|
|
 الى متى يستمر مسلسل منافقة الجنوبيين ... شول منوت مثالا
|
شول منوت نجم الغد المخدوع
من لجنة التحكيم صوت أقل من عادي
لا يستحق كل هذا الاطراء من لجنة التحكيم
التي جلدت منهم أفضل منه (جلد غرائب الإبل)
السؤال :
لماذا النفاق يا لجنة التحكيم
هل لأنه جنوبي غنى بالعربي ؟
أم أنه لا يستحق التوجيه ؟
ونواصل
|
|
 
|
|
|
|
|
|
|
|
Re: الى متى يستمر مسلسل منافقة الجنوبيين ... شول منوت مثالا (Re: معتز القريش)
|
لسان حال من نافقوك يا منوت يقول
(الله بالله شوف دا جنوبي بغني سيرة)
وهذا قمة الاستخفاف بك ان كنت لا تعلم
زي لما تشوف أثيوبي بغني لمحمد وردي
بكون طلّع زيت الأغنية لكن برضو بصفقوا ليهو
مش عشان أطربهم ... عشان شئ غريب بس
وفيهو شعور بايخ بالأفضلية .
مع انك لو غنيت تراث أهلك كان ح تعجبهم
وح تعجب أهلك أكتر
عنكبة :
كان ما أخاف الكضب دا الاستلاب ذاتو بتاع بشاشا
| |
|
|
|
|
|
|
|
|
 Re: الى متى يستمر مسلسل منافقة الجنوبيين ... شول منوت مثالا (Re: معتز القريش)
|
الاخ معتز
لك التحية والتقدير
اللجنة القاعدة فى البرنامج عندهم معايير ومقاييس محددة، زى الزول العنده ميزان وبوزن فى أى شى
د. محمد سيف الدين زول أكاديمى متخصص، ود. الدرديرى كمان، أستاذنا محمد سليمان وإن كان لا يخلو من شوية إمبرشنيزم، لكين ما عندنا أى شك فى ذائقته الفنية والتقييمية، ولو على أساس الخبرة والممارسة
أى واحد من ديل مافى شى بجبره يجامل أو ينافق على حساب مصداقيته وأمانته ومكانته الختوهو فيها
وده كله عمل فنى وإبداعى، ما شى سياسى
اود ان اضيف ان الدكتور محمد سيف قد بادر بسؤآل مباشرالى شول منوت عن مكان الولادة والنشئة(انته مولود هنا؟) فكانت اجابة شول انو من مواليدهنا...(يعني العاصمة المثلثة) وليس اب يي... وفوق ذلك فقد وجه الدكتور سيف شول منوت بأن يبحث عن الاغاني الخاصة بتراث المنطقة وبلهجتها المحلية فقد يجسد فيها موهبته ويظهر بها في المستقبل ببصمة فنان واعدلأهل منطقته.. ما يعني انه ليس هناك أي نوع من المحاباة اوالاتجاه الى التفكير في البعد السياسي للموضوع..
شول منوت دخل الى المسابقة مع عدد كبير من الموهوبين واجتاز عدة اختبارات فنيةحتى وصل الى شاشة التلفزيون و وجد نفسه امام لجنة التحكيم وما زالت المنافسات جارية ولم يحدد بعد من هو الفائز الاول او الثاني او الثالث...
وليتنا دائما نحسن الظن... ونبدل كلمة المنافقة بالمحاببة
وياهو دا السودان على قول استاذنامحمد سليمان
والتحية للاستاذ بابكر صديق
وتحية اخوة وتواصل أخى معتز
أخوك صالح كردي
| |
|
|
|
|
|
|
|
|
|
Re: الى متى يستمر مسلسل منافقة الجنوبيين ... شول منوت مثالا (Re: Salih Kurdi)
|
الأخ الكريم صالح كردي
تحياتي واحتراميQuote: اللجنة القاعدة فى البرنامج عندهم معايير ومقاييس محددة، زى الزول العنده ميزان وبوزن فى أى شى
د. محمد سيف الدين زول أكاديمى متخصص، ود. الدرديرى كمان، أستاذنا محمد سليمان وإن كان لا يخلو من شوية إمبرشنيزم، لكين ما عندنا أى شك فى ذائقته الفنية والتقييمية، ولو على أساس الخبرة والممارسة
|
دا كلام زي الورد وما عندي أي اعتراض
المذكورين أعلاه أساتذة أجلاء لا شك
ومتمكنين من شغلهم .
Quote: أى واحد من ديل مافى شى بجبره يجامل أو ينافق على حساب مصداقيته وأمانته ومكانته الختوهو فيها
|
عشان كدا أنا مستغرب المجاملة والنفاق في تقييم شول منوت بالذات
ولم أجد مبرر غير ما ذكرته في صدارة البوست (لأنه جنوبي غني بالعربي)
| Quote: وده كله عمل فنى وإبداعى، ما شى سياسى |
اذا كان كذلك فكان الأوجب توجيه منوت منذ المرحلة الأولى
بأن ما يؤديه من أغانية شمالية لا تتناسب مع صوته
| Quote: اود ان اضيف ان الدكتور محمد سيف قد بادر بسؤآل مباشرالى شول منوت عن مكان الولادة والنشئة(انته مولود هنا؟) فكانت اجابة شول انو من مواليدهنا...(يعني العاصمة المثلثة) وليس اب يي... وفوق ذلك فقد وجه الدكتور سيف شول منوت بأن يبحث عن الاغاني الخاصة بتراث المنطقة وبلهجتها المحلية فقد يجسد فيها موهبته ويظهر بها في المستقبل ببصمة فنان واعدلأهل منطقته.. ما يعني انه ليس هناك أي نوع من المحاباة اوالاتجاه الى التفكير في البعد السياسي للموضوع.. |
وهنا شول لم يعترض ويقول أنه لا يعرف لغة الدينكا
وأغاني الدينكا وثقافة الدينكا
بل سكت وقبل بالتوجيه
وهذا ما أقول به في فكرة هذا البوست
كان الأولى لشول منوت أن يغني تراث منطقته
في التلفزيون (شبه القومي)
لا أن يبهدل غناء الآخرين (وجهة نظر طبعا)
| Quote: شول منوت دخل الى المسابقة مع عدد كبير من الموهوبين واجتاز عدة اختبارات فنيةحتى وصل الى شاشة التلفزيون و وجد نفسه امام لجنة التحكيم وما زالت المنافسات جارية ولم يحدد بعد من هو الفائز الاول او الثاني او الثالث... |
لا يا صالح
مقدم البرنامج سأله سؤال صريح
(مستعد للمرحلة القادمة ؟؟؟)
ترى لماذا استبق النتيجة ؟؟؟
| Quote: وليتنا دائما نحسن الظن... ونبدل كلمة المنافقة بالمحاببة |
برضو لا يا صالح
المحاببة في الحلة في المدينة في البلد
لكن في المنافسات (لا) ثم مليون (لا)
هنالك متسابقون تعبوا واجتهدوا وأجادوا
لماذا يظلموا ؟؟؟
| Quote: وتحية اخوة وتواصل أخى معتز |
ولك أضعاف التحيايا
أخوي صالح
شرفتني بمرورك ومشاركتك
| |
|
|
|
|
|
|
|
|
|
Re: الى متى يستمر مسلسل منافقة الجنوبيين ... شول منوت مثالا (Re: مزمل خيرى)
|
يا معتز سلامات..
البلد فيها مشكلة ثقافة وتعليم منذ تكوينها، الدولة لم تراعي التبايُن الثقافي المكوِن للبلد، ففرضت اللغلة العربيَّة والثقافة التابعة لها وأعطتهما مساحتهما ومساحة غيرهما من لغات وثقافات؛ هل تذكر إمتحان اللغة العربيَّة الخاص اللذين ينطقون بغيرها؟؟؟ حتى يتسنى لهم الدخول للجامعات! بالرغم من إنه كان حل لهم لدخول الجامعات - ولا أدري إن كان مقبولاً لديهم أم لا-، ولكن لماذا لم توفر الدولة لهم نظام تعليمي بما يتوافق ومكوناتهم اللغويَّة والثقافيَّة, ولماذا لم ترعى الدولة ثقافاتهم ولغاتهم؛ فكون شول منوت يترك ثقافته ولغته، ويتغنى بثقافة ولغة غيره، هذه بعينه إنجاز... هل لو تغنى شول منوت بلغته وثقافته كان سمعتو بيهو؟؟؟ طيِّب عشان ينال حظه كغيره من الشباب الموهوبين ديل، هل يشارك في منافسة أقلَّ منها وللا المستمع الحصيف يضع في تقييمه أن شول جاء للمنافسة بعد أن إجتاز عقبات اللغة والثقافة، قبل أن يقِف مع غيره في هذه المنافسة، وأنّ المجهود الذي بذله شول لم يبذله غيره من المشاركين..
