|
|
 في ذكرى أكتوبر،،، أتبرا الطيبة
|
قد أختلف جزئياً في بعض ما ورد في هذه القصيدة و هذا غير مهم، المهم أنها تعبر عن إحساس يملأني دوماً، كانت هتافاً للتعبئة أيام الجامعات، و صارت أغنية للتماسك في ما تلاها من أيام
رائعة محمد الحسن سالم حميد: أتبرا الطيبة
|
|
 
|
|
|
|
|
|
|
|
Re: في ذكرى أكتوبر،،، أتبرا الطيبة (Re: سامي صلاح محمد)
|
اتبرا الطيبة
محمد الحسن حسن سالم (حميد )
بينما نحن نقاسي بين رمضاء الماسي
و أقاصي المقبرة … فأجتنا اتبرا
فإذا بالمقبرة تتنامى سنبلات
و الماسي قبرة
دوزنوا لحن المبادي فالأيادي حنجرة
لونوا قوس الأماسي كيف كاسي محبرة
وطني … أو اتبرا
خلف ليلاي قصاصي أي فجراً يا ترى
وطني … أو اتبرا
| |
|
|
|
|
|
|
|
|
|
Re: في ذكرى أكتوبر،،، أتبرا الطيبة (Re: سامي صلاح محمد)
|
اتبرا الطيبة يا منجم الثورات
كيفك بعد غيبة وغربة ووطئ جمرات
رجالتك الهيبة … نسوانك الحارات
قالن لي قولا تسر … تنفع زمان الضر
كل البلاد أم در .. والمهدي حي ما مات
الخطوة في الشارع منبثة ثورية
بق الغضب طالع .. أبرول وطورية
شافع ورا النافع .. طلبة وأفندية
الجوعو كان دافع .. لي هبة شعبية
ما الصبر ما نافع في أيام كركية
ذات وضع همباتي .. وأحوال متل دية
كهان وجهدية .. وكابات هي ما هيّ
حموني اغرودة والدنيا عيدية
حرموني زغرودة في فرحة عادية
حظروني من عودة .. أو مرقة ليلية
منعوني من ذاتي .. واخواني جندية
للقمع يوماتي سدوبا وردية
شك في هوياتي .. فتيش وسخرية
لكناتي .. لهجاتي .. شلخاتي .. عينيا
أوكير وحمداتي .. باعوضة سل فيا
تحتاج معاناتي لبطاقة شخصية !
يا مسخ بعاتي .. وقام لجنة شعبية
لي حضرة الآتي .. شايل الفرح ليا
عبيت مساماتي .. من غيمة منفية
وعلى أرض مأساتي .. فرغت ما فيا
وضل الوطن شاطيء .. وشمسو المراكبية
النيل ديمقراطي .. والقيفة جمعية
بردت غنواتي .. بي نمة مغلية
بقت هتافاتي .. دوديتا بي إيديا
في دقن همباتي .. وعسكر حرامية
طارت حماماتي .. وركت سلامية
غدروها شماتي .. وكتل الرصاص فيا
لكن يا مواتي .. يا ذمة مشرية
يا عسكراً فاتي .. مافيا وطفيلية
من شرفة الآتي .. وبي كل حنية
أخدني أماتي .. بي طرحة و أمنية
ربطن لي جرحاتي .. وبي مرتق واغنية
سدن لي آهاتي .. فوق وقفة صخرية
| |
|
|
|
|
|
|
|
|
|
Re: في ذكرى أكتوبر،،، أتبرا الطيبة (Re: سامي صلاح محمد)
|
سنن لي إيديا .. وصاحن بي صد صارع
يا عيش وحرية .. وانغير الواقع
يا ميتة دغرية
نار التكل ماتت .. نار فينا شن حية
و روحك إذا فاتت .. روح الوطن جية
