يوميات بوردابى مدمن وخطير ويحتاج لعنايتكم

مرحبا Guest
اخر زيارك لك: 03-28-2024, 06:50 PM الصفحة الرئيسية

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات    مدخل أرشيف اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مدخل أرشيف الربع الرابع للعام 2009م
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
10-16-2009, 11:28 AM

مدثر قرجاج
<aمدثر قرجاج
تاريخ التسجيل: 07-21-2009
مجموع المشاركات: 1614

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
يوميات بوردابى مدمن وخطير ويحتاج لعنايتكم

    استيغظ (الطاهر) فى ذلك الصباح وقد ظهرت عليه علامات التعب والفتور وبدأ يفتح عيناه ببطء شديد وهو يطلق تلك الاصوات التى تنم عن انه مازال يحتاج لساعات اخرى من النوم بعد ان ظل امام جهاز الكمبيوتر حتى مطلع الفجر ،، وكعادته كل يوم قفز من الفراش فجأة وهو يدعك عينيه وينظر للموبايل فوجد الساعة قد شارفت على العاشرة صباحا وايضا كعادته صرخ (لاحول الله) فقد تجاوز دوام العمل باكثر من ساعتين مما جعله يهرول وهو يلعن منبه الموبايل دون ان يكون له دور فى ذلك فقد كان المنبه يؤدى دوره على اكمل وجه عند السابعه صباحا لكنه فشل تمام فى ايغاظ صاحبنا وفى كل يوم نغمه جديده للمنبه وفى النهاية تعددت النغمات والنوم واحد و(الطاهر) للذين لايعرفونه من بورداب الخرطوم وعضو فى منتديات بربر والدامر ودنقلا والامين الثقافى لمنتدى المحس ورئيس رابطة منتديات شباب بلا قيود وعضو اصيل بتجمع منتديات ابناء القولد والمشرف على منتديات سودانيين زهجانين بالخارج ومن المؤسسين لمنبر سودانيين قرفانين بالداخل وقد استهوته هذه الحالة منذ سنوات وبات اسير لها ........ركب (الطاهر)الحافله وهو يمنى نفسه ان لايكون الخصم فى انتظاره كعادته كل يوم وبجوار الشباك جلس واطلق لافكاره العنان كى يبحث عن حلم من احلام اليغظه دون جدوى يحاول المنتديات والمنابر تسيطر على تفكيره ودون ان يشعر قال (الله ياخ، نسيت) بعدها انتبه لوجوده داخل الحافله خصوصا ان الجميع بدا ينظر اليه فى استغراب لكنه اشاح بوجهه بعيد واخذ ينظر من شباك الحافله للهروب من نظرات الركاب فقد تذكر انه كان يجب عليه ان يرفع البوست بتاعو العملو انبارح فى المنبر خصوصا انه قد تركه فى نهاية الصفحه الاوله،احس بضيق شديد وانتابته فكرة جنونيه بالنزول لاقرب مقهى انترنت ورفع البوست ومن ثم مواصلة المشوار الى العمل لكنه سرعان ما استبعد الفكرة وهو ينظر الى الساعة ....نزل من الحافلة وهو يتمنى ويدعو الله ان يكون احد من الاعضاء ولد حلال كده يعمل مداخله معاهو حتى يظل البوست فى الواجهة مع قلة المداخلات فى بوستات صاحبنا (الطاهر) ...وصل الى المكتب ووجد الخصم فى انتظاره وكمية من الفواتير على مكتبه تنهد فى ضيق شديد وجلس على المكتب ونظر الى الجهاز الذى امامه وهو يتذكر ذلك الخطاب الذى وصل له قبل فترة بانه قد تم سحب الانترنت من كل القسم الذى يعمل فيه اخذ يعمل وهو يحرك الماوس فى ضجر ثم تذكر ان عليه ان يجهز موضوع جديد للمنبر وبدا كتابة الموضوع فى قصاصة صغيره لكنه لم يلبث ان راودته فكرة من شأنها ان تطفى شقفه خصوصا انه بدا يشعر بضيق فى التنفس وهبوط فى الدورة الدمويه وتلك القشعريره التى شملت جسده ولم يستطيع ان يقاوم هذه المره فذهب الى اقرب شخص من زملائه وهمس له فى حذر (لو فى زول سأل على قول ليهم مشى قريب) تسلل خارج الشركة وقطع مسافه ليست بالقريبه ومن بعيد لمح