|
عيش أبوي بقوم متين ..؟
|
في الأحاجي وحنك الحبوبات ورد ذكر بكرة للتطمين والتخدير والعشم وخلافو ويتمثل ذلك في مخاطبة الولد للطير الطاير بالسماء وهو يسأله متلهفا منذ الأزل : السمبرية أم قدوم عيش أبوي بقوم متين ..؟؟ فترد السمبرية وهي في طيرانها ماضية : بقوم باكر مع العساكر .. قال الراوي : ولم يقم هذا العيش أبدا .. لا مع العساكر ولا مع سيد البصل .. يتبع ...
|
|
|
|
|
|
|
|
Re: عيش أبوي بقوم متين ..؟ (Re: طلحة عبدالله)
|
أعتقد والله أعلم أن باكر عيش أبوي الما عايز يقوم دا زي باكر الهلالاب مع البطولات الخارجية .. كلما إنهزم مرسي الزناتي يا رجالة وطلع من المولد بدون حتى خفي حنين طلع علينا من يقول (بكرة أحلي).. قال الراوي : باكر دي بقت زي لبنانة في ( خشم ) بت زهجانة تلوك فيها بلا نفس أو هدف ( تشبيه موبالغة من بليغ ) يتبع ..
| |
|
|
|
|
|
|
Re: عيش أبوي بقوم متين ..؟ (Re: طلحة عبدالله)
|
هووووى ياطلحه أخوى .. الجماعة ديل دايرين يفرحوا .. مامشكلة يفرحوا .. لكن المشكلة حصاد العيش .. ماسمعت الدجاجه قالت شنو .. الفول فولى زرعته وحدى .. وحصدته وحدى .. وسأكله وحدى ومن حقها أن تفرح ,, لكن أخوانا الفرحانين ديل لازرعوا ولاحصدوا ولا جابو الكأس .. الفرح لزومو شنو !!!!!!!!! عجائب والله عجائب ..
تاج
| |
|
|
|
|
|
|
Re: عيش أبوي بقوم متين ..؟ (Re: محمد البشرى الخضر)
|
هلا يا تاج السر حدثني من يجلس بجانبي الآن وقد توردت جضومه من أثر الشماتة فقال : باكر الهلالاب دي زي مرتب المعاش لا بزيد لا بنقص ولا بنقطع ولا فيهو فايدة . وقد ضحكت على هذا التشبيه البالغ ( من أبلغ ) كما لم أضحك من قبل ولكنني إستدركت قائلا : اللهم لا شماتة .
| |
|
|
|
|
|
|
|