___
إن لم تضع عاملي الثقافة واللغة في حسبانّك وأنت تقيِّم شول، فإنك تظلمه..
| |
|
|
|
|
|
|
|
|
|
Re: الى متى يستمر مسلسل منافقة الجنوبيين ... شول منوت مثالا (Re: Yassir Tayfour)
|
نموذج شول منوت هو الحل ..
لا يزال شريكا نيفاشا في انتظار قرار محكمة التحكيم الدولية التي اختصما إليها حول تبعية منطقة ابيي بظن أن القرار المرتقب سيضع حدا «نهائيا» للجدل المتطاول بشأنها وسينهي إلى الابد النزاع حولها، بينما الحل بين ظهرانيهما وفي متناول يدهما لا يحتاج إلي تحكيم بقدر ما يحتاج إلى حكمة افتقدها الطرفان في هذه القضية التي لا يتطلب حسمها أكثر من إجالة النظر فيما حواليهما بدلا من تكبد مشاق السفر إلى لاهاي بحثا عن حل تركوه «ببسطام، ولو كان للمحكمة التي«فزعا» إليها قدر ولو يسير من الحنكة والحكمة لصرفهما قرارها المنتظر برفق وقضى عليهما بالعودة إلى السودان لأن الحل الذي جاءا يبحثناه عندها قد تركاه وراءهما هناك. فبالأمس القريب «الخميس» قدّم الصبي اليافع المنحدر من هذه المنطقة المتنازع عليها شول منوت درسا مجانيا لما ينبغي ان يكون عليه حالها، ألفة وتوادد وتعايش وتدامج لن يتحقق من مماحكات السياسيين ومغالطات القانونيين والأولى به أهل الثقافة والفن والأدب، ولست هنا للحديث عن روعة اداء هذا الابنوسي الوسيم لبعض اغاني التراث والحقيبة التي شدا بها عبر حلقتين من برنامج «نجوم الغد» الذي تبثه قناة النيل الازرق مساء كل خميس، فأطرب وامتع وابدع، وانما انا هنا للحديث عن بلاغة الاشارة التي بعث بها للمتخاصمين على قطعة ارض لن تغني شيئا عن ضرورات التواصل الانساني والتلاقح الوجداني والتثاقف وتبادل المصالح لمنطقة حدودية مثل ابيي ظلت طوال تاريخها مثالا لكل هذه المعاني، كما قال الاذاعي المخضرم محمد سليمان الذي استغرقته «اللفتة» التي قدّمها شول فترك التقييم الفني جانبا وطفق يُحدّث كشاهد عيان عن عمق الصلات وقوة الوشائج التي كانت تجمع بين مكونات المنطقة الاثنية من دينكا ومسيرية، تمثلتها وجسدتها قيادة رشيدة ونبيلة وحكيمة اضطلع بها ناظرا القبيلتين، دينق مجوك وبابو نمر، اللذان لم يكونا يفترقان ويؤثر احدهما الآخر ولو كانت به خصاصة، ولم تترك لفتة شول حتى للمطرب المثقف انور عبد الرحمن والموسيقي الاشهر محمد سيف فرصة للتقييم والتقويم الفني فلم يجدا مناصا من التعريج بالحديث إلى منحى مؤداه ان الثقافة والفن يمكن ان يصلحا ما افسدته السياسة وانهما الاقدر على مخاطبة مثل هذه القضايا ومن ثم تحرير الخلاف وصهره وصبه في وعاء واحد جامع و مانع، أبيض ونظيف مثل صحن الصيني «لا فيهو شق من المسيرية ولا طق من الدينكا»...
لقد قلنا من قبل مرارا ولن نقنط من ان نكرر ونعيد ونزيد ما قلناه من ان ابيي لا تصلح ان تكون وقفاً للمسيرية، ولن تفلح اذا استخرجت لها بطاقة هوية دينكاوية، بل صلاحها وفلاحها في ان تجمع بين القبيلتين فتصبح «مسديكاوية». نطفة من هنا وعلقة من هناك، وهذا هو قدر مناطق التداخل الحدودي، تلفتوا أين ما شئتم فلن تجدوها إلا كذلك، شاء المؤتمر الوطني أم أبت الحركة الشعبية، هذا هو الحل الذي يصلح لحالتي الوحدة او الانفصال ولا حل ناجع وناجز سواه، فإن لم تتعايش قبائل المنطقة وتتداخل وتتدامج فيما بينها وتتبادل المنافع وإن لم تحترم بعضها بعضاً وتعترف ببعضها البعض ستبقى المنطقة على فوهة بركان خامد، يهدأ حينا ويثور أحيانا، ولا أظن ان قرار محكمة التحكيم المنتظر سيكون غير ذلك، ولهذا الأوفق أن لا ينتظره أحد بل يجدوا ويجتهدوا للبناء على النموذج الذي جدده بالأمس الشاب شول منوت وأرساه من قبله شيب وشيوخ الدينكا والمسيرية.
الصحافة - حيدر المكاشفي
| |
|
|
|
|
|
|
|
|
|
Re: الى متى يستمر مسلسل منافقة الجنوبيين ... شول منوت مثالا (Re: سمرية)
|
شكرا أختي سمرية على هذه الاضافة الرائعة
| Quote: الصحافة - حيدر المكاشفي |
وشكرا ايضا للأخ حيدر المكاشفي
على هذه النظرة الثاقبة
والتحليل العميق .
ولكن :
نحن في مجال برنامج تنافسي
بين مجموعة من الشباب اليافع
المنافسة فنية (غنائية)
يجب أن يأخذ كل منهم درجاته التي يستحقها
كما يأخذ حقه من التوجيه من هؤلاء الأساتذة
بما يعينه على التقدم والتطور في هذا المجال
الذي اختاره ويرى أنه مبدع فيه
بعيدا عن مشكلة ابيي أو مشكلة سد مروي
هذا الكلام يصلح اذا كنا نتحدث
عن مهرجان ثقافي أو ليلة وطنية
أما أن يحابى شول منوت فقط لأنه
من الجنوب تغني بأغاني حماسة شمالية
رغم ضعف أدائه بالنسبة
للكثيرين من المشاركين
ويتسبب ذلك في حرمانه من التوجيه
فهذا ما نرفضه جملة وتفصيلا
شكرا مرة أخرى أختي سمرية
وسعيد جدا بمشاركتك
| |
|
|
|
|
|
|
|
|
|
Re: الى متى يستمر مسلسل منافقة الجنوبيين ... شول منوت مثالا (Re: Yassir Tayfour)
|
Quote: يا معتز سلامات..
البلد فيها مشكلة ثقافة وتعليم منذ تكوينها، الدولة لم تراعي التبايُن الثقافي المكوِن للبلد، ففرضت اللغلة العربيَّة والثقافة التابعة لها وأعطتهما مساحتهما ومساحة غيرهما من لغات وثقافات؛ هل تذكر إمتحان اللغة العربيَّة الخاص اللذين ينطقون بغيرها؟؟؟ حتى يتسنى لهم الدخول للجامعات! بالرغم من إنه كان حل لهم لدخول الجامعات - ولا أدري إن كان مقبولاً لديهم أم لا-، ولكن لماذا لم توفر الدولة لهم نظام تعليمي بما يتوافق ومكوناتهم اللغويَّة والثقافيَّة, ولماذا لم ترعى الدولة ثقافاتهم ولغاتهم؛ فكون شول منوت يترك ثقافته ولغته، ويتغنى بثقافة ولغة غيره، هذه بعينه إنجاز... هل لو تغنى شول منوت بلغته وثقافته كان سمعتو بيهو؟؟؟ طيِّب عشان ينال حظه كغيره من الشباب الموهوبين ديل، هل يشارك في منافسة أقلَّ منها وللا المستمع الحصيف يضع في تقييمه أن شول جاء للمنافسة بعد أن إجتاز عقبات اللغة والثقافة، قبل أن يقِف مع غيره في هذه المنافسة، وأنّ المجهود الذي بذله شول لم يبذله غيره من المشاركين..
