البلد والتطور والرقي والحضارة وكل صور المدنية تمت وادخلت بواسطتهم |
كأن مِن الضروري إن < تُهمِش > و< تُبخِس > عمل القبائِل الأُخرى لِتُبرِأ الجعلِيين والشوايقة كقبيلتَين مِن < السُفه > السفيه ... أولاد جعل وشايِق كَونهُم عرب ، يِكون وجودُم في السودان ، بِأحسن التقديرات ، بعد إتْفاقِية البقط مُباشرةً ، الوقعوها العرب مع عظيم النوبة عام 652م يعني ليهُم لِيومنا النِحنا فوقو ده 1357 سنة ... طَيِب ... نِحنا النوبِيين ... مثلاً مثلاً يعني ... مشينا وين في حِته < قِيام نهضة البلد وتطَوُرِها ورُقِيُها وحضارتِها وكُل الصُور المَدنِية البِينعم بيها السودان > ... نفرِض نفرِض يعني ... إنو النوبِيين أكانو هائِمين على وجوهِهِم ساي في عتامير الشِمال ... مُمكِن تدينا شِوَية أمثِلة كِده ، بِثبِت إنو < نهضة البلد ووتطَوُرِها ورُقِيُها وحضارتِها وكُل الصُور المَدنِية > قامت على أكتاف الجعلِيين والشوايقة؟
شُكرًا
| |
|
|
|
|
|
|
|
|
|
Re: بياتو فهم استنبطت انو الشوايقة والجعليين جايين من خبث رحم سودانى يا NEWSUDANI (Re: الشفيع وراق عبد الرحمن)
|
| Quote: نِحنا النوبِيين ... مثلاً مثلاً يعني |
عزام ....يسعد نهارك ياحبيب
انتو النوبيين اكتر من حبايب مش للشوايقة والجعليين بس بل لكل اهل السودان وكذلك الشوايقة والجعليين يحتفظون للجميع بكل الود والتقدير .... وتبقى القصة ياعزام هى من من الناس لايريد لهذه المحبة ان تمتد ويحاول دوما الفصل بين الجميع باعتبار حالة المركز والهامش .... والبوست ده ياعزام حقيقى ماموجه لقبائل او اعراق محددة ...البوست موجه لافراد شايلين فكرة الجلابة دى وحايمين بيها وياها شغلهم الشاغل .... البوست موجه للتنبيه انو حالة الاحتقان القبلى والعرقى فى المجتمع وصلت الذروة بسبب هذه الهتافات الغير مسئولة .... وانو ذاكرة الشعب السودانى مازالت رطبة ومتالمة من احداث موت الدكتور جون قرنق اللى كانت بسبب هتافات زى دى وراح ضحيتها المئات من ابناء البلد دى ... وانو تكرار مجازر قبلية زى دى ممكن ولا بسط الاسباب لعدة اسباب منها انو البلد الان فى حالة اهتزاز شديد .....
| |
|
|
|
|
|
|
|
|
|
Re: بياتو فهم استنبطت انو الشوايقة والجعليين جايين من خبث رحم سودانى يا NEWSUDANI (Re: الشفيع وراق عبد الرحمن)
|
| Quote: و ده بروفايل المناضل الجسور NEWSUDANI |
والله يا الشفيع انا مشى على بروفايلو مامشيت لانو مابيستاهل الجهد ده كلو .... وهو اقل شانا انو نمشى نشوفو هو منو وقاعد يفكر كيف لانو اصلا زى ده خالى من اى فكر او ثقافة لانو ببساطة انسان مبرمج وماشى حسب بروجرام محدد سلفا ... ونحن هنا ماقاعدين نستهدفو هو شخصيا لكن بنستهدف الرؤوس الكبيرة المالية الدنيا ضجيج فى الفاضى ...
واهو القصة برضو رسالة الى من يهمه الامر من المعنيين ...
ويديك العافية ياحبيب ...
| |
|
|
|
|
|
|
|
|
|
Re: بياتو فهم استنبطت انو الشوايقة والجعليين جايين من خبث رحم سودانى يا NEWSUDANI (Re: خالد احمد محمد)
|
أخوي خالد
الراجل ده من الرعيل الأول لسودانيزأونلاين
مسجل منذ 2002
سبعة سنوات لو كان قاعد يتفرج من المسطبة ساي كان اتعلم أدب الحوار وضرورة احترام الطرف الآخر وعدم توجيه الاساءات وأنا أتكلم عن أفراد فما بالك بسب قبيلة كاملة وأي قبيلة
مشاركاته قليلة نوعا ما نسبة لطول فترة اشتراكه
لا يوجد اسم او عنوان او محل اقامة او جامعة او تلفون اوايميل
بقول انهsingle وعدد اولاده=1 (دي ما قدرت افهمها)
منتمي للحركة الشعبية
من موايد 1959 (يعني المفروض يكون ناضج وعركته الحياة)
تحياتي
| |
|
|
|
|
|
|
| |
عصام دهب
الصادق صديق سلمان
mayada kamal
Muna Khugali
ismeil abbas
سناء عبد السيد
Mustafa Shogar
ود محجوب
Tragie Mustafa
AnwarKing
يوسف الولى
عزام حسن فرح
عمران حسن صالح
بشري الطيب
طارق جبريل
عبدالرحمن الحلاوي
الشفيع وراق عبد الرحمن
ebrahim_ali
HAIDER ALZAIN
Bashasha
فيس بوك
تويتر
انستقرام
يوتيوب
بنتيريست