|
|
 حروف من التراث السوداني و مُسميات ( التبروقة ) مثالاً
|
كثير من الكلمات التي نسمعها و معظمنا لا يدري عنها ..
من هواياتي البحث في هكذا شاكلة (كلمات) أو تراث بداء يندثر مع عولمة الحروف
النس بقت شغالة دمج العربية في الإنجليزية ناهيكـ عن كلمات تراثنا الجميلة ..
التبروقة كمثال للمصلاية ..
هي دعوة للجميع لتعريفنا و مدنا بما يملكون من كلمات و توثيقاً لها ..
_
الليلة لقيت لي كلمة غلبتني و محتاجة لترجمان ( السنكليبة ) ... همتكم معانا ..
|
|
 
|
|
|
|
|
|
|
 Re: حروف من التراث السوداني و مُسميات ( التبروقة ) مثالاً (Re: فيصل نوبي)
|
فيصل صباح الخير طبعا بتوقيتنا هسع
السنكليبة ... ما بعرفا ... الشرقرق هو الإناء اللى بغلوا فيه البن ومن ثم يكبوه فى جبنة الطين . طبعا قبله بتسبقوا مرحلة القلى فى القلاية ...
وأضيف ليك ... بتعرف العفرت ...( الليلة الصعيد أصبح مقبل جاى ... وكتر عفرتوا وكتل جنا القوقاى )
وبتعرف قرن الهسكة ... ( ونهد أم زين قرن هسكة عجولنا زمان ... وصدر أم زين بهر بالدلكة والدخان )
وبجيك تانى كان حييت ما مت ... ومع كل مفردة بيت من العامية السودانية
أها قصرت مع بوستيك دا ؟
أبقى عافية
ود ( جبرين)
| |
|
|
|
|
|
|
|
|
|
Re: حروف من التراث السوداني و مُسميات ( التبروقة ) مثالاً (Re: عمر صديق)
|
سلامات يا عمر
كلامـكـ ده بيفتح الباب للرطانة شاكلة ود الصايم و حمد للإندياح في البوست ..
أها في كل الأحوال مضطرين نستقبل مشاركاتهم بغض النظر عن مضمونها
شوف ياسر طيفور ده هسي لو بقي رطُاني كان واطاتنا أصبحت
ده الحالة مُصاحب الرطَانة ساي ..
_
ياريت تشرح لينا الكلمات الفوق ديل معاكـ عشان الجميع يستفيد ...
| |
|
|
|
|
|
|
|
|
|
Re: حروف من التراث السوداني و مُسميات ( التبروقة ) مثالاً (Re: عمر صديق)
|
| Quote: نخش ساكت و لا بجينا شلوت ؟ |
حمد لبد؟؟؟
خش يا خويا خش... مشتاقين يعلم الله...مع كامل أسفنا للحسم العسكري ذات ليل.
نوبي رسل لي زولك ياخي...الشغلة دي كويسة.
محي الدين الزول ده رطاني وما ظنيت عنده هواية بجمع كلمات تراث ولا غيرة الزول ده جاي يلقط جنس الكلمات الانت كتبتها دي
Quote: وأضيف ليك ... بتعرف العفرت ...( الليلة الصعيد أصبح مقبل جاى ... وكتر عفرتوا وكتل جنا القوقاى )
|
تحياتي ود جبرين
| |
|
|
|
|
|
|
|
|
|
Re: حروف من التراث السوداني و مُسميات ( التبروقة ) مثالاً (Re: عمر صديق)
|
Quote: الكوريق :النوريق: التقنت:الانقاية:الواسوق :البرمندي: القادوس :الكبروس
|
في النوبية
كوري = كوريق الة تستخدم في الزراعة والبناء بغرفوا بيها التراب
نوري = نوريق ...مجموعة من الحمير بربطوهم زي عشرين حمار بلفوا فوق المحصول الزراعي لهرسة ثم بدوه الهوا يبقي الحب مفصول من القش
تقمد = تقند الف: الفاصل بين الحوض والحوض التاني
الانقاية = مابعرف معناها لا بالنوبية لا بالعربية
واسو = واسوق : الي زراعية عندها حبلين تستخدم في تسوية الارض وعمل التقمد
برمندي =مابعرف معناها لا بالنوبية لا بالعربية
قادوس = قادوس : خشبة تمثل صلب المركب
كبروس = مابعرف معناها لا بالنوبية لا بالعربية
| |
|
|
|
|
|
|
|
|
|
Re: حروف من التراث السوداني و مُسميات ( التبروقة ) مثالاً (Re: GamarBoBa)
|
