|
كتب الكاتب الفاتح جبرا المتوفرة بمعرض الدوحة
|
|
 Re: إلى كنكوج عمر الفاروق مع التحية (Re: هشام آدم)
|
يا قائد الأسطول
تخضع لك الفرسان
ياذو الفخار والطول
أرحم بنى الإنسان
مين لسماك يطول
ما يطولك اللمسان
معناك شرحه يطول
والله يا إنسان
أصدق كفانا مطول
ياذو الحسن إحسان
أنا عقلى بيك مختول
والناس عقول ولسان
ما بنكر المعقول
آمنت بالأيمان
بالطلسم المصقول
بدل لخوفى أمان
بالنور سحرت عقول
كانت صميمة زمان
يا من تحق القول
قتل النفوس حرمان
وما الجندى والمكتول
وطالب الغفران
من أيده راح منتول
واتوهد النيران
فاقد الصواب مبتول
مما رأى حيران
أصبح زهر مشتول
وفاح ملا الجيران
يالفى سماك مفصول
تنشاف عيان وبيان
ما عرفنا ليك وصول
وما دنيت أحيان
إنت الخطاك أصول
يعلم الديان
مثلت فينا فصول
ما بدرسها النسيان
| |
 
|
|
|
|
|
|
|
|
Re: إلى كنكوج عمر الفاروق مع التحية (Re: هشام آدم)
|
هشام يا ادم :
يبدو إنو الناس كلللها كنكوجا قايم عليها وكانت منتظرة بس اول زول يغامر بي كنكوجو عشان تجي تححححت كناكيجا :)
أهو ده الكنكوج ولا بلاش..
سبق وكتبت في المنبر ده تحديدا عن الأغنية دي ومناسبتها ..
سيد عبد العزيز وكيف كان عايز يتزوج واحدة من بيت ال السيد عبد الرحمن المهدي..
وقالوا ليهو إنت شاعر صعلوق ساي وابو يدوهو البنية ..
وبقا ينتظرا عشان يعاين ليها وهي طالعة من كلية المعلمات في امدرمان الحتة المقابلة لي سجن امدرمان ..
كتب القصيدة دي لتصوير مشهد لي البت المكسر فيها دي لأنو اووول ما (طلقوهم البيوت ) يا قولنا هي طواااالي من باب المدرسة وماشة لي حي الأمراء ..
اها كانت اول زول يطلع وبراااها ..بعدها كانوا باقي الطالبات ماشين كيمان كيمان ..
فقام صور المشهد ده وكأنها هي قائد والخلفها ديل الجنود أو الأسطول..
عارف يا هشام اغاني حقيبة ليهم وقع خاص جدا في كنكوجي قائد الأسطول وقلبي همالو وجاهل وديع مغرور..
قائد الأسطول تحديدا اعجبني فيها الوصف بتاع :
وما الجندى والمكتول
وطالب الغفران
من أيده راح منتول
واتوهد النيران
فاقد الصواب مبتول
مما رأى حيران
أصبح زهر مشتول
وفاح ملا الجيران
وفاااح ملا الجيران ..حولااااااااااااا..يعني زولك شهيد عديييييل كده ..
ياخ شوف تصوير ومن إيدو رااااح منتول واتوهد النيران ...
هشام وحميدة غايتو كنكوجي ده عذبتوهو لي في كنكوجو ..
تخريمة :
ويظل محمود عبد العزيز هو من حببني في سماع هذه الأغنية ..
