|
|
 شي من الجدية ... هذا هو ما هزم الهلال
|
قد تكون هناك اخطاء في تشكيل الفريق ... الزج باسامة التعاون باك شمال في وجود امولادي ... الزج بسامي عبد الله وهو مصاب .. الزج بمساوي في خانة الباك اليمين ... ولو تابعنا مسيرة فريقة الهلال في هذه البطولة فقد لعب في دفاعه هولاء اللاعبين ( دمبا ، منير امبده ، سامي عبد الله ، مساوي ، واسامه التعاون ) في متوسط الدفاع (اسامه التعاون ، خليفة ،حموده ، زرياب ، مساوي ) باك يمين ( امولادي ، خليفة ، اسامه التعاون ، مهند طاهر ) باك شمال ... معقولة عاد
لكن هذا ليس سبب يغلب فريق 5 في ملعبة في كورة دوري اربعة
قد يكون الزج بايفوسا بديلا لمهند الطاهر من الاسباب مع العلم بان مهند الطاهر هو هداف الهلال حتى الان ..
قد يكون صيام المهاجمين طوال مباريات المجموعات وحتى هذه المباراة في دوري الاربعة ...
لكن كل هذه الاسباب لا تغلب فريق خمسة في ميدانه
السبب الرئيسي هو الشحن الزائد
نعم هو الشحن الزائد
دخل لاعبي الهلال المباراة وقد صورت لهم على اساس انها مباراة حياة او موت .. متشنجين مشتتين ذهنيا
اول مرة اشوف عمر بخيت منفعل وبقع كنشاسا .. وهو من تعودنا منه استخلاص الكرات بدون السقوط على الارض
اول مرة اشوف مساوي بقلشها .. وهو من تعودنا منه التركيز التااام
او مرة اشوف علاء الدين يوسف وديع كما الحمل .. واعتقد ان علاء الدين اجري له غسيل مخ وانه لابد وان لا يتحصل على كروت فضاع الشكل المميز له وهي الجدية اللعب العنيف
اما امبيلي زمااااااااااااااااااااان قلت لي عمر الفاروق هنا الزول ده ماسورة
وسادومبا اليد الواحده ما بتصفق
ونفس الشي لي دمبا
التنشنة هي ما غلب الهلال
والسبب هي الادارة
يفترض كان ان يبعد الفريق عن الاعلام ويبعد عنه الاعلام
لا جرائد ولا تلفاز ولا اعلام اخر ثلاث ايام قبل المباراة .. وتمرين المطش يكون مفقول
الحصل للهلال هو ما يحصل لبعض النابغين في امتحان الشهادة السودانية
كثيرين هم النابغين المميزن الذين كان يتوقع لهم الحصلو على درجة تفوق الـ 90%
ونتيجة للضغط والشحن من قبل الاسرة والمدرسة
تحصلوا على اقل من 70%
|
|
 
|
|
|
|
|
|
|
|
Re: شي من الجدية ... هذا هو ما هزم الهلال (Re: حمزاوي)
|
كابتن وليد كلامك جميل جدا
وما فعله الهلال اشبه بالنقارة
وواحد زمان حكى قال والله الواحد من شدة حماسة في دار الرياضه امدرمان لو فتحت رجله وكبت دم
بس يشل هبوت من خط التماس ويكبو في رجله ويواصل وده من الحماس والشحن الزائد
ولكن كابتن وليد ياحبيبي الكره اصبحت احتراف ومافيها شحن واعلام
يعني انت كلاعب عندك مهمة لازم تنفذها حسب توجيهات المدرب وطبعا زي ماعارف اضافة الحلول الفردية كمان مهمه
حسب مهارة اللاعب .
