|
|
 احساسك شنو لمن ولدك ولا بنتك يدخلو المدرسة ( kg1 ) ؟؟
|
الواد مصعب دخل المدرسة .. ولدي !!
وانا ماااا مصدق نهاااااااائي .. خليك من دخولو المدرسه - عمرو زاتو متين تمه ال 5 سنه ؟
نزلتو جم باب المدرسه ........ متردد ومرتاب .. وخايف ولكن في قمة الفرح والسعاده ..
دخل الواد المدرسه ... وانا بعاين ليهو !! جسمو هزيل والشنطه تقيلة علي هذا الجسم - كأني اول مرة اشوفو
جاني احساس ان الجزمه عامله ليهو تقالات قلبي وقف عديل .. نزلته من العربيه - ودخلته وراههووووووو
والبوابه زحمه كل زول جايب جاركوك حقو - وخايف عليهو .. المهم جاني احساس كيف مصعب حا تعامل
الشفع الكتار ديل !! ومصعب ده زوووووووول مسالم وحنين شديد . . .....
دخلته وراهووووووو _________ الغريبه ما قدرته اقول حاجه غير لو اتزنقته ( بول ) اسال من الحمام وين ؟
وتخاااااااااااااااارجته ما عارف الاصابني شنو ..
كميه اشياء ملخبته في راسي واحسااسات جايطه ........
:
:
:
كدا اقوم اشوف الزول ده عمل شنو ؟؟
كمان البمر من هنا - يورينا الفهم شنو .. ودعواتكم له ولاخوانه الجدد (Kg1 )
|
|
 
|
|
|
|
|
|
|
 Re: احساسك شنو لمن ولدك ولا بنتك يدخلو المدرسة ( kg1 ) ؟؟ (Re: عبدالله كع)
|
كع .. كيفنك ..
مبروك لي ولدنا صعوبي المدرسه ..
صدقني فعلاً احساس عجيب .. لكن بكره بكون عادي ..
ولو جاء يوم قال ليك ما عايز امشي اليوم المدرسه حا تزعل بقدر فرحك ده ..
إحساس براود اي والد .. وانشاءالله عمرك يطول وتشوفه داخل الجامعة كمان ..
اها شوف الكبيره دي كمان ... لو شفته في الزفه مع عروسه ... اقنع منه عدييييييييل كده ..
تحياتي لام مصعب ..
بت الصادق
| |
|
|
|
|
|
|
|
|
|
Re: احساسك شنو لمن ولدك ولا بنتك يدخلو المدرسة ( kg1 ) ؟؟ (Re: عفاف الصادق بابكر)
|
العزيز أبو مصعب
تحياتي لك ولمصعب العام المبتدأ ومداخلت د.عفاف الصادق دي بلسم شعور متفاوته وبكر يتعلم من الأيام ويبدأ عداد الزمن رامي (وبالمناسبة قصي برضو الليلة أو يوم دراسه ومبسوط أنو فارق البيت ولا حتي بابا مع السلامة ولا سلم علي أخوة أحمد الذي قام بتوصيله المدرسة :كي جي 2 عشان عمره 4 سنوات والولد جاري شنطة بعجلات واللبس الفول سوت ربك ينجح مقاصدم ويكون أحسن من الأباء وزمن غير الزمن داك ياكع ياصديقي .
نقول صافرة البداية بسم الله المبتدأ والمنتهي.
،،،،أبوقصي،،،،
| |
|
|
|
|
|
|
|
|
|
Re: احساسك شنو لمن ولدك ولا بنتك يدخلو المدرسة ( kg1 ) ؟؟ (Re: مجدي عبدالرحيم فضل)
|
إحساسي ؟؟
يا عبد الله كع النوريكــ ..
أبدأ بعد الشيب الأبيض الآن لأنو بعد سنة حيرتفع العدد إلى الضعف ..
تاني سهر مافي . تتدمدم تنوم من المغرب عشان مدارس الأولاد ..
عندكـ دوام تالت خليكـ جاهز ليهو ..
تدريس هنا لازم يعاد ما تقول لي سيستم إنجليزي ولا مدرسين باكستانين .. تقول في زول زمان ذاكر لينا
تجي يايابا من دوام الفلوس تاخد لكـ راحة دقائق وتشوق شنطة الواد فيها شنو .. تبدأ الدوام الملح ،
النسوان تعبانات ياخي ..
