|
|
 عمك تنقـــــو (احتمال الصور وارد)
|
من منّا لا يذكر شخصية العم تنقو وزوجته العازة ومجلة الصبيان من جيلنا (مواليد الستينات)
كنا ننتظرها بفارغ الصبر كل اسبوع .
الجدير بالذكر ان شخصية العم تنقو الكاريكاتورية من ابتكار عمنا وشيخ الرسامين
الفنان المبدع شرحبيل أحمد.
كانت قصص العم تنقو تأتي في شكل ابيات شعرية حلمنتيشية لطيفة . كانت تلك القصص تسعدنا أيما سعادة .
وياريت لو نقدر نتعاون في هذا البوست ونوثق لهذه الشخصية العظيمة
وتقبللوا فائق احترامي
|
|
 
|
|
|
|
|
|
|
|
Re: عمك تنقـــــو (احتمال الصور وارد) (Re: مزمل خيرى)
|
Quote: الجدير بالذكر ان شخصية العم تنقو الكاريكاتورية من ابتكار عمنا وشيخ الرسامين
الفنان المبدع شرحبيل أحمد. |
الاخ عبد الوهاب
اتخيل لي المعلومة دي ما صاح ... يقال ان شرحبيل هو الرسم الشخصية ولم يبتكرها هو .. زي الكلام دا قريته لشوقي بدري وفوق ذو كل علم عليم..
ودي
| |
|
|
|
|
|
|
|
|
|
Re: عمك تنقـــــو (احتمال الصور وارد) (Re: BAKTASH)
|
Quote: اتخيل لي المعلومة دي ما صاح ... يقال ان شرحبيل هو الرسم الشخصية ولم يبتكرها هو .. زي الكلام دا قريته لشوقي بدري وفوق ذو كل علم عليم..
ودي |
العزيز بكتاش
انا والله خالي الذهن تماما
عن تاريخ الشخصية واهو من خلال الحوار هنا
ممكن نصل لتوثيق كويس باذن الله
مودتي
| |
|
|
|
|
|
|
|
|
|
Re: عمك تنقـــــو (احتمال الصور وارد) (Re: معاوية عوض الكريم)
|
وهبه يا اعز عزيز
سلام لشموسه
وعلي راي الجقر :
قسم بالله وماطالبني حليفة.....
دي حافظه من الابتدائي
وهاك ليها بي ضبانته
------
عمك تنقو بتاع كوفير
---
عمك تنقو صباح الخير
راح فاتحلو محل كوفير
في اعلانه المكوة بلاش
وفرد الشعر يكون بالكاش
جوه بنات من كل مكان
شي من بري وامدرمان
جاتو البت الحلوة سميرة
دبج ليها صلعة كبيرة
والبنوت الزعلن منو
مسكن تنقو وزعطن دقنو-----
الله يزعط دقن ود القريش.....!!!!
كدي امش علي عمي قوقل يمكن القي ليك صورة .
| |
|
|
|
|
|
|
|
|
|
Re: عمك تنقـــــو (احتمال الصور وارد) (Re: haroon diyab)
|
عمك تنقو حلمان
------------
عمك تنقو راح داخل لك مركز شرطة
قال ياناس انا ساكن فيلا
الفيلا الحمرا في وسط الحلة
دخلوا لصوص وسرقوا عبايتي
وشالوا سريري ولطشوا ملايتي
راحوا سريع يشوفوا الحاصل
عمك طرطش عقل الراجل
عمك تنقو نام تعبان
وكل القصة كان حلمان..
| |
|
|
|
|
|
|
|
|
|
Re: عمك تنقـــــو (احتمال الصور وارد) (Re: haroon diyab)
|
عمك تنقو والبوليس
------
عمك تنقو بقى سواق
يسوق في العالي والدقداق
قال يا جماعة انا فنان
اسوق من كوستي لبورتسودان
ركب اللوري عد وفات
من امدرمان بطريق شمبات
يظهر عمنا كان مبسوط
خلى سواقتو وسف صعوط
خلى اللوري يلف ويدور
وسط عربات وقفن طابور
سايق ماشي بدون ترخيص
مافي خلاص من البوليس
| |
|
|
|
|
|
|
|
|
|
Re: عمك تنقـــــو (احتمال الصور وارد) (Re: khaleel)
|
Quote: عمك تنقو بقي دكتور
بالسماعة اشوف الزول
جاتو ولية كشف عليها
وقال عملية
في العملية البت اتوفت
وعمك تنقو بقي اتلفت |
مية مية ياخلي
يازول شوت ساي
انت قايل حاكمها فراج الطيب
غايتو باكر البوست دا
حيكون فيو جنس نجرى
لمن تآمن ذاتو
دا بوست الموسم
هلموااااااااا
| |
|
|
|
|
|
|
|
|
|
Re: عمك تنقـــــو (احتمال الصور وارد) (Re: Amin Mahmoud Zorba)
|
فى برنامجه الناجح "جسور "
قدم الزميل شول دينق حلقة مع الفنان شرحبيل احمد
وتحدث فيها عن تجربته فى مكتب النشر