| |
|
|
|
|
|
|
|
|
|
Re: إلى كنكوج عمر الفاروق مع التحية (Re: عمر الفاروق)
|
عمر الفاروق يا أبو الكناكيج
Quote: تخريمة :
ويظل محمود عبد العزيز هو من حببني في سماع هذه الأغنية |
ياخ إنتا جبتَ الرايحة زي ما بيقولو .. أها شفتا أنا الأغنية دي سمعتها من محمود أول حاجة، ولمن جيت سمعتها من سيدا ما عجبتني ليك، وتأكدت إنو محمود ده أسطورة غنائية ما ح تتكرر تاني قريب. طبعاً أنا قصة الأغنية دي ما بتهمني كتير ولا فتشتا ليها، لكن معرفة القصة مرات كمان بيخليك تستمع بالأغنية أكتر وأكتر. الأغنية دي فيها خيال مبالغة طبعاً، وكسير تلج تقيل جداً، بيرجعنا لأزمنة الرومانسيات المفقودة حسي. أنا كمان عجبني المقطع بتاع (من إيدو راح منتول واتوهد النيران) مبالغة طبعاً .. كل زول يخلي بالو من كنكوجو يا جماعة :)
ياخ أحب كنكوجك زاتو
| |
|
|
|
|
|
|
|
|
 Re: إلى كل كنكوج حايم بى هنا,,,, (Re: هشام آدم)
|
سلام يا هشام,,
فيما يبدو أن كنكوج عمر الفاروق سيكون قضية رأى عام وتحت المجهر لأيام طويلة,,,
التحية لكنكوج عمر الفاروق وكل كنكوج ثابت أو متحرك,,
وبالمناسبة دى أنا أطلب أغنية حبيبى كنكج لى وأنا أكنكج ليك وبالعدم (حنّى حنّى على أنا يا كنكج)
وعاشت الكنجكة الإسفيرية,,
وعاش كناجيك الزمن الآتى,,
ولا نامت أعين الإريرات,,,
| |
|
|
|
|
|
|
|
|
|
Re: إلى كل كنكوج حايم بى هنا,,,, (Re: هشام آدم)
|
| |
|
|
|
|
|
|
|
|
|
Re: إلى كل كنكوج حايم بى هنا,,,, (Re: عمر الفاروق)
|
يا أبو الكناكيج
معليش بكابسك في ريدة حوتة .. كان ترضا كان تزعل
بس ياخ لي زمن ما سمعتَ ليهو حاجة جديدة وسمعت في
ناس بتقول إنو الزول ده صوتو "راح" وعندي صاحبي
بيشترك معانا في ريدة حوتة قال لي إنو آخر مرة
سمع فيها حوتة بيغني بكا لأنو صوتو "باظ" وانتهى
ما عرفناهو من البنقو ولا الاستهلاك ولا شنو ما معروف!!
| |
|
|
|
|
|
|
|
|
|
Re: إلى كل كنكوج حايم بى هنا,,,, (Re: هشام آدم)
|
انا جاي من الإجازة اسة ..وواحدة من الطقوم البعملا في العادة سماع محمود وحضور مباريات الهلال ..
محمود صوتو انتهى صاح وبي صورة فعلا تخلي الزول يبكي وانا وصاحبك اشتركنا في الحاجة دي .. بس نهاية صوت محمود الحالية واضح انو سببها الاهمال من محمود نفسو عدم التمارين الكان حووتة بيعملا زمان اضافة لي الارهاق الواضح وما بعيد يكون محمود بيعاني من علة في الحلق لكن صدقني الخامة موجودة والنبرة قاااعدة ومحمود لو ركز شوية بيرجع فمحمود اسطورة ..
ومحمود صوت طبيعي غير مصطنع..
ومحمود يغني من الدواخل وليس قشرة ..
| |
|
|
|
|
|
|
|
|
|
Re: إلى كل كنكوج حايم بى هنا,,,, (Re: عمر الفاروق)
|
سنة تمانية وثمانين وانحنا لسع في الثانوي العام سمعت اول مرة محمود في شريط عند خالي , ومن يومها وانا لا امل السماع والاعجاب بصوت محمود , محمود يملك صوت لا يوجد قريب او بعيد في خارطة الفنانين السودانيين , مميز بدرجة احترافية وبه من التطريب ما يغيب الانسان عن الوعي , الشروخ التي حدثت في صوت محمود منذ العام 2005 والي الان بمثابة اهدار لثروة قومية مثلها ومياه النيل , اهماله لنفسه واستهتاره بهذه الامكانيات ضربة في خاصرة معجبيه خاصة وان حواء غناء السودان عجزت ان تنجب مثله قريبا
بالله يا عمر الفاروغ اعمل ليك حملة تحت مسمى اعادة ترميم صوت محمود وسنكون في طليعة الداعمين لها .