تلك الافته الكبيرة على ناصية الشارع مكتوب عليها (انترنت كافى) فانشرح صدره واقبل على المحل وكأنه يودان يحتضن كل الموجودين بالداخل خاطب صاحب المحل وهو يسترد انفاسه (عشرة دقايق بس) وجلس لمدة ساعه رفع بوستاتو وعمل مدخلاتو ومرور سريع كده وعاد الى المكتب وهو اكثر نشاط وحيويه مش كده وبس تم شغلتو وهو يطلق صفير اخرج من خلاله لحن مميز لاغنية حروف اسمك وهو يردد(واقيف وسط البلد واهتف بريدك ياصباح عمرى واه) وكل من حوله كانو يستغربون لهذا التحول الغريب الذى حدث له بعد هذا المشوار حتى ان احدهم همس لاقرب واحد ليهو وقال (انت الطاهر ده بيضرب حاجه ولاشنو) ابتسم الاخر وهو يحاول ان يستنشق رائحة المكتب بعمق اكثر وهو يهمس (لكن مافى ريحه و,,,,,,) وقبل ان يكمل همس له نفس الشخص (انا قصدى سيجارة) ورد عليه (السيجارة برضو عندها ريحه ) ولم يخطر ببالهم انه مدمن شى اخر مدمن من نوع جديد وخطير...........عاد (الطاهر) الى المنزل والنوم يداعب اجفانه بعد يوم مضنى فى العمل وسهرة انبارح صباحى وعقد العزم على ان يستلقى على اول سرير متخبل انه ما ان يفعل ذلك حتى يروح فى سبات عميق ويغرق فى سابع نومه من شدة التعب وما ان وصل الغرفه ولمح الجهاز قاعد مدنكل والانترنت موصل حتى ابتسم للحظات وهو يتذكر جهاز المكتب والحرمان الشديد الذى عاناه خلال تواجده فى العمل لكنه صمم على المضى قدما فى محاولة النوم لبضع ساعات على ان يعاود الجلوس بعد صلاة المغرب وبينما كان يستبدل ثيابه وقعت عيناه على تلك القصاصه من الورق التى كان قد بدا فيها موضوع شيق اثناء تواجده فى العمل فحملها وتطلع لها بمزيحا من الاعجاب ثم لم يلبث ان وجد نفسه دون ان يشعر يفتح الجهاز ويدخل الى المنبر ويفتح موضوع جديد وينهمك فى الكتابه بعدها خاض عدة طلعات فى الكثير من المنتديات على شوية دردشه ...المهم صاحبنا لم ينتبه الى الزمن الا عندما رن هاتفه الجوال ومن الطرف الاخر سمع صوت احدهم (انت وين؟) دون ان يشعر رد(فى البيت) (خلاص افتح لى الباب انا جنب بيتكم) كان صديقه (عالم) وكان هو يمسك الجوال بالشمال وباليمين الماوس ويحاول ان يرى ماحدث فى موضوعه الجديد وقد اندهش لكمية المداخلات التى وجدها وتهللت اساريره لكن صوت صديقه جعله يستفيق وهو يخاطبه (سريع انا منتظرك) احس صاحبنا بالغيظ والندم كان لابد ان يقول له انه خارج المنزل حتى لايقطع عليه الجلوس وذهب اليه على مضض وهو يردد (دى مصيبة شنو الوقعنا فيها دى؟ داير شنو ده كمان؟ ) واثناء نهوضه رد على واحد من المتداخلين حاجه سريعه كده الى حين عودته وما ان فتح باب الغرفه حتى اصابه الزهول فقد كان الظلام قد هبط وعندما نظر الساعه وجدها التاسعه مساء وكعادته قال (ده شنو العملتو انا ده) قطع المسافه الى باب منزلهم وهو متجهم الوجه و يردد بينه وبين نفسه (لو قعد معاى ساعه اجى راجع اقعد لى خمسه دقايق بس وانوم، لوكمان مشى طوالى وريحنى اجى بس نص ساعه كده عشان انوم بدرى) وعندمااستقبل صديقه اكتشف ان معه اربعه من اصدقائه فا ستقبلوه بحرارة شديد ولهفة زايده وهم يسألونه (وين مدسى؟؟ وليك زمن !! قلنا الزول ده عرس،، ولاشنو؟ ومالك انقسمت النص كده وبقيت ضعيف وهفتان؟؟) اما هو فاستقبلهم ببرود شديد وقد احس بانهم لن يتركوه قبل منتصف الليل يعنى ما حايلحق ناس المنبر عشان يرد عليهم حار حار وجلس معهم وهو صامت يبتسم من حين الى اخر حتى كلماته المحدوده معهم كانت عبارة عن قوموا امشوا عديل كده فهو لم يدخر وسعا منذ جلوسهم فى الامساك براسه وهو يردد كلمة (صداع شديد والله) وعندما سأله احدهم عن سر ذلك الاحمرار والارهاق الذى يبدو على عينيه؟ ...كأنه قد وجد الخلاص وقال بصوت عالى (والله انبارح مساهر لحدى الساعه اربعه صباحا وهسه جيت داخل من الشغل والله انا هسه ماقادر افتح عيونى) ( نقوم نمش ولا شنو يعنى؟ ) قالها احد اصدقائه وهو يبتسم ورد هو ببرود (لا لا ياخ البيت بيتكم وانا مشتاق ليكم) وفجاه سأله احدهم انبارح شايفك فى البورد موضوعك كان مسخن... وبس صاحبنا انفتح وبدأ يحكى لهم عن منتدياته ومنابره وماذا كتب؟ وفلان داك رد على بغتاته لكن انا اكلتها ليهو فى حنانو ..بتقروا لى فلان داك كتاباتو عاجبانى ..لكن صاحبكم بتاع بوست السجم والرماد قاصى لى ومتغايظ منى واصلو مابخش معاى مداخله فى البوست بتاعى .. والبنيه البتكتب عن مواضيع الحب ديك االصورة دى ماحقتا شكلها لئيمة خلاص وفاكها فى نفسها... واللسه ماتم ليهو شهربن فى البورد عامل لينا فيها البورد حقو عديل...والوهم البيفتح البوستات ويرد عليها براهو ده كمان مجنون ولا شنو ماتعرف؟...المهم صاحبنا اتجدع فيهم لمن هم زاتو بقوا فى التفكهم وكل مايكونوا ماشين يمسك فيهم ولم يبخل عليهم بالبارد والشاى وفى اثناء الونسه وكل مامر موقف يستحق الضحك كان اصدقائه يضحكون بعمق ام هو فيكتفى برفع يديه الى اعلى مع ترديد عبارة( وش ميت من الضحك) مماجعلهم فى حالة زهول من تصرفاته وعندما خرجوا كانت الساعه قد تجاوزت منتصف الليل ليس هذا فحسب فقد خرجوا وهم مجمعين على ان صديقهم (الطاهر) خلاص زغلل ومخو اتلحس ومافى فايده وصاحبنا عاد ادراجه ليكرر نفس سيناريو الليله السابقه..............................وبعد مرور خمسة اشهر ادخل (الطاهر) مصحة للعلاج بعد ان تعاظمت وتفاقمت حالته وقد صمم اهله واصدقائه على علاجه وقد شددت ادارة المصحة الرقابه على صاحبنا ومنعت عنه الخروج حتى للاماكن القريبه حتى لاتتأثر فترة العلاج خصوصا ان مقاهى انترنت على مسافه قريبه، وخلال خمسه ايام ظل حبيس داخل تلك الغرفه وفى بعض الاحيان تنتابه حاله هياج شديد وهو يصرخ (ساعه واحده بس يا اخوانا ...عندى حاجات مهمة ،شوف لى محل انترنت قريب) وعندما لايجد استجابه يصرخ من جديد (طيب مداخله واحده ...بس اقرا البوستات الجديده )(وش مفرقع من الزعل) وبعد اسبوع اخر وفى يوم المرور المسائى للطبيب المختص دخل على صاحبنا فى غرفته واجرى له بعض الفحوصات على كم سؤال كده وكان مستغرب لاستجابته السريعه للعلاج فى فترة وجيزه وذلك الهدوء الذى انتابه مابين عشية وضحاها وقد لاحظ وجود كمية من كروت الشحن بجانبه لم يكترس لها كثيرا بعدها قال (جميل جدا يا الطاهر انت بقيت عال العال وبعد كده ممكن تطلع خصوصا انت الوحيد الماحاولت تتحجج وتطلع بره المصحة زى اخوانك القبضو عليهم منتشرين فى محلات النت اثناء فترة العلاج)..لكنه صمم ان يظل فترة اطول حتى يتخلص من المرض نهائيا فوافق الطبيب وهو فى غاية الدهشة وبعد خروجه استلقى صاحبنا على الفراش وهو يبتسم ابتسامه تنم عن خبث كبير بعد ان توصل قبل ايام للحل الامثل الذى غاب عنه واخرج جهاز الموبايل من جيبه وبدأ يتصفح منتدياته ويقوم بكتابة المداخلات وهو يشعر باستمتاع كبير بعد ان اكتشف انه طالما ظل فى هذا المكان سيرتاح من العمل المافيهو انترنت ومن دوشة الاصدقاء وزيارة الاهل والزمن الضايع فى الركوب والنزول من المواصلات ويستغل كل هذاالزمن المهدر فى هوايته الجنونية..... وياحليل الطاهر
                  

