|
|
|
 Re: حجاب عمر .. وفكي مــا نهاتن .. والحمار (Re: tmbis)
|
عندي صاحبي .. زميل دراسة .. وهلالابي مووت .. قاعد في مانهاتن في الولايات المتحدة ..
قبل كم يوم رسل لي بي الـ DHL طرد ..
انا ما عارفو مالو مرسلو بالدي اتش إل تحديدا لييه ...؟
كان يرسلو بالفيديكس ويريح نفسو يعني خلاص بقت على الـ DHL ؟
فتحت الظرف ..
اريتني ما فتحتو .. كان اخليهو في قفلتو دي .. انا كنت قايلو مرسل لي ضحاكات .. لانو عاف قلبي واقف .. وعارفني كمن بمووت موت في ابو الجورج ..
بعدما فتحت البتاع دا .. لقيت فوقو (كتلوج) أول حاجة ..
وسيرة ذاتية .. وصور بالكوووم .. وجهاز شكلو غريب جدا النصيحة كدا بي نجيضته .. أول مرة اشوفو ..
والله بي صراحـة الأمريكان ديل مكربين شغلم ..
| |
 
|
|
|
|
|
|
|
|
Re: حجاب عمر .. وفكي مــا نهاتن .. والحمار (Re: حمزاوي)
|
Quote: امووووووووووووت أنا في الـ u s a
والدمبوشي بتاع الـ u s a
حالتكم بقت سأأأأبه
الله يجازي الخمسة
والله يهديك يا موبوتو |
.. يجازي الخمسة واللا ايفوسا واللا سبعة الخرطوم تلاتــة ..؟
بالمناسبة:
اعمل حساب انك بكرة غير متواجد هنـا كالعادة طبعا لما الهلال يرش ليهو اي فريق .. حتى لو رشة خفيفه كدا ..
| |
|
|
|
|
|
|
|
|
|
Re: حجاب عمر .. وفكي مــا نهاتن .. والحمار (Re: حمزاوي)
|
Quote: يا ابوالنسب
غلبو يكمل النص ويعملوا خمسة صفحات
حتى بتاعين الدنوبشي كمان صاروا معقدين من الرقم خمسة
الله يجازيكم يا ناس مازيمبي |
... إنت شفقان مالك يا خالم .. ما تنتظر تشوف موضوع الحمــار مش احتمال تكون في مفاجأت ..؟
اقوليك حاجة ..؟
احتمال ناس مازيمبي يطلعو زي ناس الخرطوم تلاتـة واحد .. يقومو يفتحو لينـا .. وياخدو ستة ..
هم ناس الخرطوم تلاتة اخدو ستة واللا (سبعة) كان ..؟
اااوعه تدقس وتقول لي تلاتة .. لانو التلاتة دي اخدتوها إنتو في برج التجارة.. ومسخنة معاكم لحدت الآن التقول امريكان ..
بكرة إن شاء الله ح نعمل ليك محضر اثبات حالة .. شان الناس دي تعرف حاجة ..
واحتمال كبير اربط ليك ايقونة جرس فوووق .. لو جيت تزازي ساااكت بي بره .. جرسك يدق .. لانو اتضح (فيما لا يدع مجالا للشك) إنو فيكم نوعيات كدا بتعمل حركات بايخه خلاص .. الواحد يسردب ويعمل نايم .. ويشيل يومو بكا .. ما يظهر إلا مع بداية السقط .. يا يشوف ليهو مطرة رشت ..
تحبو المطر زي جوع بطنكم .. تموتو موووت في (اللبان الضكر) ..
| |
|
|
|
|
|
|
|
|
 Re: حجاب عمر .. وفكي مــا نهاتن .. والحمار (Re: tmbis)
|
| Quote: بالنسبة لي ناس الحلاقــة |
تعرف يا تمبس لو انت قاصد بني سبيع فديل اقترح
نحلق ليهم برانا زي ما قعد نحلق ليهم كل مرة, يعني
بحكم العادة , وبما انو الجماعة ديل طوااالي تحت تأثير البنج
أقترح كذلك نعمل بالمرة reconstruction لألسنتهم التي طالت..
