|
|
 أرجو المساعدة ، بأن تبحثوا معي عن شقّة للإيجار بالرّياض .
|
واللهِ يا جماعة فتّشتَ لمّن تعِبْت وما لقيت لَيْ شقّة أتَّاوا فيها مع شُفّعي .
مواصفات الشّقة الدَّايرا بسيطة جدًّا :
- غرفتين وحمّامين وصالة .
- قريبة من رياض أطفال ومدارس .
- بحدود عشرة ألف ريال بالسّنة مع المكتب ( معليش دا البقدر عليهو ) .
- الأحياء القريبة من شغلي ( شغّال في مخرج 17 ) :
الخالديّة ، العزيزيّة ، الدَّار البيضاء ، النّسيم .
وحين العثور عليها ، هاكن دا تلفوني :
0507825418
وجزاكم الله خيرًا .
أخوكم / محمَّد زين .
__________________-
واللهِ لَيْ قريب الشهرين بفتِّشْ .
|
|
 
|
|
|
|
|
|
|
|
Re: أرجو المساعدة ، بأن تبحثوا معي عن شقّة للإيجار بالرّياض . (Re: محمَّد زين الشفيع أحمد)
|
| Quote: الخالديّة ، العزيزيّة ، الدَّار البيضاء ، النّسيم |
طبعا بعشرة ما بتلقى فى الاحياء دى
لانها جديدة وبيوتها واسعة,,,,نحن ساكنين ب12 بس ما بتنفع لاسر كبيرة
بس يلقو ليك رياض اطفال وين,,,ممكن الواحد يدفع الفرق عشان يكسب جيرتك
عموما ربك يهون,,,,بنرمى عيناوتلفونك بطرفنا
| |
|
|
|
|
|
|
|
|
|
Re: أرجو المساعدة ، بأن تبحثوا معي عن شقّة للإيجار بالرّياض . (Re: عزام حسن فرح)
|
| Quote: طبعا بعشرة ما بتلقى فى الاحياء دى ، لانها جديدة وبيوتها واسعة. |
صدَقْت واللهِ ، حالتي اتقطَّعتا فيها يا أبقوتة ، هههه .
| Quote: ,,,,نحن ساكنين ب12 بس ما بتنفع لاسر كبيرة |
أُسرتي ما كبيرة ، هم فقط : فَدْ شافعتين وشافع بس ، في أيِّ زاوية بقُعْدوا رايقين بدون زَوْبعة.
| Quote: بس يلقو ليك رياض اطفال وين,,, |
غايتو ، ربّك يهوِّن .
| Quote: ممكن الواحد يدفع الفرق عشان يكسب جيرتك |
أصيل يا أبقوتة ، وكأنّك قد فعلت ما بدأ منك من قول.
| Quote: عموما ربك يهون,,,,بنرمى عيناوتلفونك بطرفنا |
كتّر خيرك يا أبقوتة وما بتقصّر ، وإن بقيتن لقيت ، أدَّني تلفون.
وعارفك ما بتقصِّر .
___________________________________
* الحبيب أبقوتة ياخي توّهتني بي صورة معتصم دي ياخي ، وكنت فاكرك معتصم عشان كِدَة ردّيت على اعتبار إنّك معتصم ، شكرًا لي حبيبنا وأُستاذنا / اسماعيل محمّد عبّاس ، النّوّهني على الرَّبكة دي ، وصدقو القالو : " الشّوف بالقلب ما بالعين " .والتَّحيّة عبركما لحبيبنا / معتصم دفع الله .
(عدل بواسطة محمَّد زين الشفيع أحمد on 10-10-2009, 12:13 PM)
(عدل بواسطة محمَّد زين الشفيع أحمد on 10-12-2009, 11:44 AM)
| |
|
|
|
|
|
|
|
|
|
Re: أرجو المساعدة ، بأن تبحثوا معي عن شقّة للإيجار بالرّياض . (Re: محمَّد زين الشفيع أحمد)
|
محمد الذين السلام عليك .