Quote: كوري = كوريق الة تستخدم في الزراعة والبناء بغرفوا بيها التراب
نوري = نوريق ...مجموعة من الحمير بربطوهم زي عشرين حمار بلفوا فوق المحصول الزراعي لهرسة ثم بدوه الهوا يبقي الحب مفصول من القش
تقمد = تقند الف: الفاصل بين الحوض والحوض التاني
الانقاية = مابعرف معناها لا بالنوبية لا بالعربية
واسو = واسوق : الي زراعية عندها حبلين تستخدم في تسوية الارض وعمل التقمد
برمندي =مابعرف معناها لا بالنوبية لا بالعربية
قادوس = قادوس : خشبة تمثل صلب المركب
كبروس = مابعرف معناها لا بالنوبية لا بالعربية |
الاخوة فيصل وقمر بوبا
تحياتي
ثال شاعرنا البلولة حاج الامين
الناس البتتقلب كذا التوريق
دايرة تجيب خدار لاموية لا موريق
جبل الرملة ما بصعب علي الكوريق
وحصالة التقي بتظهر مع النوريق
والموريق هو السماد البلدي
والتوريق هو العمود الذي يحرك الساقية ويطلق ايضا عاي عمود الحلاقة
والانقاية هي صف احواض الزراعة
البرمندي (وتد) من الحديد يغرس في الارض وتربط فيه البهائم الا ان الوتد يكون من الحطب
كبروس انا خشبي يستخدم لحفظ السوائل وحليب اللبن
| |
|
|
|
|
|
|
|
|
|
Re: حروف من التراث السوداني و مُسميات ( التبروقة ) مثالاً (Re: عمر صديق)
|
سلامات فيصل نوبي
تبروقه دى قصتا قصه...الوالد عليه رحمة الله كان بيحب يصلى فى "الفروه" ...بتعرف يعنى شنو فروة؟
و كان بيقول لى طواااالى .....امشى جيبى الفروة او التبروقه
المهم ....زوجى شابكنى ..انت يا بنت الخرطوم مبتعرفى اى حاجه عن السودان و السودانييين "خاصه لما اشكى من ناس سودانيزاونلاين"
فى يوم بتكلم عادى ..قلت ليه انا بفتش على تبروقتى ما لاقيها....اخينا طلع ما بيعرف تبروقه يعنى شنو!..ومن يومها ارتحت من طوله اللسان
__________________________________________________________________________________
لكن حاجتك القلتها فوق دى ما عرفتها
| |
|
|
|
|
|
|
|
|
 Re: حروف من التراث السوداني و مُسميات ( التبروقة ) مثالاً (Re: smart_ana2001)
|
سمارت يا أنا
مشتاقين يا صديقتنا الإسفيرية ..
اها بأحكي ليكـ قصتي مع التبروقة دي ..
يوم عمكـ منصور المفتاح كتن منداح مع القلب النابض في بوست عن الصوفية
قومو قولو التبروقة دي في نص الكلام .. أخوكـ نوبي من اليوم داكـ قاشر بيها ليوم الليلة
عامل فيها الولد متربي في الخلوة عديل كده 
_
خابرة المشلعيب و السعن يا سمارت ؟
| |
|
|
|
|
|
|
|
|
|
Re: حروف من التراث السوداني و مُسميات ( التبروقة ) مثالاً (Re: حيدر حسن ميرغني)
|
يا قريبي سلامات
يا قريبي كلنا دايرين نتثقف .. يدكـ معانا ياخ
بعدين ..
ياخ كتلتني بالضحكـ
Quote: اخرتا بقيت بتاع صور شعبية
حمودي العسل حايصلَح سراير. |
غايتو يا إنت عارف نكتة (القالب) يا إما حكوها ليكـ
_
في حال إنكـ ما عارفها و كتبت المداخلة دي ساي كده .. يبقي منكـ خوف
حمودي العسل أها حيدر دايركـ تختها في (القالب ) لووووووووووووووول
| |
|
|
|
|
|
|
|
|
|
Re: حروف من التراث السوداني و مُسميات ( التبروقة ) مثالاً (Re: فيصل نوبي)
|
بتعرفو البنشليتة ..؟
قبل كده شربتو من الجغجغون ؟
ولا فيكم زول نام في الطمبريب؟
فيكم زول زرع بي السادوب؟
في زول حضر رقيص عروس فيهو الشاولية ؟؟
لبنشليتة هي عكاز طويلة يحملها الاعمى في القرى لتحسس الطريق..
