|
|
|
 Re: خمسة * خمسة .. واحد # (Re: صبري طه)
|
يا صبري
امبارح ابيت ادخل
قلت الضغط بكون مرتفع هند ناس
ونسا بكون عندهم السكري
ده غير ناس المصران العصبي والنفسيات
اها سكت الليل كله حفاظا على الارواح
كمان هل يعقل اني اسكت الصباح
خالص الود
| |
 
|
|
|
|
|
|
|
|
Re: خمسة * خمسة .. واحد # (Re: وليد محمد المبارك)
|
وليد الشفت،،،،،
الهلال العظيم
هلال السودان
سيـد البلد
صانع الأفراح.....
يكفي أنه أفرحنا يوم ذبحكم بالثلاثية
وأفرحكم اليوم وأضحككم
حتى بانت (سنيناتكم)
والله فرح زي ده مابتفرحوهو لماالمريخ يفوز
| |
|
|
|
|
|
|
|
|
|
Re: خمسة * خمسة .. واحد # (Re: وليد محمد المبارك)
|
الغالي جدا وليد انا كنت متاكد انو زول ح يخفف الهزيمة التقيلة زيك ما في
قمت شنو الساعة خمسة فتحت الكمبيوتر وعندي امتحان الله يعلم وحالتنا صعبة برة البلد الله يعلم وهضربة شديدة الله يعلم
قلت شوف يا الفاتح علي وزن شوف يا قلوال النكتة الما صالحة للنشر ديك خت الرحمن في قلبك وافتح البوستات كان المريخابي وليد في خش
كان ما في اختي برستات باقي المريخاب لانو وليد دا انا متاكد حتي في اكبر تفاولاته ما بكون خاتي انو الهلال اتقلب جينا خاشين نصبح علي الخمساوية حباينا هنا
انا اتكلمت كتير لكن احسن الزول يفضفض ما يموت بالزعل براهوا
هي الكورة انتهت كم كم
هي اصلا انتهت ؟
لا حولا ولا قوة الا بالله الله في وربنا يصبرنا علي الدفن
| |
|
|
|
|
|
|
|
|
|
Re: خمسة * خمسة .. واحد # (Re: أسامة عبد الجليل)
|
بوست هظار شنو ؟؟؟ نحنا هسي جادين جدا يا حبوب - نعم اتفطسنا 5 وفي المقبره ..................!!
ولكن
الحمدلله ....
الربنا فكه ليكم مغستكم ........... !
وبرضو نحنا اسياد البلد ... و فرمناكم تلاته ...
................
احي انا - يا سحاق كرنقو !!
| |
|
|
|
|
|
|
|
|
|
Re: خمسة * خمسة .. واحد # (Re: عبدالله كع)
|
يا كع وكت قلت كده
نديك النصيحة
اول ما غيروا ليك الحكام في ظاهر جديده لنج من نوعها طقشوك خمسة
يعني الكورة لا فيها كونر ما كورنر
ولا بلنتي في الصلب
ولا فيها زول مطرود
غلبك تلعبها
هاهاهاهاهاهاهاهاهاهاهاهاهاهاها
| |
|
|
|
|
|
|
|
|
|
Re: خمسة * خمسة .. واحد # (Re: أسامة عبد الجليل)
|
وليد مبروك اللبسة الكنغولية الجديدة وانشاءالله تقطعها بعرق العافية على الاقل بالله البسها 5 سنين
وبهديك اغنية ابوالامين خمسة سنين عاشهم الحب باللحن الجديد للملحن الصاقعة على احمد الشهير بصلاح ابوخمسة
| |
|
|
|
|
|
|
|
|
|
Re: خمسة * خمسة .. واحد # (Re: شول اشوانق دينق)
|
المشكله ياوليد ما في الهزيمة
تعرف الهدف الخامس
لما تركت المباره وقفلت التلفاز
واحد اتصل وقال زيدوهم
وبلغني بالهدف الخامس
المشكلة الكبيره كابتن وليد
هلال مريخ بيحددوا مستواهم ببعض
ولم ينظروا كيف تقدم العالم في المجنونه
(اصبح هلال مريخ مهزله سودانية كرويه )
| |
|
|
|
|
|
|
|
|
|
Re: خمسة * خمسة .. واحد # (Re: وليد عبد اللطيف)
|
خمسة سنين معاك يا زينة الأيام
يا نوّارة الحلوين مرّت حِلوة زي أنسام
وزي أحلام صبيّة نديّة، زي ياسمين
وزي لهفة بعيد مشتاق
يلاقي أحبّته الغايبن
خمسة سنين
ودرب الريد معاك أخضر
خمسة سنين، بريدك كل يوم أكتر
أحاول مرّة بس أنساك
عشان يا غالية أتذّكر
أجي وألقاك، ديمة معاي
وألقى هواك ملك دنياي
وفي أعماقي إتحكّّر
| |
|
|
|
|
|
|
|
|
 Re: خمسة * خمسة .. واحد # (Re: Abdelgadir Galal Ahmed)
|
ياوليد مبروك ليكم الثأر
و الانتصار من مازمبى على الهلال
و للتوثيق فقط نحكى :
المريخ شارك فى نفس هذه البطوله
وفى نفس العام ولاول مره يصل
دور الثمانيه والاقدار وضعته
مع الهلال فى مجموعه واحده
بجانب زيسكو الزامبى و كانو