ما عايز احبطك ولكن ... سوف تفرج من حيث لا تحتسب -
قبل رمضان يا خي انا ((امنته)) صاحب العمارة قالو فضو البيت - ولاحولة ولا قوة الا بالله العلي العظيم
لفيت الرياض من شمالها لجنوبها ومن شرقها الي غربها - لم اجد شقه بنفس مواصفاتك امكن اقلة كمان - ونفس الملبغ - تعبته جد والله - ما في نهائي - .... والحمد لله لقيت الشقه بمواصافة تمام واقلة من العشرة زاته والحمدلله -
لازم تعمل دعاية قويه يا محمد لكل اهلك ومعارفك ومعارف معارفك وصدقاءك واصدقاء اصدقاءك بانك دابر شقه - وعن طريق الدعايه بتلقي الفي مرادك وكمان حا تختار وتنقي - وانسي الجري وراء مكاتب العقار والكلام الفاضي -
توقع تلفون ..
| |
|
|
|
|
|
|
|
|
|
Re: أرجو المساعدة ، بأن تبحثوا معي عن شقّة للإيجار بالرّياض . (Re: عبدالله كع)
|
Quote: محمد زين ...
الزول الزين ... كيفك ... علك طَيِب ... |
أهلا بالحبيب / عزّام ، كيف حالك ، وعلّك بخير ، والعيد أُمبارك عليك.
Quote: مِن حول في الرِياض كِبيدي إتْفَتَفَتْ ...
تسمع قِليبي يِِدُق يِقولك فَتْ ... فَتْ ...
يِمْه مِن نوحي نور عِيوني إتْخَتْفَتْ ... |
تسلم واللهِ يا عزّام من كلّ شر وبلاء . وعادبعد الشّعر دا أكّان ما لقيت لَيْ شقّة في الرياض ياني النَّاطي عليكُن في الدّوحة ، وإن شاء الله أداوم من هناك ، هههههه .
| Quote: نُناشِد جمعِيات المحس/السَكود/دُنقُلا بِمُساعدة الأخ محمد زين . |
كمان يا عزّام ما تقول عندي حبّوبتًا لي محسيّة اسمها ( بتّ الشيخ إدريس ) ، يعني أنا منّكُن وفيكُن .
وما بتقصّروا واللهِ ، التّحيّة لي أهلي المحس قاطبة .
| |
|
|
|
|
|
|
|
|
|
Re: أرجو المساعدة ، بأن تبحثوا معي عن شقّة للإيجار بالرّياض . (Re: azhary awad elkareem)
|
الاخ محمد طلبك فيه شوية عدم معرفه بى عقارات الرياض نادر جدا تلقى غرفتين
مع 2 حمام كلامى لى الحمامين لان كل الشغل الان تجارى على العموم انا ساكن الدار البيضاء
وشغال فى مخرج 17 يعنى انت جارى فى العمل وحا اجتهد اكلم ليك المكاتب الجنبى فى الدار
البيضا والعزيزيه لكن قصةحمامين مع غرفتين دى صعبه انا شغلى فى مجال المعدات الثقيله
لكن بعرف حاجات الرياض رسلى تلفونك شكرا
| |
|
|
|
|
|
|
|
|
|
Re: أرجو المساعدة ، بأن تبحثوا معي عن شقّة للإيجار بالرّياض . (Re: محمَّد زين الشفيع أحمد)
|
Quote: الحبيب محمد زين
دي الرياض حالتها طيب لو في جده كان سكنت مكة وداومت في جده
ياجماعة الروضة والنسيم والملز ولا حتي النظيم دي مشكلة شنو دي ومالو الإيجار أرتفع كده !
‘‘‘‘أقول ليك أطلب نقل جده،،،،
،،،،أبوقصي،،،، |
أبا قصي كيف حالك ، علّك والأسرة شُداد .