تخيل نفس اخطاء الباشا لاعب المريخ يكررها اسامه التعاون وما حصل عمل كوشنج او دحرجة ونجحت (1) محاورة ودخل منها هدف
(2) محاورتين ونتجت منهم هجمه خطره
بعدين ياوليد انت زول لعبت كوره شوف كان كيف شكل حركة اللاعبين في حال استحوازهم للكوره وكيف كان شكلهم في حالة فقدانها
وفي الهجمة المرتده وهذا معروف على فريق مازمبي سرعة تحولهم والكنترول والتحكم في الكورة بصورة طيبة وضرب وسط الهلال ودفاعة بباص واحد مع عدم تقدير المعز لزواياه حسب حركة المهاجم لذلك دخلت به اهداف بكل سهول وكان ممكن يكون نجم المباراه
كابتن وليد الكلام كتير في شكل الكورة بصوره عامه وبجيك صادي
وبنتكلم حسب ما وضعت تشكيلة الهلال يوم الدافنه وتحليل حركة كل لاعب وياريت انت تعمل درجات عشان نقدر نسترسل في الحديث
عن كل لاعب
| |
|
|
|
|
|
|
|
|
|
Re: شي من الجدية ... هذا هو ما هزم الهلال (Re: وليد عبد اللطيف)
|
كلامك ممتاز يا وليد
الشي المهم وضح انو في فرق بين المجموعتين الناس كانت مفتكرة مجموعة الهلال هي القوية والدليل انه الهلال مغلوب 5 وكانو مغلوب اربعة
كلامك عن حركة اللاعبين احتمال يكون مفهوم بالنسبة لي اسامه التعاون والباشا
لكن ما مفهوم بتاتا عندي بالنسبة لي عمر بخيت ومساوي وعلاء الدين وامبيلي
باعتبار انو ديل لاعبين مفروض يكونوا كبار
حا اجيك لموضوع الدرجات
| |
|
|
|
|
|
|
|
|
|
Re: شي من الجدية ... هذا هو ما هزم الهلال (Re: على محمد على بشير)
|
يا وليد سلام
الجماعه كانو مساهرين بفكرو في ابو ظبي عشان كده ما قدرو يعملو حاجه
اعتقد ان مشكله الهلال بلأمس ان لاعبيه دخلوا ارض الملعب و هم متصورين انو مازيمبي ده زي هلال الساهل
عدم احترام الخصم هو المشكله الاساسيه
و السبب في ذلك هو اعلام الضلال
فقد كانو يعتقدون بعد خروج المريخ ان البطوله قد اصبح بااااارده ليهم و في متناول ايديهم
| |
|
|
|
|
|
|
|
|
|
Re: شي من الجدية ... هذا هو ما هزم الهلال (Re: امين عمر عثمان)
|
| Quote: عدم احترام الخصم هو المشكله الاساسيه |
مرحب امين
دعني اختلف معاك
ما اظن في استهتار بي مازمبي لانه مازمبي فريق معروف وهو المرشح الاول
حتى لو كان في الكلام ده .. جات لاعبي الهلال اكتر من فرصة كان ممكن تديهم راسهو
مازمبي درن معاهم بعد 3 دقائق وكان ممكن يجيب قون تاني
ثم قطع التيار الكهرباء قريب 20 دقيقية
دي كانت فرصة كافية للهلال يعيد حساباتو لو كان السبب استهتار
تاني دخلوا والهلال جاب قون
ودرن مازمبي بعد 8 دقايق وانتهي الشوط الاول تعادلي
لو كان الحكاية استهتار وغرور
كان الشوط التاني بكون مختلف بعد ما يوعي الهلال الدرس
السبب الرئيسي هو التنشنة والشحن الزائد
خالص الود
| |
|
|
|
|
|
|
|
|
|
Re: شي من الجدية ... هذا هو ما هزم الهلال (Re: وليد محمد المبارك)
|
يا وليد الواحد ما كان حاسي بي إنو في خطة مدروسة بلعب بيها الفريق وهذا هو حال جميع الفرق السودانية المدرب يكون قضى ساعات بشرح وأول ما اللعيبة يدخلوا الميدان الدافوري يدور .. كدي بس قول لي طوال المباراة سفت ليك خمسة باصات متواصلة اتبادلوها اللعيبة ... ياخي بنرجع نقول إنو الأسس (إن وجدت) فهي عقيمة وخلينا نعترف بي إنو نحن لسع ما بدينا نلعب كرة قدم تشابه حتى كرة القدم الأفريقية التي تعتمد على القوة واللياقة .. الواحد بدخل الميدان بس عايز ينط جوز!!