ياخي زمان محمود لو قحا وراء مايك يطربنا
| |
|
|
|
|
|
|
|
|
|
Re: إلى كل كنكوج حايم بى هنا,,,, (Re: اساسي)
|
| Quote: وبه من التطريب ما يغيب الانسان عن الوعي |
الكلام ده حقيقي مليون في الميّة، ولكترة الشواهد ما قادر أحدد ليك مثال على المسألة دي، لكن في قائد الأسطول دي بالزات لمن يجي للكوبليه بتاع (بدل لي خوفي أمان) ياخ بحس بإحساس غريب جداً وخاصةً التطريب البيعملو في كلمة "خوفي" دي.
الغريبة يا أساسي إنو أول مرّة لمن سمعت محمود عبد العزيز ما عجبني صوتو أبداً لغاية ما حضرتَ ليهو حفلة في الفندق الكبير (ما متذكر الكلام ده كان سنة كم بالتحديد) لكن الزول ده عمل فيني عمايل كده بصوتو .. خلاني أؤمن بيهو إيمان عديل كده (آمنتَ بالإيمان) :)
| |
|
|
|
|
|
|
|
|
|
Re: إلى كل كنكوج حايم بى هنا,,,, (Re: عمر الفاروق)
|
أها يا أبو الكناكيج
أنا بتفق معاك 100% في آخر تلات سطور من كلامك .. ففعلاً محمود أسطورة وظاهرة صوتية لن تتكرر، وهو فعلاً بيغني بإحساسه الخاص حتى عندما اتهمه الجميع بأنه مجرّد "مُردد" استطاع أن يُثبت للجميع بأنه لا يُردد أغاني الآخرين بل بيجددها، وهو الوحيد اللي قدر يكسر قاعدة "سمح الغنا من خشم سيدو" بالجد. وأنا بتساءل: لو كان زول تاني مكان محمود هل كان ممكن يصمد زي ما صمد محمود وخصوصاً بعد الهجوم الشرس اللي اتعرض ليهو من قبل الناس والنقاد وبعض الفنانين واعتبروا "فقاعة"؟ ياخ محمود ده قدر يثبت إنو فعلاً فنان في لحظات ما مؤاتية أبداً للإثبات. أجمل حاجة يا أبو الكناكيج لمّا سمعتا ليك الشريط الدويتو بين محمود عبد العزيز وحنان بلوبلو .. ياخح الزول ما في أيّ مقارنة لا بين طبقات الصوت ولا في الإمكانيات الصوتية ولا في أيّ حاجة، وكتير جداً كنتَ بحس إنو محمود ما كان بيغني بارتياح مع الزولة دي لأنو مساحاتا الصوتية ضيقة جداً، ومرات كده كان بيجدعا ليك وراهو لمّا يمد صوتو .. غايتو شخبتا ليك شخبة ما اعتيادية.
الزول ده فنان جد جد
| |
|
|
|
|
|
|
|
|
|
Re: إلى كل كنكوج حايم بى هنا,,,, (Re: وليد محمد المبارك)
|
بالنسبة لي شريط محمود بتاع جواب للبلد مع حنان بلوبلو فصوتها مركب تركيب وفي نسخة تانية من الشريط بصوت محمود براهو ..التركيب كان لدواعي تجارية ورطوا بيها محمود بعدها برحلة زواج فاشلة مع حنان بلولو ..
بالمناسبة يا هشام محمود الفنان الوحيد الما قدر زول يقول عليهو انو فقاعة تصدق؟؟ عااااارفنو فنااااان واصصصلو ما غنا ليهو غنا مبتزل او هابط حسب ما هم طوااالي بيمسكو في الحنك المييت ده ..
محمود لمن بدا يغني بدا بي ربيع الحب والمدينة وبعد إيه من اغاني الناس يعني لا جلابية لا عربية ولا راجل مرا ..
محمود المزعل الفنانين منو انو لا بيمشي اتحاد فنانين ولا بيخش في جوطة الفنانين ..