يا راجل الرّوضة والملز أنا ما بقرِّب عليهِن خالص خالص ، ياخي ديل إيجاراتُن نار الله الموقدة ، ياخي ديل لو حصّلت ليك فيهُن مُلحق سااي يمكن يقولو ليك بي 16 ألف .
| Quote: في العدم أسكن وادِ لبن أهو بقي في كبري معلق |
وإتّ قايل أنا هسّة المارقني شنو ، ما أنا زاتي ساكن في حدّ الواطة ( بعد الشِّفاء ) ، وفي البُعُد زَيُّوا وزَيْ وادي لبن البتقصدوا دا ، وعليك أمان الله الشغل أحصِّلو في نُص ساعة والحالة دي الشّارع فااااضي من سيّارات ودوامي ببتدي السّاعة خمسة صباحًا ، وشارع الشّفاء ( ديراب ) فيهو تعديلات ليها تلات سنوات ما انتهت ، وزحمتو وحات الله تطفِّش الما بطفش ، لكين المشكلة الأساسيّة عندي هي إنُّو الحي السّاكن فيهو دا ما فيهو رياض أطفال .
غايتو أكّان أعيتني الحيلة ياني الجايي ليكُن في جدّة ، هو أنا لاقيكم وين ؟ ، ما تقول زمااان شالوني معاهم ناس ( البيك ) في المنطقة الغربيّة عندكم وقالو عايزِنِّي أشتغل معاهم في قسم ( ضبط الجودة ) ، لكين أخوك رفض ، عشان ما كانت عندي فكرة أوّليّة عن ( البيك ) ! ، ولي اللّيلة بَنْدُب في حَظِّي !! .
تحيّتي لك وللأسرة ، ومَنْ بجانبِك .
| |
|
|
|
|
|
|
|
|
|
Re: أرجو المساعدة ، بأن تبحثوا معي عن شقّة للإيجار بالرّياض . (Re: محمَّد زين الشفيع أحمد)
|
***
Quote: الاخ محمد طلبك فيه شوية عدم معرفه بى عقارات الرياض نادر جدا تلقى غرفتين
مع 2 حمام كلامى لى الحمامين لان كل الشغل الان تجارى على العموم انا ساكن الدار البيضاء
وشغال فى مخرج 17 يعنى انت جارى فى العمل وحا اجتهد اكلم ليك المكاتب الجنبى فى الدار
البيضا والعزيزيه لكن قصةحمامين مع غرفتين دى صعبه انا شغلى فى مجال المعدات الثقيله
لكن بعرف حاجات الرياض رسلى تلفونك شكرا . |
الحبيب خالد المحرب .
أنا كنت ساكن في الدّار البيضا لي زمن ولفّيتا مكتب مكتب ، لكين يا خالد الإيجارات الرخيصة موجودة ولكنّها بتحتاج علاقات ، أمّا ناس المكاتب فزَيْ ما معروف فهم دايمًا برفعو السّعر ، أها يا خالد أنا إيجاراتي الفاتت دي كلّها وعلى مدار سبع سنوات ما حصل أجّرت من مكتب عقّار، أنا قاعد أأجّر من صاحب العقّار مباشرةً ، يعني بكون مِرَكِّب شُفَّعي معايْ في العربيّة وحايم داخل الحارات ولمّن نشوف لينا شقّة ما فيها مكيِّفات ( فتحة المكيف فاضية ) ، بنقوم طوّالي ندُق باب أو جرس ناس العمارة ، والبجيني مارق منّهُن بستفسر منّو ، إذا كانت الشّقّة للإيجار أم لا ؟ . أها دي الطّريقة القديمة الكنت قاعد أأجِّر بيها وطبعًا اكتشفت فيها حاجات كتيرة إنّو كتير من أصحاب العقّار ما بِدُّو ناس مكاتب العقّار شِقَقُنْ ، واكتشفت أيضًا إنُّو ناس العقّار بحاولو يزوِّدو سعر الإيجار عشان صاحب العقّار ينبسِط مِنَّهُن ويزوِّد ليهُن حِصّتُن ، كمان اكتشفتَ حاجة سامية جدًّا وهي إنُّو بعض أصحاب العقّارات على خُلُق عالي جدًّا وما شغّالين بي حكاية زيادة الإيجارات ، وأهمّ حاجة عندهُن إنّو الشخص الْبِجِي يأجِّر مِنَّهُن دا يكون شخص في حالو وما بِتاع مشاكل وحاجات من هذا الْقبيل ، أها أخوك مِعَوِّل على الأخيرة دي شديد ( ههههههه ) ، وغايتو كانت طريقة جميلة والواحد بلاقي فيها صاحب الشّقّة مباشرة دون مكتب ، أمّا مكتب العقّار فكنت أمشي مع صاحب الشّقّة لأيِّ مكتب قريب عشان نكتب عندو عقد الإيجار وندِّيهو ( مائة ريال أو خمسين ريال ) .
