|
|
 الغربه في نهج الدوبيت
|
ذكــــرتُ الدارَ والأحبابَ فيها***وجرحاً يفقدُ العقلَ الصـــــوابا
بــــــلادي بلبلٌ أضحى حزينا ***وبيتي بات في أرضي خــرابا
الغربه ان تمر اوقات من حياة لانسان من غير حلم ينتظره او امل يترقبه
|
|
 
|
|
|
|
|
|
|
|
Re: الغربه في نهج الدوبيت (Re: الرشيد ابراهيم احمد)
|
يَمُرّ العمرُ والأيامُ تجــــــــري=وجـــــرحُ القلبِ يلتهبُ التهابا
وآهاتٌ لنا في الصـــــدرِ تغلي=وسيفُ الدهرِ يـــــزدادُ اقترابا
ديـــــــــار الله جُبْناها طـــويلاً=وأمضينا الشــبابَ بها اغترابا
فـــــــما لـَــذّتْ لنا حينا طعاماً=ولا ســــــاغت لنا يوماً شرابا
بلادي أَنْتِ نَبْعٌ في ضـــلوعي=إذا ما أضـــــحتْ الدنيا سرابا
| |
|
|
|
|
|
|
|
|
|
Re: الغربه في نهج الدوبيت (Re: الرشيد ابراهيم احمد)
|
ليس من اغراض هذا البوست تسليط الضوء فقط علي اشعار الدوبيت في شان الغربه
بل لكل اصناف اشعر حوبه
محمد بشير عتيق من اميز شعراء السودان له كتابات عديده في هذا الشان
هل يصح تهجر بلادك وغيرنا منك يستفيد
ياخى حرام عليك للنظر بالله عيد
وبى رجوعك كون سعيد
نحنا شفقنا عليك والبلد مشتاقه ليك
عود للسودان وسائل تحظى بشتى الوسائل
| |
|
|
|
|
|
|
|
|
|
Re: الغربه في نهج الدوبيت (Re: الرشيد ابراهيم احمد)
|
ود الرضي عليه رحمة الله له باع في الصنف من الابداع
ما أقول امتى... المزار.........وأتذكر سجع... الهزار
إلا تجرى دموعي الغزار........منها اغرق وابلل عذارى
زارني ناسم شاقني المزار....هو الدعانى اخلع اذارى
لو يزورني الطيف يبقى كيف
| |
|
|
|
|
|
|
|
|
|
Re: الغربه في نهج الدوبيت (Re: الرشيد ابراهيم احمد)
|
مافي زول رده في شلن القصيده
لحدي ما تجي الفزعه
بنقول كلام قريب من مقصد البوست
والحديث يتواصل حتي ندخل في لب الموضوع
لليلة الخريف بـدَّر نـزل في رفـاعة
وانا عيني خـلاس مـن العليّ دمَّـاعة
طريتك يا الجـدي الفي مشيك مـيَّاعة
والـروح لهلبت زادت عليّ أوجـاعا
بَهَمِك يا ام ضمير يشبع تكفي رضاعة
وسنك زي بـروق شايلا وتـبق لمَّاعة
وإن جـاكي النسيم زي العـدار لوّاعة
بهدلتي القلـوب في الفتنة ليـكي براعة
منّيت الفـؤاد القـاها كان نص ساعة
بس همّي الكـبيرساعة الرجوع ووداعا
اهداء لكل من تنسم عليل رفاعه والبطانه الطيبه
| |
|
|
|
|
|
|
|
|
|
Re: الغربه في نهج الدوبيت (Re: الرشيد ابراهيم احمد)
|
قالوا الغربه مي دار كربه دار الخير
هداوة بال جمال السمحة والخدير
نفسي كبيره تشهم للصنوف الغير
لقيمة كسره عند عمتنا بت اب دير
إنقطع السراب الماهو طلة خير
رهاب الغربه خادع والنوازل سير
وضّح للمأمّل في السعادة أخير
حنان كتكت وعشم إبليس ولبن الطير
متين الرجعة لبلدي العزيزه تهون
وكيف الهجعة بين إيدين دهب شيبون
هامل دمعي بلل مقلتاي وجفون
غذاي أحزان وشارب بالمآسي شجون
يات من كان تغرب منبلي وممحون
صعاب الغربه لا هانت ولا بتهون
السبب المعذّب ليلى والمجنون
خطاوي الشوق توصل والبدن مسجون
| |
|
|
|
|
|
|
|
|
|
Re: الغربه في نهج الدوبيت (Re: الرشيد ابراهيم احمد)
|
وين البيكى بتصبَّح تسُرى عيونى
ومتين يا ظروفى بتحنى وعلىَّ تهونى
بدور الجيَّه من دونك مضلِّم كونى
أياماً قلايل ربك بقول لها كونى
***
عيشتاً فى قلق زنقه وسموم وسخانه
وناساً بنسو للعشره وقلوب وسخانه
حليل البِسنِد المايله ويسد الخانه
وحليل البحفظ الود والعهود ما خانه
***
غربه وفرقه تب يا أميرنا ما بتندار
تزرع فى العنب تلقى الحصدتو عدار
ظروفاً قاسيه يا أمير والزمن غدار
عزانا نغنى ننظم بالعذاب مسدار
| |
|
|
|
|
|
|
| |
الرشيد ابراهيم احمد
احمد محمد بشير
فيس بوك
تويتر
انستقرام
يوتيوب
بنتيريست