أماتي يا أمات .. كل الغلابة الجات
من حلفا لي نمولي .. من بارا لي سنكات
غضب الخلا اليغلي .. صرصيرة الغابات
في عب ضلوع النيل .. جيب القلب غيمات
أشواقا تالا الأرض .. والأرض شوقا نبات
أماتي يا أمات .. ود الحياة الصنديد
قولاً لكل عنيد .. وصاحب دقن همبات
قولنلو نحنا حديد .. زي المرمة شداد
اللي ضميمتو يخون .. ما أمنوهو بلاد
يا مستبداً بات .. حارساهو دبابات
كضاب وكضابات .. هواب وهوابات
شن حزبك الويحيد .. وضرعاتك ام حجبات
طظ .. جبهتك وين سيد ... الإشتراكي الفات
لا البوت ولا النبوت .. لا التوت ولا الكهنوت
ونقل الفلاشا أفاد
وكان يحكمونا بيوت .. لو بحكمونا أفراد
حارين حديث الموت .. والبعث والميعاد
كل لحظة روح بتفوت .. وكل لحظة كم ميلاد
وعلتنا يا مسخوط .. مو اسم الله واحنا عباد
علتنا كيف القوت .. والجيهة والمشهاد
ما مر قطراً توت .. ما طال للبراد
الشغلو الكلو زيوت .. ما يلقى زيت لا زاد
| |
|
|
|
|
|
|
|
|
|
Re: في ذكرى أكتوبر،،، أتبرا الطيبة (Re: سامي صلاح محمد)
|
ما يلقى الطِّري .. وضاقنبو السبل
العجل العري .. النار والبقل
خيري وسكري .. في الدقن ام قمل
يا الدقن ام قمل
شيلي وصدري .. وجيبي دمار دبل
زير ولباش كيري .. شامبو دلال وفل
غني وشكري .. يا كوز المثل
في الضيق منهري .. وحمدك الربل
وبت السمكري .. جيهتك للرجل
دهناً كركري .. الطلح الكحل
هوي يا العسكري .. غيرك من قبل
عامل فنجري .. وفاكر الناس هبل
بى اسم الدين يطل .. وبى أسمى المثل
يرغي وينفعل .. ضاحك بالعقل
ما داعب طفل .. لو..لو قالو كل
ينفرطق نعل .. في المرة والرجل
قاصد ننشغل بي سنن الغسل
عن موية وأكل .. لا توب لا في ضل
نقعد ننكتل .. في اوصاف الرسل
مين برعى الإبل .. وتبرا الغيمة ضل
والمن دوب طفل .. يفتي ويشفي غل
والوكتين يطل .. يلفح للعقل
حيلتك ما بتحل .. في فكرك عطل
زهدنا فاض فضل .. وما ناقصين مثل
وين يوجعنا وين .. ماك داريبو كل
ما شعنف دقين .. شنف حالنا ذل
عيشة يا مفتري .. ويوم كامل شغل
نسرق ننكري .. ولا بلاش تكل
غني وشكري .. يا كوز الدبل
زير ولباش كيري .. والآية بــ رطل
| |
|
|
|
|
|
|
|
|
|
Re: في ذكرى أكتوبر،،، أتبرا الطيبة (Re: سامي صلاح محمد)
|
بس يا عسكري ..
يا عسكري التالفين .. ويا تالف العسكر
يا لايصاً في يمين .. والشعب قد أيسر
ما جف ساق ابريل .. اكتوبر الأخضر
يات شيمة ليهو تشيل .. كل ما الرياح تكتر
فرعو الهطيط بيميل .. بس ما بينكسر
يتسامى دغري عديل .. كلما الرياح تنتر
طير الخطى الجايين .. ما بتفزعو الهزات
لا صقورك النازات ..
