المعاملة عاوز اخلصها من الرياض وعليكم الله مافي زول يسألني من تفاصيلها لانه الباندويدث حق بكري كله ما بستحملهاوالمعقب ذاته يكون من النوع المبيسأل كتير الا من اتعابه.
10-28-2009, 09:53 AM
ادريس خليفة علم الهدي ادريس خليفة علم الهدي
تاريخ التسجيل: 10-11-2005
مجموع المشاركات: 5409
الأخ / محمد عمر ربنا يهون القواسي دعواتنا ليك بالتوفيق عليك بعدد اللطيف الكبير وهو ( قول يالطيف 16.641 ) مرة
تبدأ أولا بالواحد( تقول يالطيف مرة واحدة ثم تسكت) ثم بالـ (40) تقول يا لطيف( 40 مرة) ثم المئات تقول يالطيق( 600) مرة ثم الآلاف (16) ألف تقول يالطيف(16) ألف مرة تمسك سبحتك تنرل ألف ألف إلى أن تنتهي من الـ (16) ألف جربها وشوف هذا العدد لما يستصعب من الأمور قاعدين نعمل العدد دا للشديد القوي بإذن الله غرضك ينقضي
10-28-2009, 03:24 PM
humida humida
تاريخ التسجيل: 11-06-2003
مجموع المشاركات: 9807
الاستاذ / اسحق بلة شكراً لك على النصيحة بس صدقني ما بقدر اعملها، لسببين الاول اخوك تربية انصار سنة التاني : انا والله لو عندي وقت لل 16 الف زمان كنت قضيت منها، تعرف الفاصلة بتاعة ال 16 ظاهرة نقطة قلت ال 16 دي هينة الكسور دي اجبرها ولا شنو؟ والله الا أأجر زول يعملها.
ذكرتني نكتة عندنا واحد اصله ما بصوم ولا بريد الصوم الجماعة بينصحوا فيه قالوا ليه يا اخي الجنة دي فيها باب اسمه الريان ما بخشوا منه الا الصائمين قال لهم عليكم الله شوفوا لي باب غيره. تحين عليك الله مافي باب غير دا؟ بعدين يا اسحاق السبحة ام الف حبة دي يلقوها هنا وين؟ والله ناس الهئية يلقوني شايلها اكان يعلقوني بيها في نص السوق. تحياتي وتقديري وشكري
شكراً لك استاذ عبد اللطيف تصدق الجماعة المهتمين ديل كلهم هلالاب !!!! ياربي د1 ترغيب ولا شنو؟ انا خايف معقبكم ذاته يكون هلالابي وما يكون نصراوي. شكراً لك يا رجل وما عدمناك .
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
محمد عمر الفكي
ادريس خليفة علم الهدي
إسحاق بله الأمين
humida
SHIBKA
فيس بوك
تويتر
انستقرام
يوتيوب
بنتيريست