كبر الدعوات يا حبيب الشغلانة مي هينة ..
| |
|
|
|
|
|
|
|
|
 Re: حجاب عمر .. وفكي مــا نهاتن .. والحمار (Re: abdalla osman)
|
الاخ علاء الدين ,,
مشتاقين ياخ ,,
وكيف الصحة والعافية ,,
ان شاء الله طيب ,,
واصل ,,
| |
|
|
|
|
|
|
|
|
|
Re: حجاب عمر .. وفكي مــا نهاتن .. والحمار (Re: abdalla osman)
|
| Quote: اعمل حساب انك بكرة غير متواجد هنـا كالعادة طبعا لما الهلال يرش ليهو اي فريق .. حتى لو رشة خفيفه كدا .. |
يرش مين يا ابوالنسب
انت نسيت انكم لاعبين مع مازيمبي
يا اخوي قول كلام غير دا
رشة خفيفة دي شنو
كيف يعني
يعني ما حتتأهلوا
يعني مافي طريقة لكأس محمولة جواً
كدي قول بسم الله
أما بخصوص عدم التواجد بكرة
يا ابوالنسب انت عارف انا بعمل حمد لبد لمن يكون المريخ مغلوب
ما بجي المنتدي دا ولا بجي لافي بي هنا
ولكن ما حصل عملت حمد لبد لمن يكون مازيمبي فائز
| |
|
|
|
|
|
|
|
|
|
Re: حجاب عمر .. وفكي مــا نهاتن .. والحمار (Re: حمزاوي)
|
| Quote: يا ابوالنسب انت عارف انا بعمل حمد لبد لمن يكون المريخ مغلوب |
دي روشته كويسة احتمال كبير تذكرني انو لاعبين مع مازيمبي ما مع الخرطوم تلاتــة .. | Quote: ولكن ما حصل عملت حمد لبد لمن يكون مازيمبي فائز |
خلاص على ضمانتي .. الليلة اتغدى خفيف .. وحاول نوم بدري .. واشرب سوائل كتيرة .. واطبع ليك بوستين تلاتة في ورقة ملون .. من البورد دا ..
لانو على ضمانتي ..
جيه قريبه ليك مافيشة .. مع الفكي الأمريكي الجا دا ..
تقولي لي الخرطوم تلاتـة فاتحه للهلال ..؟
دي الخرطوم تلاتــة .. واللا كبري شمبات ..؟
| |
|
|
|
|
|
|
|
|
|
Re: حجاب عمر .. وفكي مــا نهاتن .. والحمار (Re: abdalla osman)
|
Quote: نحلق ليهم برانا زي ما قعد نحلق ليهم كل مرة, يعني
بحكم العادة , وبما انو الجماعة ديل طوااالي تحت تأثير البنج
أقترح كذلك نعمل بالمرة reconstruction لألسنتهم التي طالت.. |
.. لا يا دكتور .. مستحيل طبعا نحلق ليهم تاني ..
هو حلاقـة المرة الفاتت قامت ..؟
هم اصلو اتعودوا على الحلاقــة مع انهم ما قاعدين يثبتو ليها ..
لكن المرة دي الواحد فيهم نحليهو يجي شايل موسو في جيب الساعة .. وفاكيها من ورقـة .. يدخل يدو جوه الجيب بي حرفنـة شان ما تجرحو تبقى عليهو غلب وجرح وحلاقــة دا حتى زاتو حرام عديل كدا ..
الواحد تتاكد الموس الجابه دي شنو..؟
بعداك ممكن تشرف على عملية الحلاقـة دي .. كل اتنين يحلقو لي بعض .. على شرط واحد يكون متخصص قطعية .. شان يبين القطعية من الصلعة ..
خليهم يطولو يا دكتور .. شان يبردو شوية .. نار ايفوسـا دي زي نار القصب .. بتكون مدورة طوالي .. والواحد فوقم يا دكتور كلما يتذكرهـ لمن بياخد ليهو (نطـه) لي فوق التقول قاعد في يااااي ..