10-16-2009, 03:39 PM

مدثر قرجاج
<aمدثر قرجاج
تاريخ التسجيل: 07-21-2009
مجموع المشاركات: 1614

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: يوميات بوردابى مدمن وخطير ويحتاج لعنايتكم (Re: مدثر قرجاج)

    امراض البورد!!!
                  

10-16-2009, 10:29 PM

مدثر قرجاج
<aمدثر قرجاج
تاريخ التسجيل: 07-21-2009
مجموع المشاركات: 1614

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: يوميات بوردابى مدمن وخطير ويحتاج لعنايتكم (Re: مدثر قرجاج)

    #
                  

10-17-2009, 06:01 AM

مدثر قرجاج
<aمدثر قرجاج
تاريخ التسجيل: 07-21-2009
مجموع المشاركات: 1614

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: يوميات بوردابى مدمن وخطير ويحتاج لعنايتكم (Re: مدثر قرجاج)

    ..
                  

10-17-2009, 06:14 AM

سارة علي
<aسارة علي
تاريخ التسجيل: 07-08-2008
مجموع المشاركات: 4413

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: يوميات بوردابى مدمن وخطير ويحتاج لعنايتكم (Re: مدثر قرجاج)

    هههههههههههههههههههههه
    قصتك ذكرتني بي زول تنطبق عليه المواصفات..
                  

10-18-2009, 08:57 PM

مدثر قرجاج
<aمدثر قرجاج
تاريخ التسجيل: 07-21-2009
مجموع المشاركات: 1614

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: يوميات بوردابى مدمن وخطير ويحتاج لعنايتكم (Re: سارة علي)

    Quote: هههههههههههههههههههههه
    قصتك ذكرتني بي زول تنطبق عليه المواصفات....

    ياسارة
    ماتورينا ليه شكلو من المنبر هنا
    او ممكن تكونى انت.هههههههههههه
    مودتى
                  

10-19-2009, 07:02 AM

مدثر قرجاج
<aمدثر قرجاج
تاريخ التسجيل: 07-21-2009
مجموع المشاركات: 1614

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: يوميات بوردابى مدمن وخطير ويحتاج لعنايتكم (Re: مدثر قرجاج)

    .
                  

