|
|
 عيب
|
تزدحم في رأسي عبارات اغالبها لحدتها و رأفة بهذا المكان و قراءه و اعضاءه.. دون اطالة اقول لـ ((الفنانين)) عاصم البنا و نادر خضر اخف ما يمكنني قوله وصفاً لما رايتهم عليه اليوم، عيب، عيب يا نادر فانت غير انك فنان، زول يمتلك وعي سياسي و اعتقد اني سمعتك مرة تقول انك اتحادي ديموقراطي _قد اكون مخطئ.. و عيب لانك زول خريج اكيد انك في علي قار عايشت صراع الحركة الطلابية، بما يعني رضاك انت و عاصم البنا (الظهر متلفح بالتوب) ما عن عدم وعي، المصيبة انكم تغنوا بين يدي البشير البطن الجابتك و الله ما بتندم و هو ينقز تسخينا لالقاء خطابه بعد شكركم مباشرة.. النعام ادم رحمه الله بوعيه الفطري لدور الفنان و مسؤوليته تجاه فنه و مجتمعه، سألوهوا ليه ما بتغني لنميري، قال هو نحنا عرفنا شنو في الغنا للحريم لمان نغني لراجل.. هو غني لرجال و لقيم و لاشياء يستحقون.. لكن الراجل الما بستحق ما غنا ليه و عبر عن ذلك بهذه المقولة التي انت اولي بادراكها و اتباعها منه.. فهو ببساطته لو انفعل مرة و غنا لنميري لما وقع عليه لوما كالذي اعتقد ان كل الشرفاء و ضحايا البشير يحملونه لكما الان.. خليتو شنو للحكامات؟ بطنا جابتك و الله ما بتندم!!.. لما تسقطوا في الوحل المعطون بدماء الابرياء ياريت تنظموا سجع حكامات تطربون به الطغاة حتي لا تلوثوا معكم ارث هذه الامة و تجيرون غناء قيل في اخيار و نظمه افاضل و اداه فنانون حقيقيون.. كان منظركما بشعاَ و زليل، امدحوا من اردتم بما تنظمونه و تلحنونه و تأدونه بانفسكم اذا كان حقا البشير و زمرته يحركون قريحتكم و ان الاوصاف التي تنتزعونها قسرا من وجدان الامة لتخلعونها عليه، عطاء من لا يملك لمن لا يستحق، تحسونه في انفسكم صدقاً او ان العطاء يعادل خسارتكم لمعجبين خزيلوا فيكم.. عيب
|
|
 
|
|
|
|
|
|
|
|
Re: عيب (Re: نصار)
|
بذا يؤكد محمود عبدالعزيز تميزه
و صلابة مواقفه بين الفنانين
شيب و شباب
و حسرتي في عاصم و نادر خضر
كبيرة
| |
|
|
|
|
|
|
|
|
|
Re: عيب (Re: نصار)
|
سلام الاخ نصار
هو نادر خضر دا فنان ...
عاصم البنا ممكن اااي غناي ..
بس نادر خضر .. همف همف
عموماً غناهم قدام البشير سبقهم فيه الكثيرين ... وبقت الشغلة اكل عيش اكتر من راي سياسي ..
بالجد ربنا خلق اذواق غريبة مرات ..
نادر خضر !!! .. نادر خضر !!! همف همف
| |
|
|
|
|
|
|
|
|
|
Re: عيب (Re: حافظ حسن ابراهيم)
|
حافظ الحبيب
ديل ح يكتلونا ناقصين عمر
تصور شباب زي ديل يفترض فيهم انهم واعين لقضايا شعبهم
و عارفين عدوهوا و صليحه، يقبلوا انهم ياخدوا من تراثب
الشعب دا يترزقوا بيهو في بلاط حاكم جاير عدوا صريح
لاهل التراث دا ذاتهم؟؟!! دا كم عيب و كم فضيحه و كم
تزوير و كم و كم و كم؟؟
بكرة النظام دا بتمضي فيهو سنة الله و حينها يودوا وشهم
وين؟؟
عاصم البنا سليل اسرة مبدعة اسهمت في خلق التراكم
الابداعي و في حفظه و ابدعت في اداءه
علي الخلفية دي بيتبين ليك شناعة فعل عاصم
و نادر خدر بعتبره واحد من اكثر الفنانين الشباب
ثقافة و فهم سياسي و دا الزعلني لما شاهدته في
محل قيقم و محمد بخيت
| |
|
|
|
|
|
|
|
|
|
Re: عيب (Re: HAIDER ALZAIN)
|
اها يا حيدر اخوي تبقي عليه همف همف
و شغل حكامات؟
قاليهو بطنا جابتك و الله ما بتندم
تصور تزوير ارادة وجدانا المبدع
وصلوا بيها لوين؟ همف همف دي كعبة شديد؟ لووول
| |
|
|
|
|
|
|
|
|
|
Re: عيب (Re: نصار)
|
امس شاهدة سهرة علي الشروق
مفروض تكون ممتعة جدا بتقدمها نسرين سوركتي البت السمحة البتشبه صديق الموج
لاول مرة اشوفها في الاول قايلها الموج من شدة الشبه
و ضيفها دكتور مرتضي الغالي
و مشاركة مباركة حسن بركات
بس طبزوها بعاصم البنا قيقم الانقاذ الجديد
بالجد غناه بقي ما بتبلع لي من يوم غناه للبشير
| |
|
|
|
|
|
|
| |
نصار
saif massad ali
HAIDER ALZAIN
حافظ حسن ابراهيم
فيس بوك
تويتر
انستقرام
يوتيوب
بنتيريست