|
|
 هل هناك علاقة ما مع هزيمة الهلال ومريخيتنا وفرحنا !!؟
|
لا اجد مبررا لمن يقدح في وطنيتنا وسوداناويتنا ورياضة كرة القدم وتشجيعي للفريق الذي احب وشماتتي في الفريق المهزوم ولو كان المنازل من خارج السودان.
هل نجبر قسا علي الحزن لهزيمة فريق الهلال الشنيعة رغم ان الفرح يتقافز من دواخنا ؟ لماذا ننافق احاسيسنا ومشاعرنا ؟
هل قمنا بمناصرة جيش غازي او ما يمس سيادة السودان ؟
انها كرة قدم ولعب فمن حقنا ان نقف مع من نريد ونشجع من نريد
الحديث عن الوطنية حديث سياسة لا دخل لكرة قدمنا به
اي حديث عن الوطنية هو حديث حراق روح لا اكثر ولا اقل
واي مداري لفرحته خلف ستار وطنية لا مكان له فهو ينافق نفسه
|
|
 
|
|
|
|
|
|
|
|
Re: هل هناك علاقة ما مع هزيمة الهلال ومريخيتنا وفرحنا !!؟ (Re: اساسي)
|
| Quote: الحديث عن الوطنية حديث سياسة لا دخل لكرة قدمنا به |
ثم يأتي أحدهم ليسأل .. من أين أتى هؤلاء .؟
وبالدارجي .. إنتو بكري بجيب الناس دي من وين ..؟
عليك الله يا أساسي ..إنت بترمي الودع ؟؟ وللا الفكي بتاعك مجيه .. بالله زي التقول كنت عارف
لمن شلت هم الأعداء يجوك شايلين امواسهم ..
مش في واحد قال ها يجيب الأمواس من وين كده ما عارف ..
| |
|
|
|
|
|
|
|
|
 Re: هل هناك علاقة ما مع هزيمة الهلال ومريخيتنا وفرحنا !!؟ (Re: محمد عمر جبريل)
|
| Quote: وبالدارجي .. إنتو بكري بجيب الناس دي من وين ..؟ |
..
إنت بتفسح الكلام بتاع الواحد يعني ؟؟ واللا الفهم شنـو؟؟
تعرف يا اساسي قبل فترة كتبت لي بوست عن اوكامبو والبشير .. الوكت داك الظاهر لي إنت كنت في الصناعية برضو ..
واحد من السياسيين بتاعين البورد دا .. قام شال كلامي وفسحو .. (وفسح) بيهو بوست عديل كدا
انا قلت الزول دا معجب يمكن واللا حاجة ..
أمس القريبه دي لقيتو ليك .. بكتب في الكورة .. وقاعد يتفسح ..
والله متعني ليك متعة ..
مش قلت ليك الواحد بقى ما ناقش اي حاجة يف البورد دا .. بكري الله يديهو العافية يشيل ويلقط لينا في المفسحاتيه ..
وإنت ولا هاميك قافل تلفونك .. وكورة الهلال مع المريخ تجي يجرو يجيبوك من الصناعية ..
..
بعدين إنت يا ابو الشباب القاعد تفسح في كلامي دا .. لو عاجبك بالطريقة دي .. تعال محلات لقيت الكلام دا اتفسح هناك .. يعني في داعي تتلتني كدا معاك .. وانا مغلوب خمسة اتنين ؟؟
يعني حسع لو ما وطنية اساسي دا .. كان اللقى الفسحة دي وين ..؟ بعد فسحة الفطور ..؟
| |
|
|
|
|
|
|
|
|
 Re: هل هناك علاقة ما مع هزيمة الهلال ومريخيتنا وفرحنا !!؟ (Re: وليد محمد المبارك)
|
Quote: بعد ما يغلبوكم ونشمت فيكم
نشيل عكاكيزنا وندقهم معاكم
لكن وكت الكورة نحن ضد الهلال
وروووووووووووووووووووووووووووك
الرش
والله زعمطوكم جنس زعمطة |
.. اااي يا ولي .. الفورة الف دي امنقه حاجة.. ودا الكلام المليان .. مش الواحد يلقى ليهو كلام واقع يجي يفسحو .. في بوستات الناس قرقرقر..
بعدين إنت قايل شنو..؟
مسالة الوطنية دي في واحد في البوست دا مديني فيها (خمسة اتنين) حسع دي قبل شوية .. واتكلم لي عن البلد وسمعة البلد .. دا اخوكم فيصل الرشيد دا .. يمكن يكون اساسي دا يتكلم عن (الوطنيةأمدرمان كسينما) وأنا ما ناقش ؟
والغريبة قبال كلامو ينشف .. جا في البوست دا .. قال اصلو وطنية مافيشة ..
غايتو الواحد فينا بقى ما عارف يعمل شنو..
حقو اقلب معاكم مريخابي .. يقومو ناس الهلال يرشونـا .. اقوم اختفي من البورد يا احلق فردة شنبي .. يا اجيب لي (عروق محبة) وديك لونو (تركوازي) اجي (احشش) بيهو هنا دا .. 
| |
|
|
|
|
|
|
|
|
 Re: هل هناك علاقة ما مع هزيمة الهلال ومريخيتنا وفرحنا !!؟ (Re: tmbis)
|
وطنية شنو يا أسئس اللي إنت جاي تقول عليها دي !!
يعني هسي ببساطة كده تضرب لي تلفون تقول لي جاي أحضر معاكـ الكورة و إنت مريخابي تفوح منكـ رائحة النجمة و أخليكـ تحضر !
إنت قايلني ود الصايم ولا شنو !!
ياخ الهلالاب اللي بيكونو معاكـ و بيتكلمو خارم بارم ديل زاتهم غير مرغوب فيهم ..
وطنية بتاعت قلبكـ !!
قال وطنية قال ..
_
المشكلة إنه تاني ماف لينا طريقة شماتة (خارجية) فيكم قريبه
الا ننتظر السنة الجاية عشان نشمت ..
الشماتة الجاية كلها ح تكون داخلية بإذن الله ..
عطبرة نفر و كده ..
| |
|
|
|
|
|
|
|
|
|
Re: هل هناك علاقة ما مع هزيمة الهلال ومريخيتنا وفرحنا !!؟ (Re: فيصل نوبي)
|
طبعا يا أساسي انت بالذات حلفت ما أجيك إلا بي علبة حلاوتي
لانوا البوست دة زي بيت شاخوروعمك مهدي الفكي
لازم نولع ليه لمبات الشماتة
ونضبح خروف بي خمسة كرعين
علي فكرة داير أتكلم ليك عن كبت المشاعر
وانا حاضر الكورة مع رشاشات صر
وانا شايف الفرحة في عيوني مكبوتة
وما قادر أنطط ولا أفتح لي صندوق بارد
أحممممممدك يا الله
ديل كانوا ح يعملوا لينا منخوليا
بركة الخمسوهم ياخ
| |
|
|
|
|
|
|
| |
اساسي
Faisal Elrasheed
محمد عمر جبريل
tmbis
وليد محمد المبارك
فيصل نوبي
محمد عبد الماجد الصايم
حبيب نورة
Abdlaziz Eisa
فيس بوك
تويتر
انستقرام
يوتيوب
بنتيريست