|
|
 ناس الدوحـة! مطلوب الشفافيـة فى الإنتخابات القادمة - الكلام دا للطرفين.. ما نقول بدت من هسى
|
من ايام قليلة إحتفل الدوحاب بالأستاذ الفنان، عادل التجانى، وبينما أنا أجلس فى أحد المقاعـد، إذ تمر ورقـة توقيعات للتسجيل
للإنتخابات.. وبالعفوية السودانية قمت موقع.. ثم سألت الموضوع شنو! فقيل هـذا تسجيل للإنتخابات الجاية.
وهـذا ما دار بينى وبين الأخ صاحب المبادرة:
- هل إنتو لجنة أو جماعـة أم فرد؟
- انا معاى جماعة
- أوكى نوقع (وكتبت أسمى والعنوان والتلفون الخ) ثم سـألته مرة أخرى:
- ولكن التسجيل فى السفارة يوم 1-11
- نعم ولكن نحن كسبـا للوقت نعمل السجيلات الأن
- وهل هـذا يعفينى من الحضور للسفارى للتسجيل يوم 1-11؟
- لا!! لازم برضو تحضر عشـان هم بكونوا دايرين يشوفوا البطاقة ويتأكدوا من الشخصيـة
- طيب ليه أنا أسجل الأن لما اساسا لازم اسجل هناك..
- ياخى ناس (الجهـة التانية) زاتهم بدو يسجلوا فى الناس ونحن لازم نتحرك برضو
- ياخى لا أهتم بالمؤتمر أو المعارضة.. لماذا على أن أسجل مرتين؟
- .....
- وبعدين طيب.. القائمـة دى حتمشى وين؟
- حنرسلها للجنة الإنتخابات فى الســودان.
- لكن ياخى المغتربين لازم يسجلوا هنا فى السفارة، ثم أفرض الملف ضاع فى البوستـة أو الدى أتش أل..
- إنت ممكن تعتذر لو ما عايز تسجل الأن
- جداً، ومسكت الإستيكـة ومحوت معلوماتى المكتوبة بقلم الرصاص .. وشكرته على نيته الطيبة والإختلاف لا
يفسد للود قضيـة.
هـذا ما حدث!
نفس أساليب الأحزاب.. بعدين المغتربين ديل، خصوصا الجايين المناسبة دى، كلهم وكلهن مثقفون ومثقفات شرفاء
فلماذا لا تطرح الأحزاب برامجها الإنتخابية والى أين سيذهبون بالسـودان ويقنعوننا لماذا يجب أن نصوت لهم
كما تفعل الشعوب والأحزاب فى البلاد المتحضرة، بدل هـذا الأسلوب الهلالمريخى الذى عفى عليه الزمن؟
ثم لا يهمنى أن كان هذا مؤتمر أو معارضة.. ما يهمنى هو البرنامج الإنتخابى.. لو المعارضة بكرة تتحالف مع
الوطنى أو الشعبى، كما هم اليوم يخمسـون معهم كراسى البرلمان، فلا فرق عندى بينهم.
|
|
 
|
|
|
|
Abureesh
فيس بوك
تويتر
انستقرام
يوتيوب
بنتيريست