|
|
|
 Re: المريخ بحالته الراهنة فريق لا يصلح للتشجيع (Re: اساسي)
|
Quote: انه يسفه احلامنا , ويحبط امنياتنا , و يمتحن صبرنا , ويتلاعب باعصابنا , وينسف رهاناتنا , ويتفانى في اذلالنا ...
اظن ان المريخ بحالته الراهنة فريق يصلح للتتشييع |
الحالة دي ما راهن يا اساسي ...ليها مدة طويلة
وتقريبا من زمن قروش وارغو الكتيرة ديك...
فقد شاهدت هزيمة المريخ من داخل الاستاد..
في الدورة التي نظمها استعدادا للبطولة التي
خرج متزيلا لها...والفريق المهزوم من نفس المريخ
باهداف كثيرة...شال الكأس في النهاية,..
عرفت من وقتها ان المريخ لن تقوم له قايمة...
المريخ كدس نجوما كثيرة في كشوفاته وكل نجم
فيهم سيتلألأ في غير المريخ...لو قدر له ان يلعب في غيره...
ولكن ان تصرف اموال طائلة علي ناس وارغو وناس السعودي
متيقنين من انهم اورغ من وارغو ...وما لم تتوزن
هذه المعادلة فلن تقوم للمريخ قايمة...
| |
 
|
|
|
|
|
|
|
|
Re: المريخ بحالته الراهنة فريق لا يصلح للتشجيع (Re: عمران حسن صالح)
|
الاخ اساسي
مسكاقمي
تعرف يا اخوي مما المريخ سجل اللاعب الاسمو ريشارد جاستن
وطوالي المريخ مشى للخلف كل يوم في تراجع
اللاعب الاسمو ريشارد دا ما عندو كورة خلاص قدم ما كان يملكه في فريقه السابق
ولمن بقى ماسورة شطبوه يجي المريخ يسجلوا
سبحان الله متين كان المريخ بيسجل لاعب منتهي الصلاحية
وكمان جاب لينا النحس معاه
لمن يكون هو في التشكيلة طوالي المريخ مغلوب
هو ثغرة واضحة في دفاع المريخ اي مهاجم يمر منه بسهولة جداً
يجب على إدارة المريخ ان يشطبه فوراً ويضيف معاه كمان الباشا الذي صار ممر آمن لكل مهاجم
ويلحق معه مجاهد الذي شاخ لكي لا ينام ويشخر في الملعب
دفاع المريخ يحتاج إلى غربلة وتنظيف الموجودين دوول ما نافعين
| |
|
|
|
|
|
|
|
|
|
Re: المريخ بحالته الراهنة فريق لا يصلح للتشجيع (Re: Hussein Mallasi)
|
Quote: انه يسفه احلامنا , ويحبط امنياتنا , و يمتحن صبرنا , ويتلاعب باعصابنا , وينسف رهاناتنا , ويتفانى في اذلالنا ...
اظن ان المريخ بحالته الراهنة فريق يصلح للتتشييع |
نعم أخى العزيز .. ظل يرفع فى الضغط والسكرى وكل أمراض الدنيا هذا الفريق المتهالك والذى يستحق التشييع فعلا لا قولا .. وسامحونا
تاج السر
| |
|
|
|
|
|
|
|
|
|
Re: المريخ بحالته الراهنة فريق لا يصلح للتشجيع (Re: nazar hussien)
|
Quote: المريخ كدس نجوما كثيرة في كشوفاته وكل نجم
فيهم سيتلألأ في غير المريخ...لو قدر له ان يلعب في غيره...