___
إن لم تضع عاملي الثقافة واللغة في حسبانّك وأنت تقيِّم شول، فإنك تظلمه.. |
ود عمي الكلس
كيفنك أولا
كلامك جميل وممتاز (بس أنا ما حضرت الامتحان القلت عليه دا) لأني سغييييير
كون منوت تلبس بلغة الشمال عشان يلقى ليهو مكان في المنافسة صدقني دا أكبر عيب وأكبر غلط وقع فيهو
كان من الممكن يجيب شئ من تراثو من منطقتو حتى لو غني للمسيرية بكون اقرب .
لكن ينتقل مباشرة الى خلف الله حمد دي واسعة شوية
لا أتفق معك بأن منوت قد بذل مجهودا خارقا ، فحسب ما سمعت منو انو مولود في الشمال ولسانو عربي
بتبقى المشكلة في البيئة اللي تربى فيها (قصدي البيت ـ الأم ـ الأب ـ الأخوان)
هل تعتقد يا طيفور لو كان في اللجنة حكم جنوبي ممكن يتفق مع اللجنة دي في رأيها في منوت ؟؟؟
| |
|
|
|
|
|
|
|
|
|
Re: الى متى يستمر مسلسل منافقة الجنوبيين ... شول منوت مثالا (Re: معتز القريش)
|
إزيك يا معتز
ما أعتقد إنه فى نفاق فى تقييم الشاب الجميل شول منوت
اللجنة القاعدة فى البرنامج عندهم معايير ومقاييس محددة، زى الزول العنده ميزان وبوزن فى أى شى
د. محمد سيف الدين زول أكاديمى متخصص، ود. الدرديرى كمان، أستاذنا محمد سليمان وإن كان لا يخلو من شوية إمبرشنيزم، لكين ما عندنا أى شك فى ذائقته الفنية والتقييمية، ولو على أساس الخبرة والممارسة
أى واحد من ديل مافى شى بجبره يجامل أو ينافق على حساب مصداقيته وأمانته ومكانته الختوهو فيها
وده كله عمل فنى وإبداعى، ما شى سياسى
خليل فرح لما جا من أقصى الشمال يسعى
جا وهو احتمال ما بعرف ولا كلمة أو جملة بالعربى
والخليل هسه هو رمز للبلد كلها
فرقه شنو بالله من شول الجا متأبط جمال صوته وحضوره الحميم وهو بغنى فى "غناكم"
سيبك من خليل فرح الزمان ده، عندك المبدع والموسيقار محمد وردى، لحدى هسه الناس بشاغلوهو ويقولو ليهو إنت لما جيت السجانة كنت بتقول
يا تير يا تاير
:يا طير يا طاير"
فرقه شنو من شول
وغيره كتير من ناس بلدنا السمحين، وكلهم اللغة العربية ما هى ال "موظر تونغ" بتاعتهم
لكين رغما عن كده بيبدعو ويخلقو أشياء جميلة
وحيجى يوم تشوف فيه شول ده علم من أعلام الغناء والمزيكا فى بلدنا
سواء غنى بلغة الدينكا أو بالعربى أو بالبجاوى
المهم إنه زول جواه فنان ومطرب
تحويلة :
إنت ما ذواق زى السموأل ليه ؟
| |
|
|
|
|
|
|
|
|
|
Re: الى متى يستمر مسلسل منافقة الجنوبيين ... شول منوت مثالا (Re: أبوذر بابكر)
|
ألف مرحب أبوذر
Quote: ما أعتقد إنه فى نفاق فى تقييم الشاب الجميل شول منوت
اللجنة القاعدة فى البرنامج عندهم معايير ومقاييس محددة، زى الزول العنده ميزان وبوزن فى أى شى
د. محمد سيف الدين زول أكاديمى متخصص، ود. الدرديرى كمان، أستاذنا محمد سليمان وإن كان لا يخلو من شوية إمبرشنيزم، لكين ما عندنا أى شك فى ذائقته الفنية والتقييمية، ولو على أساس الخبرة والممارسة
أى واحد من ديل مافى شى بجبره يجامل أو ينافق على حساب مصداقيته وأمانته ومكانته الختوهو فيها
وده كله عمل فنى وإبداعى، ما شى سياسى |
الكلام دا انا رديت عليهو فوق
Quote: خليل فرح لما جا من أقصى الشمال يسعى
جا وهو احتمال ما بعرف ولا كلمة أو جملة بالعربى
والخليل هسه هو رمز للبلد كلها |
ما أختلفنا أبدا
بس القياس والمقارنة في غير محلها
Quote: سيبك من خليل فرح الزمان ده، عندك المبدع والموسيقار محمد وردى، لحدى هسه الناس بشاغلوهو ويقولو ليهو إنت لما جيت السجانة كنت بتقول
يا تير يا تاير
:يا طير يا طاير"
فرقه شنو من شول |
أظن حكاية يا تير يا تاير دي نكتة
أنا شخصيا سمعت غالب تسجيلات وردي القديمة
ما حصل سمعت تسجيل واحد بقول فيهو وردي
يا تير يا تاير
بعدين يا سيدى وردي غنى بلغة أهلو
وغنى تراثهم
اضف الى ذلك وردي عندو غناه الخاص
ولما غني لابراهيم عوض غنى للتدريب فقط
ولغاية الآن وردي ما عندو أي تسجلات لأغاني ابراهيم عوض
يبقى الفرق شاسع بين الاتنين
Quote: وغيره كتير من ناس بلدنا السمحين، وكلهم اللغة العربية ما هى ال "موظر تونغ" بتاعتهم
لكين رغما عن كده بيبدعو ويخلقو أشياء جميلة |
يا حبيبي الموضوع مش لغة وبس
شول منوت لغته العربية سليمة
بس مخارج الحروف مع صوتو المتقطع
كوجن الحكاية ...
والكلام دا أنا كتبتو فوق
أنا بتكلم عن لونية الغناء
والأداء الصوتي وحتى خامة الصوت
والمجاملة في تقييمو
| Quote: إنت ما ذواق زى السموأل ليه ؟ |
يمكن عشان السموأل صاحبك 
| |
|
|
|
|
|
|
|
|
 Re: الى متى يستمر مسلسل منافقة الجنوبيين ... شول منوت مثالا (Re: Frankly)
|
Quote: كون منوت تلبس بلغة الشمال عشان يلقى ليهو مكان في المنافسة صدقني دا أكبر عيب وأكبر غلط وقع فيهو
كان من الممكن يجيب شئ من تراثو من منطقتو حتى لو غني للمسيرية بكون اقرب .
لكن ينتقل مباشرة الى خلف الله حمد دي واسعة شوية
لا أتفق معك بأن منوت قد بذل مجهودا خارقا ، فحسب ما سمعت منو انو مولود في الشمال ولسانو عربي
بتبقى المشكلة في البيئة اللي تربى فيها (قصدي البيت ـ الأم ـ الأب ـ الأخوان) |
يا قريش سلامات!
عندما كنت فى المدرسة الإبتدائية كان استاذ اللغة العربية يجبرنا على التحدث باللغة العربية دائماً ليس فى المدرسة فحسب بل حتى فى الحى الذى نقطنه ويكون الإلزم بواسطة إعطاء ما قيمته شلن فى ذلك الزمان لأحد الطلاب فى الحى بحيث يعطيه بمن يتحدث بغير العربية، وعندما نأتى فى الصباح الباكر للطابور يتم تفقد الشلن موضوع قانون اللغة ويتم جلد من يكون بحوزته لانه خالف التوجيهات وتحدث بغير لغة العرب (هذا إن كان الشلن مع تلميذ آخر غير الذى مُنح إياه من قبل الأستاذ).
هذه الممارسة أثرت كثيراً على الطلا ب الناطقين بغير العربية وببساطة عندما تتحدث إلى أسرتك الصغير وبالذات إن كانت بالأسرة جدة (حبوبة) يكون الأمر بمثابة كارثة ... لن يسمع الجدة ما تقوله وتخشى ان يكون للحوائط آذان لخشيتك من بطش معلم اللغة العربية صبيحة الغد.
يا معتز تعلمنا العربية وكان لابد لنا من ذلك لمواصلة دراستنا وهذا غيض من فيض فما بالك بالأناشيد الجهادية الذى تعلمناها عنوة فى المدارس ومعسكرات التدريب، ففى المدرسة يكون الطابور بالله أكبر ولا إلله إلا الله فى وضعية الصفه والإنتباه كما يحدث فى معسكرات الدفاع الشعبى والخدمة الوطنية على السواء.
لليوم مازال الأناشيد الجهادية الذى تعلمناها عنوة تقفز فجأة إلى الخاطر لدرجة التغنى بها احيانا إن لزم المزاج ذلك وهذا لعمرى إنه لمجهود كبير جداً تحملنا فيه المشاق للدراسة فقط.