دعواتنا مع أبو الهل دايما يا دكتور .. ومعاهو في كل الأحوال نصر وهزيمة .. اصلو ما بيجي اليوم البنطقعو فوقو بالحجار .. ولا اليوم البنمسك في الأكبر مننا شان نطير معاهم ..
الناس ديل قايلين الطيران دا سااكت كدا .. حتى الطيران زاتو عندنا ليهو نظام .. زول عندو نقطتين .. عايز يطير ليهو مع زول بيلعب في المربع الذهبي ..؟
الناس دي بتضرب بنج شنـو ..؟
| |
|
|
|
|
|
|
|
|
|
Re: حجاب عمر .. وفكي مــا نهاتن .. والحمار (Re: tmbis)
|
| Quote: الناس دي بتضرب بنج شنـو ..؟ |
نوعو قديم بس كل يوم الصباح بعملو منو تشكيلة جديدة, قيل
انو طويل التيلة والتأثير , إنتاج وتوزيع شركة المزالمة
وبالمرة سموهو صابحني دايما مبتسم..وخدران...
علم الله واسع, لكن ثبت أنه لا شفاء من إدمان هذا المنتج برغم الرش بالماء المثلّج الإيفوسي ثلاثيّ الأبعاد..
عليك الله زول قدر ما يقولو ليهو اصحى ما داير يصحى نرشو تاني بي شنو؟؟؟
| |
|
|
|
|
|
|
|
|
 Re: حجاب عمر .. وفكي مــا نهاتن .. والحمار (Re: abdalla osman)
|
شايف الناس دي ما شغاله بي موضوع الكاتلوووج ..
والله في واحدين كدا .. يكونو عايزين يطيرووو فرر عديل كدا شان الكتلوج دا ..
بي اختصار شديد ... شان الناس دي ما تطير سااكت:
الكتلوج من اربعة صفحات كل صفحة معاها الترجمة بتاعته من شدة ما مترجمة لمن مترجمة لي خمسة لغات .. مع الصور حقته ..
اربعة لييه اصلو شنو هو .. الجهاز دا تونسي ؟؟
بي اختصار والكلام دا انا ما كنت عايز اجيب ليهو اي خبر .. لانو سر شديد ..
الجهاز دا بتكون من أربعة اجزاء .. القطعة الرئيسية + البطارية الملحقـة.
الأمريكي دا مكرب شغلو .. ما كمان أمريكي وبيعرف حاجات كتيرة ..
سادتي الاعزاء:
الكتلوج دا بي صراحـة مانوال تشغيل الحجاب الالكتروني .. عايزين تصدقوني صدقوني .. ما عايزين تصدقوني ما تصدقوني لكن انا ما بخلي حقي الأدبي 
..
الحجاب الالكتروني دا في حجم حبة الفاصوليـا .. واحد في (الضراع) اليمين وواحد في (الضراع) (الاعسـر) كل جهازو ملحق بي (بطارية) في حجم شريحة الهاتف النقال ..
يتم تثبيتها في (الشن قارد) شان ماف زول يجيب ليها خبر ..
يللا ركزوا معاي في الحتة الجاية دي .. عشان دي مسالة حساسة شوية ..
الحجاب الالكتروني بتاع الضراع اليمين .. (كمباتبول) مع البطارية الفي الرجل الشمال
الحجاب الالكتروني بتاع الضراع الاعسر (متوافق) مع البطارية الفي الرجل اليمين ... شفتو الزول دا مكرب شغلو كيف ..؟
(الرتينزات) دي يا شباب تمت برمجته وفق اشارات دينميكا (عمر بخيت) بتتحول لي استاتيكا صوتية بتترجم من اشاارت يل معدلات تنبيه بتخاطب عمر بخيت ..
| |
|
|
|
|
|
|
|
|
|
Re: حجاب عمر .. وفكي مــا نهاتن .. والحمار (Re: tmbis)
|
رفعت سماعة التلفون واتصلت على صاحبي قلت ليهو عاين:
أنا عندي تحفظات على حاجات محددة في الكاتلوج دا .. قال لي خلاص رسل ايميل لي الزول دا وادفع (بياضك) في موقع Paypal وخش في الموضوع على طول ..