سمعتها منو مرة وحبيتو عشانا :
انا بغني عشان امتتتتع نفسي في الأول ..
وقد كان فمحمود يغني لمحمود ويغني للجمهور..
تخريمة :
عشان تعرف يا وليد اني ما بلخبط الكيمان كيف ..:)
ياخ انا زول كويس بس الناس ما فاهماني :)
| |
|
|
|
|
|
|
|
|
|
Re: إلى كل كنكوج حايم بى هنا,,,, (Re: عمر الفاروق)
|
| Quote: بالله يا عمر الفاروغ اعمل ليك حملة تحت مسمى اعادة ترميم صوت محمود وسنكون في طليعة الداعمين لها |
والله يا اساسي انت قايلني بهظر مش؟
بس فعلاً عندي الفكرة دي من زماااااااااااااااااان وحاولت اسة في اجازتي دي مقابلة محمود وانا عارف انو الناس اتكلموا معاهو شديد لكن قلت برضو امكن كلام المعجبين يكون غير كلام الناس العاملين فيها اصحابو وهم عايزين يستنزفوهو بس ما لميت فيهو ..
فعلا لو ربنا قدرني حا أعمل الحاجة دي يا اساسي..
فمحمود ثروة افريقية عديييييييل..
| |
|
|
|
|
|
|
|
|
|
Re: إلى كل كنكوج حايم بى هنا,,,, (Re: انور التكينة)
|
بالله تتذكروا في السهرة الغنا فيها مع ترباس عيني ما تبكي , طبعا ترباس زول صوته مميز وحاد , بدأ الاغنية ترباس ولما دخل محمود وجدع جدعته من هناك , ترباس حضن المايك وبقي يدافر في محمود (نظام ثيردباك ) عديل لكن علي منو يا كيمو
بالله الاغنية دي لو عارفين ليها مكان نزلوها لينا هنا
| |
|
|
|
|
|
|
|
|
|
Re: إلى كل كنكوج حايم بى هنا,,,, (Re: اساسي)
|
| Quote: بالله تتذكروا في السهرة الغنا فيها مع ترباس عيني ما تبكي |
أها يا أساسي السهرة دي بالزات أثبت فيها محمود إنو فنان محترم ومتواضع جداً، ولو لاحظتا كان محمود بيحاول يقيف بعيد، وترباس بيجرو ناحية المايك .. أنا حضرتَ مرّة سهرة غنا فيها محمود ومعاهو اتنين تانيين، بيتخيّل لي واحد منهم أسامة الشيخ والتاني ما متزكرو .. كل واحد من الاتنين ديل كان مكنكش ليك في المايك داير يبلعو، ومحمود واقف ليك بعيييد، ووحياتك بعد ده محمود كان صوتو أعلى من صوتهم الاتنين. ياخ الزول ده عندو صوت جهوري خلاس.
| |
|
|
|
|
|
|
|
|
|
Re: إلى كل كنكوج حايم بى هنا,,,, (Re: هشام آدم)
|
يا اساسي:
| Quote: بالله تتذكروا في السهرة الغنا فيها مع ترباس عيني ما تبكي , طبعا ترباس زول صوته مميز وحاد , بدأ الاغنية ترباس ولما دخل محمود وجدع جدعته من هناك , ترباس حضن المايك وبقي يدافر في محمود (نظام ثيردباك ) عديل لكن علي منو يا كيمو |
لو الناس بتتذكر ولو عندها قوة ملاحظة ولو بيعرفوا ليهم كمان مهندس بتاع مساحة خليهم يجيبوهو عشان يقيس المسافة الكان واقف فيها محمود من المايك ..!!!!!!!!!!!
محمود ده كان واقف بعيييييييييييييييييييييييد من المايك وبيغني وصوتو بعد ده ضارب صوت ترباس المعورف اصلا بي انو صوت قوي رغم حنيتو ..
بالله الفنانين اسة الواحد تلقاهو قاعد ياكل المايك اكل حاشرو جوة خشمو وبين تلاليشو ..
بفتش ليك اللقطة وان شاء الله اجيبا ليك وتشوف الود حوتة ده ..