10-24-2009, 07:05 PM

مدثر قرجاج
<aمدثر قرجاج
تاريخ التسجيل: 07-21-2009
مجموع المشاركات: 1614

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: يوميات بوردابى مدمن وخطير ويحتاج لعنايتكم (Re: مدثر قرجاج)

    #
                  

10-24-2009, 07:40 PM

أيمن الطيب
<aأيمن الطيب
تاريخ التسجيل: 09-19-2003
مجموع المشاركات: 5845

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: يوميات بوردابى مدمن وخطير ويحتاج لعنايتكم (Re: مدثر قرجاج)

    سلام يا قرجاج يا عجيب,,,
    Quote: وياحليل الطاهر
    دكتور بتاع بوردات إنت شكلك,,
    وصفت الحالة بدقة متناهية,,

    وما أكثرهم ناس الطاهر فى بورد سوداينزقرفانين دوت كلو كوم,,فيما يبدو أن البورد بقى ليهم
    حياة يعيشونها,,


    فعلا القصة إدمان,,

    تحياتى..
                  

10-25-2009, 05:57 AM

مدثر قرجاج
<aمدثر قرجاج
تاريخ التسجيل: 07-21-2009
مجموع المشاركات: 1614

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: يوميات بوردابى مدمن وخطير ويحتاج لعنايتكم (Re: أيمن الطيب)

    Quote: دكتور بتاع بوردات إنت شكلك,,
    وصفت الحالة بدقة متناهية,,

    وما أكثرهم ناس الطاهر فى بورد سوداينزقرفانين دوت كلو كوم,,فيما يبدو أن البورد بقى ليهم
    حياة يعيشونها,,


    فعلا القصة إدمان,,


    حبيبنا ايمن كيفنك
    شكرا على كلامك الحلو...
    جنس ادمان والله اخطر من الهيروين زاتو
    اها انت كيف؟ لو حسيت باى اعراض اتصل
    على عشان نلحقك سريع ....
    محبتى الاكيده

    (عدل بواسطة مدثر قرجاج on 10-25-2009, 05:59 AM)

                  

10-25-2009, 06:17 AM

أيمن الطيب
<aأيمن الطيب
تاريخ التسجيل: 09-19-2003
مجموع المشاركات: 5845

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: يوميات بوردابى مدمن وخطير ويحتاج لعنايتكم (Re: مدثر قرجاج)

    سلام يا قرجاج,,
    Quote: حبيبنا ايمن كيفنك
    شكرا على كلامك الحلو...
    جنس ادمان والله اخطر من الهيروين زاتو
    اها انت كيف؟ لو حسيت باى اعراض اتصل
    على عشان نلحقك سريع ....
    محبتى الاكيده
    أخوك كان فاكر نفسو مدمن سابق,,
    مازال يعانى آثار الإنسحاب!!!!
    لكن بعد ناس الطاهر وناس الطاهرة تانى مافى إدمان,,

    القصة ومافيها حبة شلاليت بنجى نفكها هنا ونتجارخ ,,,

    يا مدثر القصة دى واقع معاش بكثرة هنا,,,
    وفى ناس كتيرة حا تقراها وتقيس درجات إدمانها,,

    مودتى,,
                  

10-25-2009, 04:14 PM

مدثر قرجاج
<aمدثر قرجاج
تاريخ التسجيل: 07-21-2009
مجموع المشاركات: 1614

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: يوميات بوردابى مدمن وخطير ويحتاج لعنايتكم (Re: أيمن الطيب)

    عايزين عيادة داخل المنبر وتأمين
    صحى ضد امراض البورد
                  

10-26-2009, 08:44 AM

مدثر قرجاج
<aمدثر قرجاج
تاريخ التسجيل: 07-21-2009
مجموع المشاركات: 1614

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: يوميات بوردابى مدمن وخطير ويحتاج لعنايتكم (Re: مدثر قرجاج)

    up
                  

10-26-2009, 09:51 AM

SHIBKA
<aSHIBKA
تاريخ التسجيل: 01-14-2009
مجموع المشاركات: 5759

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: يوميات بوردابى مدمن وخطير ويحتاج لعنايتكم (Re: مدثر قرجاج)