المهم .. رسلت لي الزول دا واستفسرت في المسالة العكسية من كونو الحجاب الفي اليمين بطاريتو شمال ..
الراجل طلع (لسانو) طويل خلاص ..
قال يل إنت لعبتها وووين ..؟
قلت ليهو انا بشجع ساااكت ..؟
قالي اوكي .. الوضعية العكسية دي .. ليها علاقة بالكنترول حق اللاعب اثناء التهديف .. ووضعية الجسم .. قال لي المسالة استوحيته بعدما تابعت لعيبة بمختلف مهاراتم ... وقابلية انو الجهاز دا يتماشى معاهم
قلت ليهو النجيضة ..؟
قالي لي يعني بي اختصار .. البرمجة التمت بعدما راجعت هدف عمر بخيت اياهو .. واعدت تحريك اللاعب وفق زوايا الكترونية محددة .. مع حسابات الزمن والثانية العشرية ..
قلت ليهو انجض من كدا مااااف ..؟ نحن ناس كهربجية ساااكت ..
قال لي يعني مثلا .. وضعية اللاعب لما يجي يهدف بي رجلو اليسار اليد المتقدمة بتكون اليمين والممتأخرة هي اليسرى ..
وبالعكس .. قلت ليهو عين العقل ..
لكن قلت ليهو احتمال كبير تلقى ليك واحد (رجلينوالاتنين شمال) تقول يا منو ..
قال لي اااي ممكن .. قال لي يف واحد اسمو وارغوووو .. دا بيشوت بي يدو اليمين وكراعو اليمين دا اما نقط .. نق .. يا شيطان ..
قلت ليهو ياخ اسمع الزول دا ارخيهو كدي وركز لي في السؤال دا لانو عندي ليك كم سؤال تاني ..
المهم اعتذر لي .. على وعد إنو يتم الكلام دا .. انا لو عرفت حاجة بقوليكم ..
| |
|
|
|
|
|
|
|
|
|
Re: حجاب عمر .. وفكي مــا نهاتن .. والحمار (Re: tmbis)
|
قلنا إنو الرتينزات دي .. اتبرمجت علمياً وباراسايكلوجياً
بحيث ..
إنو اللاعب عمر بخيت لو واجه المرمى بزاويا محددة ... يصدر النداء الصوتي الرقمي .. منبها عمر بخيت بي طريقة يسمعه هو براهـو .. لانو المسالة دي جارية في الدم طبعا ..
اثناء مواجهة المرمى بزاوية ممكن يقراها الحجاب الكترونيا .. يصدر الصوت ..
(وووومر باكيييت ) شووت .. شوووت يا (اووومر) ..
طبعا ياجماعة معليش .. الزول دا اكتشفت انو ما عامل سوفت ووووير عربي للصوت لانو ناس الهلال ديل ضايقوهو شديد ملحقنو كورة مازمبي دي ..
الذبذبات الصوتية البتصدر لي عمر .. بتتفاعل اسيرياً مع المجال السمعي لحارس مرمى الفريق الخصم .. بتعمل ليهو شوووية كدا بتاعت خمة نفس .. وزغلله وقتيه .. وفقدان شهية .. وخددر في اليدين وتنميل في الكرعين كويس معاكم ..؟
في اللحظة بيحصل شلل تام لحارس المرمى وضبابية في الرؤية .. الله يكرمكم لو شاتو (كشك) بعداك يدخل .. التقول شغال بي (فيرشن حافظ) الأخير في حداشر سبتمبر الفين وتسعة ..
بعدين مسالة انها تدق ليهافي لاعب وتطلع دي يا تدق ليها في عراضة وتغير اتجاهه وترجع الميدان دي شيلوهو من راسكم .. المسالة قلنا ليكم مرتبة ومنظمة ومبرمجـة ..
في سؤال ذكي جدا ممكن يجي (مخدر ابو القاسم) يلقى ليهو مدخل يشتكي بيهو عمر بخيت .. وديمبا وايفوســا:
السؤال بيقول: لو البطارية بتاعت الرتينزات دي نزلت .. عمر بخيت دا يغيروهو ..؟؟
كان الرد:
لو البطارية نزلت لاي حال من الأحوال .. عادي جدا ممكن عمر بخيت يمسك في فنلة سادومبا من ضهرو ويطلع بيهو مشوار واحد بس .. وبي كدا بيشحن ..