ياخ ترباس لممممن بقا يجرجر فيهو ويلزو على المايك لز ..:)
| |
|
|
|
|
|
|
|
|
|
Re: إلى كل كنكوج حايم بى هنا,,,, (Re: humida)
|
حميضة ... عندك كنكوج بي جاي؟ لو ما عندك لو سمحتا اتخارج
وما تعكّر لي مزاجي الرايق حسي في حضرة حوته بلييز يعني 
بالمناسبة:
شايفك حاولتَ تركب مكنة ليبرالي في بوست الGuys بس دكتورة
شذى بله جات وقطعتا ليك فوق راسك
| |
|
|
|
|
|
|
|
|
|
Re: إلى كل كنكوج حايم بى هنا,,,, (Re: humida)
|
يا عمر الفاروق سلامات!
مغتربين أخر زمن يجوا ويرجعوا ما نشم ريحتهم الحلوة ديك ولا نبخبخ سجارهم البينسون!
ولا خلاص باباح!
مشتاقين!
قبل يومين كنت مع واحد صاحبي وعلقنا على محمود عبد العزيز وعلى صوت محمود عبد العزيز الفريد!
قال لي ونحن في الجامعة وفي الداخلية كان في اتنين بيتغالطوا اجمل صوت فرفور ولا (الحوت) وغلاط شديد..
واحد يقول فرفور التاني بس يرفع راسه ويقول ليه (الحوت جباااااااار) والموضوع أخد وقت طويل!
في النهايةالزول المعجب بالحوت طلع شريط لمحمودعبد العزيز وشغله بعد الشريط إنتهى صاحبه التاني قال ليه والله ليك حق(الحوت جباااااااااااااار)
محمود عبد العزيز من أجمل الأصوات الممكن تسمعها وأستغرب جداً في ناس تخلي طلاوة وحلاوة ونداوة صوت محمود وتقعد تتفلقص..جلدو وسجنو وقبضوه بالثابتة وفي نفس الوقت تلقي الواحد منهم ممكن يكون معجب بمايكل جاكسون شخصياً!
والله الحوت جبااار فعلاً!
| |
|
|
|
|
|
|
|
|
|
Re: إلى كل كنكوج حايم بى هنا,,,, (Re: humida)
|
Quote:
قبل يومين كنت مع واحد صاحبي وعلقنا على محمود عبد العزيز وعلى صوت محمود عبد العزيز الفريد!
قال لي ونحن في الجامعة وفي الداخلية كان في اتنين بيتغالطوا اجمل صوت فرفور ولا (الحوت) وغلاط شديد..
واحد يقول فرفور التاني بس يرفع راسه ويقول ليه (الحوت جباااااااار) والموضوع أخد وقت طويل!
في النهايةالزول المعجب بالحوت طلع شريط لمحمودعبد العزيز وشغله بعد الشريط إنتهى صاحبه التاني قال ليه والله ليك حق(الحوت جباااااااااااااار) |
وهل تصدق يا سامي
ان محمود عبد العزيز هو من ساعد جمال فرفور في ظهوره
كفنان .ومن الطرائف
في يوم محمود اتصل على جمال واظن جمال ماشاف الاتصال الاول واتصل مره اخرى ورد جمال
محمود قال : ياجمال مالك مابترد ولا الكتوف إتلاحقت
جمال قال : الله كيف كلنا بقينا في الهواء سوى
ياخي الجوز دا صعاليك غناء وتاني عندهم غناء لما يكونو
قاعدين مع بعض الله لا سمعك ليهو .. يازول ماتعرف محل ماتمش (امكانياتهم الصوتيه عاليه وبها تطريب مبالغ )
ونرجع نقول حب الناس مذاهب
وليد المبارك
لقيتك فقري وعشان تعرف اولاد بحري (برضو تقول لي سحاسيح )
وخليني اجي الخرطوم واسمعك شغل لما تستغرب ويجيك انهيار في كنكوجك
وحميده بسمع كويس زيك لكن عامل كبير
-----------------------------