    عموما الانترنت ادمان

    لكن الطاهر ادمانه زايد


    ونسة مع اصحابه ما فايق ليها
    دا حالتو صعبة بالجد
                  

10-26-2009, 03:45 PM

احمد محمد بشير
<aاحمد محمد بشير
تاريخ التسجيل: 06-17-2008
مجموع المشاركات: 14987

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: يوميات بوردابى مدمن وخطير ويحتاج لعنايتكم (Re: SHIBKA)

    لاحول الله.. دا شغال وين دا..!!
    معقوله لسع ما طردو من الشغل..

    ضحت شديد لمن ودوهو مستشفي الادمان
    وقال داير عشره دقايق عشان يرفع البوستات


    شكرا ليك يا بركة....





    ______________
    انصحك.. عشان جهدك دا ما يضيع تقوم
    تقسم القصة الطويلة دي لي عشرين جزء
    وترفقها في المنبر في شكل بوستات
    مجزئه...
    يعني عشان العيون ما تزغلل و كده..
    وكمان عشان الناس تقراء بي مزاج..
                  

10-26-2009, 09:58 PM

مدثر قرجاج
<aمدثر قرجاج
تاريخ التسجيل: 07-21-2009
مجموع المشاركات: 1614

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: يوميات بوردابى مدمن وخطير ويحتاج لعنايتكم (Re: احمد محمد بشير)

    Quote: أخوك كان فاكر نفسو مدمن سابق,,
    مازال يعانى آثار الإنسحاب!!!!
    لكن بعد ناس الطاهر وناس الطاهرة تانى مافى إدمان,,

    القصة ومافيها حبة شلاليت بنجى نفكها هنا ونتجارخ ,,,

    يا مدثر القصة دى واقع معاش بكثرة هنا,,,
    وفى ناس كتيرة حا تقراها وتقيس درجات إدمانها,,

    مودتى,,

    احسن شى ياايمن انها شلاليت تفكها وتبقى مارق الحكايه مابتستاهل
    ناس الطاهر ديل الدنيا من حولهم فضت ولافضوها براهم ماتعرف عشان
    كده ادمنو وانا متأكد فى ناس فى البورد عندهم حالة الطاهر دى
    لكن لسه ماوصلو المصحه وعشان كده قولنا يفرملوا شويه
    شكر على مرورك الانيق
    محبتى
                  

10-27-2009, 06:00 AM

مدثر قرجاج
<aمدثر قرجاج
تاريخ التسجيل: 07-21-2009
مجموع المشاركات: 1614

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: يوميات بوردابى مدمن وخطير ويحتاج لعنايتكم (Re: مدثر قرجاج)

    Quote: عموما الانترنت ادمان

    لكن الطاهر ادمانه زايد


    ونسة مع اصحابه ما فايق ليها
    دا حالتو صعبة بالجد

    حبابك بت حيينا الجميل عساك طيبه
    الطاهر ده وصل المراحل النهائية والحكايه بزيد كل يوم
    يعنى الادمان ممكن يتطور انا والله بعرف ناس مادخلو
    مصحة زى الطاهر لكن بقعدوا اكتر من 15 ساعه غايتو
    ربنا يستره معاهمم......
    مودتى
                  

10-27-2009, 06:34 AM

SHIBKA
<aSHIBKA
تاريخ التسجيل: 01-14-2009
مجموع المشاركات: 5759

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: يوميات بوردابى مدمن وخطير ويحتاج لعنايتكم (Re: مدثر قرجاج)

    مدثر

    15 ساعة في النت دي بقت عادي
    واحدة قالت لي بصحي من النوم بفتح الكمبيوتر بدخل الفيس بوك ما بتقفل الا تاني يوم الساعة 4 صباحا


    يعني الفيس بوك دا في الشغل وفي البيت وممكن تخلي ليهو الاكل

    تفتكر انو الموضوع بستاهل التعب والسهر دا كلو !!!!
                  

