|
|
 ?WHY NOT !!!!! يا الهلال !! عود لينا يا ليل الفرح
|
الاعزاء
الكاتب الأيرلندي برناردشو كتب:
Some men see things as they are and say why ? I dream
things that never were and say 'Why not
ينظر بعض الناس للأشياء كما هي و يقولون لماذا؟
و أنا أنظر إلي المستحيل و أقول و لما لأ؟
نعم صدمه عنيفه
و هزيمه مدمره
لكن !!!!
لما لأ ؟؟؟؟؟
فلنترك التباكي
و نحاول التعويض
|
|
 
|
|
|
|
|
|
|
|
Re: ?WHY NOT !!!!! يا الهلال !! عود لينا يا ليل الفرح (Re: محمد حيدر)
|
الأحباء
لما لأ
و قد فعلها البعض فعلها إتحاد جده
و هو مهزوم 4-صفر في جده
و ذهب إلي اليابان و فاز 5-صفر
في نهائي كاس أسيا
و كاد أن يفعلها المريخ و هو مهزوم 5-صفر
في الكاميرون و عاد و فاز 4-صفر في أم درمان
نعم تهاون اللاعبون
و لم يحترموا مازيمبي
و قدموا أسواء مباراه لهم مؤخراً
و لكن لما لأ
| |
|
|
|
|
|
|
|
|
|
Re: ?WHY NOT !!!!! يا الهلال !! عود لينا يا ليل الفرح (Re: محمد حيدر)
|
أخي محمد حيدر
نعم حا نتقدم إنشاء الله الكريم حا نتقدم
يجب تعبئة اللاعبين حتى الموت
عليهم أن يناموا ولا يحلموا إلا بالنصر على مازمبي
مادام هم بشر ولاعبينا بشر
فنحن إذاً قادرون على اللعب والفوز في مازمبي
ياهلال السودان لا تنوم حتى تثأر لنا من مازمبي
يجب أن ترد الصاع صاعين ياهلال
العب ياهلال وتبختر في لوممباشي
العب وأجري والهث واضرب وسجل في المرمى
حتى يثخن المرمى من جراحه
أدبوهم في بلدهم كما أدبونا في بلدنا
ارفعوا الهمم والله معكم
أبوفتحية
| |
|
|
|
|
|
|
|
|
|
Re: ?WHY NOT !!!!! يا الهلال !! عود لينا يا ليل الفرح (Re: محمد حيدر)
|
الأحباء
رغم اللي كان...والجايي آتي وقد يكون..
ورغم ابتلاءات القدر..وهول المتاريس والظنون..
ورغم الهواجس والموانع..والحواسد والعيون...
ورغم العوارض والكجور ..وحقد العوازل والزول البخون..
ورغم المصيبة الجات عديل..نزلت دموع بلت جفون..
سنظل هلالاب وللأبد...نهوى الهلال حتى المنون...
نهواهو نعشق روعتو..نحس بألمو ووجعتو...
والمؤمن اصلو مصاب أكيد..أحبابو يمسحوا دمعتو...
والخونة اعداء النجاح...ديل اللي جرَّحو سمعتو..
قرنو الليالي مع الصباح...وانتظروا في النار وقعتو...
لكنهم وا حسرتهم...كيف يصلو روعة طلعتو.؟!
اتحدى كل الشامتين..لو فينا زول كسَّر علم...
واتحدى كل الحاقدين...كان سمعوا سبينا الحكم...
واتحدى حتى المرجفين...لو هلالي فد نهر شتم..
واتحدى لو واحد يقول...ما اجتهد لي دي وبصم..
يا شعب أزرق يا جميل..روعة جمالك حارقه ناس..
احذر ردود الانفعال...بالحكمة داوي الانتكاس..
انت الهلالي مدى الزمان..انت الشموخ انت الأساس..
انت المحبة الفي الضلوع..بتفيض وتسقينا الحماس..
انت الوطن داخل وطن...ومداك بعيد من دون مقاس...
| |
|
|
|
|
|
|
|
|
|
Re: ?WHY NOT !!!!! يا الهلال !! عود لينا يا ليل الفرح (Re: محمد حيدر)
|
[Blu]سلامات
وعوافي
العزيز محمد حيدر..
يا صديقي لا الهزائم لا الانكسارات سترغمنا على جفوة الهلال..
الهلال يا سيدي هو الهواء النقي الذي نتنفسه ..
ونحن في كنفه ما حيينا..
وعشقنا للهلال في زيادة اتى بالكأس او لم يأتي بها..
ومستحيل نعاكس "الفطرة" ..
فوق..
هلالنا
فوق..
لك مودتي..
| |
|
|
|
|
|
|
|
|
|
Re: ?WHY NOT !!!!! يا الهلال !! عود لينا يا ليل الفرح (Re: محمد حيدر)
|
الأعزاء
إنت الكبير ما تنكسر
غيرك صغير مهما كبر
نهواك في شتى الظروف
نهواك فائز ومنتصر
نهواك غائض ومنحسر
يا موجنا الأزرق معاك
نهواك لي آخر عمر
إيه يعني لو خطك ودر
إيه يعني لو تهت ومشيت
وما عرفت توصل تستمر
ما برضو حاتكون الهلال
وغيرك صغير مهما كبر
أفراحنا بيك حاتستمر
ما تنهزم جواك عزيمة وتنكسر
وانت القبيل علمتنا
إنو الفرح داير صبر
وإنو الحزن ما بستمر
إنت الكبير ما تنكسر
غيرك صغير مهما كبر
ما إنت حسادك كثر
حرق حشاهم لما إنت بتنتصر
ولما إنت بتنهزم تحرق حشاهم
بالصبر
وأعلم تمام إنو التمام
جمهورك أنت المنتشر
بعرف معاني الإنتماء
وهواه ليك جواه أصلاً ما فتر
وولاء وليك ما ساعة
أنت بتنتصر
وولاء وليك لو أنت مهزوم
أو منتصر
إنت الكبير ما تنكسر
غيرك صغير مهما كبر
إنت الهلال أنت الزعيم
وإنت القبيل عشقك حضر
وإنت الهلال سيد البلد
كل البلد بيك تفتخر
نهواك غصب نهواك قدر
نهواك في شتى الظروف
كان منهزم أو منتصر
إنت الكبير سيد البلد
وغيرك صغير مهما كبر
ما تنكسر
محمد عبد الرحمن بخيت
العيلفون
جريده حبيب البلد
الخميس 4 ذو القعدة 1430 الموافق 22-10-2009
| |
|
|
|
|
|
|
| |
محمد حيدر
abdalla osman
الصادق صديق سلمان
ودرملية
Mohamed Foto7li
فيس بوك
تويتر
انستقرام
يوتيوب
بنتيريست