ولكن ان تصرف اموال طائلة علي ناس وارغو وناس السعودي
متيقنين من انهم اورغ من وارغو ...وما لم تتوزن
هذه المعادلة فلن تقوم للمريخ قايمة... |
هذا جزء كبير من المعادلة المختلة والتي تحتاج الي وقفة كبيرة
شكرا نزار
| |
|
|
|
|
|
|
|
|
|
Re: المريخ بحالته الراهنة فريق لا يصلح للتشجيع (Re: omer osman)
|
Quote: يا اساسي خلينا نمسك في دي ونصبر لمن كاربوني يستلم بصورة رسمية ويكتمل طاقمه المعاون ونمنحه الفرصة الكافية التى هي بلاشك
ليست مباراة او اثنتين او ثلاثة ..... انا شخصياً بتمني نصبر عليهو سنتين اقل شيء ونشوف النتيجة |
الصبر علي الجرح دون تطهيره ما هو الا تأجيل للبتر , فلننظر الان مواطن القيح ونزيلها من الفريق ليكون لصبرنا جدوي
| |
|
|
|
|
|
|
|
|
|
Re: المريخ بحالته الراهنة فريق لا يصلح للتشجيع (Re: khaleel)
|
Quote: هووووووووووووووي يا اساسي
ما تعمل لينا طريقة الضربة الاستباقية بتاعة امريكا دي
قلنا ليكم
انتو حمام هالك
(قاوحتو ) |
والله يا ابو الخل الامر ليس كما يبدو لك
فانتم في احسن حالاتكم ما بتدونا التلاتة بتاعة الدوي الافريقي , المريخ الان يعاني من علة حقيقية , والهلال ايضا
| |
|
|
|
|
|
|
|
|
 Re: المريخ بحالته الراهنة فريق لا يصلح للتشجيع (Re: اساسي)
|
| Quote: المريخ بحالته الراهنة فريق لا يصلح للتشجيع |
Quote: انه يسفه احلامنا , ويحبط امنياتنا , و يمتحن صبرنا , ويتلاعب باعصابنا , وينسف رهاناتنا , ويتفانى في اذلالنا ...
اظن ان المريخ بحالته الراهنة فريق يصلح للتتشييع |
أحيييييييينا ..
دا المكنيكي قال ليكم كده ..
إزيك يا هالك ..
| |
|
|
|
|
|
|
|
|
 Re: المريخ بحالته الراهنة فريق لا يصلح للتشجيع (Re: Yassir Tayfour)
|
Quote: إسئس!
إنت بتمهد لي شنو؟
____
هلال مريخ متين؟ |
.. والله يا تيفووو لكن لقيتك بتاع سايكولوجي ونفسيات ..  .. إنت يا ود قاعد تزاكر بي ورانــا ..؟
هلال مريخ متين دي عجبتني بشكل ..
إنت ما كان تتلاعب بي مشاعرو كدا دا .. كان تقول ليهو ..
الأمل عطبـرة ومازيمبي متين
......
اقتراح:
اقترح أن يلعب الهلال مباراة تنشيطية .. مع (الصوفي القضارف) .. عوضا عن مباراته الدورية مع المريخ ..
يعني اليوم بتاع الكورة .. يجو ناس الهلال الاستاد .. ويدخلو نص الميدان .. ويقولو للجمهور .. بااااص .. ويطلعو بي بره الميدان ويقسموها ثلاثيات .. هم ومعاهو فريق الصوفي القضارف .. وبي كدا الاتحاد يدي التلاتة نقاط حقات المباراة لي ناس المريخ .. إن شاء الله تعمل ليهم (سنكيت)
والله الشي الشايفو مع .. سخانة مراوح سادومبـا .. وحركات كاريكـا البيعمل فيها دي .. ما بتحلكم إلا المطرة ..
يا كمان
النور يقطع وكان النور قطع .. شداد قالو عامل احتياطي من (السـد) ..
خليك من كاريكـا وسادومبـا .. ايفوسـا دا إنتو قايلين جايبنو عشان منو ..
ايييك وعمر بخيت .. ومهند الطاهر .. وحمودة .. وامبيلي .. وديمبـا ..