من دم رعاف الطين .. ودنس الحياة ام لذات
فاكر رقبتك مين ... وفاكرنا مين بالذات
دي القرشي .. قاسم أمين .. ويا دا الشفيع ما فات
وما اعظم الجايين .. يا اتبره وجايات
حاضرنا ما ضنّين .. وكل الدروب صاحيات
يا لابساً كم وش .. على مين تدور وتحوم
شغلك ضلالي وغش .. نضمك عسل مسموم
قاصد عيونو تتش .. ويرغى البلد مقسوم
طقّت جبهتو شمس .. فارت في راسو دموم
الجاي بعدو يمش .. يعتب بعيد مكروم
تطفش طيورو تطش .. وبومك يعشعش شوم
يا ضاحكاً غياظ .. لي شعبك المأزوم
ظنك ليالي حراز .. ما دلدل الخروم
في مزارعو .. لافي رذاذ .. لاغيمة طاشة تحوم
لا زيت ولا أمباز .. قطّن مصانعو عموم
وانعكنن الإفراز .. وقد بلغت الحلقوم
وبرضك تنوني انقاذ .. ينقذنا منك يوم
بيناتو نمشي عزاز .. زي النبي المختوم
يا ضاحكاً غياظ .. لي شعبك المأزوم
من دكة التلفاز .. دايماً تطل ملخوم
وتنطاير الإنقاذ .. وزبدك يرك متخوم
عرب الكنانة حجاز .. مستقبلن مهموم
عشمان في كوتة جاز .. عربونا كم قدوم
من لذتك تنحاز .. مع غزو ما له لزوم
كان ماك نتن لذاذ .. فتان ولخبات كوم
شن غزتك في عكاظ .. شعب الكويت مو الروم
لا قصباً لا عكاز .. وقت الدميرة تقوم
لاك نافعاً حجاز .. وشن للعتاب واللوم
فوق العليك لاواز .. تشهد سما الخرطوم
غماز ويا لماز .. هماز ويا مفصوم
| |
|
|
|
|
|
|
|
|
|
Re: في ذكرى أكتوبر،،، أتبرا الطيبة (Re: سامي صلاح محمد)
|
ما الفرق بين ملوك .. كادى الرعية تلوك
وعسكر وراهو بنوك .. ساوى الغلابا حنوك
طول النهار عوك .. عوك والليل تراب وصكوك
تملا وتفضي تنوك وتملص ضميرا هنوك
واسترني يا المبروك متل التكني أبوك
ناس بي أخوي وأخوك لا اخلاق لا دين لا سلوك
اخلاق ..دين وسلوك
يرمي الولد في الشوك أما البلد مشكوك
يا شعب يسلم فوك .. عطفك رضاك وعفوك
قول للخزين صل صوم ولا تنكسر مهزوم
ولو فضلت الخرطوم من تصحى قبل الطير
بعد النجيمة تنوم
ومنعاشى يا طيبة بخير مكفية راجية اليوم
ممنوع عليها السير غير لى كبار القوم
والسادة الأمجاد ..
لابد من يجي يوم ساعاتو ما ها بعاد
يجي من صراع اضداد
من امة حق الموت ما لا قيا وانتو سعاد
قول للدعي المتخوم
يا متفن التفاح .. وشغلك قيافة ونوم
في شعبك الكداح .. وفي أطفال مو لاقى الدوم
يا أرزقي ومرتاح .. ما جابهنو هموم
جاييك زمن كتاح .. جاياك رياح وغيوم
جاياك مطور الصاح .. جاي الصح المعلوم
من كل فج في كفاح ..ومو وحدا الخرطوم
| |
|
|
|
|
|
|
|
|
|
Re: في ذكرى أكتوبر،،، أتبرا الطيبة (Re: سامي صلاح محمد)
|
البيننا بينك دم .. تاراً غريق وجراح
فينا البحرفو السم .. فينا البكفو سلاح
شهدانا ما قت كم ... لا ياتو فيها فلاح
لا ارتحت شلت الهم .. لكنو يا سفاح
لا الإندلق بنخم .. لا بتتوزوز أرواح
ان النفوس جم .. جم
ود الفضل ما راح .. وما طال فينا شهيد
عصيان وإضرابات .. ما بنفع التشريد
لا بجدي صالح خاص .. لا مسخك الشعبي
وغنايك الرقاص .. لا دفاعك الحزبي
لا حيلة ابن العاص .. لا السجن لا التهديد
يابوت ولاد الناس أشراف وما بتنداس ..
ما بمشي فيها وعيد .. وفيها الوعد متراس ..
فيها العشق صنديد .. وصاد أعزلاً دواس ..
يا أرذلاً رعديد .. يا أبخس الأنجاس
وسع مجاري الدم .. زيد السجن ترباس
يا هالكاً مجراس .. مصاص خزا ومصاص
خازوق بني العباس ..
زي ما انت عندك دين افريقيا ليها تراث
وكان تنهري وتنغاظ .. عبداللطيف والماظ ..
