|
صدور الحكم في قضية وارقو
|
صدر الحكم قبل قليل في قضية وارغو
الجلد 40 جلدة تعزيراً والغرامة 50 جنيه عن تهمة السكر الغرامة 50 جنيه عن تهمة القيادة تحت تأثير الخمر وسحب الرخصة لمدة شهر
اوقف تنفيذ عقوبة الجلد لاسئناف محامي الدفاع بحجة انه مريض
هذا حسب ما اتتنا الاخبار والعهد على الراوي
بالله اكدو لينا الكلام ده صاح ولا ما صاح
|
|
|
|
|
|
|
|
Re: صدور الحكم في قضية وارقو (Re: omer osman)
|
تمام والله يا جنابو ... بس السؤال ...
الجلد 40 جلدة تعزير و50 جنيه غرامة عن تهمة السكر
ووراغو غير مسلم فهل السكر جناية يُعاقب عليها غير المسلم ايضاً ..!
في دول حتي عربية السكر ليس جريمة فيها الا اذا ارتبط بالثمالة والازعاج العام ..
اما التهمة بقيادة السيارة في حالة سكر فهي صحيحة تماماً لانها تعرض حياة الغير للخطر وياريت ما يرجعو ليهو الرخصة زاتو
| |
|
|
|
|
|
|
Re: صدور الحكم في قضية وارقو (Re: omer osman)
|
وارقو مفروض يشوف ليه كم بوردابي من مؤيدي الكشح عشان يتضامنو معاهو وبالمرة ممكن يكونو ليه جمعية تختص بقضايا اللاعبين المحترفين اللاطين والعاوزين يلططو .... وممكن برضو بعض الاخوه المتضامنين يشيلو معاهم تلج وزيت سمسم عشان بعد العقوبة يمسحو بيها..... اقترح فتح حساب في البنك بهذه المناسبة والله لا يضيع اجر من احسن عملا
| |
|
|
|
|
|
|
Re: صدور الحكم في قضية وارقو (Re: omer osman)
|
Quote: فيصل الرشيد ياخي عليك الله الوشوش دي بتجيبه من وين ؟؟؟؟؟ |
وين يا جنابو
انت الشفت ده قلب والا شنو ؟؟
رسل ايميلك في الخاص عشان ارسل ليك عدد 4 قندران وشوش تكفيك انته والاجيال القادمة
| |
|
|
|
|
|
|
Re: صدور الحكم في قضية وارقو (Re: Faisal Elrasheed)
|
آآآآآآآآخ يا مصراني الغليظ ..
يطردوهو .. لا ما يطردوهو .. يطردوهو .. إنت قايل الشئ حصة رسم وتلوين ..
** يا جنابو طيب المادة دي ما بتخالف اتفاقية نيفاشا وحقوق غير المسلمين بالخرطوم؟!
يعني ياسر عرمان بطبطتو ديك كان على حق ..
| |
|
|
|
|
|
|
Re: صدور الحكم في قضية وارقو (Re: HAIDER ALZAIN)
|
Quote: ** يا جنابو طيب المادة دي ما بتخالف اتفاقية نيفاشا وحقوق غير المسلمين بالخرطوم؟!
يعني ياسر عرمان بطبطتو ديك كان على حق .. |
لا حيدر نيفاشا ما ادت غير المسلمين رخصة انهم يسكروا ...........
وحقوق غير المسلمين محفوظة ومصانة بموجب نيفاشا والدستور وفقاً لاحكام المادة 156 فقرة د
Quote: (د) تراعي المحاكم عند ممارسة سلطاتها التقديرية في توقيع العقوبات على غير المسلمين، المبدأ الراسخ في الشريعة الإسلامية أن غير المسلمين من السكان لا يخضعون للعقوبات الحدية المفروضة وتُطبق عليهم عقوبات تعزيرية وفقاً للقانون، |
والمادة 157 من الدستور
Quote: 157ـ (1) تنشئ رئاسـة الجمهورية مفوضية خاصـة لحقوق غير المسلمين بالعاصمة القومية وتختص بالآتي:
(أ) التأكد من أن حقوق غير المسلمين محمية طبقاً للمبادئ العامة المنصوص عليها في المادتين 154 و 156 من هذا الدستور،
(ب) التأكد من أن غير المسلمين لا يتضررون من جراء تطبيق الشريعة الإسلامية بالعاصمة القومية،
(2) ترفع المفوضية الخاصة ملاحظاتها وتوصياتها لرئاسة الجمهورية.
|
وهذه المفوضية موجودة وشغالة منذ وقت طويل ولم تبدي اى اعتراض على تجريم السكر لغير المسلمين.
| |
|
|
|
|
|
|
Re: صدور الحكم في قضية وارقو (Re: omer osman)
|
كيف حقوق غير المسلمين محفوظة والقانون بيستند على الشريعة الاسلامية في تجريم شرب الخمر! وحتي العقوبة التعزيرية الاتبعها القاضي لم تخرج عن نطاق الحد الشرعي في جلد السكران!! أنا وقت جبت ليك سيرة ياسر عرمان لانه كان معترض على القانون الجنائي دا المطبق .. فغير المسلمين ديانتهم لا تحرم عليهم شرب الخمر .. يقوم يجي قانون يحرمها على!!
