|
|
|
 Re: البلابــــــــــل رجعوا البلد ، ( سهرة النيل الأزرق في العيد ) .. (Re: عمران حسن صالح)
|
.
الأغاني دي تحميله للنت ياخد قرابة الساعتين للأغنية الواحدة ..
رفعتها لعدم وجود القناة لمعظم الأخوة بأمريكا وكندا ( حسب ما أقرأ هنا ) ..
وكنت قد التزمت بها للزميلة مياده كمال ..
فإذا متوفرة بالـ يوتيوب أدوني خبر بلاش نملاهو أكتر . 
.....
تم التحميل للنت دون التدخل في تخفيض دقة الفيديو ..
يعني بي ضبانتو من التلفزيون للنت ..
فكلموني رجاء هل هو بطي ولا كويس ( حسب السرعة لديكـ ) ..
تمبس خلى شغلو للوليدات زينا ...
| |
 
|
|
|
|
|
|
|
 Re: البلابــــــــــل رجعوا البلد ، ( سهرة النيل الأزرق في العيد ) .. (Re: عمران حسن صالح)
|
| Quote: تمبس خلى شغلو للوليدات زينا ... |
والله يا عمران ما خلاهو .. لكن نفسيات بس .. وعدم وجود الجهاز زي ما عارف .. الجهاز الممكن يساعدك في تنفيذ الشعمل بشكل جيد ..
أمس كنت متغدي مع صديقنا الهلالابي (أنس) ..
قام اداني حلقة البلابل دي + حلقة وردي وأبواللمين .. على CDs
لاول مرة اقعد مسافة طويلة علشان اكمل لي مشاهدة لي عمل كامل ..
حلقة محمد الامين ووردي كانت مدهشة واعادتني لي زمن جميل ..
البلابل .. كنت عايز اشوفم بي عين سحرية غير عيني دي .. عشان احاول اغفر ليهم ما اعتقدت انهن ح يقعوا فوقو بعد طول مدة غياب عن الوقوف في المسرح وقدام عيون الحضور ..
اندهشت فعلا لي أداء البلابل ولي تجاوب الجمهور ... حدد الإنجذاب ..
كنت كلما استمع لي أغنية .. اقارن بي البلابل زمان .. والبلابل حسع دي .. ودي حاجة طبيعية .. جدا
لكن وجود البلابل بكامل تفاصيلن في الخارطة السودانية من جديد .. والوجدان السوداني .. بعد غربة وشوق وسنوات من البعاد .. دا في حد زاتو يدينا مساحة كبيرة جدا شان نبل شوقنـا .. وربنا يتوب علينا من (ترزية) الأورغن ومين ما عارف (لندن .. ومين ما عارف العسل) .. إلخ
| |
|
|
|
|
|
|
|
|
|
Re: البلابــــــــــل رجعوا البلد ، ( سهرة النيل الأزرق في العيد ) .. (Re: tmbis)
|
| Quote: كن وجود البلابل بكامل تفاصيلن في الخارطة السودانية من جديد .. والوجدان السوداني .. بعد غربة وشوق وسنوات من البعاد .. دا في حد زاتو يدينا مساحة كبيرة جدا شان نبل شوقنـا .. وربنا يتوب علينا من (ترزية) الأورغن ومين ما عارف (لندن .. ومين ما عارف العسل) .. إلخ |
لكن ما نحن ما بندي طريقة بالساهل للغزو السمعي ده !! دي ما حاجات تتفرض بالساهل عشان أوسخ أضاني المليانة بالدسم ، نحن ناس دسم يا علاء ، إضنينة دي متكلفة يا عاملاة المصريين
| |
|
|
|
|
|
|
|
|
|
Re: البلابــــــــــل رجعوا البلد ، ( سهرة النيل الأزرق في العيد ) .. (Re: عمران حسن صالح)
|
| Quote: ميادة ياخي شيلي أستاذ دي بره الله يرضى عليكـ .. |
تسلم والله على انك بتعتبرا لحالة واحدة بينا
لي عظيم الشرف يااااخ
Quote: طبعاً انت فاتتكـ لون المنقة في السهرة ، ( دقَستكـ ) المذيعة ( اللايوقة) ديكـ وخلتكـ تتخارجي من السهرة قبال تخلص ..