يا كمان .. بالعدم .. يضرب علبتين بايسووون .. كلك حركات .. كدي بلاي عيبو لي بايسوون دا ..
المهم في الموضوع إنو (مخــدر ابو القاسم) لو ما عندو (انتي فايروس) للمصيبة دي .. من حسع دي اليبقى زووول حلاقــة ساااكت .. ..
| |
|
|
|
|
|
|
|
|
|
Re: حجاب عمر .. وفكي مــا نهاتن .. والحمار (Re: tmbis)
|
طيب الحمار مالوووو ..؟
بعد عظمة الانجاز الاعلامي المريخي في اكتشاف هوية (الحمار المكادي) المدفون في المقبرة .. واللي كان السبب الاساسي في إنو الهلال دا يشيل الدوري الممتاز خمسة مرات .. وما يتهزم (..) مباراة لو مدانا خبير الاحصائيات مهندس أحمد الريح بالعدد يكون ما قصر معانا ..
وبعدما اتعقد الجماعة اياهم من المسالة دي .. وتنفسو الصعداء بي خمسة مازيمبي .. كان لابد من إنو يترفع الأمر لي الفكي الأمريكي دا عشان الناس ما تنسى الناس ..
بالمناسبة:
انا طبعا ما قلت ليكم اسمو ..
(الكهربجي) دا بالمناسبة اسمو:
(ابدووو (اب شريحــة) راجل مانهاتن ) .
المهم ما علينا ..
تم رفع الامر لي زولنـا دا .. وتم عمل فحص تربة من تلاتة اربعة (جســات) من موقع الدفن .. الحددو الزول دا ب قوقل ايرث وعمل السيرفي اللازم ..
يللا بعداك كانت النتيجة .. إنو الحمار دا حمار مبرووك .. الحماار زاتو .. (اتبين) وبدل ما يمنع دخول الاقوان .. ظهرت في حتتو بير بترول .. عئان كدا صلاح ادريس .. نسى موضوع تغطية القوون دي .. ومات بالمسألة براهو .. يعني بي صراحـة كدا يا جماعة .. لو جيتو لقيتو يوم كورة الكاس .. في مصفى بتاع بترول في الميدان .. ما تضايقو .. المسالة عادية جدا .. إنتو عايزين متين يبنو ليكم تلاتة طوابق ومقصورة ونجيلة صناعية .. شان تكونو ناس صفوة ..؟
الكلام دا بخصوص الحمار طبعا ..
ودي الاسباب البرر بيه الفكي دا .. هزيمة الهلال بي خماسية .. في مقبرتو .. ودا كمان السبب الفرح ناس النقطتين .. لعدة اسباب من ضمنها .. إنهم ممكن عاادي جدا .. يوصلو .. وصلة درب من العرضة شمال للعرضة جنوب .. وبالعكس .. ويقسمو برميل اليوم بي اليوم .. زيتم في بيتم ..
| |
|
|
|
|
|
|
|
|
|
Re: حجاب عمر .. وفكي مــا نهاتن .. والحمار (Re: abdalla osman)
|
Quote: عليك الله زول قدر ما يقولو ليهو اصحى ما داير يصحى نرشو تاني بي شنو؟؟؟
|
. بعد كدا يا دكتور .. نرشو بي سماد عضوي ..
وتديهو مضاد حيوي للسماد العضوي دا ..
الناس ديل حقل تجارب يا دكتور .. جرب ليكم فوقوم اي نوع والمشكلة انهم خفاف خااالص .. بالريحـة بس ..
| |
|
|
|
|
|
|
|
|
|
Re: حجاب عمر .. وفكي مــا نهاتن .. والحمار (Re: Magdi Ahmed Elsheikh)
|
يا دكتور ..
سلامات .. والف مبروك .. قلنا لاكورة مدورة جماعتك ديل عارفين انها مدورة .. لكن طالما إنو الهلال بيتلتل كدا دا ح يجو يقولو ليك لالالا .. الكورة مستطيلة ..
