|
هي كاملة ياالله يالله ..... كمان دايرين تقسموها
|
شوفوا وكت جابتلها قسيم شمال وجنوب وشرق وغرب انا ادوني حقي واطا النبيعو واتخرج
ياجماعة انا بحب السودان المليون ميل دا بتعدد ثقافاتو واديانو سحناتو وحتي مناخاتو عاجبني كدة وبشكلو دا
لكن لو اتقسم انا شخصيا لا يشرفني الانتماء لاي جزء مهما كان وبالجد لو حصل ايي انفصال انا داير حقي واطا عشان ابيعا للبدفع اكتر وبلا وطن بلا لمة
|
|
|
|
|
|
|
|
Re: هي كاملة ياالله يالله ..... كمان دايرين تقسموها (Re: ياسر بيناوي)
|
Quote: شهادة الجنسية السودانية تكفي لاثابت الملكية العامة |
لا تكفي يا ياسر... لكن قول قبلوها منك علي مضض و كدي تعال لي بجاي أحسب ليك نصيبك من الأرض...
مساحة السودان =مليون ميل مربع قبل الانفصال عدد السكان = اربعنين مليون رغم التجاوزات في التعداد الاخير نصيب ياسر = مساحة السودان/عدد سكان السودان = 0.025 ميل مربع يلا ادوك حتة الميل ديك اها يلا بقي يدوك ليها وين؟ يدوك ليها وين دي بتعتمد علي قربك من السلطة... ممكن تقع ليك في المنشية و ممكن تقع ليك قريب من حلايب خيث أرض لا تصلح للرعي او الزراعة ... ما مشكلة اميالك دي ادوك ليها قول في حتة كويسة و داير تبيعها ... انت عارف البائع الوحيد منو ؟ البايع الوحيد هو الحكومة يا ياسر يعني ما تفكر تقول داير تبيعها للمصريين او الليبين في الحالة دي تتحاكم بالخيانة العظمي و هي التفريط في سيادة البلد ...و بما أن الحكومة البايع الوحيد ببساطة ممكن تقول ليك انا ما دايره أشتري ... مش كمان البيع بالتراضي؟
أنفض بدلتك يا ابن أمي فاني تركت بدلتي دون كواء ... أرض الله واسعة يا ياسر و اياه اعبد كما تشاء
لك كل الألام يا صديق الشقاء
| |
|
|
|
|
|
|
Re: هي كاملة ياالله يالله ..... كمان دايرين تقسموها (Re: حافظ حسن ابراهيم)
|
يا حافظ يا صديقي
Quote: مساحة السودان =مليون ميل مربع قبل الانفصال عدد السكان = اربعنين مليون رغم التجاوزات في التعداد الاخير نصيب ياسر = مساحة السودان/عدد سكان السودان = 0.025 ميل مربع يلا ادوك حتة الميل ديك اها يلا بقي يدوك ليها وين؟ يدوك ليها وين دي بتعتمد علي قربك من السلطة |
جميل المهم عندي ما حجم الواطا المهم انو يدوني حقي واطا ولو مترين ( الشي انا دايرا لي عوزة )
اها
Quote: ما مشكلة اميالك دي ادوك ليها قول في حتة كويسة و داير تبيعها ...
|
برضو ما فارقة معاي يدوني ليها في ايي من المليون ميل وما مهم سمحة ولا كعبة برضو
بس حاختلف معاك هنا ده
Quote: انت عارف البائع الوحيد منو ؟ البايع الوحيد هو الحكومة |
حكومة شنو تاني نحن مش قسمناها وايي زول شال حقو يللا اي زول يتصرف في حقو زي ما عايز
Quote: في الحالة دي تتحاكم بالخيانة |
خاين انا وللا خونة هم القسموها
يللا بعد ما ادوني حقي وانا طبعا متوقع خساستم دي حيدوني حقي دا في صحرا العتمور عشان لا ازرع لا ابني لا غيرو
وهنا الفارات بكونوا دقسوا دقسة سنينم لانو الاراضي الصحراوية دي الاراضي المفضلة للاسرائليين وحيدفعوا لي فيها شئ وشويات
عشان يجوا يبقوليهم شوكة حوت وواطاتي دي تبقي ليهم مسمار جحا من امو
خالص الود
| |
|
|
|
|
|
|
Re: هي كاملة ياالله يالله ..... كمان دايرين تقسموها (Re: ياسر بيناوي)
|
Quote: غايتو الله يجازي الكان سبب |
ياسر يا صحبي نحن السبب ياخ ! انا و انت و هي و هو و هم هم براهم ! اي و الله !!!!!!
-----------------
انت قصتك هينة ، اها انا ابقى جاي و لا جاي ؟ معقولة زول يدفنوهو في جيهة و سرتو مدفونة في جيهة تانية ؟!
بجيك صاد كان ربنا طلق عقدة اللسان و رخى حواجب الدهشة . . . و الله غالبني البكتبو عديييييل
| |
|
|
|
|
|
|
Re: هي كاملة ياالله يالله ..... كمان دايرين تقسموها (Re: البشير دفع الله)
|
Quote: المشكلة الحقيقية في الجنوبيين العايشين في الشمال , وفي الشماليين العايشين في الجنوب
في القياديين الشماليين في الحركة , وفي القياديين الجنوبيين في الشمال
بس دي يحلوها كيف ؟ |
اها شفت يا البشير دفع الله طالما انو الواحد واقعلو ربع ميل انا ربعي يدوني ليهو جمب ربع شول بعدين انا وهو بنتفق لكن لو ادوني جمب ربع الترابي وللا نافع كل صباح عكاكيزنا الف احمر
خالص الود
| |
|
|
|
|
|
|
Re: هي كاملة ياالله يالله ..... كمان دايرين تقسموها (Re: قيقراوي)
|
قيقا يا حبيب
Quote: انت قصتك هينة ، اها انا ابقى جاي و لا جاي ؟ معقولة زول يدفنوهو في جيهة و سرتو مدفونة في جيهة تانية ؟!
|
اها عاد شفت المغسة دي كيف والمصيبة كمان في الناس الابوهم من ابوحمد وامهم من اويل والناس الاصلا من ملكال واكل عيشم في كورتي والناس الاصلا من المتم لكن بي عينم ماشافوها ومن ولدوهم في يامبيو وعيييييييييييييك
غايتو مغسة بس
خالص الود
| |
|
|
|
|
|
|
|