ما حرضم النخاس
يا رباية المنظمة .. المريبة المسجمة
دي البلد طيبة ملهمة .. ما بتزوّر ملاحما
كنتِ خدرا ومنسمة .. جنة طيبات مواسما
يا ارض جاك مسيلمة .. في ايدو كيزان مخرمة
فاضية فاضية ومعلمة الله من دين ولا انتما
بين دهاليز مضلمة .. وبي مراويد مسممة
تشتك وانتي مرغمة .. يا أرض صابك العمى
وكل شيء طار السما .. إلا المطر طار من السما
وما اكتفى السفه انعما .. دكن السفة دردمة
وقال نشرع نأسلما .. وفي البداية النقسما
ويا كضب .. لا بتقسما .. لا بتقدر تأسلما
ويا كضب .. لا دا بلسما .. لا ترابيك مرهما
كلكم ملة مجرمة .. والبلد في البيكرما
في الغلابة المنظمة .. في نقابات مصادمة
أو جماعات مقاومة .. من خصوم المساومة
واللا أحزاب مصمة .. سلطة الفرد تهدما
من أساسا وترايما .. وبالبنوك المرمرمة
من عرقنا ومخمخمة .. مافي خير غير نأمما
إلا وجعة ملاحما .. الغلابة المألمة
تنزع السلطة بالدمى .. وأي ثورة نقيما
الكروش المنعمة .. كش تلملم تخمخما
تصحى ذاتا المرخمة .. وللعساكر تسلما
دايرة فعلاً مأزمة .. إلا لابد لازما
يا الغلابة المأزمة .. من تجارب تعلما
من دروباً تقدما .. والديمقراطي أسلما
هو البوضح معالما .. والمعالم تفهما
إنو سبة مظالما .. في الارض ماهي في السما
ولو دي أفضل عوالما .. يبقى في خيلها مكرمة
ولو دي أفضل عوالما .. يبقى غييرا لازما
وعِن تلملم عزائما .. غيرا ما بيبقي حاكما
شعبنا وفارس الحمى .. ينطلق بي ملاحما
تصبح الدنيا سالمة .. والخلائق مسالما
الحبيب للحبيبة ما .. من عساكر نقاسما
شعبنا وفارس الحمى .. ينفرد بي ملاحما
الحبيب للحبيبة ما .. للعوارض يقاسما
| |
|
|
|
|
|
|
|
|
|
Re: في ذكرى أكتوبر،،، أتبرا الطيبة (Re: سامي صلاح محمد)
|
منك براء .. ألديش إيمانو والإخلاص
يا سم بنوك العيش .. يا أرزقي ولحاس
ايد تقبض البقشيش .. وايد ترشي للحراس
يا كرشك القدر ايش .. واكبر فراغ الراس
ماك جايي منقذ ايش داعي الهلاك للناس
شن داعي للفتيش .. حالة الطواريء وفاس
حظر التجول ليش .. ليش كتمة الأنفاس
وليش جايي أصلاً ليش .. يا جايي من غير ساس
ما قابلك دقيش .. جوة القطر .. في الباص
حال حلة تشكي دغيش .. ما عشتو ها الإحساس
لا جُعْ لبست الخيش .. لا سهدك قراص
أطفال حفايا تكوس .. للموية في الحصحاص
يوم ما لبست البوت .. في هيصة الأعراس
تعب البرد والصيف .. حمى النفس والراس
طيب حتقدر كيف .. تلمس قضايا الناس
نار المدن والريف .. الضمة ما بتنقاس
كم نفنفت نفنيف والأقوى منك فات
فاكر الحكم طرطيش .. والسلطة قوة راس
كتيل رقاب في دغيش .. حميس جهالة حماس
مو رقصة يا درويش .. عليق بخور ونحاس
ملينا شعب وديش .. ملو الأرض والفاس
الهبة تبقى بشيش .. والحيطة من فد ساس
قول للحرامي بريش .. حلتنا مو تكساس
دم اخويا مو معليش .. وانا ماني نايم حاس
وين تمشي وين شقيش .. اترك برا القصاص
واهلي الغبش ديش ديش .. وكل البلد حراس
ديل نحنا مانا قريش .. وماك ود اخو العباس
والشعب ماهو قشيش .. حالك يصيدو يباس
وسوداننا ماهو حويش .. بيقفلو وبي ترباس
اماتي يا أمات .. قولن لكل عنيد على شعبنا وعاناد
قولنلو نحنا حديد زي المرمة شداد
وين تمشي يا رعديد .. وانا يا دا يا جلاد
جيت من قريب وبعيد .. من ادنى قول في البيد
وآخر فرع غابات
هبة رجال و ولاد
نسوان عزاز وبنات
أجداد وحبوبات
جيتك بكل جنس .. أحيانا والأموات
جيتك بكل لغة .. رطان وصاحب ضاد
جيتك هجمة السيل .. مطراً بلا ميعاد
لكني ما جيت ليل .. جيت في الضحى الوقاد
وما فوقي إلا نشيد ..
وما تحتي إلا ثبات ..