شفتَ كيف يا خالد ، وعمومًا في الدّار البيضاء عندي أبناء عمومتي من شندي أكّان بتعرفُنْ ، ناس شيخ ( نَصّار صالح الخضر ) لو بتعرفو ، وهو معروفٌ ومشهورٌ عندهم كونه يُحفِّظُ النّاسَ القرآنَ الكريم بالقراءات العشر في أحد مساجد الدّار البيضاء ، وكنتُ - أيّام سكني هُناك - أجلس في حلقاتِهِ لأقرأ وأتلوَ على يديه القرآن في حلقاتِهِ المسائيّة، وأخبرت معظمهم بأن يبحثوا معي في الشأنِ ذاته ، والآن ربِحْتُ أحدًا مثلك ، وخذ عندك ، فذا تلفوني : 0507825418.
لك التّحيّة يا خالد .
| |
|
|
|
|
|
|
|
|
|
Re: أرجو المساعدة ، بأن تبحثوا معي عن شقّة للإيجار بالرّياض . (Re: محمَّد زين الشفيع أحمد)
|
Quote: ***
يا شاب
شنو ما كنا متفقين
السكن: جدة
والعمل: الرياض
تحياتي للأولاد
وربنا ييسر الأمور
وتظبط
ما مشيت علي الجماعة
ما أديناك درب
مالك فكيتو |
**
أهلا بيك أيّها القريب الحبيب / بلّه ، عساك والأُسرة بخير ، كيف الشّباب ( العزّابة ) إن شاء الله ما يكونو عاملين جوطة .
تحيّاتي عبرك إلى العزيز / البرير ، وأخبرْهُ أنَّ أضعافَ الودِّ منِّي له ، وأيضًا ذكِّره - كما يقولُ أهلونا قديمًا - بأنّ : ( الْعَقَبَكْ لاقاك ) .
أمّا ما يخُصُّ مَتْن حديثِك أسفلًا ، فوَ اللهِ يا بلّه خِفْتُ أن أشغِلَهم بهمومي ، والنّاس كما تعلم في ذا الزّمن ، كلٌّ منه يُثْقِلُهُ حملُ هَمِّه.
وبالجنبة كِدَة : أخوك واللهِ مِضَيِّع تلفون الأُستاذة والأُستاذ ، فياخي رسِّلو لَيْ في رسالة ينوبك ثواب ، وبالمرّة كِدة تلفون أنور برضو أدِّيني ليهو .
مودّتي الْكبيرة .
| |
|
|
|
|
|
|
|
|
|
Re: أرجو المساعدة ، بأن تبحثوا معي عن شقّة للإيجار بالرّياض . (Re: محمَّد زين الشفيع أحمد)
|
Quote: الحبيب محمد زين الشفيع .. سلام يا دفعة ..