الكورة اللعبة الهلال أمس كانت عبارة عن درس وحصة تاريخية .. اجزم ليك تماما إنو اخوانا المساكين ديل .. كل واحد مع اي هجمة كان قلبو بيدق .. بيدق بس عشان الهلال ما يجيب قون ..
انا حضرت الهدفين في المكتب وتميت الباقي في الاعادة ..
مبروك للهلال .. مليون مرة .. بعد الحيثيات بتاعت البوست دا .. الظاهر لي لو الهلال أمس اتاهل بس .. في ناس كدا احتمال كبير كان موقفم الصحي يبقى في خطـر .. خليك من انو يجيب الكاس ..
| |
|
|
|
|
|
|
|
|
|
Re: حجاب عمر .. وفكي مــا نهاتن .. والحمار (Re: tmbis)
|
بيقولوا ان الفكي ابوكدايس استلم نص المبلغ عشان كدا الهلال فاز بنص المطلوب ( 2/0 ) يعني اذا تموا ليه المبلغ كاش كان الهلال فاز اربعة صفر
واحد عنده سواق سايق له لوري والسواق سنة ما استلم ماهية ، سيد اللوري لحقه في كسلا قال ليه أنه حلمان سيدي الحسن جاهـ في النوم وقال ليه السواق دا خطوته كعبة اطرده من الشغل ، السواق قال ليه وسيدي الحسن دا ما قال ليك حاسبه كاش ؟
| |
|
|
|
|
|
|
|
|
|
Re: حجاب عمر .. وفكي مــا نهاتن .. والحمار (Re: حمزاوي)
|
| Quote: وسيدي الحسن دا ما قال ليك حاسبه كاش ؟ |
وسيدك الحسن دا ما قاليك .. ناس مازيمبي ديل أمس فاتحين لينا لييه ..؟
انا امس بتفرج في الكورة كدا .. بعد الشوط الاول إنتهى اتنين صفر .. قلت:
الله ؟؟!! نحن لاعبين مع الخرطوم تلاتة واللا شنـو؟؟
تخيل كنت قايل ديل ناس الخرطوم تلاتة ..
قلت لي أكد ليك الفتوج دا .. دكتور منـو..؟
| |
|
|
|
|
|
|
|
|
|
Re: حجاب عمر .. وفكي مــا نهاتن .. والحمار (Re: tmbis)
|
فاتني أن أذكر إن السيناريو أعــلاه اشبه بسيناريو الغــابة والصحــراء ..
بس بيختلف عنو .. إنو سيناريو الكتروني ..
الملاحظ .. في عناصر السيناريو الالكتروني اعــلاهـ .. الحبكة الجيدة للحدث .. خلق الاعذار والمبررات الغير منطقية التي تقوم بفعل (المكمدات) الباااردة .. التي توضع من أجل أن تخفف ارتفاع درجة الحرارة .. والاحساس بفقدان الشهية .. (والدوخــه) ..
تتفاوت العناصر في مجملها كل وحسب ظرفيتها .. قبل وبعد المباريات التي يكون الهلال طرفا اصيلا فيها ..
وترتفع درجة الحرارة والغليان .. كلما زاد معدل الضرب الهلالي المركز .. على الخصم .. بي هدف .. هدفين .. القاتل فيها يكون بالتلاتـة .. مع مراعاة عدم اختلافنـا جوه أو بره المقبــرة .. بيد أن الضرب في المقبرة ليهو طعم خاص ..
لو انتبهنا غلى كيفية صياغـة العناصر أو وضعها في حيز الوهم ثم حيز التصديق ثم حيز .. التصديق الخارجي مع الايمان الداخلي الكامل بي إنو المكابرة احسن حاجة بتنفع في حالات زي دي ..
عنصر حجاب عمر بخيت ..