ما في إيدي إلا الأيد شعباً جنا حوبات
وين تمشو يا أوغاد ..يا شرزمة كابات
خانت ثرى الأجداد
بي 300 زول في خمشة دبابات
بدل البطمن خوف وبدل البيلم شتات
بدل البسند الجوف صفيق ومؤتمرات
بدل المدارس جات تملأ البلد ثكنات
بدل القلم رصاص بدل الفهم خوذات
محضر بدل كراس جيهة النشيد غارات
حس رنة الاجراس ابواق وصفارات
تمريناً للجمباز
بدل الشباطة ابوات الحصة كتم انفاس
درس العصر كشات
فتش بيوت الناس واستجوب الاموات
جز الفرع بالفاس ام العرق هيهات
انقاذ وما ادراك انقاذنا الاهلاك
| |
|
|
|
|
|
|
|
|
|
Re: في ذكرى أكتوبر،،، أتبرا الطيبة (Re: سامي صلاح محمد)
|
انجاز وما اسماك تكويشة الملاك
يا مسخرة مأفون ترباية السفاك
يا مدعي وافاك زمبارات القصبة
حيكومتكم كعبه
بموروث الشعب والبسملة مغتصبة
ضراعات العمال الزراع الكتبة
سارقين لبس الديش باسم الشعب الطلبة
يا شناق القول يا ربط العقبة
يا خناق الزول يا كسار الرقبة
كنا بنأكل فول نرجى الله في الكربة
مر علينا الحول ضِقنا وضُقنا الادبة
وانت تجب كف كف تنضم لمن تغبى
مؤتمرات السف شكل لجان الضيبه
شنفت الاحزاب قت كوفية وعذبة
الجمعية ضراب زي الما منتخبة
حق الله الاضراب وأي حقوق مكتسبة
قلتو سياسة غاب
طيب لية يا كذبة ما وفرتو القوت ها الحالة الصعبة
ما وقفتو الموت والنهب البى قلبة
دقن فرشة البوت فوق جوطة وغلبة
ولانزيف الدم منو عمارة وعربة
وشر العيشة الغم ليكم خير يا كسبة
كسبة وضلاليين لي بنوكم الخربة
تحيو وحلاليين وللغير حرام وربا
السلطة للاحزاب الشعب ساقا غبا
ولح######م ده ثواب جاء من الله جابو هبة
بجيهة الله الجاب وبجيهة الله ابى
لي بيتو انتو قراب من بحرى بقببا
تنفرج امدرمان والمهدى في الكنبه
تنشايت ام ضبان ود الترابى وباء
فوق تربة السودان في ضرايحو كم غرباء
يا ملعبة كيزان دنيا وبلاش غلبة
وجيتاً ظهرتي بيان يا اتبرا التعبة
ما ضاقت الاديان والدنيا كم رحبة
وفي حضرتك فتيان ما بدلت جببا
الدروشة الغليان الهمهمات غضبا
وكم دوبت بمبان بمواقفا الصلبة
| |
|
|
|
|
|
|
|
|
|
Re: في ذكرى أكتوبر،،، أتبرا الطيبة (Re: سامي صلاح محمد)
|
يا ملطشة فرعون
موسى الشوارع عاد
وعلى مين تحلقوا دقون كان اتخلقتو جداد
الشعب كلو عيون الأمة بالارصاد
اللي ضميمتو يخون ما امنوهو بلاد
وكان بيحكمونا بيوت لو بيحكمونا افراد
يا شعبنا الوقاد يا صاحب اعتى جهاد
يا ابن الغلابة الحر يا جيهة يا مشهاد
كتر السكات بيضر وقت المهادنة فات
بيك يا النضال المر تحلى البواكر هات
ايدك لعالم حر والتنهض الكلامات
طول ما الضلالة تضر زي ما هى جات بتمر
يا مفدر الظلمات يبقى اللقى بيسر
والمهدى حي ما مات
يا اتبرا الِبرة يا منجم الثورات
اتبرا ……. اتبرا
| |
|
|
|
|
|
|
|
|
|
Re: في ذكرى أكتوبر،،، أتبرا الطيبة (Re: سامي صلاح محمد)
|
Quote: حموني اغرودة والدنيا عيدية
حرموني زغرودة في فرحة عادية
حظروني من عودة .. أو مرقة ليلية
منعوني من ذاتي .. واخواني جندية
للقمع يوماتي سدوبا وردية
شك في هوياتي .. فتيش وسخرية
لكناتي .. لهجاتي .. شلخاتي .. عينيا
أوكير وحمداتي .. باعوضة سل فيا
تحتاج معاناتي لبطاقة شخصية !
