فاطمة يابا و ضحكتها الحلوة الصبوحة لما تقعد و تحكي للناس عن طموحها في عيونها قدرتا يابا أسامح الدنيا و جروحها
ـــــــــــــــ
فاطمة قامت للعشاء والنار تلهلب في الحشاء
يا يابا لو كان بي مرادها الشمس نص الليل حا تشرق مهما طال يا ليل رقادها .. مكلبشة ولييكي تسجد يا بلادي يا يابا لو كان بي مرادي
ــــــــــــــــ
زقاق مقبل للعواصم حافلة شاقة الامسيات فراشة ركت للبراعم كان تلاقي الضحكة مدخل كان يكون يا فاطنة طاعم جلدك الدبقوهو ناعم خلي طعم الببسي حنضل ببسي كولات المطاعم
ــــــــــــ
لو أخو الطورية منجل ياني خيك لو اخو السكينة خنجر ياني خيك إنتي ما فد سمسمايا وردة نبتت للتركتر تف علي الدنيا أم بنايا الاسد في عرينو زمجر اتكفرن السماء من سحابو سلي صوتك سيف وبرجل
ـــــــــــــــــ
لو مطرت أحزان سمانا بتشدي اوتار الكمنجة يا طلقة في أخر الطبنجة طبنجة في ايدنا الجبانة
ماني غامض ماني حامض لو انتي في التربة اندفنتي حي كلامك ولسي صامد وانتي يا فرحة ضنايا انتي ما فد سمسمايا فيني ضيك وانتمايا و شوكة تتطعن في العضوم وتنزف الاييد الشديدة الليلة ما غطي الجراح قدح العشم ولا لحس عسلك مديدة ولا لسع ... نحل الغرام قبلك لحم وصحي وجدانا بقصيدة
ـــــــــــ
خشمك ملح موتك صبح فرح اندياح عود الطلح راكوبة عارشاها الكتابة ومن غوناء القول السمح راكوبة السكنوا الكابة تفاحة في حقل القمح انتظرنا المجد عشرة سنين وثورة وفي قلبك النازف رمح يا وطن ما قدرو نيل ولا بحيط ساحتو ضول ولا بئن ساعت الضبح
لقينا في القاع البنية جثة في الموج مستريحة جثة في الاعماق تحدق للسماء الحرة الفسيحة
ـــــــــــ
في الحظة ديك قررتا يابا لما تقسي الدنيا اضحك وابتسم رغم الكابة إلا بس لي الراقدة ديا تاني راجع للكتابة راقدة في الموج مونكفية العيون الميتة تحلم بي الاماني السرمدية
ــــــــــــــ
فطومة حردانة العشاء عرقانة رغم الكندشة يا دنيا اه لو ب مرادها يا دنيا اخ لو بي مرادي الشمس نص الليل حاتشرق وليكي تسجد يا بلادي مهما طال يا ليل رقادها
و عارفك في حق الناس دي لا تخشي لوم او كبير قوم غير الحق و الورد في وش السيف عامل كيف مع البرد العردلي ... عسي ان تكون بردا و سلاما.... فاطمة و ضحكتها الحلوة الصبوحة .. ما كان بتملك غيرها..
12-19-2009, 03:09 PM
محمد الفاتح خالد حسون محمد الفاتح خالد حسون
تاريخ التسجيل: 03-12-2008
مجموع المشاركات: 591
لمحتك يابسة وسط الموج وهودج بي الفرح مسروج لمحتك بين حوارى الريف مغيبه عن عيونى قصد ورغما عن هموم لوقياك وقصبا عن همومى بسط اعيش وسجل حياتى نظيف عفيف ورغما عن حوافر الريح ما هدا شتلي خريف تحت راكوبة فارشو قنا ولا ساجور زمان الزيف قدر يا خاله عودنا تنى وجنس الحالة ما تخريف نسامح الدنيا بي محنها سماحة الدنيا ليكي تقيف لمحتك انا لمحتك يابسه وسط الموج درب معوج و سكة زول رحيلو دنا معاك الدنيا ما ناقصة معاك افراحي فايتة الحد رموش عينيك شموس بي نظرتك تشتد وفي بر الامان راجيك عليك كان بجرف التيار وكان لى ضفتك برتد و ذي ضلك انا مباريك و شايل الورد
تدلى النجمة للموجة وتعدلى خطوة معوجة عترة تصلح المشية جيتك لى ما غشيا جيتى وكنت متاكد عيونك شوفتى مشتهيه جيتى وشائلة فى الاكتاف نجم بنشاف بنعبر والشراع مكسور ايادى مشابكم مجداف مصيروم سكه ما حا تطول رابط بينهم المجهول إسمك في الطريق عنوان
دي فاطمه السمحه يامحمد بعد فراق وضحكتها الحلوه الصبوحه رغم الماسي ما حكت للناس عن ظروفه في طريق اللبن ولم الفحم ما كان الاقتراب فكره ده الواقع عشناه بالفطره والليله اخير من بكر وياخوفي من بكره لما البعاد طال وصورتك اتمحت من الزكري واتحطم طموحه ودرب الوصال اصبح محال
12-20-2009, 04:49 PM
محمد الفاتح خالد حسون محمد الفاتح خالد حسون
تاريخ التسجيل: 03-12-2008
مجموع المشاركات: 591
Quote: دي فاطمه السمحه يامحمد بعد فراق وضحكتها الحلوه الصبوحه رغم الماسي ما حكت للناس عن ظروفه في طريق اللبن ولم الفحم ما كان الاقتراب فكره ده الواقع عشناه بالفطره والليله اخير من بكر وياخوفي من بكره لما البعاد طال وصورتك اتمحت من الزكري واتحطم طموحه ودرب الوصال اصبح محال
مالك داير تَقوم عليناالمفردات تاني ياخي ..
ما شايف الجليد البرا دا .. جهز و استعد لي استقبال الاخ بابكر حسان ..سريع
وانا علي ب المكان ... انشاء الله
يا خال ... فاطمة .. تسلم علي المرور و رهافة حسك ..
12-20-2009, 08:30 PM
إخلاص محمد أحمد إخلاص محمد أحمد
تاريخ التسجيل: 11-07-2009
مجموع المشاركات: 147
كل التحايا و تسلم استاذ محمد الفاتح ,احببت الدقة والبساطة مع السلاسة في الوصف يالها من كلمات جميلة صادقة من القلب , تدخل قلوبنا بلا استئذان فتصحي روح المحبة والتعاطف لفاطمة وابوها وكل اهلنا الطيبين .
12-20-2009, 09:36 PM
محمد الفاتح خالد حسون محمد الفاتح خالد حسون
تاريخ التسجيل: 03-12-2008
مجموع المشاركات: 591
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
محمد الفاتح خالد حسون
omar altom
سيف اليزل برعي البدوي
إخلاص محمد أحمد
فيس بوك
تويتر
انستقرام
يوتيوب
بنتيريست