انا من اللذين مازالوا يواجهون هذه الإشكالية (إشكالية اللغة العربية مع محيطى الصغير) لأن هناك من لا يتحدث العربية مع العلم انه قد تم صياغتك لغوياً لتتماشى مع النهج السائد وتواصل التعليم!
شول منوت لن يستطيع التغنى بلغة الدينكا لانه لم يعش فى بيئة الدينكا ولا يعرف دلالات أغانى الدينكا وبما إنه يملك صوتاً فكان عليه ان يتغنى بالعربية التى يجيده وما رايك فيه إلا راى اقدره واحترمه ولكن اراك تحمل الفتى اكثر مما ينبغى عليه تحمله.
ودمت
| |
|
|
|
|
|
|
|
|
 Re: الى متى يستمر مسلسل منافقة الجنوبيين ... شول منوت مثالا (Re: شول اشوانق دينق)
|
الأستاذ معتز القريش ..
تحية طيبة
وبعد
لا أدري حقيقة كيف كانت قراءتك للإبن شول مانوت وتفوقه في هذا البرنامج ..؟؟
أريد أن أصور لك ما حدث في منزلي ، وهو أنني على الرغم من حبي للموسيقة والغناء وإجادتي لآلة العود منذ صغري ، فإن المشغولية حرمتني من متابعة أي شيء في التلفاز عدا الأخبار وبرامج الحوار ،. اليوم الصبح جاءت إبنتي إلي في غرفتي وأصرت أن آتي وأشاهد التلفاز ، وهل تعلم لماذا ، لأن أبنائي يعلمون مدى عشقي لأي شيء يأتي من جنوب الوطن ، ويعلمون جيدأ ، بل ويشاركونني توجهاتي الوحدوية ، فعندما جئت إلى مكان التلفاز وسمعت ورأيت ما رأيت تملكتني فرحة لا أستطيع أن أوصفها لك ، فلقد وجدت شاب يافع من جنوب الوطن الحبيب يدعى شول مانوت يغني وبكل ثقة وثبات وتحكم لا مثيل له في الصوت والأداء والزمن والحضور المسرحي ، وانظر ماذا اختار هذا الصبي القادم من أبيي ، أبيي التي يحاول أهل المؤتمر الوطني والحركة الشعبية أن يخلقوا منها كشمير أو كركوك سودانية ، إختار هذا الشبل الدينكاوي الجميل أن يغني لاسطورة أغاني الحماسة في السودان ، الفنان الراحل المقيم خلف الله حمد رحمه الله رحمة واسعة ، إختار :
أحييت سنن البرامكة .. عاجبني طول إيده سامكة ...
يا يابا هوي ... النعيم دراج المسامكة ...
وعرفت أنه قبل ذلك غنى لكمال ترباس إحدى أغانيه الرائعة ....
ما الذي يجعلك تصنع من الحبة قبة يا سيد معتز القريش ، وأين النفاق الذي تتحدث عنه يا أخي ، الشاب مبدع ومتمكن بكل المقاييس وله مستقبل عظيم بإذن الله ، وكما قال له أحد الحكام أنه استطاع بصوته وحنجرته المميزة أن يجمع ويوحد بين أصوات الأولاد والبنات المشاركين في الكورس ، وهذا شيء من الصعب إنجازه إن كنت تعلم ، ثم ثانياً ما المانع لو تمت مجاملته من أحد الحكام أو منهم جميعاً نسبة لأن العربية ليست لغته الأصلية ولا حتى النمط الموسيقي الذي غنى به واجتهد وأبدع ، ما المانع في أن تقال بعض الكلمات الجميلة في حقه وهو يستحقها عن جدارة ، أين النفاق هنا يا صديقي ؟؟؟
وختاماً أقول لك ما قاله الأستاذ / محمد سليمان في نفس البرنامج : دا السـودان ..... دا الـســـودان ... رضينا أم أبينا ...!!@
فرفقاً بنا يا سادة .. وعليكم الله قولوا يا لطيف ...!!
تحياتي للجميع
"أبوفواز"
| |
|
|
|
|
|
|
|
|
|
Re: الى متى يستمر مسلسل منافقة الجنوبيين ... شول منوت مثالا (Re: شول اشوانق دينق)
|
زي لما تشوف أثيوبي بغني لمحمد وردي
لغة الاول هي الامهرنجا او التكرنجا او الارمو (ثلاث لغات سائدة في اثيوبيا)
محمد وردى نوبي ولغته الاصل هي النوبية(بتفرعاتها).
(فاللغة العربية لاتمت للاثنين بصلة)
فى ملاحظة ذكية للاستاذ انور( عضو فرقة عقد الجلاد) وكان احد المحكمين ( بضم الميم) بالبرنامج عن شول منوت ( لماذا لم يغني شول) بلغة الدينكا او عربي جوبا سيما شول من احد ابناء مناطق التماس والتقاطعات القبلية بين الدينكا (انقوك) وبقية القبائل الاخري وضرب مثلا لاغاني بعربي جوبا غنتها عقد الجلاد (ماما مندريه) وغيرها ووجدت القبول والتفاعل الجماهيري .والاستاذ (انور) ضرب علي الوتر الحساس و(شول) اليوم هو ( محمد وردى الامس) والتاريخ يعيد نفسه من اقصي شمال السودان الي جنوب السودان وبانت (سطوة) ثقافة الوسط فشول لم يجد لغة الدينكا في الشمال( الا في محيطه الصغير) الاسرة وما تناثر من الاهل شمالا وكذلك وردى وجداللغة النوبية في الشمال (انها رطانة) .
فهل نفرح لشول (كفنان) من جنوب السودان ام (نحزن) علي مخارج الحروف والالحان.
| |
|
|
|
|
|
|
|
|
|
Re: الى متى يستمر مسلسل منافقة الجنوبيين ... شول منوت مثالا (Re: شول اشوانق دينق)
|
Quote: شول منوت لن يستطيع التغنى بلغة الدينكا لانه لم يعش فى بيئة الدينكا ولا يعرف دلالات أغانى الدينكا وبما إنه يملك صوتاً فكان عليه ان يتغنى بالعربية التى يجيده وما رايك فيه إلا راى اقدره واحترمه ولكن اراك تحمل الفتى اكثر مما ينبغى عليه تحمله.
|
ده القول الفصل
اتخيل لى يا معتز بعد كده مفروض تسحب كلامك طوالى
أو على الأقل تغير نظرتك
وزى ما بقول المثل بتاع العرب
قطعت جهيزة قول كل خطيب
وكلام اخونا شول ده ياهو الكلام
يعنى ناس اللجنة القاعدين ينافقو فى "الود الجنوبى" ده
أكيد الشى ده ما كان فايت عليهم، وبتعاملو معاه زيه وزى أى زول من أى منطقى تانى فى السودان
ولا شنو
| |
|
|
|
|
|
|
|
|
|
Re: الى متى يستمر مسلسل منافقة الجنوبيين ... شول منوت مثالا (Re: أبوذر بابكر)
|
| Quote: فى ملاحظة ذكية للاستاذ انور( عضو فرقة عقد الجلاد) وكان احد المحكمين ( بضم الميم) بالبرنامج عن شول منوت ( لماذا لم يغني شول) بلغة الدينكا او عربي جوبا سيما شول من احد ابناء مناطق التماس والتقاطعات القبلية بين الدينكا (انقوك) وبقية القبائل الاخري وضرب مثلا لاغاني بعربي جوبا غنتها عقد الجلاد (ماما مندريه) وغيرها ووجدت القبول والتفاعل الجماهيري . |
معظم أغانى عقد الجلاد التى بعربى جوبا لم يستطيعوا إخراج المخارج الصحيحة لعربى جوبا ولكن تفاعل الجمهور معها فقط لانها جديد على الأغنية السودانية لذا وجدت القبول ولكن من ناحية كلمات الأغنية فشتان ما بين عربى جوبا المعروفة لدى وعربى جوبا عقد الجلاد!
| Quote: فهل نفرح لشول (كفنان) من جنوب السودان ام (نحزن) علي مخارج الحروف والالحان. |
مخارج حروف شول منوت الذى إستمعت إليه جيدة فقط ينقصه التمرين الكافى لإجادة الأداء بالصورة المطلوبة والممتازة ... التمرين فقط لا أكثر ولا أقل.
سنفرح به كفنان من ((السودان)) كبقية الفنانين الذى يدأو كبدايته وإلا وجب علينا تسمية وردى ومحمد الأمين والكابلى ومصطفى سيد احمد كفنانين من شمال السودان وليس عموم السودان.
