|
|
|
 Re: طه سليمان - لو عارف عيونك - المسنوح غناى شديييييد يطول عمرو (Re: الطيب شيقوق)
|
لو عارف عيونك توهت العيون
رقصت المشاعر غنى معاها كون
الحان الفنان عمر الشاعر
من اجمل الالحان التى غزت الامكنة فى منتصف السبعينات
كان حينها عمر الشاعر شابا فى المعهد العالى للموسيق والمسرح
استمعت الى هذه الاغنية ومعها عدد اخر من الاغنيات
فى سهرة بثتها الاذاعة مع عمر الشاعر
ولن انسى تلك الاغنية التى حفظتها من تلك الايام وحتى الان
شكرا ليك يا الطيب الجميل
بعدين نجى للشاب الاسمه طه سليمان
صوته حلو جدا
اداءه مقنع
كمطرب
لكن المشكلة انه ماعنده الكاريزما البتخليهو فنان عنده شعبية
ودى امكن تلاقيها مع محمود عبد العزيز
كتير جدا
ولا مجال للمقارنة بين الاتنين تماما
| |
 
|
|
|
|
|
|
|
|
Re: طه سليمان - لو عارف عيونك - المسنوح غناى شديييييد يطول عمرو (Re: عبدالرحمن عبدالله أبوشيبة)
|
| Quote: اما الجزء الثاني - رغم اتفاقي معك في كل جزئية وردت فيه ولكن فيهو حكي لا يرضاهو جيلنا المعاصر - حقو نسكت يا سلمي اختي ونترك التقييم لمعايير وموازين جكس اليوم . |
لا اختلف معك يا صديقى ابدا بل على العكس هو لسان حالهم
| Quote: وجهة نظر نحترمها ياأستاذة سلمى ، لكن ورينا مواصفات الكاريزما البتخلي الفنان عندو شعبية من عدمها ،، لو أمكن ؟ |
الحبيب عبد الرحمن
امكن معاييرنا كجيل تختلف عن معاييركم
فالكاريزما التى اعنيها هى الخصوصية ، التفرد
فى السابق حين تذكر احد الفنانين تجد ان هذا الفنان او ذاك ملتصق بذاكرتك
اغنياته ، طريقة تلحينه طريقة الاداء
ما ان تذكر عبد العزيز داؤود مثلا الا وتهل معظم اغنياته الى ذاكرتك
حاولت جهدى الى ابقاء طه سليمان ومعتز صباحى الى ذاكرتى
لكنى لم اجد لهما تميزا يذكر
بمعنى انهم فنانين ربما فى بداية الطريق ولم تعد الذاكرة تحتمل ان يبقوا الى جدارها
حين تذكر مصطفى سيداحمد مثلا تنهال عليك كل اغنياته لانه صارت جزءا من الذاكرة
اما هذا الجيل فكما قال الطيب شيقوق له اناسه من المستمعين والمستمعات
اتمنى ان اجد الوقت لاضافته الى ذاكرتى
| |
|
|
|
|
|
|
|
|
|
Re: طه سليمان - لو عارف عيونك - المسنوح غناى شديييييد يطول عمرو (Re: الطيب شيقوق)
|
الاخ عثمان موسى
وينك يا العزيز - الشوق ليك قناطير
Quote: زولك موهو ساهل تب .
وكان كمان خبرلو ملحن كارب .
هازول ها .. زولك تانى ما بشتهر .
وزى ما بتقول : ويتجدع . |
ين ؟
الاغنية يا عثمان اخوى انا مكسراني من وليد - بترنم بيها وانا سارح بالعجول في الغابة
وبترنم بيها وانا ماشي المدرسة بترنم بيها اوانا ماشي الدلوكة وبترنم بيها وانا ماشي ................
Quote: صاحبك ود القرشى اليومين ديل
متجدع فى بلاد شكسبير |
.