حجاب عمر بخيت اتضح إنو جاء بعد أحداث حداشر سبتمبر الأخيرة .. يعزى ذلك لعدة اسباب .. من أهمها إنو الجماعة طارو براهم ودا المنطق الثابت .. واضيف لذلك النقطتين التي كانت بمثابة جوانح ريد بووول التي تساعد على الطيران بخفة ورشاقة .. الغريب في الأمر إنو قون عمر بخيت كان في النص .. ومن النص .. كان في النص بمعنى إنو جا ما بين الهدف الأولاني والأخير .. يعني لو كان هو القون الأولاني أو القون الانتهت عليهو الكورة .. والله الواحد كان شاف الفكي دا وكورة مازيمبي بتاعت الخرطوم دي كان الحداشر لاعب ديل يلبسو ليهم رتينزات بي لون واحد .. بتاعين الاحتياطي يدوهم لوون مختلف والرتينزة زاته تكون مركزة .. بمعنى إنو البجي من الاحتياطي دا .. يجي زول نجيضة ساااكت .. وشايل هاتركو في جيبو ..
الملاحظ إنو استثنينا من الحداشر الجوه ديل اللاعب .. سادومبـا ومرة مرة .. ايفوسـا .. ايفوسا طبعا معروف لييه .. أما سادومبا دا .. ولله لو قطعنا ليهو يتينزة (دق الفاشر) والله كان جمال الوالي زاتو جاتو موية في ضهرو خليك من الباشا .. وكان لحدت الآن الجماعة جاريين في شوارع العرضة ..
ما يجرو ساااكت كدا كل واحد في اتجاه .. يجرو بي نظام .. يجرو كل (تلاتة) مع بعض .. إنتو قايلين الجري دا بيحلكم ؟؟
| |
|
|
|
|
|
|
|
|
|
Re: حجاب عمر .. وفكي مــا نهاتن .. والحمار (Re: tmbis)
|
لطالما كانت هناك مشاكل .. (وكهربجية) خطيرين الواحد بيعمل ليهو حجاب صغنتوتي زي دا بيخلي الواحد يجيب قون من النص ويشوت الكورة بي رجلينو الاتنين .. طيب نحن الحارمنا كاس العالم شنـو ..؟
خليك من كاس العالم الهويين دا .. ناس المريخ ديل جمال الوالي ما يبني ليهو (برج) بالجمبه كدا من المقصورة .. ويعمل فوقو فندق (تلاتـة) نجوم ويدي مفاتيحو لي (مخدر ابو القاسم) يملاهو (كهربجية) لي (حلقومو) واحد ملاحظ معاي لي الحركة بتاعت (برج) دي عامله كيف ..؟ ارجو أنو الناس ما تتحسس مسالة البرج دي ما ليها اي علاقة بي حداشر سبتمبر اياهو .. اتفقنــا ..؟
ولطالما إنو كانت هناك ممارسات خارقة زي دي .. بتساهم في رش زي دا .. كان لابد من أن يكون هناك فعل مضاد ليها .. بي صورة أوضح:
يعني ناس المريخ ديل تاني لما يكونو لاعبين مع ناس الهلال اكان في المقبرة اكان في الميدان الشرقي .. حقو يجيبو من الفندق بتاعم القبيل داك .. تلاتة (كهربجية) يكونو لافين حوالين الميدان في شكل (جكـة) خفيفة كدا مع (جلالـة) ايقاعية تلهب حماس الجمهور .. واقترح انها تكون على وزن .. يا الله درون .. يا الله درون .. يا الله درون .. مع ترك مساحة تخيل واسعة لي (الكهربجية) ديل على اعادة توزيع النص بي صورة موسيقية .. يراعى فيها كل العمليات الاكاديمية من مودوليشن .. وكونتربوينتو .. وكانو .. ما كمان المسالة كورالية بحتة .. ونحن حاجاتنا دايما بندوره منظمة ..
هوووي يا ها .. (الكهربجية) بتاعنكم ديل لو لياقتم ما فل .. ما تجازفو بيهم مع سادومبـا دا .. والله يجري ليكم بيهم جري .. يعكس الكورة من الكورنر .. ويطلع ياخد بيهم مشوارين بره الميدان .. وبعداك يلحق الكورة (يبصر).