من المسح والطبخ ( دي الإسطوانة ) 
| |
|
|
|
|
|
|
|
|
|
Re: احساسك شنو لمن ولدك ولا بنتك يدخلو المدرسة ( kg1 ) ؟؟ (Re: عمران حسن صالح)
|
الأخ / عبد الله كع وضيوفه الكرام
تحيات زاكيات
والله يا عبد الله انا زي زولك (خالد المحرب) جرسة خلاص، بكري بت ، لمن دخلتها الروضة كان عمرها 3 سنوات، يا زول ما بكضب عليك بقيت واقف في شباك القزاز مسافة طويلة اعاين ليها وهي قاعده في الصف، ودموعي ارباع ارباع، مع العلم ان مسميها علي امي (الله يرحم امي ويغفر ليها)
لك شوقي وسلامي
| |
|
|
|
|
|
|
|
|
|
Re: احساسك شنو لمن ولدك ولا بنتك يدخلو المدرسة ( kg1 ) ؟؟ (Re: عمران حسن صالح)
|
Quote: إحساسي ؟؟
يا عبد الله كع النوريكــ ..
أبدأ بعد الشيب الأبيض الآن لأنو بعد سنة حيرتفع العدد إلى الضعف ..
تاني سهر مافي . تتدمدم تنوم من المغرب عشان مدارس الأولاد ..
عندكـ دوام تالت خليكـ جاهز ليهو ..
تدريس هنا لازم يعاد ما تقول لي سيستم إنجليزي ولا مدرسين باكستانين .. تقول في زول زمان ذاكر لينا
تجي يايابا من دوام الفلوس تاخد لكـ راحة دقائق وتشوق شنطة الواد فيها شنو .. تبدأ الدوام الملح ،
النسوان تعبانات ياخي ..
من المسح والطبخ ( دي الإسطوانة ) |
يا عمران - من ناحية الشيب خلاص المرحله دي شتت ت - انا خايف ( الخرف المبكر )
بس ماتقولي انت وصلتها !! ؟
يا عمران يا خوي صدقني نحنا مدلعين الحريم ذياده عن اللزوم - الشقه دي قدر شنو يا فرده ؟
يعني لو كان بشتغلو زي امهاتنا كان حا يعملو شنو - وحاة النبي لا تعبانات ولا حاجه والواحده تصحي
من النوم فجرا بدري الساعه 12 ظهرا - !!
وتقوم ترمرم وتفتح ال (MBC ) مسلسل في قعر مسلسله وما سكين الرموت - لمن امن - انسي يا حبوب
ولكن ما في مشكله صديق لو في سبيل تعليم الجواركيك اربعين دوايم ما في مشكله صديق
احترامي ..
| |
|
|
|
|
|
|
|
|
|
Re: احساسك شنو لمن ولدك ولا بنتك يدخلو المدرسة ( kg1 ) ؟؟ (Re: مجدي عبدالرحيم فضل)
|
| Quote: تحياتي لك ولمصعب العام المبتدأ ومداخلت د.عفاف الصادق دي بلسم شعور متفاوته وبكر يتعلم من الأيام ويبدأ عداد الزمن رامي (وبالمناسبة قصي برضو الليلة أو يوم دراسه ومبسوط أنو فارق البيت ولا حتي بابا مع السلامة ولا سلم علي أخوة أحمد الذي قام بتوصيله المدرسة :كي جي 2 عشان عمره 4 سنوات والولد جاري شنطة بعجلات واللبس الفول سوت ربك ينجح مقاصدم ويكون أحسن من الأباء وزمن غير الزمن داك ياكع ياصديقي . |
يا مرحبتين يا مجدي يا زميلي - في كلو
قلته لي قصي هجم علي التعليم خلاص - يا ربنا يحفظو وانشالله نراه في العلالي
رنبا يحقق المقاصد - يكونو احسن من الاباء - اكييييد انشالله - واذا ما بقو احسن مننا - مافي فايد صديق
تحياتي لي ام قصي وجده عموم .
| |
|
|
|
|
|
|
|
|
|
Re: احساسك شنو لمن ولدك ولا بنتك يدخلو المدرسة ( kg1 ) ؟؟ (Re: عفاف الصادق بابكر)
|
Quote: كع .. كيفنك ..