الله والله دا خبر جديد الحين بدق ليهو
شكرا يا العشاء
| |
|
|
|
|
|
|
|
|
|
Re: طه سليمان - لو عارف عيونك - المسنوح غناى شديييييد يطول عمرو (Re: الطيب شيقوق)
|
Quote: كمطرب
لكن المشكلة انه ماعنده الكاريزما البتخليهو فنان عنده شعبية
ودى امكن تلاقيها مع محمود عبد العزيز
كتير جدا
ولا مجال للمقارنة بين الاتنين تماما |
مالي عيني بوستك
ومدشر مرق لي برا
أعجني شديد ما كتبت الصديقة سلمى سلامة
أنا أساسا ماسمعت لي كثير
لكن أدائه لا أعترض فيه
أعتر في اختياره للكلمات
الكلم هو عمود الأغنية وتشد الخيمة باللحن والأداء
وأنتَ يا شيقوق البدورو بتسمي بخيت والما بتدورو
برجع ليك برواقة
| |
|
|
|
|
|
|
|
|
|
Re: طه سليمان - لو عارف عيونك - المسنوح غناى شديييييد يطول عمرو (Re: الطيب شيقوق)
|
الاخ حافظ كنجال
يا اخي اسمك ( كنجال دا ) استوقفني للتامل فيه
هل تعرف معني الكنجال؟
الكنجال عندنا هو عصاية طويييييييلة بها عكشة في مؤخرتها تستعمل لاسقاط الثمار من الفروع العليا للاشجار
Quote: الاغنية دي زمان سمعتهامن صينية...
صينية غناية ماصينية القندول الله يطراها بالخير...
من الالحان القاعدة لسه في الذاكرة...
طه ولد شديد ومتميز في جيلو...لكن شكر الله اخطر شوية...
يا الطيب اذا عندك تسجيل الصينية نزلوا لينا... |
فعلا ذكرتنى الله يخليك وحنشوف الاخوان خليل او لؤي لمحاولة انزالها هنا
خالص الشكر
| |
|
|
|
|
|
|
|
|
|
Re: طه سليمان - لو عارف عيونك - المسنوح غناى شديييييد يطول عمرو (Re: الطيب شيقوق)
|
الاخ حافظ كنجال
يا اخي اسمك ( كنجال دا ) استوقفني للتامل فيه
هل تعرف معني الكنجال؟
الكنجال عندنا هو عصاية طويييييييلة بها عكشة في مؤخرتها تستعمل لاسقاط الثمار من الفروع العليا للاشجار
Quote: الاغنية دي زمان سمعتهامن صينية...
صينية غناية ماصينية القندول الله يطراها بالخير...
من الالحان القاعدة لسه في الذاكرة...
طه ولد شديد ومتميز في جيلو...لكن شكر الله اخطر شوية...
يا الطيب اذا عندك تسجيل الصينية نزلوا لينا... |
فعلا ذكرتنى الله يخليك وحنشوف الاخوان خليل او لؤي لمحاولة انزالها هنا
خالص الشكر
| |
|
|
|
|
|
|
|
|
|
Re: طه سليمان - لو عارف عيونك - المسنوح غناى شديييييد يطول عمرو (Re: الطيب شيقوق)
|
ود شيقوق
يا أخوى ات من زمن عوض وابراهيم شمبات وخضر بشير
بتدور تاكل زمنك وزمن الوليدات ناس طه
توجد ثوابت لا اختلاف حولها من جيل لجيل
مثل طلاوة الصوت وملكة الأداء والتطريب
والوليد طه ماعندو مشكلة بشهادة أستاذنا الموصلي
فقط الي يحتاجه طه هو وقوف الناس معه بالنصوص
الجيدة والألحان الكبيرة
وهو مجتهد في هذا الأمر لدرجة التعامل مع ملحنين
من خارج القطر مثل تجربته مع الدكتور الجبالي
وهي تجربة قد نختلف معه فيها لكنا نحترم فيه
روح التجديد والبحث وبمجهود مادي ذاتي
قليل من الزمن يمكن أن نرى طه في تجارب كبيرة
مع أعمال كبيرة
يا ود شيقوق الفيه البخور بنشم
مودتي
| |
|
|
|
|
|
|
|
|
|
Re: طه سليمان - لو عارف عيونك - المسنوح غناى شديييييد يطول عمرو (Re: عبد الرحيم حسب الرسول)
|
الاخ عبد الرحيم ود حسب الرسول
سلامي ليك قناطير
Quote: يا أخوى ات من زمن عوض وابراهيم شمبات وخضر بشير
بتدور تاكل زمنك وزمن الوليدات ناس طه |
يا عبد ارحيم اخوى وحاة النبي الوليدات ديل اكان الواحد ما بدأ جرب صوتو بغناء نانسا عودو ما بخضر طب وكان بدا بحقوا براهو البودا ما بتخليهو يلتب تفطسو من اضان فار - خليني اقطع فيهم بكلامي دا في شان ما جايبينلو خبر .