لى فوق
| |
|
|
|
|
|
|
|
|
|
Re: الى متى يستمر مسلسل منافقة الجنوبيين ... شول منوت مثالا (Re: شول اشوانق دينق)
|
أستاذنا العزيز شول
رؤيتك مش جيدة وبس
ومش بالنسبة ليك إنت براك
دى ياها اصلا الرؤية الصحيحة والسليمة المفروض تكون عند أى زول
"شول ما عاش فى بيئة الدينكا، ولا بعرف دلالات الغناء بلغة الدينكا"
يخيل لى ده التفسير المنطقى الما مفروض يكون بعده فى أى لبس أو تأويل تانى
خصوصا لما يقوله زول عارف خصائص ودواخل البيئة واللغة المقصودة زيك يا استاذ شول
بإنسانها ومجتمعها وتفاصيلها كلها
تسلم يا زول يا سمح
| |
|
|
|
|
|
|
|
|
|
Re: الى متى يستمر مسلسل منافقة الجنوبيين ... شول منوت مثالا (Re: أبوذر بابكر)
|
معتز
تحيات وافرات
مصادفة غريبة أنني الآن بستمع إلى سي دي به مجموعة من أغاني الأمازيغ أهداني إياه بربري من ( إفران المغرب ) ..
لم أفهم ولا كلمة من الأغنيان العشر.
و لكن و الله طربت طربا عاليا
طربت للصوت و للموسيقى و الإيقاع و أصوات الكورال .. و لم يتبق إلا فهم معاني الكلمات .. و لكن رغم عدم الفهم فالأغنيات تشدني إليها شدا.
إذن الواعد الجنوبي هذا أحرز نقطة عندما تغنى بلغة غير لغته الأم .. و نقطة لأدائه للأغنية بطريقتها التم تمية بإيقاع أهل الوسط .. و نقطة لأنه خاطب آذان اللجنة الموسيقية بلغة يفهمونها و هي لغة التطريب .. و نقطة لأنه لم يتقوقع في صدفة لغته و كأنه يقول أن الفن الجميل لغة كل الناس
لك الود
| |
|
|
|
|
|
|
|
|
 Re: الى متى يستمر مسلسل منافقة الجنوبيين ... شول منوت مثالا (Re: شول اشوانق دينق)
|
| Quote: * شول يا صديقي أولا ليك وحشة والله |
ولك اضعافها حتى تستغيث يا ود القريش
Quote: تانيا :
بطل الشفقة ونقط تمبس دي |
تأكيداً لأهمية نقطة تمبس ... ما تلى من مداخلات بعد مداخلتى هى من عمل نقطة تمبس السحرية الشهرية.
| Quote: جاييك لمداخلتك السميييينة دي |
حبابك يا مان
________________
إن شاء الله ترجع البيت لأولادك بخير وسلم لى على الــ A,B,C,D وكل الــ Small letters هههههههه
| |
|
|
|
|
|
|
|
|
 Re: الى متى يستمر مسلسل منافقة الجنوبيين ... شول منوت مثالا (Re: شول اشوانق دينق)
|
Quote: يا شول اشوانق دينق
أنت إنسان جميل
وبس |
لك كل الشكر على جمال ظنك بى يا فرانكلى
Quote: أستاذنا العزيز شول
رؤيتك مش جيدة وبس
ومش بالنسبة ليك إنت براك
دى ياها اصلا الرؤية الصحيحة والسليمة المفروض تكون عند أى زول
"شول ما عاش فى بيئة الدينكا، ولا بعرف دلالات الغناء بلغة الدينكا"
يخيل لى ده التفسير المنطقى الما مفروض يكون بعده فى أى لبس أو تأويل تانى
خصوصا لما يقوله زول عارف خصائص ودواخل البيئة واللغة المقصودة زيك يا استاذ شول
بإنسانها ومجتمعها وتفاصيلها كلها
تسلم يا زول يا سمح |
يا أبا ذر ... استاذنا عديل كده؟ ياخ ده كتيره يا عمك والله
تعرف يا أبا ذر فى بيئة الدينكا اغلبية الشباب مغنيين بالفطرة وذلك لان بيئة الدينكا تجبرك على ان تصبح مغنى شئت ام ابيت.
كثرة الهجاء عند الدينكا يجبر معظم الشباب ان يصبحوا مغنيين ليس للكسب بالطبع لان الفنان عند الدينكا ليس للكسب المادى بل للمكانة الإجتماعية وأشياء اخرى ليس لا يتسع المقام هنا للذكر.
محبتى وتقديرى
________________
الواحد ممكن عادى يغنى ويجيد أغانى للراحل مصطفى سيد أحمد والكابلى وزيدان إبراهيم والكلام ده من زمان بس الخوف من ناس زى صحبى معتز ده يجى شابى فى رقبتك ويقول ما تجاملو شول اشوانق دينق فهو أعجمى لا يعرف لغة الأعراب مع إنو سيبويه وخليل بن أحمد الفراهيدى ليسا بعرب!!!
| |
|
|
|
|
|
|
|
|
|
Re: الى متى يستمر مسلسل منافقة الجنوبيين ... شول منوت مثالا (Re: ناذر محمد الخليفة)
|
بس يا معتز برضو العنوان في فهمه الصحيح برضو صعب
ان كان لك راي فني في اداء منوت كان يجب ان تحصر رايك
هذا في مجاملة اللجنة له ولا تعمم موضوع منافقة اهلنا في الجنوب
لقد حضرت الحلقة التي تغنى فيها منوت لخلف الله حمد وطربت له واندهشت
له ... يحضرني هنا اخي معتز ان في شمال السودان عدد من الجنوبيين انصهروا
في تلك البلاد هناك شاب جنوبي يغني بالطمبور رائعة محمد جبارة يا يمه رسلي عفوك
بطريقة جيدة واطفى عليها من لكنته حلاوه
| |
|
|
|
|
|
|
|
|
|
Re: الى متى يستمر مسلسل منافقة الجنوبيين ... شول منوت مثالا (Re: جمال السنوسي)
|
سلامات يا قريش
شول من مواليد الخرطوم كما ذكر .. والانسان ابن بيئته التي ولد ونشأ فيها
كيف تطلب منه ان يغني بلهجه او لغه اخري لم يتحدثها او لا يجيدها علي اقل تقدير ؟
الاستاذ الموسيقار محمد وردي مثلا .. رطاني اكتسب اللغه العربيه اكتسابا فهل نعيب عليه تغنيه بالعربيه ؟
وقس علي ذلك كل من نشأ في الخرطوم مثلا ولا يجيد لغه اهله انما يجيد اللغه التي فطر عليها
فهل نعيب عليه تغنيه بأغنيات الوسط لمجرد ان جزوره خارج وسط السودان ؟ أم الامر يقتصر علي شول فقط ؟
انت تحسب علي قبيلة الموسيقيين ولك تجارب ثره وجميله مع اعظمهم كالعملاق مصطفي سيد احمد نموذجا
لكن جانبك الصواب في تحليلك هذا وكنا نتمني لو اتي تحليلك من ناحيه موسيقيه وفنيه ببيان جوانب
الاتقان او القصور في آداء الاخ شول
عميق تقديري
| |
|
|
|
|
|
|
|
|
|
Re: الى متى يستمر مسلسل منافقة الجنوبيين ... شول منوت مثالا (Re: نوفل عبد الرحيم حسن)
|
| Quote: البلد فيها مشكلة ثقافة وتعليم منذ تكوينها، الدولة لم تراع التبايُن الثقافي المكوِن للبلد، ففرضت اللغة العربيَّة والثقافة التابعة لها وأعطتهما مساحتهما ومساحة غيرهما من لغات وثقافات؛ |
شكراً ياسر طيفور..... 27 كلمة تلخّص الواقع الثقافي في بلد المليون ميل مربع على مدى قرون. لكن يا ياسر اُفق وفهم صاحب البوست أضيق من أن يستوعب مثل هذا الحديث.
يا معتز القريش.... ياخي استهدي بالله، وأقعد في الواطة دي.... ناقش على قدر ما لديك من معرفة وأفق (إذا كان لديك اُفق أصلاً). لا تزال تتوهّم انك عالِم في الموسيقى والأداء الإبداعي والثقافة والهوية والسياسة والأخلاق وعلم الإجتماع (ولا أدري من أين أتاك هذا الوهم)، وتعتقد أن الأكورديون واللحية و(الفورد) والعزومات هي كل ما يحتاجه الشخص لادّعاء المعرفة والتحدث في هذه القضايا!