الكلام كتير ما بنتهي!!!
بعدين تعال هنا انت إبراهومة شنو البدرب المريخ!! يا جماعة كدي خلونا الواحد يلعب في واحد من فرق القمة يقعد يحكها كدة لمن تجيب بترول مش زيت
مع السلامة ياخي
أمير أوية
| |
|
|
|
|
|
|
|
|
|
Re: شي من الجدية ... هذا هو ما هزم الهلال (Re: Ammir Mohamed)
|
نعم ياوليد . .
الإعلام الرياضي أضاع الهلال وقبله أضاع المريخ
الإعلام الرياضي ( الحالي ) أضاع الكره السودانية
مرات كده الواحد يقول ياخ شداد معاه حق
لعيبتنا كلهم ( فاقد تربوي )
لكن برضو الخمسة حااااااااااااااااااااااارة
لكن نأكلها في حنانا نسوي شنو
برضو كتر خيرك ياوليد نوع كتابتك دي بتخفف الوجع شوية
| |
|
|
|
|
|
|
|
|
|
Re: شي من الجدية ... هذا هو ما هزم الهلال (Re: السيد أحمد إبراهيم)
|
درجات لاعبي الهلال في المباراة
معز محجوب 4/10
يسال عن الهدف الخامس بصورة مباشرة وهو مشارك في الهدف الثالث اما بقيت الاهداف فهي اخطاء دفاعية بحته لكنه لم يفعل الذي يفترض ان يفعله حراس المرمي الا وهو تغطية غلطات الدفاع
ديمبا باري 7/10
مشارك في الهدف الثالث في المسئولية تقدم وفعل ما عجز عنه المهاجمين
مساوي 5/10
عندما كان باك يمين لم يستطيع الجهة اليسار لفريق مازمبي تشكيل اي خطورة من صائده عندما لعب متوسط دفاع كان مهزوزا تسبب في ركلة الجزاء التي جاء منها الهدف الرابع وكاد ان يتسبب في هدفين غيره
اسامه التعاون 3/10
تعبان تعب الموت
علاء الدين يوسف 6/10
لم تكن له اخطاء لكنه لم يكن علاء الدين الذي نعرفه .. اول مرة اشوف علاء الدين مدسي في كورة .. عنده كانت مهمة مراقبة كابت مازمبي وهدافنه ونجح في ذلك نوعا ما
عمر بخيت 4/10
كان سيئا ومتشنجا وكشف الدفاع بصورة كبيره
هيثم مصطفى 7/10
هيثم لعب كورته البعرفها لا اكتر ولا اقل
ايفوسا 2/10
ده ماسورة وانا بحملة جزء كبير من هزيمة الهلال هو من ارهق دفاع الهلال بتمريراته الخطاء والكرات المقطوعة منه شكلت خطورة كبيرة على الهلال
امبيلي 2/10
الزول ده كان لاعب
ساومبا 6/10
كان كويس نوعا ما لكن دايش شوية ما زي ما في مباراة المريخ
مستوى الهلال باللاعبين الاساسين
4.1/10
___________
البدلا
كاريكا 5/10
حركة الهجوم لكنه كان طائش واضاع فرص مضمونه
الباك الشمال كابوني 3/10
الزول ده كان شارع عديل كده
مهند طاهر 3/10
ما حسينا بيه زاتو
| |
|
|
|
|
|
|
|
|
|
Re: شي من الجدية ... هذا هو ما هزم الهلال (Re: وليد محمد المبارك)
|
Quote: السبب الرئيسي هو الشحن الزائد
نعم هو الشحن الزائد |
خلينى اختلف معاك ,,تشكيلة امبارح
فيها عناصر خبرة ..صالوا وجالوا فى عشرات
المباريات الدولية مع المنتخب ومع الهلال
ومفروض يكونوا متعوديين على الضغط النفسى
والجماهيرى,,وخاصة فى إستاذ الهلال...الموضوع
ياوليد مشكلة فى الاندية السودانية ماعندها ثقافة
البطولات الكبرى...يعنى الواحد بلعب مبارة ذى دى بإحساس
الدورى الممتاز..ودى مشكلة فى كبيرة...