غايتو اليوم داك .. مش تمشي الصناعية ..؟ والله كان بقيت (جربوكس) ما بخليك ... ما بخليك
ومن حسع دي .. ما تشجعنا ولا تدنينـا .. برااانا بنشجع نفسنـا
| |
|
|
|
|
|
|
|
|
|
Re: المريخ بحالته الراهنة فريق لا يصلح للتشجيع (Re: tmbis)
|
| Quote: الصبر علي الجرح دون تطهيره ما هو الا تأجيل للبتر , فلننظر الان مواطن القيح ونزيلها من الفريق ليكون لصبرنا جدوي |
كلام صاح ....... لكن ده كلو خليهو يعملوا كاربوني بنفسو ....... يوصي بالشطب والتسجيل والخانات ...... الخ
| |
|
|
|
|
|
|
|
|
|
Re: المريخ بحالته الراهنة فريق لا يصلح للتشجيع (Re: omer osman)
|
| Quote: لكن ده كلو خليهو يعملوا كاربوني بنفسو ....... يوصي بالشطب والتسجيل والخانات |
ليس الامر امر تسجيلات وشطب فقط , ولكن امر ادارة في البداية , الادارة التي فشلت في ان ينظر اللاعب مصلحة الفريق اولا قبل مصلحته الشخصية , وفك الاحتقان بين اللعيبة الاجانب والوطنيين , والمؤامرات التي تحاك بين اللعيبة و و و . بعدها تأتي مرحلة المدرب وهي حسن استغلال اللاعبين والشطب والتسجيل التي اشرت اليهم
| |
|
|
|
|
|
|
|
|
|
Re: المريخ بحالته الراهنة فريق لا يصلح للتشجيع (Re: tmbis)
|
Quote: هووووووووووووووي يا اساسي
ما تعمل لينا طريقة الضربة الاستباقية بتاعة امريكا دي |
مريخاب تتفاصحوا يا اساسي ومن اول(احمد سعد) وارد المواني والشواطي الشرقية
تجو تعملو لينا سافوتة
عموما كامل تضامني مع كابوكي ولا كابوني مدربكم الجديد ده..!!
فالحداشر الشفتهم امس ديل حرم ابكر بلنتي ما يرضي يدربهم
| |
|
|
|
|
|
|
|
|
|
Re: المريخ بحالته الراهنة فريق لا يصلح للتشجيع (Re: Azhari Mohamed)
|
اساسي ..
انا كرهتك وكرهت بوستاتك .. الكنت قاعد تفتحه علي اسياد البلد ..
ولكن - بعده دكلو ... اتمني لك ان تنتمي للبلوز - وتنعم براحة البال .
لان المريخ اصلا لايصلح للتشجيع لا سابقا ولا حاليا و لا لاحقا ..
قال راهنه ــــــــــــــــــــــــ !
اكل تبن .. ( ما تزعل )
| |
|
|
|
|
|
|
|
|
|
Re: المريخ بحالته الراهنة فريق لا يصلح للتشجيع (Re: saber alhawatti)
|
Quote: إسئس!
إنت بتمهد لي شنو؟
____
هلال مريخ متين؟ |
مش كورة السودان دي ...فعادي جدا يا ياسر
ان يهزم المريخ بحالته الراهنة الهلال وبعدد
وافر من الاهداف وتتحول الحالة الراهنة نفسها
الي الهلال...ويرجع مشجعين الهلال يلوكوا في
قونين عمر بخيت وايفوسا واحصاءات عبدو قابل...
الحال من بعضو يا ود طيفور...
لاعب قرفان من عضو بالنادي ممكن يصوت ليك نتيجة المباراة
| |
|
|
|
|
|
|
|
|
 Re: المريخ بحالته الراهنة فريق لا يصلح للتشجيع (Re: walid shingrai)
|
الأخ العزيز اساسي مبارك ..
لا تحزن يا صديقي .. ولا تتجرس يوم تلتين لسـة ما جـا..