الله يهديك!!
| |
|
|
|
|
|
|
|
|
|
Re: الى متى يستمر مسلسل منافقة الجنوبيين ... شول منوت مثالا (Re: عبدالكريم الامين احمد)
|
استاذ
شـــــــــــــــــول
فهل نفرح لشول (كفنان) من جنوب السودان ام (نحزن) علي مخارج الحروف والالحان.
ماذهبت اليه من حديث ناتج عن العنوان والمداخلات وحتي في بداية حديثي ان الوسط الفني وثقافته الوسطية المهينمة كادت ان تعصف بمحمد وردى ذات نفسه.
لعقد الجلاد تجربة غنائية فريدة ومميزة فى ابراز كثير من اغاني وتراث مناطق (مهمشمة) ثقافيا واستطاعت الخروج من دائرة الوسط ( الشريرة).
وكذلك الموسيقار عاصم الطيب الذى نال ارفع الجوائز الموسيقية بتراث واغاني البرتا( النيل الازرق) فقطع شك لم ينافقه( الخواجات) او الامريكان فى مهرجان الصفارة بامريكا.( مع العلم بان معظم المشاركات الغنائية باسم السودان خارجيا تقتصر علي الغناء باللغة العربية الفصحي)
وما قصدت لماذا؟ النظر بعبين (الاخر)؟ ........ شول /جنوب / نفاق..........
فهل المشاركة لابناء جنوب السودان فى كافة مفاصل الحياة (سياسيا / فكريا / ثقافيا / اجتماعيا) هو علي سبيل المنافقة. مع ملاحظة ( مسلسل منافقة الجنوبين)
| |
|
|
|
|
|
|
|
|
 Re: الى متى يستمر مسلسل منافقة الجنوبيين ... شول منوت مثالا (Re: omar alhag)
|
Quote: استاذ
شـــــــــــــــــول
فهل نفرح لشول (كفنان) من جنوب السودان ام (نحزن) علي مخارج الحروف والالحان.
ماذهبت اليه من حديث ناتج عن العنوان والمداخلات وحتي في بداية حديثي ان الوسط الفني وثقافته الوسطية المهينمة كادت ان تعصف بمحمد وردى ذات نفسه.
لعقد الجلاد تجربة غنائية فريدة ومميزة فى ابراز كثير من اغاني وتراث مناطق (مهمشمة) ثقافيا واستطاعت الخروج من دائرة الوسط ( الشريرة).
وكذلك الموسيقار عاصم الطيب الذى نال ارفع الجوائز الموسيقية بتراث واغاني البرتا( النيل الازرق) فقطع شك لم ينافقه( الخواجات) او الامريكان فى مهرجان الصفارة بامريكا.( مع العلم بان معظم المشاركات الغنائية باسم السودان خارجيا تقتصر علي الغناء باللغة العربية الفصحي)
وما قصدت لماذا؟ النظر بعبين (الاخر)؟ ........ شول /جنوب / نفاق..........
فهل المشاركة لابناء جنوب السودان فى كافة مفاصل الحياة (سياسيا / فكريا / ثقافيا / اجتماعيا) هو علي سبيل المنافقة. مع ملاحظة ( مسلسل منافقة الجنوبين) |
أعلم أخى عمر الحاج وجهة نظرك تماماً فقط إقتبست من كلماتك للمزيد من التوضيح للأخ معتز القريش
كن بخير
| |
|
|
|
|
|
|
|
|
|
Re: الى متى يستمر مسلسل منافقة الجنوبيين ... شول منوت مثالا (Re: وجن)
|
Quote: اذا كان كذلك فكان الأوجب توجيه منوت منذ المرحلة الأولى
بأن ما يؤديه من أغانية شمالية لا تتناسب مع صوته |
Quote: وهنا شول لم يعترض ويقول أنه لا يعرف لغة الدينكا
وأغاني الدينكا وثقافة الدينكا
بل سكت وقبل بالتوجيه
وهذا ما أقول به في فكرة هذا البوست
كان الأولى لشول منوت أن يغني تراث منطقته
في التلفزيون (شبه القومي)
لا أن يبهدل غناء الآخرين (وجهة نظر طبعا) |
من أنت لكي تحدد لشول أو غير شول أن يختار ما يغنيه ؟
عقلية خربة بحق وحقيقة
| |
|
|
|
|
|
|
|
|
|
Re: الى متى يستمر مسلسل منافقة الجنوبيين ... شول منوت مثالا (Re: Deng)
|
Quote: وهنا شول لم يعترض ويقول أنه لا يعرف لغة الدينكا
وأغاني الدينكا وثقافة الدينكا
بل سكت وقبل بالتوجيه
وهذا ما أقول به في فكرة هذا البوست
كان الأولى لشول منوت أن يغني تراث منطقته
في التلفزيون (شبه القومي)
لا أن يبهدل غناء الآخرين (وجهة نظر طبعا) |
يا معتز ياخ عليك الله ما تقطع كلام من راسك ساى!!!
عشان تجيد أغنية لازم تعيش قصة الأغنية وتكون عارفو بيتكلم عن شنو؟
بتطالب شول إنو يغنى أغانى ما عندها إرتباط وجدانى بيهو تماماً بس لانو اصوله من هناك!!!
كانك تطالب بكل المشاركين فى برنامج نجوم الغد ان يغنوا اغاني مناطقهم يعنى بالواضح كده:
- المن دارفور يغنى اغانى ناس دارفور وما يطلعوا خارج إقليمهم الموضحة فى خريطة السودان
- رطانة الشمال يغنوا اغانى اهلهم الفى الشمال
- ناس الشرق نفس الكيفية
- الجنوبيين ديل بالله ما يخربو لينا غنانا بتاع العربى السمح ده باللكنة إياها
- ناس الوسط ديل يغنوا العايزنو لانهم اسياد الشئ ذاتا
* يا معتز إنت بتحاكم شول منوت ولا تملك أى أرضية ثابتة تنطلق منه
انا معك لا يمكن سرق مجهود الآخرين وتفضيل شول منوت لمجرد إنه من جنوب السودان قادر على التغنى بأغانى فطاحلة الشمال ولكنى لا أرى إن ذلك حدث بمعنى إنو شول منوت لو وصل المركز الأول بيكون من مجهوده هو لا من تعاطف الحكام معه.
بعدين ياخ مش الجمهور هو البصوت للمشارك ولّ القرار بيرجع للحكام براهم دون مراعاة نتيجة التصويت؟؟؟
| |
|
|
|
|
|
|
|
|
|
عنصرية غنائية...دي جديدة لنج (Re: Abuelgassim Gor)
|
| Quote: أتمنى أن أجد من يفهم ماذا يقول منوت ؟؟؟ |
Quote: ليته غنى لينا بالدينكا
لكان أمتعنا وأمتعكم |
هو غني بالعربي انت قلت ما فهمتوا ومرمرت بيهو وكل الجنوبين الواطا في البوست ...طــــــــــــــــــيب لو قام غنا لك بالدينكا حتفهموا وتتمتعا بيهوا كيف....قمة في التناقض.
معقول سيادك بتفهم لغة الدينكا أكثر من لغة الأعراب ولا دا نوع من الأستفزاز والأستعلاء والأستحقار.
حكمة اليوم
عنصرية غنائية...دي جديدة لنج
ملحوظة: لوما فهمت كلامي الانا فاكرو عري فمعلــــــــــــيش أعذرني لان جنوبي زي شول منوت...وأدارة البورد منافقة للجنوبين ادوني باسوورد وخلوني أكتب في البورد.
| |
|
|
|
|
|
|
|
|
|
Re: عنصرية غنائية...دي جديدة لنج (Re: PLAYER)
|
Quote: يا معتز ياخ عليك الله ما تقطع كلام من راسك ساى!!!
عشان تجيد أغنية لازم تعيش قصة الأغنية وتكون عارفو بيتكلم عن شنو؟
بتطالب شول إنو يغنى أغانى ما عندها إرتباط وجدانى بيهو تماماً بس لانو اصوله من هناك!!!
كانك تطالب بكل المشاركين فى برنامج نجوم الغد ان يغنوا اغاني مناطقهم يعنى بالواضح كده:
- المن دارفور يغنى اغانى ناس دارفور وما يطلعوا خارج إقليمهم الموضحة فى خريطة السودان
- رطانة الشمال يغنوا اغانى اهلهم الفى الشمال
- ناس الشرق نفس الكيفية
- الجنوبيين ديل بالله ما يخربو لينا غنانا بتاع العربى السمح ده باللكنة إياها
- ناس الوسط ديل يغنوا العايزنو لانهم اسياد الشئ ذاتا
* يا معتز إنت بتحاكم شول منوت ولا تملك أى أرضية ثابتة تنطلق منه
انا معك لا يمكن سرق مجهود الآخرين وتفضيل شول منوت لمجرد إنه من جنوب السودان قادر على التغنى بأغانى فطاحلة الشمال ولكنى لا أرى إن ذلك حدث بمعنى إنو شول منوت لو وصل المركز الأول بيكون من مجهوده هو لا من تعاطف الحكام معه.