أها أنا حا ( أتلايق ليكـ ) وأنزلة آخر وحدة |
كدا عصرتوا علي شديد والله
داير تبقى انت والمذيعة علي
لكن برضو مقبولة منك
منتظرة واهو بنبري معاي
قعدة لللاخر
| Quote: المذيعة ( اللايوقة) ديكـ |
البقت في البسووا المذيعات ما حصلت قبل كدا
انا شخصيا اخذتها من الاخر
وبقيت بشاهد الحلقة على حسبا المذيعة
والان في الحافة الاخير
قرررررربت اخلى مشاهدة التلفزيون غير الاخبار
بس عشان اريح دماغي من المذيعات السودانية ولواقتهم
نفسي اعرف ديل بيشغلونهم مذيعات على ياتو اساس
اللهم الا عشان الشكل المبرتش احمر واخدر واصفر داك
(حاااسدة مووش)
أقول اخوي عمران
الاغاني دي بتتحفظ كيف !!!!!!!!
| |
|
|
|
|
|
|
|
|
|
Re: البلابــــــــــل رجعوا البلد ، ( سهرة النيل الأزرق في العيد ) .. (Re: عمران حسن صالح)
|
في لقاء في إحدي السهرات التلفزيونية مع الشاعر الغنائي
إسحاق الحلنقي و هو قادم للسودان من السعودية في إجازة
صيفية قال و هو يتحدث عن البلابل ،،،
جاني بشير عباس و قال لي ياخي في بنات غنايات إسمهم البلابل
بغنن مع بعض بشكل جماعي بطريقة جميلة و أصواتهم حلوة عايزك
ياخي تعمل ليهم أغنية؟؟؟ فقلت ليهو مافي مانع و لكن عايز
أشوفهم!!! و بعد ما جابهم و شفتهم لأول مرة و لقيتهم بنات
صغار بدرسن لسة في المرحلة الثانوية قلت بنات زي ديل ما ممكن
أعمل ليهم أغنية زي الأغنيات البعملها لناس وردي!!!
فقمت كتبت ليهم قصيدة تتناسب مع سنهم و هي ،،،
لون المنقه يا الشايل المنقه
ما عارف كيف نحنا بنشقي
نسالموا يرد بمحنه ذوق
والغيمه الفوقنا صفاها يروق
ونحس بالعمر الراح ملحوق
نتامل في ايدو المنقه
يا حنين الريده لو بكره يعود
الجنه بصل ليها الموعود
بقولوا الناس للصبر حدود
بس نحنا دون صبر بنشقي
وتعاين مابتقدر تعرف
احلي من الشايل وتحلف
مهما بالغنا وقلنا واحدين
بنكون ظالمين نحنا المنقا
يا الشايل المنقه ،،،، إلخ
و كانت دي الأغنية الأدت لشهرت البلابل ،،، غنوها و هم صغار ،،،
لكن تعال و شوف الإبداع و أسمعها منهم و هم كبار في ختام الحفلة
العملوها في السودان بعد عودتهم و أذيعت في قناة النيل الأزرق في
اليوم الأول لعيد الفطر المبارك الساعة 11 ليلا ،،،،،،، تابع الخيط
،،،
Re: البلابــــــــــل رجعوا البلد ، ( سهرة النيل الأزرق في العيد ) ..
| |
|
|
|
|
|
|
|
|
|
Re: البلابــــــــــل رجعوا البلد ، ( سهرة النيل الأزرق في العيد ) .. (Re: داليا حافظ)
|
| Quote: ما تفهميني غلط قصدي تذكرة الطيارة بتاعت الحفلة بدفعا انا دي |
تستاهلي يا حبوبة أدفعها ليكي انا دي زاااااتا
إنتي هينة .... ولا أنا لينه !!!!!!!!!!!!!
والله فاتتك حفلة العيد في مسرح القاعة
حضرناها انا وانعام حيمورة وعبير خيري
رووووووووعة
ومن كترة الزحمة ما لقيت تذكرة
عملت لي مقلب كدا وخشييييت
ههههههههه
بس تعالي البلد دي وشدي لي تلفون
وحات الله نذرا علي نحضر كلنا حفله
بس انتي تكوني وقتها في السودان
| |
|
|
|
|
|
|
| |
عمران حسن صالح
mayada kamal
tmbis
خالد حامد الجزولي
الهادي هباني
داليا حافظ
فيس بوك
تويتر
انستقرام
يوتيوب
بنتيريست