| |
|
|
|
|
|
|
|
|
|
Re: شي من الجدية ... هذا هو ما هزم الهلال (Re: خالد خليل محمد بحر)
|
كلامك سليم نوعا ما يا خالد
لكن اللاعب السودان لا ينفصل عن شخصية الفرد السوداني
نحن جميعنا كسودانيين ننفعل مع التحفيز ونتراخى عن التقريع الا من رحم ربي
قد يخرج هذا الانفعال بصورة غير صحيحة كمثال الباشا الذي شحنه اوصله للكرت الاحمر او لاعبي الهلال امس شحنهم الزائد اخرجهم عن الانضباط التكتيكي وهذا ايضا عيب ثقافي كما تفضلت
اتفق معاك انه المشكلو كلها تتلخص في الثقافة
مع اختلافي معاك في ياتو ثقافة هي
| |
|
|
|
|
|
|
|
|
|
Re: شي من الجدية ... هذا هو ما هزم الهلال (Re: وليد محمد المبارك)
|
| Quote: يفترض كان ان يبعد الفريق عن الاعلام ويبعد عنه الاعلام لا جرائد ولا تلفاز ولا اعلام اخر ثلاث ايام قبل المباراة .. وتمرين المطش يكون مفقول |
وليد ده كلام سليم لكن في السودان في حاجة اسمها سياسة الجوطة يعني البخلي الهلال يعمل معسكر خارجي لمباريات دور ال١٦ شنو المانع لمعسكر خارجي لمبارة ما قبل النهائي بعيد عن الشحن و ٣٠ الف متفرج فى اخر تمرين وواقع مصدووم باحلام زلووووط ؟؟؟؟؟؟ من رائي انو إدارة الهلال اتعاملت مع هذه المباراة بنوع من السبهليلية و عدم المبالاة و لكنها يا صديقي حكاية كل عام نطلع العالي و ننزل علي لا شي.
واضف الي اسباب هزيمة الهلال الإستهانة بالفريق المنافس
شخصيا ادعو إدارة الهلال لترك الفرصة للاعبي الصف الثاني لإداء مباراة الرد للإستفاده
| |
|
|
|
|
|
|
|
|
|
Re: شي من الجدية ... هذا هو ما هزم الهلال (Re: Sayed Bekab)
|
| Quote: وليد ده كلام سليم لكن في السودان في حاجة اسمها سياسة الجوطة يعني البخلي الهلال يعمل معسكر خارجي لمباريات دور ال١٦ شنو المانع لمعسكر خارجي لمبارة ما قبل النهائي بعيد عن الشحن و ٣٠ الف متفرج فى اخر تمرين وواقع مصدووم باحلام زلووووط ؟؟؟؟؟؟ من رائي انو إدارة الهلال اتعاملت مع هذه المباراة بنوع من السبهليلية و عدم المبالاة |
يا سيد ده كلام 100%
وده
| Quote: شخصيا ادعو إدارة الهلال لترك الفرصة للاعبي الصف الثاني لإداء مباراة الرد للإستفاده |
200%
خالص الود
| |
|
|
|
|
|
|
|
|
|
Re: شي من الجدية ... هذا هو ما هزم الهلال (Re: ودالعباسية)
|
كتب كابتن وليد المبارك
=========================
كلامك عن حركة اللاعبين احتمال يكون مفهوم بالنسبة لي اسامه التعاون والباشا
لكن ما مفهوم بتاتا عندي بالنسبة لي عمر بخيت ومساوي وعلاء الدين وامبيلي
باعتبار انو ديل لاعبين مفروض يكونوا كبار
========================
منو القال ليك كبار ياخي ديل ابسط شي مابيعرفوا يدعموا الدفاع ولا الهجوم ديل الوسط ماقدروا عليه
تقولي شنو تقولي منو
ياكابتن الكورة السريعة بتهز الهلال وبتهز كل الكره السودانية لانستطيع التمرير السريع والانتشار
لذلك كان كل طائر هلالابي يغرد في سرب براهو ( ظلموني ... ظلموني )
اهم شي كابتن وليد الهلالاب والمريخاب في المنبر يتفقوا على تتطوير الكره السودانية والكلام بجدية