يا مسخ بعاتي .. وقام لجنة شعبية
لي حضرة الآتي .. شايل الفرح ليا
عبيت مساماتي .. من غيمة منفية
وعلى أرض مأساتي .. فرغت ما فيا |
| |
|
|
|
|
|
|
|
|
|
Re: في ذكرى أكتوبر،،، أتبرا الطيبة (Re: سامي صلاح محمد)
|
Quote: يا مستبداً بات .. حارساهو دبابات
كضاب وكضابات .. هواب وهوابات
شن حزبك الويحيد .. وضرعاتك ام حجبات
طظ .. جبهتك وين سيد ... الإشتراكي الفات
لا البوت ولا النبوت .. لا التوت ولا الكهنوت
ونقل الفلاشا أفاد
وكان يحكمونا بيوت .. لو بحكمونا أفراد
حارين حديث الموت .. والبعث والميعاد
كل لحظة روح بتفوت .. وكل لحظة كم ميلاد
وعلتنا يا مسخوط .. مو اسم الله واحنا عباد
علتنا كيف القوت .. والجيهة والمشهاد
ما مر قطراً توت .. ما طال للبراد
الشغلو الكلو زيوت .. ما يلقى زيت لا زاد |
| |
|
|
|
|
|
|
|
|
|
Re: في ذكرى أكتوبر،،، أتبرا الطيبة (Re: سامي صلاح محمد)
|
ايابوت ولاد الناس أشراف وما بتنداس ..
ما بمشي فيها وعيد .. وفيها الوعد متراس ..
فيها العشق صنديد .. وصاد أعزلاً دواس ..
يا أرذلاً رعديد .. يا أبخس الأنجاس
وسع مجاري الدم .. زيد السجن ترباس
يا هالكاً مجراس .. مصاص خزا ومصاص
خازوق بني العباس ..
زي ما انت عندك دين افريقيا ليها تراثا
| |
|
|
|
|
|
|
|
|
|
Re: في ذكرى أكتوبر،،، أتبرا الطيبة (Re: سامي صلاح محمد)
|
Quote: Quote: يا مستبداً بات .. حارساهو دبابات
كضاب وكضابات .. هواب وهوابات
شن حزبك الويحيد .. وضرعاتك ام حجبات
طظ .. جبهتك وين سيد ... الإشتراكي الفات
لا البوت ولا النبوت .. لا التوت ولا الكهنوت
ونقل الفلاشا أفاد
وكان يحكمونا بيوت .. لو بحكمونا أفراد
حارين حديث الموت .. والبعث والميعاد
كل لحظة روح بتفوت .. وكل لحظة كم ميلاد
وعلتنا يا مسخوط .. مو اسم الله واحنا عباد
علتنا كيف القوت .. والجيهة والمشهاد
ما مر قطراً توت .. ما طال للبراد
الشغلو الكلو زيوت .. ما يلقى زيت لا زاد |
برلومي المفضل والله مشتاقين
المقطع دا بالذات ما زكرك المنتدي المفتوح
بجيك صادي
خالص الود
| |
|
|
|
|
|
|
|
|
|
Re: في ذكرى أكتوبر،،، أتبرا الطيبة (Re: سامي صلاح محمد)
|
Quote: سيداتي آنساتي سادتي
لن أنزل الى مستوى الخطاب العلاء/او بالاحرى
الدناء
لست ملزمل بالهبوط لانني احفظ لنفسي حقها و للتاريخ
سيرته و للذات احترامها
لن ارد عليك لا الآن و لا فيما بعد
استمر في تراهاتك
يا حشرة القرون البدائية
سوف اعطيك راحتك تماما دون رد عليك و دونما استجابة
لاي استفزاز منك ريثما تثبت الامور الى اين نؤول
هل سودانيزاونلاين منبر حر بفهم الحرية الحقيقي
ام هو ساحة الهملة و الانطلاقة
و حتى ذلك الحين فانني لن انسحب
لان الانسحاب انتصار لقوة الظلام و العنصرية |
الحرية لا تعني الهملة و الانطلاقة يا بكري ابو بكر، اضغط...يسحب هؤلاء من المنبر
يبدو إنّك لقيت نفسك تُعاني مِن الوحدة جيت تتونس معانا