النيجرى وكانت المحصله كالآتى :
المباريات للهلال و المريخ مع
العلم الفريق الذى يكتب اولا
الكره فى ملعبه :
مريخ - هلال > صفر - صفر
مريخ - زيسكو > 2 - 3
مريخ - كانو > 1 - 1
زيسكو - مريخ > صفر - صفر
كانو - مريخ > 3 - 1
هلال - مريخ > 3 - 1
هلال - كانو > 2 - صفر
هلال - زيسكو > 1 - صفر
كانو - هلال > 2 - 1
زيسكو - هلال > 3 - صفر
والمحصله النهائيه :
الهلال 10 نقاط الى المربع الذهبى
و المريخ طيش المجموعتين بجداره
وتحلل نتائج المريخ فى هذه البطوله كالآتى :
A - الفريق الوحيد فى افريقيا منذ تكوين
الاتحاد الافريقى يفشل فى تحقيق اى انتصار
فى مرحلة المجموعات لدور الثمانيه وهو
المصنف على رأس مجموعته
B - اما الـ 5 التى يحكى هنا ابراهيم فهى ايضا
نكته جميله مختومه فى المريخ هنا :
1- ثلاثة هزائم
2- ثلاثة اقوان فى اى هزيمه
3- ثلاثة تعادلات
4- ثلاثة نقاط
5- ثلاثة كروت حمر لسوء الاخلاق
| |
|
|
|
|
|
|
|
|
|
Re: خمسة * خمسة .. واحد # (Re: طارق الكوتش)
|
يا كوتش
برضو عليك الله بالله شوف لينا معاك المحصلة دي
A- بتاعت انو الهلال
غيرو ليه نظام البطولة
وجابو ليه كل حكم فرده
من بلد والمحصلة
كانت طوالي خمسة اقولن
B- شوف لينا معاك في ارشيف البطولة
في فريق وصل دوري الاربعة واتغلب في بلده
خمسة غير الهلال
C-شوف لينا معاك هل في فريق سودان
في جميع المنافسات الافريقة اتغلب
الغلب ده في ميدانو
وفي انتظارك
| |
|
|
|
|
|
|
|
|
|
Re: خمسة * خمسة .. واحد # (Re: وليد محمد المبارك)
|
ولي
عيب الشماتة دي، سودانا اتحرم من التمثيل في كاس العالم للاندية وكانت فرصة للاحتكاك (مشتقة من حكة الغنم جنب الزريبة في الحيط، او من حكة القرد ايهما شئت).
مذيع الاذاعة الغبيان قال في لاعب من مازيمبي موقوف من الاتحاد الافريقي واشترك والكلام دا مازيمبي فائز وقتها ثلاثة، وسمع اضاني دي قبل نهاية المباراة والنتيجة 4/2 قال ونحن في الدقيقة الثانية من الزمن بدل الضائع والنتيجة 2/1 لمازيمبي.
عارف نفخة الهلالاب ديل ذكرتني نكتة الفار المسطول وكورة برشلونة دي ذكرتني قزازة سمن عبد القادر.
| |
|
|
|
|
|
|
|
|
|
Re: خمسة * خمسة .. واحد # (Re: وليد محمد المبارك)
|
تعرف يا وليد أنا مما الناس ديل جابو هدف التعادل بعد دقيقتين عرفت الجايينا وقمت طوالي مشيت قعدت في الكمبيوتر شفت شغلي ورجعت أحضر مباراة ريال مدريد واشبيلية وكل ما أمشي ألقى أولاد الكلب ديل جابو فينا قوون ... والله نقول شنو ... سوو لينا الشطة عديييييل كدة وأنا أكتر حاجة كان مزعلاني إني بخلي كورة ريال مدريد على أمل إنو ألقى هلالنا العظيم جاب ليه قوون لكن وحياتك أول مرة أعرف ناس الهلال ديل بتاعين خمسات!!
بجيك راجع في البوست بتاع الجدية
مبروك الفرحة يا شمات (شمات الأراضي)!!
أمير أوية
| |
|
|
|
|
|
|
|
|
|
Re: خمسة * خمسة .. واحد # (Re: وليد محمد المبارك)
|
تعرف يا وليد ،اطرف موقف مر بي في هذه المبارة
ابراهيم اخوي مريخابي متعصب اتصلت عليه بعد هدف التعادل التاني قلت ليه يا ابراهيم رايك شنو الناس ديل قطعوا نسبة كم في المية من المخارجة من البطولة دي؟ قال لي لشنو هي النتيجة كم؟ قلت ليه انت ما متابع المباراة؟ قال لي والله يا محمد ماعندي اعصاب ليها!!!!
| |
|
|
|
|
|
|
| |
وليد محمد المبارك
ياسر عبدالعزيز الطيب
الفاتح سليمان
رأفت ميلاد
معاوية المدير
أسامة عبد الجليل
عبدالله كع
محمد إبراهيم علي
شول اشوانق دينق
عمر عبد الله فضل المولى
حسين محي الدين
وليد عبد اللطيف
معتصم دفع الله
على محمد على بشير
Abdelgadir Galal Ahmed
داليا حافظ
محمد عمر الفكي
علي مزمل
ابراهيم محمد الحسن
haroon diyab
إسماعيل التاج
فيس بوك
تويتر
انستقرام
يوتيوب
بنتيريست