مبروك لي ولدنا صعوبي المدرسه ..
صدقني فعلاً احساس عجيب .. لكن بكره بكون عادي ..
ولو جاء يوم قال ليك ما عايز امشي اليوم المدرسه حا تزعل بقدر فرحك ده ..
إحساس براود اي والد .. وانشاءالله عمرك يطول وتشوفه داخل الجامعة كمان ..
اها شوف الكبيره دي كمان ... لو شفته في الزفه مع عروسه ... اقنع منه عدييييييييل كده ..
تحياتي لام مصعب .. |
بت الصادق كلامك زي الفل
ولكن ...
معقولة اقنع من مصعب يا بت الصادق!! - كان ابوي قنع اخوك زمان
ولكن صدقيني احساس غريب - عامل زي الحلو مر -
،،،،،،،،،،،،،،
تشكرات بت الصادق
| |
|
|
|
|
|
|
|
|
|
Re: احساسك شنو لمن ولدك ولا بنتك يدخلو المدرسة ( kg1 ) ؟؟ (Re: عبدالله كع)
|
عبدالله كع ,,
لو كنت في الامتداد ,,,
كان قلت الروب الولد دخل المدرسة ,,,
لان مدرسة اليومين دي فيها جنس حاجات ,,,
طبعا لو فريت بي من مدراس الحكومة ,, للمدرستين الفي شارع شرق (كان بتاعة الحواجات ولا الجنبها )
عينك ما بتشوف الا النور , هناك في تقليعات تدي العجب ,,
عقبال التخرج وتفرح بيه ,,,
| |
|
|
|
|
|
|
|
|
|
Re: احساسك شنو لمن ولدك ولا بنتك يدخلو المدرسة ( kg1 ) ؟؟ (Re: عمار عبدالله عبدالرحمن)
|
Quote:
لو كنت في الامتداد ,,,
كان قلت الروب الولد دخل المدرسة ,,,
لان مدرسة اليومين دي فيها جنس حاجات ,,,
طبعا لو فريت بي من مدراس الحكومة ,, للمدرستين الفي شارع شرق (كان بتاعة الحواجات ولا الجنبها )
عينك ما بتشوف الا النور , هناك في تقليعات تدي العجب ,,
عقبال التخرج وتفرح بيه ,, |
يا عمار يا خي ................ يا ريت لو اني في الامتداد يا ريت
انت عارف يا عمر انا لو في الامتداد الان كنت قريته في مدرسة الامتداد ( 1 ) الابتدائيه حتي ولو حكوميه
يا عمار يا قلب - الحركات والتقليعات دي ما مشكلة لو الزول تربيتو صاح ولابتهز في راسو شعره - التربيه اساس الحياة
الكريمه ..
احبك واحب الامتداد زاتووووووووووووووووووووووووووو يا عمار .
| |
|
|
|
|
|
|
|
|
|
Re: احساسك شنو لمن ولدك ولا بنتك يدخلو المدرسة ( kg1 ) ؟؟ (Re: khaleel)
|
كــع ...
مبروك دخول مصعب المدرسة..
الآنسة لمـى صـلاح عـبدالله ، أكملت ثلاثة سنين ونص في شهر أربعة الفات
ودخلتها KG-1 ..
الليل كلو بتفرج في هدوم المدرسة
ياخي ده شعور غريب ، ما تعرف إنت فرحان واللا زعلان واللا خايف ، واللا ، واللا
أول يوم ده دكّيت الشغل عدييييل
أنا وأمها وصلناها ، وإنتطرناها لغاية نهاية اليوم
ربنا يخليهم لينا ، ويخلي لينا أهلنا التعبو فينا
والله ما عرفنا تعبهم إلا هسع ..
| |
|
|
|
|
|
|
| |
عبدالله كع
عفاف الصادق بابكر
مجدي عبدالرحيم فضل
عمران حسن صالح
جمال المنصوري
عمار عبدالله عبدالرحمن
omer osman
وليد عبد اللطيف
humida
khaleel
فيس بوك
تويتر
انستقرام
يوتيوب
بنتيريست