واصدار مجلة الصبيان
وهى مجلة كان يصدرها "دارالنشر التربوى " منذ الاربعينات فى القرن الماضى
وبدا شرحبيل المسيرة من حيث توقف الجيل السابق له
هذا يعنى ان الشخصية كانت موجودة
لكن اضفى عليها الفنان شرحبيل اضافاته الخاصة
للجيل الجديد نقول
ان هذه المجلة كانت توزع فى المدرسة ومجانا
وتعلمنا منها القراءة للقصص والاشتراك فى اصدار مجلات الحائط فى المدرسة
وهى مجلة الان ثمة اعتراض على تسميتها "الصبيان "
وهى حالة من حالات الجندرة التى تقول فى تساؤلها
لماذا تفضيل "جنس على الاخر "
فى حين كنا نقراها لانحس اى تمييز جندرى
ربما لان مسالة الجندر لم تكن موجودة والله اعلم
شكرا يا وهبة
| |
|
|
|
|
|
|
|
|
|
Re: عمك تنقـــــو (احتمال الصور وارد) (Re: سلمى الشيخ سلامة)
|
عمك تنقو بقى بوردابى
يأكل العقرب و يعضى الدابى
يشوت ضفارى ما فاهم حبة
يلاوى تراجى و يصاحب وهبة
دايما تلقاهو مشاكس فقرى
بالبوستات مجنن بكرى
البوست الفاهم كلو زهور
بمداخلة واحدة يودى الخور
..............................
و يلا انجرو على كده ..
| |
|
|
|
|
|
|
|
|
|
Re: عمك تنقـــــو (احتمال الصور وارد) (Re: د.نجاة محمود)
|
ياوهبة سلام
غايتو لولا أنور التكينة لما عاد البوست الى هدفه المرسوم..
غايتو يا تكينة لو ما اداك وهبة سلك سنقول عليك من سلالة ابن عباس.
نصيحة ياوهبة
أنا ماخد عضوية فى المنبر دا عشان أصبح صديق للبوتنشيال وزراء بتاعين السودان الجديد..
فبالله اعذرنى إن لم أتداخل معك فى (هكذا بوستات)..
وبما أنك صاحب البوست ماتنسى تضيف لى ٥ أيقونات اسمايلس من رصيدك.
| |
|
|
|
|
|
|
|
|
 Re: عمك تنقـــــو (احتمال الصور وارد) (Re: أسامة الفضل)
|
Quote: (مواليد الستينات)
كنا ننتظرها بفارغ الصبر كل اسبوع . |
** ود على الحاج..
** مساءك خير..
## شكل الجماعه الفى البوست دا مامصدقين إنك من مواليد الستينات !!
** الحل تمشى مدرسة الخشب ومن السجلات الرسميه المدرسيه :-
** تشهد مدرسة المزاد الاوليه (الخشب) بالشعبيه بأن الطالب عبدالوهاب على الحاج والمشهور بوهبه قد أكمل المرحله الإبتدائيه فى ( ../6/..19) , علماً بأنه كان طالب مُستمع و تم تحويله الى طالب نظامى بعد أن ساهم فى توزيع مجلة الصبيان وتجميع عائد البيع الخاص بالمجله من التلاميذ..
** مُنحت له هذه الشهاده بناءاً على طلبه دون تحمل المدرسه أدنى مسؤوليه تجاه البورداب أو إى جهة أُخرى..
مدير مدرسة المزاد (الخشب) بالشعبيه (سابقاً)
(حالياً:- مدرسة مُصعب بن عُمير الاسلاميه للاساس)
** ملحوظه:- من وكيل المدرسه وهبه من مواليد 1962 ق.م..
## مافى زول يسألنى من ق.م دى زى اللوحه التشكيليه كل زول يفسرا بطريقتو ...
| |
|
|
|
|
|
|
|
|
 Re: عمك تنقـــــو (احتمال الصور وارد) (Re: عبدالكريم أحمد الامين)
|
** وهبه
** على ماأعتقد وعلى حسب الزهايمر أن من إبتدع شخصية عمك تنقو :-
** هو الفنان ســـيـــف بــادى - من اولاد الدناقله جنوب ببحرى..
## وخير من يفتى فى هذا الامر ديناصوران ببحرى ست الهوى والطراوه:-
** ود السر كرار ..
** ود ميرغنى على مصطفى ..
(ودام الود بينا)
(ابو محمد فؤاد)
| |
|
|
|
|
|
|
| |
عبدالوهاب علي الحاج
اساسي
مزمل خيرى
BAKTASH
Abdelmuhsin Said
على محمد على بشير
معاوية عوض الكريم
haroon diyab
khaleel
حذيفه ابراهيم الكباشي
Amin Mahmoud Zorba
انعام حيمورة
سلمى الشيخ سلامة
انور التكينة
Balla Musa
أسامة الفضل
عبدالكريم أحمد الامين
Kamal Karrar
فيس بوك
تويتر
انستقرام
يوتيوب
بنتيريست