لكن ابشرك ..
قالو الهلال ح يلعب بلمنتخب التاني ..
مش النعيم رجلو مكسورة .. ح يلعبوهو ليكم .. يجي داخل الميدان بي الجبص حقو .. إنتو اللعبو كورة واجروو .. هو ح يلع معاكم (شـدت) ..
ما تخاف يا اساسي سادومبـا قالو مسافر البلد .. عندو عرس ود خالتو
وامبيلي وايفوسـا .. عندهم حفل كجور سنوي .. برضو مسافرين ..
طبعا كاريكا ومهند بتاعين حركات .. قالو عديل كدا نحن ما بنلعب .
عمر بخيت الحجاب حقو مدة صلاحيتو انتهت ..
يعني ما تخاف ساااي .. فاتح ليك بوست حدادي ومدادي وعايز تتجرس لينا من يوم اربعة وعشرين والكورة يوم تلتين ..
طيب إنت يوم تلتين كان جا .. يعني ح تفتح ليك بورد براك وتكتب وتمسح ..؟
اثبت ياخ .. اثبت .. الواحد فيكم كان بخاف من الكاكا ,, بيعمل حيييا ليييه ..؟ 
| |
|
|
|
|
|
|
|
|
 Re: المريخ بحالته الراهنة فريق لا يصلح للتشجيع (Re: tmbis)
|
Quote:
يا اساسي خلينا نمسك في دي ونصبر لمن كاربوني يستلم بصورة رسمية ويكتمل طاقمه المعاون ونمنحه الفرصة الكافية التى هي بلاشك
ليست مباراة او اثنتين او ثلاثة ..... انا شخصياً بتمني نصبر عليهو سنتين اقل شيء ونشوف النتيجة |
يا روما .. ازيك ياخى
خليك زى جنابو عمر ده اصبر سنتيت تلاته يمكن شداد
يموت .. والانقاذ تفوت .. والوالى يرجع فداسى
والمطبلاتيه الحول الوالى يشوفوا ليهم مولد تانى
وقتها ممكن ينعدل الحال .
| |
|
|
|
|
|
|
|
|
 Re: المريخ بحالته الراهنة فريق لا يصلح للتشجيع (Re: keiga2000)
|
لازالت هناك فرصة .. للمريخ العظيم للحصول على
كأس الدوري الممتاز .. لهذا العام ..
يعني بي صراحـة:
يقوم حي العرب يغلب الهلال اتنين صفر .. والخرطوم تلاتــة تغلب الهلال وتدرن مع شمبات ..
يللا شمبات تجي تغلب أبوعنجـة اتنين صفر .. وكورة اهلي مدني .. وهلال سنار تطلع درون تلاتة اتنين
شجعوا المريخ بحالته الراهنة .. يحتاج منكم إلى الرأفـة ..
بي ضهـر الملعقة بس من الشجعتوهو لي مازيمبي دا .. حسع دي كان غلبتو حي العرب .. وغلبتو الخرطوم اتنين وشلتو الكاس ..
مساكين ياخ .. وحالتكم تحنن ..
إنتو لسه شفتو ليكم حنـة ..؟ ادوهـا صنة بس..
| |
|
|
|
|
|
|
| |
اساسي
Hussein Mallasi
عمران حسن صالح
ابو عثمان
abdalla osman
تاج السر محمد حامد
haroon diyab
Yassir Tayfour
omer osman
khaleel
معتصم دفع الله
ismeil abbas
humida
tmbis
عبدالكريم الامين احمد
Azhari Mohamed
عبدالله كع
saber alhawatti
أحمد ابراهيم عثمان
جمال السنوسي
مدثر قرجاج
عادل عبدالعزيز عبد الرحيم
walid shingrai
برير احمد إبراهيم
keiga2000
فيس بوك
تويتر
انستقرام
يوتيوب
بنتيريست