10-29-2009, 07:38 AM

مدثر قرجاج
<aمدثر قرجاج
تاريخ التسجيل: 07-21-2009
مجموع المشاركات: 1614

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: يوميات بوردابى مدمن وخطير ويحتاج لعنايتكم (Re: SHIBKA)

    Quote: لاحول الله.. دا شغال وين دا..!!
    معقوله لسع ما طردو من الشغل..

    ضحت شديد لمن ودوهو مستشفي الادمان
    وقال داير عشره دقايق عشان يرفع البوستات


    شكرا ليك يا بركة....





    ______________
    انصحك.. عشان جهدك دا ما يضيع تقوم
    تقسم القصة الطويلة دي لي عشرين جزء
    وترفقها في المنبر في شكل بوستات
    مجزئه...
    يعني عشان العيون ما تزغلل و كده..
    وكمان عشان الناس تقراء بي مزاج..

    محمد عساك طيب
    والله كلامك صاح كان مفروض اقسم القصه لكن تقول شنو
    دقسته ولمن جيت انا عشان اقراها عيونى زغللو لكن
    انشاالله الواحد يستفيد فى المرات الجايه...
    شكرا على مرورك ومحبتى الاكيده
                  

10-29-2009, 08:19 AM

BitAlhana
<aBitAlhana
تاريخ التسجيل: 02-14-2002
مجموع المشاركات: 1083

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: يوميات بوردابى مدمن وخطير ويحتاج لعنايتكم (Re: مدثر قرجاج)

    الطاهر بالغ لكن

    حلوه جد
                  

10-29-2009, 01:40 PM

مدثر قرجاج
<aمدثر قرجاج
تاريخ التسجيل: 07-21-2009
مجموع المشاركات: 1614

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: يوميات بوردابى مدمن وخطير ويحتاج لعنايتكم (Re: BitAlhana)

    Quote:
    مدثر

    15 ساعة في النت دي بقت عادي
    واحدة قالت لي بصحي من النوم بفتح الكمبيوتر بدخل الفيس بوك ما بتقفل الا تاني يوم الساعة 4 صباحا


    يعني الفيس بوك دا في الشغل وفي البيت وممكن تخلي ليهو الاكل

    تفتكر انو الموضوع بستاهل التعب والسهر دا كلو !!!!


    لا حوله الله لحدى تانى يوم والله كان كده الطاهر ده شرارتو طايره بس
    والله مابستاهل ده هلاك راسو عديل والموضوع مابستاهل الدنيا مليان
    حاجات تانى اهم كتير...
    مودتى
                  

10-29-2009, 03:40 PM

مدثر قرجاج
<aمدثر قرجاج
تاريخ التسجيل: 07-21-2009
مجموع المشاركات: 1614

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: يوميات بوردابى مدمن وخطير ويحتاج لعنايتكم (Re: مدثر قرجاج)

    Quote: الطاهر بالغ لكن

    حلوه جد

    بالغ ساكت الطاهر جن عديل كده
    شكرا على المرور وربنا يكفيك
    شر مرض الطاهر
    مودتى
                  

10-30-2009, 10:07 AM

مدثر قرجاج
<aمدثر قرجاج
تاريخ التسجيل: 07-21-2009
مجموع المشاركات: 1614

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: يوميات بوردابى مدمن وخطير ويحتاج لعنايتكم (Re: مدثر قرجاج)

    #
                  

11-01-2009, 12:39 PM

مدثر قرجاج
<aمدثر قرجاج
تاريخ التسجيل: 07-21-2009
مجموع المشاركات: 1614

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: يوميات بوردابى مدمن وخطير ويحتاج لعنايتكم (Re: مدثر قرجاج)

    ..............
                  


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات



فيس بوك تويتر انستقرام يوتيوب بنتيريست
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de