نفتش ليك بالشرقية ينفع :)
مودات كمية |
ما خابتْ جيرةُ مَن جاورك يا حيدر يا صديقي ، كمان ما تقول عندنا معرضين في الدّمام تابعات للوطنيّة الشّغّال أنا فيها ، وكتير من المرّات بمشي هناك عشان أعمل معايرات لأجهزة التّبريد والقياس والمراجعات الدّاخليّة للمعارض ، أهو الواحد يتنقل عليكُم وبالمرّة يجلس بجانبكم.
ولك من الحبّ أضعاف ما تحمِله لي .
| |
|
|
|
|
|
|
|
|
|
Re: أرجو المساعدة ، بأن تبحثوا معي عن شقّة للإيجار بالرّياض . (Re: محمَّد زين الشفيع أحمد)
|
أخوي محمد زين
سلامات وربنا يهون عليك .. والحقيقة المسألة كلها توفيق وحظوظ وربنا يوفقك ..
أنا ساكن في أم الحمام وأظنها بعيدة عليك وكتيرة كمان ...
سؤال بسيط .. يا أخوي نصار صالح ده ياهو زميلنا الكان بيدرس معانا في معهد الكليات وبعدين ترك الدراسة بداعي أن الدراسة تدعو إلى الاختلاط وإن الاختلاط يدعو إلى الفجور وإن الفجور يدعو إلى النار؟؟؟
والله تخيل كلنا حسدناه لكن لم تواتينا الجرأة للسير في طريقه ... بالله لو سمحت رقم جواله . أو أديه رقمي 0558502979
ولك تحياتي ودعواتي لك بالتوفيق ...
| |
|
|
|
|
|
|
|
|
|
Re: أرجو المساعدة ، بأن تبحثوا معي عن شقّة للإيجار بالرّياض . (Re: محمَّد زين الشفيع أحمد)
|
Quote: رينا يوفقك يامحمد زين
أطيب التحايا والسلام . |
الأُخت الأديبة / سميّة الحسن طلحة .
كلّ عام وأنتِ في خيرٍ ونعمةٍ وصحّة .
ويسمع منّك ربّنا يا سميّة ، وحات الله يا سميّة في الأيّام الفاتتْ دي لفّيت لمّن فِتِرْتَ من الْكُواسَة ، حتّى نِعْلاتْ كِرعين عربيْتي حَفَّنْ من الْجري ، وغايتو ربِّك يهوِّن ، وقريبًا عند صديقي العزيز ( حُمِّيدة ) الْخبر الْيَقين.
تحيّتي .
| |
|
|
|
|
|
|
|
|
|
Re: أرجو المساعدة ، بأن تبحثوا معي عن شقّة للإيجار بالرّياض . (Re: محمَّد زين الشفيع أحمد)
|
Quote: Quote: ‘‘‘‘أقول ليك أطلب نقل جده،،،،
،،،،أبوقصي،،،،
والشقة جاهزة , ربنا يجمعكم في بيت الهناء والسرور
...............................................حجر. |
اللّهمّ آمين يا حجر ، شكرًا على الدّعوة الطّيبة ، وإنْ بقيتَن ما اتوفّقت في الرّياض ، ياني الْقاطعْ عليكُنْ ، وهاك يا قهوة نُصّ البلد ، وهاك يا وردي وهاك يا أُورفلي .
التّحيّة عبرك لي حبيبنا أورفلي ، باللهِ عليك سلّم ليْ عليهو .
| |
|
|
|
|
|
|
|
|
|
Re: أرجو المساعدة ، بأن تبحثوا معي عن شقّة للإيجار بالرّياض . (Re: محمَّد زين الشفيع أحمد)
|
Quote: طبعا بعشرة ما بتلقى فى الاحياء دى
لانها جديدة وبيوتها واسعة,,,,نحن ساكنين ب12 بس ما بتنفع لاسر كبيرة |
أب قوتة يا الحبيب... ما تشُوفلِي جنبكم إن بقيت ساكن (الخالدية) أماني تكون خدمتني خدمة... لأن شغلي في طريق الإمام علي بن أبي طالب (عليه السلام) قدام للنفق ناحية مخرج (17)... وساكن منفوحة (جبرة) شُفت إشارة البطحاء والفرزذق والخرج بتعمل فيي شنو؟؟؟ مع العلم أن الأُسرة مكونة من (عريس أنا أبو الحُسين وعروسة أُم الحُسين)...