بعدين ياخ مش الجمهور هو البصوت للمشارك ولّ القرار بيرجع للحكام براهم دون مراعاة نتيجة التصويت؟؟؟ |
ده الكلام اللي انا عايز اوصل ليهو
بما انو شول منوت مولود في الخرطوم فو لغتو عربية حسب البيئة والثقافة
والتعليم
فلماذا نطالبه ان يغني بلغة الدينكا ةثقافتها
اما من ناحية الاداء والصوت والحنجرة ومخارج الكلمات والمستقبل الذي
ينتظره فحاقد من ينتقده
وسيثبت المستقبل حديثي هذا رغم انف المكابرين
| |
|
|
|
|
|
|
|
|
|
Re: عنصرية غنائية...دي جديدة لنج (Re: عبدالمنعم الرزوقي)
|
Quote: القريش ..
Quote: شنو ما سمعنا رأيك في الموضوع
واقتباسك ما عرفناه
موافقة ولا رفض
منافق.. هي قصدي موافقة طبعا يا القريش ...
وزولك دا لو ما جابوهو الاول حا يجوك ناس يقولوا ليك دي عنصرية من لجنة التحكيم .. |
لا ياخ!!!
ما مصدق والله!
________________________
لو ما جا الأول انا ما من الناس الحايقولو لمعتر إنو ده عنصرية لأنى مقنع بقرار لجنة التحكيم ومفتنع أكتر بالشعب السودانى البيصوت.
| |
|
|
|
|
|
|
|
|
 Re: عنصرية غنائية...دي جديدة لنج (Re: شول اشوانق دينق)
|
Quote: Quote: يا معتز ياخ عليك الله ما تقطع كلام من راسك ساى!!!
عشان تجيد أغنية لازم تعيش قصة الأغنية وتكون عارفو بيتكلم عن شنو؟
بتطالب شول إنو يغنى أغانى ما عندها إرتباط وجدانى بيهو تماماً بس لانو اصوله من هناك!!!
كانك تطالب بكل المشاركين فى برنامج نجوم الغد ان يغنوا اغاني مناطقهم يعنى بالواضح كده:
- المن دارفور يغنى اغانى ناس دارفور وما يطلعوا خارج إقليمهم الموضحة فى خريطة السودان
- رطانة الشمال يغنوا اغانى اهلهم الفى الشمال
- ناس الشرق نفس الكيفية
- الجنوبيين ديل بالله ما يخربو لينا غنانا بتاع العربى السمح ده باللكنة إياها
- ناس الوسط ديل يغنوا العايزنو لانهم اسياد الشئ ذاتا
* يا معتز إنت بتحاكم شول منوت ولا تملك أى أرضية ثابتة تنطلق منه
انا معك لا يمكن سرق مجهود الآخرين وتفضيل شول منوت لمجرد إنه من جنوب السودان قادر على التغنى بأغانى فطاحلة الشمال ولكنى لا أرى إن ذلك حدث بمعنى إنو شول منوت لو وصل المركز الأول بيكون من مجهوده هو لا من تعاطف الحكام معه.
بعدين ياخ مش الجمهور هو البصوت للمشارك ولّ القرار بيرجع للحكام براهم دون مراعاة نتيجة التصويت؟؟؟
ده الكلام اللي انا عايز اوصل ليهو
بما انو شول منوت مولود في الخرطوم فو لغتو عربية حسب البيئة والثقافة
والتعليم
فلماذا نطالبه ان يغني بلغة الدينكا ةثقافتها
اما من ناحية الاداء والصوت والحنجرة ومخارج الكلمات والمستقبل الذي
ينتظره فحاقد من ينتقده
وسيثبت المستقبل حديثي هذا رغم انف المكابرين |
أخى عبد المنعم الرزوقى سلام وشكراً على إتفاقك معى فى مضمون كلامى
عموماً هذا البوست لن ادخله مرة أخرى لانى تيقنت ان الأخ معتز القريش لا يريد إبداء آراءه على ما اتينا به لذا لزم تنحينا من هذا البوست مع فائق شكرنا وتقديرنا على ذلك.
ارقدوا عافية
| |
|
|
|
|
|
|
|
|
|
Re: عنصرية غنائية...دي جديدة لنج (Re: شول اشوانق دينق)
|
Quote: أخى عبد المنعم الرزوقى سلام وشكراً على إتفاقك معى فى مضمون كلامى
عموماً هذا البوست لن ادخله مرة أخرى لانى تيقنت ان الأخ معتز القريش لا يريد إبداء آراءه على ما اتينا به لذا لزم تنحينا من هذا البوست مع فائق شكرنا وتقديرنا على ذلك.
ارقدوا عافية |
شول أشواق زعلان من صديقك معقولة بس
يا أخي هسة لو رديت ليك وفطيت الناس القدامك ديل يقولوا علي منافق
يا حبيب والله جاييك ، انت ما ملاحظ انو أنا برد على الناس حسب الترتيب ؟
أرجو المعذرة أخوك عندو مشكلة نت في البيت وزحمة شغل في المكتب
بالذات (خميس جمعة سبت) الحكاية صعبة هنا
ولك العتبى حتى ترضى
تمشي وين يا زول كلامنا لسة ما انتهى
والمنافسة لسة طويلة
ومنتظرين ولدكم يفوز عشان نعمل مظاهرات
| |
|
|
|
|
|
|
|
|
|
Re: عنصرية غنائية...دي جديدة لنج (Re: شول اشوانق دينق)
|
والله أول مرة أتفق مع ود القريش وأختلف مع دينق .. حكمة الله بس
الولد صوته حلو وفيه بحة مميزة لكن أداء الغنوة ومخارج الكلمات ما بفوّز فى لجنة تحكيم .. لكن مافى شك لما جنوبى يغنى سيرة بينال إعجاب مضاعف .. زى زمان لما سيد خليفة يغنى "إذيكم كيفنكم" بلغات أخرى يتفاعل معه الناس لحد الهوس ورأيته مع الحبش فى الخرطوم عندما قال لهم "أندمنا أجو" طارت الكراسى وعلا الصراخ أخطر من العرضة والنقيز الفى الشريط ده .. فهو تعاطف إنسانى فريد ..
غايتو أنا ما متابع .. لكن إذا التصويت من الجماهير سيفوز الراجل بى جدارة .. ولكن إذا كانت لجنة تحكيم ونصوص وفنيات فوزه فيه إنّه .. وتكون محاباة .. ويمكن تكون عنصرية من نوع آخر ..
فعلآ توجد أحياناً مجاملات وشكر فحواها عنصرية .. يوم سمعت واحد من شلة ناس القريش قاعد وسط جماعة معقولين .. وما قادر يقول النصارا كفار وزناديق والذى منه .. وإلا بلعوه لسانه .. قام قال والله الأقباط كويسين ومعشرهم طيب وما شفنا منهم سيئ .. سوى .. إنهم جلبوا لينا الدعارة بفتح غردون مويزك هول للإستربتيز .. شفت الوغد ..
كيفك يالقريش ومشتاقين .. معليش على الحشرتها ليك فى النهاية بالقوة دى ..
أنا غايتو مستخسرك فى الناس ديل
| |
|
|
|
|
|
|
|
|
|
Re: عنصرية غنائية...دي جديدة لنج (Re: رأفت ميلاد)
|
| Quote: والله أول مرة أتفق مع ود القريش وأختلف مع دينق .. حكمة الله بس |
الحمد لله ...
بس عشان تعرف انو البجمعنا
أكتر من البفرقنا........
| Quote: أنا غايتو مستخسرك فى الناس ديل |
منـــــن ؟؟؟
| |
|
|
|
|
|
|
|
|
|
Re: الى متى يستمر مسلسل منافقة الجنوبيين ... شول منوت مثالا (Re: شول اشوانق دينق)
|
شول أشوانق يا صديقي
Quote: يا قريش سلامات!