فقط الي يحتاجه طه هو وقوف الناس معه بالنصوص
الجيدة والألحان الكبيرة
وهو مجتهد في هذا الأمر لدرجة التعامل مع ملحنين
من خارج القطر مثل تجربته مع الدكتور الجبالي
وهي تجربة قد نختلف معه فيها لكنا نحترم فيه
روح التجديد والبحث وبمجهود مادي ذاتي
قليل من الزمن يمكن أن نرى طه في تجارب كبيرة
مع أعمال كبيرة
اتفق معك تماما واتمنى للفنان طه طول العمر زمنيا وفنيا
يا ود شيقوق الفيه البخور بنشم
صحيح وما قالت طق الا في شق
خالص ودي
| |
|
|
|
|
|
|
|
|
|
Re: طه سليمان - لو عارف عيونك - المسنوح غناى شديييييد يطول عمرو (Re: الطيب شيقوق)
|
عمووووووووووو كماااااااااااااال
نورت وكل عام وانت بالف خير - وحياتك المنبر غيرك خرابة
Quote: انته عارف انا زعلان منك ...اشرك ليك فى البوست
حق المذيعه تعمل حميل ....اجيبلك صورة التيمس حق
عمك فى بوست فيسل حق العربات وانته فى الباى باى
على اى حال انا كاشف نومتك انته عاجباك الاغنيه دى
و ماديييك يامسنووووووووووح |
لا وحياتك كلو فائت على وفيسل المسنوح يجدع ساى ما بكلمنى عارفو زولا حاسد المسنوح
بالغت في الاغنية وجكسيها - يا اخي الود دا غناى لكن العالم ما بتريحه
لقيتني كيف؟
| |
|
|
|
|
|
|
|
|
|
Re: طه سليمان - لو عارف عيونك - المسنوح غناى شديييييد يطول عمرو (Re: الطيب شيقوق)
|
Quote: هل تعرف معني الكنجال؟
الكنجال عندنا هو عصاية طويييييييلة |
قلتو شنو هه كنجال... عداد.. جيب العربون
اها يا شيقوق الكنجالات دي زاتها الخلاني اقوم طالع من البوست ده قبيل
هل تعرف معني الكنجال في الوسط الفني؟؟
الكنجال عندنا هو العدااااااد
يعني الفكه
يعني اعطي بتاع الساكس حقه قبل ان يجف حلقه
وقع ليك... الجنا ده قالوا كنجالاتو عاااااليه وعدادو سمبن
| |
|
|
|
|
|
|
|
|
|
Re: طه سليمان - لو عارف عيونك - المسنوح غناى شديييييد يطول عمرو (Re: محمد زكريا)
|
Quote: قلتو شنو هه كنجال... عداد.. جيب العربون
اها يا شيقوق الكنجالات دي زاتها الخلاني اقوم طالع من البوست ده قبيل
هل تعرف معني الكنجال في الوسط الفني؟؟
الكنجال عندنا هو العدااااااد
يعني الفكه
يعني اعطي بتاع الساكس حقه قبل ان يجف حلقه
وقع ليك... الجنا ده قالوا كنجالاتو عاااااليه وعدادو سمبن |
تعرف يا محمد ذكرتني الزمن السمح زمن العداد والكنجالات والقون( الفنان) والبعام ووو.
هسي يخيل لي الرندوق إتغير والكنجالات اصبح إسمها " الضحاكات!.
تحياتي
راجع مسنجرك.
| |
|
|
|
|
|
|
| |
الطيب شيقوق
سلمى الشيخ سلامة
عبدالرحمن عبدالله أبوشيبة
طارق جبريل
Yasier Elsayed
Osman Musa
محمد زكريا
الفاتح ميرغني
خالد علي محجوب المنسي
حافظ كنجال
عبد الرحيم حسب الرسول
فيصل محمد خليل
فيس بوك
تويتر
انستقرام
يوتيوب
بنتيريست