أستاذ الشفيع... نسأل الله يسهل ليك وتجمع ويجمعنا نحن كمان...
وانا غايتُو كان لقيت في الخالدية بتنازل ليك عن شقتي دي رخييييييييصة وجديدة سراميك!!!
للجميع قواسيب مودتي...
أبو الحُسين...
| |
|
|
|
|
|
|
|
|
|
Re: أرجو المساعدة ، بأن تبحثوا معي عن شقّة للإيجار بالرّياض . (Re: طارق أحمد عثمان)
|
سعيد بالبجوارك ,,,,,,,,,,,
جعله الله منزل سعد وراحة بال
| |
|
|
|
|
|
|
|
|
|
Re: أرجو المساعدة ، بأن تبحثوا معي عن شقّة للإيجار بالرّياض . (Re: محمَّد زين الشفيع أحمد)
|
Quote: سعيد بالبجوارك ,,,,,,,,,,,
جعله الله منزل سعد وراحة بال |
وأنا يُسْعِدُني مرورك دائمًا يا عمّار ، ونسيم حرفِكَ كذلك أيُّها المحترم ، فكم من أُناسٍ لا تعرفهم ، لكنّ حروفَهم تأسرُك حُبًّا فيهم دونَ أنْ تراهم ، ما يجعلُكَ تتخيّل نقاءَهم ، وأنتَ أحدُ أُؤلئك النّفر يا صديقي .
احترامي لكَ أجلّ وأعظم من مفرداتي القصيرة الَّتي تراها الآن.
أخوك / محمّد زين .
______________________
| |
|
|
|
|
|
|
|
|
|
Re: أرجو المساعدة ، بأن تبحثوا معي عن شقّة للإيجار بالرّياض . (Re: محمَّد زين الشفيع أحمد)
|
| Quote: ود الزين حمد الله علي السلامة |
الْعزيز / سيِّد (لم أعلمِ الاسم الَّذي يليه ، فخشيتُ أن أكتُبَه خطئًا ، فالتزمتُ كتابةَ اسمِك الأوّل فقط ) .
كيف حالك وعساك بخير .
| Quote: وموفق يا شيخ إن شاء الله |
أشكرُ لك مرورَك يا رجل ، وليتني كما تَظُنُّ يا صديقي ، وتجدُني في إحْدَى كتاباتي واصفًا أحدَ أقاربي الصّالحين فيها ، قائلًا فيه :
رَحْبَ الذِّراعْ ،
بيْتُهُ مَوْطِأَ أكْنَافٍ وَقَـدَم ،
.... لكنَّ امْرَأتَهُ بخيلة !.
إذْ لا يَنامُ من اللَّيْلِ إلا أقَلّـه ، فيُزْعِجُني صَوْتُ مِسْبَحَتِهُ الطَّويلَةِ حينَ تتهادَى بيْنَ أصابِعِه ،
فَأُرَاهُ جميلًا حينَ يَعْبُدُ اللهَ ، وأُرَاني غريبًا حينَ أعْبُـدُ النَّـوْم .
أرَأيْتَ كيفَ أبْدو ، فأنا مُجَرَّدُ أخْطاءٍ تَمْشي يا أخي ، لكنَّ حُسْنَ ظَنِّكَ بي يجعلُني أتوقُ لما هو أفضل وأحسن .
تحيّتي لك أبدا .