ولطالما كانت هناك .. حاجات بتتلبس وما بتتكشف إلا بعدما عمر بخيت دا يجيب قوون .. ويقلع فنلتو دي ويلوح بيها ..
كان لابد من الوعي المبكر بوضع اجهزة .. كشف حساسة لاضير في أن تستعمل فيها الاشعة فوق وتحت الحمراء والبنفسجية ولون زينب وكدا ..
الاجهزة دي تكون عند الحكم الرابع ومراقب المباراة علشان يكونو حياديين .. اي لاعب من الهلال يجي داخل الميدان (يتدق) فتاشة .. ولو الجهاز صفـر .. معناتة الزول دا لابس حجاب .. يقومو يعملو ليهو كشف موضعي زي (البنج ) الموضعي .. لو عصلج اللاعب .. يجيبو ليهو (مخدر أبو القاسم ) عشان يبنجو .. اووب سوووري اقصد عشان يفتشو .. اصلو الزول دا اخصائي تفتيش وتخدير .. وشكاوي بريدية ..
أما
لو اتضح إنو اللاعب (شااارب) القصة دي .. في الحالة دي يتعمل ليهو كشف سريري .. يدوهو (تلاتـة) قزازات زيت خروع .. (تلاتة) مرات في اليوم .. وبي كدا يبعد عن المباراة .. يعني يصحى بعد الكورة بي (تلاتة) ايام .. عليك الله لابس ليك حجاب وجاي تغلب بيهو المريخ العظيم ..؟
| |
|
|
|
|
|
|
|
|
|
Re: حجاب عمر .. وفكي مــا نهاتن .. والحمار (Re: tmbis)
|
اقتـرح .. من لجنـة التفتيش دا .. لي اي مباراة هلال طرف فيها .. أو مباريات هلال مريخ إنو نستعين بي عضوين من اعضاء سودانيزاونلاين .. اتنين من الزملاء اخوانـا ديل ..
أولا الزميل .. عصام دهــب الشهير بي عصام حجابــات وذلك لصفته القانونية أولاً ثم معرفته بعلم الكواديك ..
ثانياً الزميل ذو االيد .. الشهير بي (ذو اليد ابو ديك) على أن يدخل كل مباراة تبع لجنة التفتيش .. متابطاً ديكـه الأبيض .. ولو الديك الابيض دا قال (كاااك) الله يسامحـك يا ذو اليد .. ياخ إنت جايبنك عشان تفتش للحجابات واللا عشان ديكك دا يعمل لينا فوضى في الميدان .. الله يرضى عليك ديكك دا خليهو في ايدي امينة وارقد رقيق وتعال داخل ..
ملحوظة:
في حال إنو ذو اليد يقول ما عايز معانـا .. نجيب ابراهيم بقـال .. اصلو بحب النجومية زي جوع بطنو .. يجي ويجيب اللاب توب بتاعو .. ويجيب معاهو مقالتين من خرابيطو البيكتبه دي .. ويجيب معاهو صورة ملونة ..
لو بقال برضو قال ما عايز واشك في ذلك ..
يللا هناك المفاجأة الكبيرة ..
انا بجيب ليكم .. بتاع الالتواث والاحتباس الثقافي .. اصلو طالع للربى والتلاف .. يجي على شرط لابس ليهو نص كيلو حجابات .. ضامن عشرة وضامن عشرين .. وضامن اي حاجة زاتو .. يجي لابس الحجابات دي معروضات بس عشان الناس تأمن ..
| |
|
|
|
|
|
|
|
|
|
Re: حجاب عمر .. وفكي مــا نهاتن .. والحمار (Re: tmbis)
|
Quote: ما يظهر إلا مع بداية السقط .. يا يشوف ليهو مطرة رشت ..
تحبو المطر زي جوع بطنكم .. تموتو موووت في (اللبان الضكر) .. |
احب المطره والسقط انا
والله يلعن مازمبى فى المذاهب الاربعه .. كان داير يعمل لى شلل امس !
| |
|
|
|
|
|
|
| |
tmbis
abdalla osman
Magdi Ahmed Elsheikh
على محمد على بشير
فيس بوك
تويتر
انستقرام
يوتيوب
بنتيريست