|
يا بت كما الهَدَّاي حنينة ....
|
بالأمس عادت وبين جانبيها عشقي القديم وشوقي المقيم في ضواحي الفؤاد قد بدا الضجيج بعد أن خفق خافقي السقيم بالهوى وبعدما تردد النشيد في دمي تفتقت كما الزهور في الصباح خدودها الندية عادت لترسم الفصول كيفما تشاء وتسرق الزمان بعضه وتمنح السكينة .. حبيبتي التي تغازل السماء كالأرايل عيونها السؤال إجابتي قصيدة فنظرة ودودة تغير الوجود في رؤاي وبسمة براقة تطل كالشروق تطارد الظلام يختفي، كفاي قالت وكت صاح الهوى بردانة في بعد المنافي وجواي حريق نجضت معاو كل التواريب العشق لميتا في روحي ولبدت دفيتا أشواقي وغناي صامت علي الإلفة العشم فطرت دفا وصليتا حب نوافلي ما فترت قيام رتلتها وأحسنت في العشق الصيام جافت جنوب الروح فراش الظن وما جانب غناي الحسرة ما تاوق أسى وانا كت بتيرب في هواك كل الجروف الفي الحشا راجيك بحر يطمح يغطيني ويفيض يشطح قدر ما المد يزيد ما ترتي للروح الغرق عطش البعد خلاها تتسابق سعد تال التساب يا بت كما الهداي حنينة بغزلك جبة ووشاح واتنفحك نسمة صباح وأتراشفك فنجان ملان من إلفتك وأتكيفك قدر المزاجات تشتهيك
7 أكتوبر 2009
مرفق : حبي الكبير بـــــادي
|
|
|
|
|
|
|
|
Re: يا بت كما الهَدَّاي حنينة .... (Re: مهند الجيلي بادي)
|
Quote: كل التواريب العشق لميتا في روحي ولبدت دفيتا أشواقي وغناي صامت علي الإلفة العشم فطرت دفا وصليتا حب نوافلي ما فترت قيام رتلتها
|
يابادي أحكي.. أحكي لسه يمكن الزمن المعاند يبقي في الاخر محنة
نص دافئ تسلم المحنة الفيك
| |
|
|
|
|
|
|
Re: يا بت كما الهَدَّاي حنينة .... (Re: هند محمد)
|
هند يا صديقتي ،،
سمعتها سمعت كل همهماتهاالقديمة حينما (تحكرت) بجانب الفؤاد تستبين عشقها ونبضه وما عرفة إنها في الحشاشات قاعدة تب ومتحكرة وسألتها : بتكوسي ليه؟ وانتي الملانات بيك رؤاي؟
هند ،،
كيفك؟؟
مرفق: حبي الكبير بـــادي
| |
|
|
|
|
|
|
Re: يا بت كما الهَدَّاي حنينة .... (Re: هند محمد)
|
بت مسمية من حروفي وفيني منها فكرتا
هند يا صديقتي الرقيقة
حاجتين أصلو نارم ما بتموت لا بنطفي ضو من شموعن كان سطع.. الإلفة والحب البتاوق الروح قدر تنكت عقولنا الذكرى لو شوفنا انقطع ..
وانا بفقدك وينك ؟؟ وبرضك قاعدة جوة الروح وبرضك بفقدك
مرفق : حبي الكبير بــادي
| |
|
|
|
|
|
|
Re: يا بت كما الهَدَّاي حنينة .... (Re: هند محمد)
|
Quote: وكيف الحال وكت ألقاك |
بصن حتى النهار والضو بتستغفر حروفنا الشاربة كاس الحن تتوب عندك وتمسك سكة الإلفة وتجيك غيمات برق قبلي ومحبة ونيل
هند أختى السمحة جداً،،
مشتهيك ياخي
مرفق: حبي الكبير بـــادي
| |
|
|
|
|
|
|
Re: يا بت كما الهَدَّاي حنينة .... (Re: تماضر الخنساء حمزه)
|
ورجعتي أجمل من زمان ضويتي في عشم الغنا سامرتي فيني الكلمة والروح والدنان
.. ..