عندما كنت فى المدرسة الإبتدائية كان استاذ اللغة العربية يجبرنا على التحدث باللغة العربية دائماً ليس فى المدرسة فحسب بل حتى فى الحى الذى نقطنه ويكون الإلزم بواسطة إعطاء ما قيمته شلن فى ذلك الزمان لأحد الطلاب فى الحى بحيث يعطيه بمن يتحدث بغير العربية، وعندما نأتى فى الصباح الباكر للطابور يتم تفقد الشلن موضوع قانون اللغة ويتم جلد من يكون بحوزته لانه خالف التوجيهات وتحدث بغير لغة العرب (هذا إن كان الشلن مع تلميذ آخر غير الذى مُنح إياه من قبل الأستاذ).
هذه الممارسة أثرت كثيراً على الطلا ب الناطقين بغير العربية وببساطة عندما تتحدث إلى أسرتك الصغير وبالذات إن كانت بالأسرة جدة (حبوبة) يكون الأمر بمثابة كارثة ... لن يسمع الجدة ما تقوله وتخشى ان يكون للحوائط آذان لخشيتك من بطش معلم اللغة العربية صبيحة الغد.
يا معتز تعلمنا العربية وكان لابد لنا من ذلك لمواصلة دراستنا وهذا غيض من فيض فما بالك بالأناشيد الجهادية الذى تعلمناها عنوة فى المدارس ومعسكرات التدريب، ففى المدرسة يكون الطابور بالله أكبر ولا إلله إلا الله فى وضعية الصفه والإنتباه كما يحدث فى معسكرات الدفاع الشعبى والخدمة الوطنية على السواء.
لليوم مازال الأناشيد الجهادية الذى تعلمناها عنوة تقفز فجأة إلى الخاطر لدرجة التغنى بها احيانا إن لزم المزاج ذلك وهذا لعمرى إنه لمجهود كبير جداً تحملنا فيه المشاق للدراسة فقط.
انا من اللذين مازالوا يواجهون هذه الإشكالية (إشكالية اللغة العربية مع محيطى الصغير) لأن هناك من لا يتحدث العربية مع العلم انه قد تم صياغتك لغوياً لتتماشى مع النهج السائد وتواصل التعليم! |
مع احترامي لما ذكرته بعاليه
إلا أنني أرى انه الكلام الفوق دا تفتح بيهو بوست تاني
عن الهوية واللغة والشمال والجنوب
وتجربتك مع اللغة العربية والمجتمع في الشمال
ما يهمني هنا هو :
| Quote: شول منوت لن يستطيع التغنى بلغة الدينكا لانه لم يعش فى بيئة الدينكا ولا يعرف دلالات أغانى الدينكا |
هذا الكلام هل هو من عندك أم أنك تعرف شول منوت شخصيا
لأن اللجنة عندما اقترحت عليه الغناء بلغته لم يذكر هذا الذي ذكرته أنت
بل قبل الاقتراح وسكت ولم يعترض ...
Quote: وبما إنه يملك صوتاً فكان عليه ان يتغنى بالعربية التى يجيده وما رايك فيه إلا راى اقدره واحترمه ولكن اراك تحمل الفتى اكثر مما ينبغى عليه تحمله.
|
أولا شكرا على احترام الرأي الآخر
وثانيا أنا لم أحمله أكثر مما ينبغي
لو أنه قال أنه لا يعرف لغة الدينكا وغناء الدينكا
لعذرته في اختيار الأغاني
ولكنني لن أعذر اللجنة في منافقته
وتقديمه على من أرى أنا أنهم أفضل منه
(غناء) طبعا عشان ما يجي واحد يفهما بخيالو
| |
|
|
|
|
|
|
|
|
|
Re: الى متى يستمر مسلسل منافقة الجنوبيين ... شول منوت مثالا (Re: معتز القريش)
|
Quote: يا معتز القريش.... ياخي استهدي بالله، وأقعد في الواطة دي.... ناقش على قدر ما لديك من معرفة وأفق (إذا كان لديك اُفق أصلاً). لا تزال تتوهّم انك عالِم في الموسيقى والأداء الإبداعي والثقافة والهوية والسياسة والأخلاق وعلم الإجتماع (ولا أدري من أين أتاك هذا الوهم)، وتعتقد أن الأكورديون واللحية و(الفورد) والعزومات هي كل ما يحتاجه الشخص لادّعاء المعرفة والتحدث في هذه القضايا!الله يهديك!!
|
يا عادل علي
انت حاسد ولا بغران
فوق للفوق داك أحسب يا سجمان
أب وأم حيان يرزقان
اتنين من الأخوات وسبعة أخوان
تلاتة من النسوان الحسان
وتلاتة نسايب بدل اثنان
بنتين وخمسة من الصبيان
وبدل الوظيفة وظيفتان
وبدل السيارة سيارتان
وخليك من ناس بناطلين وقمصان
ومغترب ومرطب خارج السودان
وعايش في أمن وأمان
وقادر علي السب والشتمان
بس كلامك ما كلام رجال كلام نسوان
| |
|
|
|
|
|
|
|
|
 Re: الى متى يستمر مسلسل منافقة الجنوبيين ... شول منوت مثالا (Re: معتز القريش)
|
الاخوة الاعزاء
لكم السلام.
كلام معتز كلامو ما عنصري و حاجة, الراجل بيحاول يقول انو العربي لغة وثقافة ودين واهم من كدا الحاجات دين لازم تجتمع في عنصر واحد وهو الانسان العربي!!
في التمانينات لما جيت الخرطوم كنت اواجه صعوبة في التكلم بالعربية وفي يوم كنت بحاول اتونس مع واحد صحبي وكانت لكنتي غير واضحة.
واتذكر انو في واحد جاني زهجان من تكسري للعربي وقال لي امشي من هنا وما كان باقي ليهو الا يضربني, والسبب هو عربيي المكسر.
غايتو صحبي دا بقي لي سبب في انو اتعلم العربية بطريقة افضل.
لكن برضو انا عندي نفس مشكلة صاحبي معتز, تصدقوا انو انا ما بحب استمع لي نيانكول ماثيانق رغم انها تتغني بالدينكا, انتو عارفين ليه?عشان اللحن والاداء الموسيقي!!
وكمان لما استمعت لي شول ما قدرت اسمع الاغنية كلها, غايتو جنس محن!!
غايتو شول لو ما لاقي غير العربي عشان يغني بيهو احسن ما يغني بالمرة
| |
|
|
|
|
|
|
|
|
|
Re: الى متى يستمر مسلسل منافقة الجنوبيين ... شول منوت مثالا (Re: Albino Akoon Ibrahim Akoon)
|
Quote: الاخوة الاعزاء
لكم السلام.
كلام معتز كلامو ما عنصري و حاجة, الراجل بيحاول يقول انو العربي لغة وثقافة ودين واهم من كدا الحاجات دين لازم تجتمع في عنصر واحد وهو الانسان العربي!!
في التمانينات لما جيت الخرطوم كنت اواجه صعوبة في التكلم بالعربية وفي يوم كنت بحاول اتونس مع واحد صحبي وكانت لكنتي غير واضحة.
واتذكر انو في واحد جاني زهجان من تكسري للعربي وقال لي امشي من هنا وما كان باقي ليهو الا يضربني, والسبب هو عربيي المكسر.
غايتو صحبي دا بقي لي سبب في انو اتعلم العربية بطريقة افضل.
لكن برضو انا عندي نفس مشكلة صاحبي معتز, تصدقوا انو انا ما بحب استمع لي نيانكول ماثيانق رغم انها تتغني بالدينكا, انتو عارفين ليه?عشان اللحن والاداء الموسيقي!!
وكمان لما استمعت لي شول ما قدرت اسمع الاغنية كلها, غايتو جنس محن!!
غايتو شول لو ما لاقي غير العربي عشان يغني بيهو احسن ما يغني بالمرة |
شكرا جزيلا على هذا التجرد والانصاف
وهذه رسالة الى كل من هو ملكي أكتر من الملك
| |
|
|
|
|
|
|
| |
معتز القريش
مزمل خيرى
Deng
عمر عبد الله فضل المولى
معتصم ود الجمام
Salih Kurdi
Yassir Tayfour
سمرية
ناذر محمد الخليفة
محمد الشيخ أرباب
أبوذر بابكر
Frankly
شول اشوانق دينق
صديق عبد الجبار
omar alhag
ابو جهينة
Zakaria Joseph
جمال السنوسي
نوفل عبد الرحيم حسن
Adil Ali
عبدالكريم الامين احمد
وجن
Abuelgassim Gor
PLAYER
عبدالمنعم الرزوقي
رأفت ميلاد
Albino Akoon Ibrahim Akoon
هجو الأقرع
عبداللطيف حسن علي
فيس بوك
تويتر
انستقرام
يوتيوب
بنتيريست