الجغجغون هو العسل مع اللبن وشوية سمن اضافة لي القليل من الحلبة يتم غليها مع بعض وشربها بعد المغرب عند اهلنا الكواهلة ...
الطمبريب هي قطعة مبطنة يتم حشوها بالقطن وخياطتها بالدبارة في الغالب يحملها المزارع للحق ويرتاح فيها من عناء العمل ومشقة الحصاد..
السادوب هي الة حادة تستخدم في قطع حبيبات القمح لمن لا يستخدمون الحصادات وستخدم بكثرة في غرب السودان ..
الشاولية هي قطعة من القطيف الأحمر تربط للعروس في ضراعها اليسار تحديداً كانت تستخدم ليتمكن العريس من المسك بها قبل ان تجيب فيهو قوون ويردد الحضور:
الغلبو منو يا ناااس الغلبو منووو .. ويييييييييييو
ده تراثي انا برااااااااااااااااااااااااي عيبوهو لي في كلمتين وما تعصرو شديد على القمح الفي الغرب ده
| |
|
|
|
|
|
|
|
|
|
Re: حروف من التراث السوداني و مُسميات ( التبروقة ) مثالاً (Re: برنابا تيموثاوس)
|
Quote: أب تفة
قلت لي أقرب إليكـ من حبل الوريد ؟ قلنا مسميات ما قلنا ليكـ بندرها ياخ ..
تعرف الحسنة الوحيدة العملتها في حياتكـ شنو ؟ لميتني في زول ما كان ممكن الاقيو لولا مجموعة أصدقائكـ في الفيس بوكـ
حاول تعرف الزول ده منو .. لو غلبكـ ما بكلمكـ .. |
شوف يا بوني، أنا جني وجِن زول بعد ما يشيل الحاجة، يجي يقول ليك أنا شلتها، بدل ما يطلبها منك أول، على كلٍ لو زول ضكر، حلالّك، لكن هايلايت أن أندرلاين "لكن" لو زولة، ترجعها في مكانها بدون كاني ماني، لأنه لا فضل ظهرٍِ في جيكس، حديث سايبري، رواه أبو تفه عن الحناّك إبن قرعة القحطاني..
___
ما عرفتو والله، قول ليّ أول إسم من حرفو 
يا حمد وحمودي،
ياخ أنا راجيكم نشمبِّل البوست وصاحبو، فبالله ما تخذلوني..
| |
|
|
|
|
|
|
|
|
|
Re: حروف من التراث السوداني و مُسميات ( التبروقة ) مثالاً (Re: فيصل نوبي)
|
صديقى الاسفيرى (اول مرة استعمل اسفيرى دى) نوبى*
مالك على ?ارسى على بر ليه??? ما كنا كويسين ?
_________________________________
*عارف انا الايام دى ما فاهمة اى حاجه فى البورد...زمان كنت بكون لابده و ناقشه الحاصل كلو...
عشان كده قررت اعمل لى اصحاب فى البورد...خاصة و انك -بالذات- ما عندك طريقة ترفض...لانى طالباك جميل زماااان (القصيده...متذكرا?)
| |
|
|
|
|
|
|
|
|
|
Re: حروف من التراث السوداني و مُسميات ( التبروقة ) مثالاً (Re: داليا الكباشى)
|
الاستاذ الفاضل فيصل
رمضان كريم
أعتقد ان ما تطرقت اليه يمكن ان يكون موضوع بحث ممتاز!!!
| Quote: التبروقة كمثال للمصلاية .. |
التبروقة و تعنى بالضرورة "المصلاية" و تكون مستديرة و تصنع من السعف
و فى الغالب ما تستخدمها النساء
أما المصلاية فتكون مستطيلة و لها رأس فى المقدمة ليبين الاتجاه
الامامى من الخلفى حيث يقف المصلى
و مؤخرا يطلق اسم المصلاية على "المصلاة " المصنعة من القماش و لكن
فى الغالب ما تسمى سجادة
سوف أعود
| |
|
|
|
|
|
|
| |
فيصل نوبي
محي الدين جبريل
Yassir Tayfour
حمد فتح الرحمن
عمر صديق
GamarBoBa
محمد عبد الماجد الصايم
فدوى الشريف
باسط المكي
smart_ana2001
حيدر حسن ميرغني
عمر الفاروق
حمزه بابكر الكوبي
عبدالعزيز الفاضلابى
داليا الكباشى
naeem ali
الطيب رحمه قريمان
صالح عبده
فيس بوك
تويتر
انستقرام
يوتيوب
بنتيريست