خليني داير أرسمك ح أرسمك كيف عويانتك بطِلَّن بين خوافق الروح وشوقي؟ وكيف بسيماتك بضوَّن عتمة الشوف وكيف تسوقي الحرف ليك وكيف بتنشده الغيوم يوم تقدلي علي جفافي بخضرتك الله الله الله عليك يا مافي وفيني منك كل شي
مرفق : حبي الكبير بــادي
| |
|
|
|
|
|
|
Re: يا بت كما الهَدَّاي حنينة .... (Re: مهند الجيلي بادي)
|
وكيفن بفيض النيل هناك ويلامسني موجك بي هنا وكيف بتغزل موجة المافيش ربابة والقاني ماليني الغنا أنا مابفوت الشوفة فيك شان اكتفيت منك أنا لكن بخاف اللقيا فيك.. طوّالي تديني العنا وببقى ماقدر التقرّب.. من ضفافك يالحبيب وبرضو تملاني المخافة وابقى في بعدك غريب وريني كيف أصلك بلاد وابقى من حدّك قريب..
| |
|
|
|
|
|
|
Re: يا بت كما الهَدَّاي حنينة .... (Re: تماضر الخنساء حمزه)
|
عشم الوصول للتخدر زي فروع البان بتاور للوجع شوق العوينات براق بيسمك والوجينات داب سطع وانا يا الملانبك إشتها وريني كيف المنتهى ما شفتها البسمة المعاك وبترسميها وكت صفاك وكتين تتاوقك لهفتي حرفي طاير بيك وفرحان بي عويناتك هناك وبحسدو
يا الله يا تماضر ... .. ..
مرفق : حبي الكبير بــادي
| |
|
|
|
|
|
|
Re: يا بت كما الهَدَّاي حنينة .... (Re: تماضر الخنساء حمزه)
|
وأنا من غناك مصلوب علي حلقك حروف .. جُمَل الموسيقات الموترة بي محبة قلبي ليك وأشواقي شايلاها الكفوف.. ممدودة لي حد القرب والكان ولوف .. يمسمعني منك وتنسطل قمراتنا وكتين أشهقك واملاها رئتي من هواك واتكرفك وتقيف حروفي صفوف صفوف.. شان توصفك واقراك كيف ؟ لأ.. ألقاك كيف ؟ أنا يا الملانبك حد زفير اللهفة ما يوصل ألوف ..
مرفق : حبي الكبير شديد بـــــادي
| |
|
|
|
|
|
|
Re: يا بت كما الهَدَّاي حنينة .... (Re: مهند الجيلي بادي)
|
ديمة قاصرة أحرف الأشواق معاك وكل كلمات الأغاني واقفة تستصعب غناك وكل صوت بالآهة نادى.. مسّاهو طيفك أو نداك ماغريبة تصوم حروفي لما تقصر عن علاك.. وماغريبة يكون سكاتي.. أبلغ أحرف في هواك.. كل قصيد شدّ الرحال.. قاصد الأشواق حِداك..
| |
|
|
|
|
|
|
Re: يا بت كما الهَدَّاي حنينة .... (Re: تماضر الخنساء حمزه)
|
صيَّح الحلق يندهك صبَّح الروح افتقادك رتَّق الفتق المسافة حرفاً بطل يملا ماعون المحبة رغم إنك في بعادك واصبح علي طيفك نهار وامسى أتلغف ودادك واندهك يا بت كماالهدّاي حنينة (.... ألقاك كيف ؟ أنا يا الملانبك حد زفير اللهفة ما يوصل ألوف .. ...)
مرفق : حبي الكبير بـــادي
| |
|
|
|
|
|
|
Re: يا بت كما الهَدَّاي حنينة .... (Re: حبيب نورة)
|
حبيب نورة أو نورة حبيبتك ما فرقت ما الحب أصلاً مفتاح واحد بفتح قلبين ..
بشوفك بروق تبشر مطر تودر غباش البوادي البوار تصحي الخريف يدي الخدار تبرر عشم تبلل حليق المسور والعدار كريمة الغيوم
زقاق: مشتاقك
مرفق : كل الأماني التشتهيك بــــــادي
| |
|
|
|
|
|
|
|