بعدين مفوضية معينة من رئاسة الجمهورية تعترض كيف!! القوانين دي مش محل نقاشها واجازتها مفروض يكون البرلمان والا انا غلطان
| |
|
|
|
|
|
|
Re: صدور الحكم في قضية وارقو (Re: Faisal Elrasheed)
|
Quote: وارقو مفروض يشوف ليه كم بوردابي من مؤيدي الكشح عشان يتضامنو معاهو وبالمرة ممكن يكونو ليه جمعية تختص بقضايا اللاعبين المحترفين اللاطين والعاوزين يلططو .... |
ارفعوا سياطكم عن وارغو الماسورة ياجلادين يعني هو عمل شنو عشان تجلدوهو
الزول من حقو يقيف شبط طالما انو لحدي الان ماقدر يتأقلم مع الجو في السودان
بشجب وندين ونستنكر جلد المواسير
loooooooooooooooooooooool
| |
|
|
|
|
|
|
Re: صدور الحكم في قضية وارقو (Re: خالد عبد الله محمود)
|
Quote: هل كان سيصدر نفس الحكم لو كان وارغو أمريكي ؟؟ ومتي تم القبض على أمريكي و تم جلده ؟؟ ولا الخواجات الفي السودان ديل ما بسكرو و لا بعملو إزعاج عام؟؟ |
مرة عملوها لي دنماركيين يا خالد في عطبرة على زمن الرائد عبد الكريم .. وابورات محطة كهرباء عطبرة من الدنمارك والجماعة ديل جايين تبع الوابورات شغل الصيانة وقطع الغيار لمو فيهم سكاري جلدوهم ليك في نص ملجة الخضار .. الخواجات شتتو من عطبرة وتم الغاء تعاقدهم مع الشركة عليك امان الله بعد كم شهر الوابورات اتعطلت والدنمارك رفضت تورد قطع غيار او مهندس صيانة وغرقت عطبرة في ظلام دامس لاكتر من ثلاث سنوات ..!
تاني باقي لك بيكرروها
| |
|
|
|
|
|
|
Re: صدور الحكم في قضية وارقو (Re: الهادي محمد ابراهيم)
|
علي جميع المناضلين والثوار التحرك سريعا لتوصيل المعلومات للحركه الشعبية والعدل والمساواة من اجل انقاذ وارغو الحرية لوارغو وين تراجي وين استيف وكوبي بست
ويا وليد الشفت ظهرت علي حقيقتك اتاريك غواصه هلالية في صفوف المريخ
| |
|
|
|
|
|
|
Re: صدور الحكم في قضية وارقو (Re: Abd Alla Elhabib)
|
Quote: يا جماعة البوست ده مرفوع للعلم فقط |
هووووي يا وليد انت خلاص ظهرته علي حقيقتك .. جايي تشبكنا للعلم والحنك البيش ده .. انت الناس دي كلها قاعدة و الاعداء كلهم ما نضمو تقوم الخيانة تجي منك انته ؟ بعد كده حقو تقدم اوراقك مع اولاد البلال الطيب وكابو
واحسرتاه وا حسرتاه يا وليد
وين هرون دياب ؟؟
| |
|
|
|
|
|
|
Re: صدور الحكم في قضية وارقو (Re: HAIDER ALZAIN)
|
الاخ وليد سلام وتحية
Quote: اوقف تنفيذ عقوبة الجلد لاسئناف محامي الدفاع بحجة انه مريض |
مريض في الجلد.. ونصيح في لعب الكورة ؟؟؟
وبعدين ايقاف تنفيذ عقوبة الجلد دي معناها تم الغاؤها أم تاجيلها حتي يشفي من المرض ؟؟؟ واذا كانت مسألة (شهادة من طبيب مثلا بانو مريض) يمكن ان تلغي عقوبة قانونية ممكن اي واحد محكوم عليهو بالجلد يجيب شهادة طبية من دكتور قريبو او دكتور فريق حلتو ويتخارج
| |
|
|
|
|
|
|
|