|
|
 متلازمة الفشل السودانى ... سياسيا ... ثقافيا ... رياضيا
|
السودانى مشكلتو انه يعتقد انه الافضل على وجه الارض فى كل المجالات
و ذلك قد يكون جهل او غرور او عدم تجربة
السودانى فى الخليج يعتقد انه الاقضل
و لولا السودانى الخليج ما كان انبنى
السودانى يعتقد انه سيد افريقيا فى كل المجالات
ما افريقية الا كرور ساكت
السودانى يعتقد ان كاب الجداد اجمل من ابيدجان و نيروبى و ابوجا
لا يدرك ان هذه المدن تجاوزت مرحلة انقطاع الكهرباء
السودانى ممكن يتطاول حتى على الدول العظمى
امريكا و روسيا قد دنى عذابها
السودانى يعتقد انه هو حامى حمى الاسلام فى افريقية
لا يدرك ان الاسلام دخل الى افريقية قبل خراب سوبا
نترفع على جيراننا فى افريقية و نعتقد اننا اعلى مقاما
نجهل من حولنا حتى اقرب جيراننا اثيوبيا يوغندا افريقية الوسطى
لا نتواصل مع محيطنا لنتعرف عليهم لنستفيد من خبراتهم
اقول جازما ان اكثر من نصف اعضاء سودانيز اون لاين ما بعرفوا عاصمة افريقية الوسطى اسمها ايه
نخبتنا غارقة فى الشليلة.. المحلية .. التعصب .. الانتماء .. الاستقطاب .. العزل .. الانعزال .. الهوى
التشبث بالسلطة .. امتلاك الحقيقة .. تناقض الظاهر و الباطن .. بالنهار نسبح بالليل نضبح
منكفئين على ذواتنا ... حتى المشو كندا نقلوا معهم امبدة
نواصل
|
|
 
|
|
|
|
اسعد الريفى
فيس بوك
تويتر
انستقرام
يوتيوب
بنتيريست