بس معليش نحن ما بنتونس مع الغاشي و الماشي
لكن لو عايز تبدا خلينا ا نبدا مِن ورا
و أهو بوستاتك المهجورة دي تحيا و تطلع للوجود
| |
|
|
|
|
|
|
|
|
|
Re: في ذكرى أكتوبر،،، أتبرا الطيبة (Re: سامي صلاح محمد)
|
كدي عليك الله أقنعني إنو الفي فاخورتك دة مُخ ما فردة شِبشِب
ملاسي جا و قال:
Quote: داوشننا شاعر الشعب .. شاعر الشعب؛
و بعدين لمن يبقى ليهم حار و يقولوا ليك بتاع الشيوعيين!! |
أها قول لي قرعوبتك دي قالت ليك شِنو؟
بس فهِّمني
| |
|
|
|
|
|
|
|
|
|
Re: في ذكرى أكتوبر،،، أتبرا الطيبة (Re: سامي صلاح محمد)
|
عِدْ المُداخلات الفي البوست دة لحدي دي
تلقاهم 34 مُداخلة
إنت بس 25 بيناوي وااااااااااااااحدة
الباقي العبد لله بعد جاك خاشي
تقول لي بحاوِر من طرف ليه
الناس الكورتم فاكّة ديل و مستواهم ليق
ما سِكّتنا
لكن زي نيل الحصاحيصا و أمل عطبرة لمن يجيبم لينا الدوري بنطقطِقُم زي الترتيب
| |
|
|
|
|
|
|
|
|
|
Re: في ذكرى أكتوبر،،، أتبرا الطيبة (Re: علاء الدين يوسف علي محمد)
|
تااني؟ ياخي الفهم قسم
ثم انو انا ما اعترفت الليلة انو محجوب شاعر الشعب
دي حقيقة قديمة و التاريخ فرض نفسو
اما بالنسبة للكلام اعلاهو، فأنا بتفق معاهو ، باعتبار ان الحاكم دوماً يقف بموازاة المحكوم
الحكومة كموازية للشعب يا لطيف
سمعت بي صراع المثقف و السلطة و الا اقريك تاريخ سياسي؟
| |
|
|
|
|
|
|
|
|
|
Re: في ذكرى أكتوبر،،، أتبرا الطيبة (Re: سامي صلاح محمد)
|
| Quote: سمعت بي صراع المثقف و السلطة و الا اقريك تاريخ سياسي؟ |
قرِّيني
لكن بعد تقرِّيني قول لي إستفِدتة شنو من قرايتك للتأريخ السياسي دة
يعني مثلاً مثلاً أنا قريت كمبيوتر و شغّال في مجالي و مستفيد مِنُّو على مستواي العام و الخاص
أها قول لي التأريخ السياسي دة إستفادتك منو كانت لأي حد و أي مدى و كيف كانت إنعكاساتها عليك كفرد و إنعكاساتها مِنك كفرد على المُجتمع الحولك
و ما هي كيفية و آليِيّة و نهاية الصراع الذي دار بينك كمُثقّف و ما بين السُلطة
و يا ريت لو في حالات عملِيّة يا جيفارا
ضرب مثل حي
ثورة ليها 20 سنة و ماشة في السِكّة تمِدْ
و جيفارا المُحتارا دة
| |
|
|
|
|
|
|
|
|
|
Re: في ذكرى أكتوبر،،، أتبرا الطيبة (Re: علاء الدين يوسف علي محمد)
|
| Quote: ثورة ليها 20 سنة و ماشة في السِكّة تمِدْ |
يا علوة الصراع لا يحتم فرضية انتصار المثقف على السلطة، انت من زمن الافلام الهندية بتاعة البطل يفوز في النهاية ديك؟
قصدك اضرب لينا مثل حي
في امثلة ينتصر فيها المثقف على السلطة مثل: هافل في تشيكوسلوفاكيا
و في امثلة تنتصر السلطة فيها على المثقف مثل تروتسكي في الاتحاد السوفييتي
و في امثلة يتصالح فيها الطرفان مثل مانديلا في جنوب افريقيا
| |
|
|
|
|
|
|
|
|
|
Re: في ذكرى أكتوبر،،، أتبرا الطيبة (Re: سامي صلاح محمد)
|
Quote: في امثلة ينتصر فيها المثقف على السلطة مثل: هافل في تشيكوسلوفاكيا