أخوك / محمَّد زين .
| |
|
|
|
|
|
|
|
|
|
Re: أرجو المساعدة ، بأن تبحثوا معي عن شقّة للإيجار بالرّياض . (Re: محمَّد زين الشفيع أحمد)
|
محمد الزين ود الشفيع الرجل الزين
تحايا ضخمة
ألف حمد لله و شكر على أن أراح عقلك و بدنك من عناء البحث و أن أتم لكم الإستقرار .. فجعله الله دار خير و بركة ... آمين
سأحكي لك حكاية غريب تشبه قصة ( مسمار جحا )
سكنت في بيت كبير بإحدى أحيءؤ الرياض كان يسكنه قبلي زول من أزوالنا
و بما أن البيت كبير و به ( مستودع ) فقد رجاني أن أحتفظ له فيه ببعض الأغراض التي لن يجد لها مكانا في بيته الذي إنتقل إليه قسرا بسبب ظروف العمل
ثم ذات ليلة باردة بعد أسبوع .. بعد أن هجدتْ العيون و إستكانت الأجساد و تكلْفتْنا بالبطاطين و أشياء أخرى .. سمعنا قرع الباب و و رنة الجرس معا بإلحاح و إصرار متواصلين...
فقلت لا بد أن الأمر جلل
فهرعت للباب .. فإذا بالساكن القديم و زوجته ..
خير إن شاء الله
معليش .. بكرة عندنا عزومة و عاوزين الحلة الكبيرة و أسياخ الشية
ثم تكررت زيارتهما و في كل مرة يأخذان غرضا ..
و بما أن الأغراض كانت كثيرة .. فقد قمت بإخراج كل الأغراض لهما عند آخر زيارة لهما
فتمتم الرجل : دي شنو قلة الذوق دي ؟
( تخيل ... قلة الذوق بقتْ معكوسة )
أها أوعك تخلي الساكن ال قبلك يخلي حاجة وراه في الشقة الجديدة .. حتى لو حديد ستاير أو صندوق بيبسي فاضي
دمتم
| |
|
|
|
|
|
|
|
|
|
Re: أرجو المساعدة ، بأن تبحثوا معي عن شقّة للإيجار بالرّياض . (Re: عزام حسن فرح)
|
ـ مجدي عبد الرَّحيم ( كيف حالك يا صديقي ، وعساك والأهل بخير ) .
- أبا جُهيْنَة . ( واللهِ زولك دا عذَّبَك وأتعبك تعب شديد خلاس ، أها صوانيهُ دي ما كملتْ يا ربِّي ولَّ باقي ليهو فيها حاجة ؟ ، أها المرّة الجاية بقول ليك ، طالبك ملعقتين وفنجان أعمل حِسابك ، أشكرُك على المرور ) .
- عزَّام يا صديقي ، كيف أُمورك وعساك مبسوط ، ودونك إيميلي وأعتذِرُ من تأخيري في إجابتك ، يعلم الله أنَّني لم أطَّلِعْ عليهِ ثانيةً إلا صباحَ هذا الْيَوم ، ودُونكم بريديَ الإلكترونيّ :
[red][email protected]
- الْعزيز / سيِّد عبد الرَّحمن ، تحيَّاتي وشكري لمُرُورِكَ الطَّيِّب .
وأشكُرُ لكمُ جميعًا الْمجيءَ والْمُرُورَ والْمُؤازرة .
وُدِّي غيرَ مَنْقُوص .
| |
|
|
|
|
|
|
| |
محمَّد زين الشفيع أحمد
abuguta
عزام حسن فرح
عبدالله كع
عبدالله ود البوش
مجدي عبدالرحيم فضل
خالد المحرب
بله محمد الفاضل
HAIDER ALZAIN
عبد الباقي الجيلي
هاشم أحمد خلف الله
الرفاعي عبدالعاطي حجر
صالح عبده
أبو الحسين
عمار عبدالله عبدالرحمن
Sayed Bekab
ابو جهينة
فيس بوك
تويتر
انستقرام
يوتيوب
بنتيريست