الف سلام ياهشام ادم وياسلام عليك ولو مابعيد كنا قعدنا بيك في بحري عشان تعرف ان بحري سر الهوى
| |
|
|
|
|
|
|
|
|
|
Re: إلى كل كنكوج حايم بى هنا,,,, (Re: وليد عبد اللطيف)
|
وليد يا حبه
بمناسبة محمود ساعد فرفور على الظهور
تفاصيل الموضوع ده عندي
والسبب صحبك وليد عباس
وليد زميل فرفور في الجامعة وصديق محمود او اخوه احمد اللمبي هو الصديق محمود
كان وليد بجيب محمود حفلات في النيلين يلقط من وراها رزق
اها فرفور كان بغني للشباب في تيم الجامعة
وليد قال ليه تمرق حفلة ورا محمود وتطلع
ووقد كان
الز حاجة محمود بعد الحفلة مسح لي فرفور راسة وقال ليه كويس يا جمال
هاهاهاهاهاهاهاها
| |
|
|
|
|
|
|
|
|
|
Re: إلى كل كنكوج حايم بى هنا,,,, (Re: وليد محمد المبارك)
|
Quote: وليد يا حبه
بمناسبة محمود ساعد فرفور على الظهور
تفاصيل الموضوع ده عندي
والسبب صحبك وليد عباس
وليد زميل فرفور في الجامعة وصديق محمود او اخوه احمد اللمبي هو الصديق محمود
كان وليد بجيب محمود حفلات في النيلين يلقط من وراها رزق
اها فرفور كان بغني للشباب في تيم الجامعة
وليد قال ليه تمرق حفلة ورا محمود وتطلع
ووقد كان
الز حاجة محمود بعد الحفلة مسح لي فرفور راسة وقال ليه كويس يا جمال
هاهاهاهاهاهاهاها |
طبعا وكابتن وليد
وليد عباس هو كان بيلقط لينا كل اغاني محمد احمد عوض في الجامعة ويكتبها لينا في دقيقة
ونقول تعال ياجمال فرفور هاك احفظ وجمال فرفور صاحبنا براسو الكعب دا زمان كان عامل شعرو بوب مارلي (هههههههه)
والله جمال في دقيقتين يحفظها ويغني يلم الجامعة كلها
ولي ماذكرتنا حبايبنا اولاد الثوره والمهدية وهم كانوا احلى ناس
ناس ابوعكر ومحمد كديرو ناس شفتنا وكوره وطرب
تعرف كان كل سنه النهائي في دورة الروابط في الجامعه بين اولاد بحري وامدرمان (الثورة والمهدية )
نوريهم ليك نظام الكوره وفي النهايه يلفحو مننا الكاس ضربات جزاء ويخلو خشمنا ملح ملح
---------------------
بالله يا كابتن وليد كمية تحايا لوليد عباس واذا قابلته خليهو يحكي ليك قصة كلب الفنان محمد احمد عوض
| |
|
|
|
|
|
|
|
|
|
Re: إلى كل كنكوج حايم بى هنا,,,, (Re: وليد عبد اللطيف)
|
Quote:
سلام يا وليد عبد اللطيف
بحري دي أنا عندي فيها ذكريات لا تنسى
خصوصاً في أعياد رأس السنة .. مالك علينا ياخ
|
هشام ادم
ياخي سلمات
تعرف في بحري اي مجال بيعجبك او اي نشاط يدور في راسك تجده
عشان كدا دايما كنا بنسحب الشباب من اولاد الخرطوم وامدرمان ويسهروا عندنا
والله ما كنا بنقدر بنقطع كبري امدرمان والخرطوم إلا للدراسة فقط
ويازول كنت بتروس (عيد راس السنه ) وين في ديوم بحري ولا حلة حمد ولا الحلفايا
ولا الاملاك ودي اجمال مناطق كان فيها راس السنه ..
| |
|
|
|
|
|
|
| |
هشام آدم
عمر الفاروق
أيمن الطيب
اساسي
انور التكينة
وليد محمد المبارك
عمران حسن صالح
humida
وليد عبد اللطيف
فيس بوك
تويتر
انستقرام
يوتيوب
بنتيريست