و في امثلة تنتصر السلطة فيها على المثقف مثل تروتسكي في الاتحاد السوفييتي
و في امثلة يتصالح فيها الطرفان مثل مانديلا في جنوب افريقيا |
فِكّني مِن الدُرّاب حقك دة
اللي لا بيأكِّلك عيش لا بيبقيك زول
إنت دة على مستواك الشخصي كسِمسِة (دلع و كِدة) مع النِّظام القائم دة عملت شِنو؟
| |
|
|
|
|
|
|
|
|
|
|
Re: في ذكرى أكتوبر،،، أتبرا الطيبة (Re: سامي صلاح محمد)
|
Quote: فِكّني مِن الدُرّاب حقك دة
اللي لا بيأكِّلك عيش لا بيبقيك زول
إنت دة على مستواك الشخصي كسِمسِة (دلع و كِدة) مع النِّظام القائم دة عملت شِنو؟
|
مالي كيف ؟
راجيك تجاوبني ياخ
وريني جيفار المُنهارا دة عامِل لينا شنو
| |
|
|
|
|
|
|
|
|
|
Re: في ذكرى أكتوبر،،، أتبرا الطيبة (Re: سامي صلاح محمد)
|
طبعاً أحسن حاجة تعملا مع النِّظام دة عصير ليمون
لأنُّو بيهديء الأعصاب
و لأُّنُّو أعصابكم حتكون بايظة كم سنة تاني
أها قول لي خُططكم النِضالِيّة شنو في مُقبِل الأيّام
بعد تولي البشير للسُلطة مرّة أُخرى عبر صناديق الإقتراع؟
| |
|
|
|
|
|
|
|
|
|
Re: في ذكرى أكتوبر،،، أتبرا الطيبة (Re: سامي صلاح محمد)
|
Quote: يا مستبداً بات .. حارساهو دبابات
كضاب وكضابات .. هواب وهوابات
شن حزبك الويحيد .. وضرعاتك ام حجبات
طظ .. جبهتك وين سيد ... الإشتراكي الفات
لا البوت ولا النبوت .. لا التوت ولا الكهنوت
ونقل الفلاشا أفاد
وكان يحكمونا بيوت .. لو بحكمونا أفراد
حارين حديث الموت .. والبعث والميعاد
كل لحظة روح بتفوت .. وكل لحظة كم ميلاد
وعلتنا يا مسخوط .. مو اسم الله واحنا عباد
علتنا كيف القوت .. والجيهة والمشهاد
ما مر قطراً توت .. ما طال للبراد
الشغلو الكلو زيوت .. ما يلقى زيت لا زاد |
| |
|
|
|
|
|
|
|
|
 Re: في ذكرى أكتوبر،،، أتبرا الطيبة (Re: سامي صلاح محمد)
|
| Quote: راجع القصيدة الفوق دي عشان تعرف انا منو |
ذكّرتني الموهوم التاني الإسمو بُشرى سليمان
أي واحد يهبشوهو فوقكم إنت منو ، يقول شوف دة شان تعرِف أنا مِنو
داك مشى جاب ليهو غلاف ديوان شِعِر تقول مصمِّمو ليهو ككو
و إنت جايب لي إقتباس لأبيات واللهِ ما عندي زمن أقراهن ذاتو
يعني اللخو شاعِر و كِدة ولا كيف؟
شان نعرِف نخاطبك حسب مقامك الجديد و كِدة
| |
|
|
|
|
|
|
|
|
|
Re: في ذكرى أكتوبر،،، أتبرا الطيبة (Re: سامي صلاح محمد)
|
دي مُش زي البقولوها الجي فارات الفي الجامعات ديلك قِدّام حبيباتن
الواحد تلقاهو حق كيس الصعوط ما عِندو
و شاحد السفّة من الجنبو و فاطر بوش
يقيف حيلو و يتحاوم في شكل دايرة و رجليهو يتراجفن من أثر التُمباك
و يلولح بإيدو و يزبِّد بي خشمو
و خلااااااااااااص جي فارا كبير
يقول الفيها النصيب و ياخد ليهو صفقة صفقتين و يقعد مطرِّم زي المصقوع و صاري وشو نظام سياسي و كِدة
| |
|
|
|
|
|
|
|
| |
ياسر بيناوي
علاء الدين يوسف علي محمد
فيس بوك
تويتر
انستقرام
يوتيوب
بنتيريست