|
|
 أفراح عصام : أحمد المك يستحق أن يفوز بقلبي!!!!!! أحمد المك : حاصنع من أفراح فنانة ذي أم كلثوم
|
عقد قران الملحن أحمد المك والفنانة أفراح عصام ،هو حدث اللحظة والوقت ..لأنه أحتشد بعنصر المفاجأة ..وسعياً وراء خفايا ذلك الزواج سعينا لمعرفة تفاصيل هذا الحدث الفني الذي شغل الوسط الفني وماذالت اصداؤه تتردد حتي الأن ..فماذا حدث ...الأجابة في السطور التالية لهذا الحدث كما تراه العين
حوار : سراج الدين مصطفي
ممكن تحكي لينا أول مرة شفت أفراح وين؟
أنا لقيت افراح في بروفة كانت لبرنامج نجوم الغد وبصراحة شداني صوتها وعجبني وقررت طوالي أتعاون معاها وقدمت أكثر من أربعة أغنيات ..بعد داك أستمرت المسيرة الفنية لحد ماوصلت الأغنيات لخمسة ..
لقيت في أفراح شنو وهل كانت هي ملكة أحلامك؟
أفراح بتتميز بكل الحاجات الكنت البتمناها ..فهي أولاً من اسرة محترمة جداً ..وأفراح بتتميز برضو بقلب طيب ولها أخلاق عالية وأصيلة نبيلة ..وما ادس عليك أفراح زولها دمها خفيفة وبتحب القفشات والنكات ..وفوق كل ذلك فهي فنانة صاحب صوت جميل ومجيدة للغناء ..والعلاقة نشأن لأننا إلتقينا في أشياء كثيرة فهي مثلاً بتحب الألوان والرسم وأنا خريج كلية الفنون الجميلة ..وبصراحة كده أفراح هي الزولة الكنت بفتش ليها من زمن.
طيب رأيك شنو فيها كفنانة بعيداً عن انها زوجتك؟
أنا بعتبر أفراح عصام فنانة كبيرة لأنها بتجيد إختيار الأغاني ..وكل الأغنيات التي غتنها سواء كانت من ألحاني أو لأخرين فهي أجادتها تماماً ..وأن شاء الله سيكون مشوارنا مع بعض حافل بالأغاني والنجاحات.
مشاريعكم الفنية مع بعض في المستقبل حتكون كيف؟
أنا من زمان يكون السودان ملئ بأصوات المغنيات ..وأنا داير أصنع من أفراح فنانة ذات حضور في المسارح الكبيرة يعني عايزة تكون ذي أم كلثوم وفيروز عشان تقدم غناء جاد ومختلف .
كيف تقيم إطلالتها في برنامج أغاني وأغاني؟
برنامج أغاني وأغاني كان بالنسبة لها تجربة ثرة وناجحة لأنه أقوي برنامج توثيقي في تاريخ البرامج ..وهذا البرنامج ساهم في إنتشارها وتقديمها للناس وأنا أفتكر أنها كانت رائعة في أداؤها للأغنيات وأجادت تماماً.
ماشالتك الغيرة منها ؟
أفراح ربنا أداها القبول ..وحب الناس مذاهب وأنا ما بقدر أحميها من حب الناس ليها ..فهي شخصية عامة.
زميلها عصام قال بأن صوتها " مستلف ومغرورة وشايفة نفسها" رأيك شنو في الكلام دا؟
رد بسخرية وقال"صوتها مستلف من ياتو بنك" ..ماقاله زميلها عصام لا يتعدي وأن يكون رأي شخصي جداً وإنطباعي ..وهو أذا وصل لمرحلة التقييم يكون قد أصبح فنان كبير!!
متي ستتم مراسم الزواج؟
سيتم في القريب العاجل ..ونحن أصلاً ما كنا مخططيين للعقد ولكن إرادة الله كانت أقوي من كل شئ ..ولكن مراسم الزواج ستتم إن شاء الله في مطلع العاد القادم؟
هل ستحتكر صوت أفراح لألحانك فقط؟
أنا ضد الإحتكار فنياً حتي ولو كان علي زوجتي يعني أفراح ما حتغني لي أنا بس فهناك أغنيات من بشير عباس وعمر الشاعر والماحي سليمان.
هل قمت بتلحين عمل غنائي بهذه المناسبة؟
كنت أتمني أن أكون شاعراً حتي أكتب لها الشعر والحنه لها ..واذا وجدت اي كلمات من أي شاعر تؤرخ لهذه المناسبة السعيدة سوف أقوم بتلحينه في الحال؟
أخيراً هل أفراح الشعب ستغيب عن الشعب؟
صوت أفراح الشعب سيظل للشعب ..وسيستمر هذا اللقب لأنه من أستاذ كبير بقامة السر قدور.
بعد ذلك إلتقيت بأفراح عصام التي لم يسعها الفرح للتحدث إلينا ولكنها قالت لي حينما سألتها عن شعورها الجديد؟
دا شعور ما بتوصف وأنا لو وصفتو بكون أفسدتو وهناك حاجات لمن توصف قيمتها بتقل كتير.
شنو لقيتي في أحمد المك؟
أحمد زول فنان في كل شئ في فنه وتعامله .وهو الرجل الذي كنت أبحث عنه وأنا أخترته من بين الكثيرين الذين تقدموا لي ليفوزوا بقلبي .
مشاريعك الفنية في مقبل الفنية؟
هناك مفاجأت كثيرة ستكون في الأيام القادمة أولها حلقات في التلفزيون ستكون في عيد الأضحي المبارك..وزواجي من أحمد المك سيحقق لي النجاح والأستمرارية في الوسط الفني .
وعن اغاني واغاني قالت أفراح (أغاني وأغاني قطع لي مشوار كبير كنت سأعانيه وهو بصمة مميزة في حياتي.
|
|
 
|
|
|
|
سراج الدين مصطفي
فيس بوك
تويتر
انستقرام
يوتيوب
بنتيريست