والناس تشوف الحلول مع بعض
و كويس انك عملت درجات للاعبين
وبجيك صادي
| |
|
|
|
|
|
|
|
|
|
Re: شي من الجدية ... هذا هو ما هزم الهلال (Re: وليد عبد اللطيف)
|
سلام يا وليد
الشد الزائد احد الاسباب قطعا, التشكيله الخطأاحد الاسباب ويمكن ان نعدد غيرها
لكن هذا هو رايي في السبب المباشر للهزيمه انفله لك من بوست مجاور
Quote: كنت حاتقا جدا علي الهلال وعلي المدرب ولم استطع النوم الي ان شاهدت اجزاء من المباره من التسجيل
تتخيل بعداك استطعت النو, تعرف ليه لانني وصلت لقناعه تامه ان مازيمبي افضل بكثير من الهلال ولا مقارنه اطلاقابل اذهب ابعد لاقول ان الفرق بين مازيمبي و الهلال تماما كالفرق بين الهلال او المريخ وبقية اندية الممتاز. لا شك ان هناك اخطاء كثيره صاحبت اللقاء كل هلالابي يراها بوجهه نظره لكن تبقي الحقيقه انه حتي ولو لم تكن هناك اخطاء فان مازيمبي كان قادرا علي هزيمه الهلال للفرق الفني الكبير بينهما فقط بدل ان تكون الهزيمه بفارق ثلاث اهداف كانت ستكون بفارق هدف او تعادليه علي احسن الفروض تماما كما كانت ستكون نتيجه اي من فرق الممتاز في احسن حالتها امام الهلال او المريخ.
لذلك فانا اري الانتصار علي مازيمبي في المباره القادمه سيكون اقرب للمستحيل. الهلال يجب ان يعي حقيقه ان فريقه ليس مؤهلا للفوز بالبطولات بشكله الحالي وحتي لو كنا التقينا بهارت لاند لنلنا هزيمه منه ايضا قد لا تكون بنفس القسوه او قد تكون علي الهلال ان يخطط للمستقبل بناء علي هذه الحقيقه " هذا الفريق باعمدته الفقريه الحاليه غير مؤهل للفوز بكاس البطوله |
| |
|
|
|
|
|
|
|
|
|
Re: شي من الجدية ... هذا هو ما هزم الهلال (Re: وليد عبد اللطيف)
|
Quote: ياكابتن الكورة السريعة بتهز الهلال وبتهز كل الكره السودانية لانستطيع التمرير السريع والانتشار
لذلك كان كل طائر هلالابي يغرد في سرب براهو ( ظلموني ... ظلموني ) |
ده كلام مفهوم يا كابتن
لكن انت وكلاعب كورة عارف انو في حاجات تانية لو توفرت ممكن تغطي على النقص في المهارة او اللياقة او التكتيك
وجميعها عوامل معنوية بحته
يعني حسن القراية والتوقع بغطي على التقلة وعندك مثال طارق احمد ادم
الحماس والجدية يغطي علاى الفنيات وعندك جمال الثعلب وعبد السلام حميده
الروح والعزيمة تغطي على البنية الجسمانية وعندك جمال ابوعنجة محمد ابوشامة
الكورة ما تكتيك ومهارة فقط بالذات داخل الميدان
وكم من فرق مستوياتها الفنية اقل انتصرت على فرق عالية المستوي لاسباب معنوية فقط
ونحن كورتنا كانت ماشة بالمعنويات
وامبارح كانت في الحضيض
فظهر الفرق في الامكانيات الفنية
مازمبي ده المريخ قريب ده غلبو هنا
وما غلبه الا معنويات فقط ما اكتر ولا اقل
Quote: اهم شي كابتن وليد الهلالاب والمريخاب في المنبر يتفقوا على تتطوير الكره السودانية والكلام بجدية
والناس تشوف الحلول مع بعض |
ده كلام حلو
بس البقنع الديك منو ؟
وفي انتظارك تتحفنا بتحليك الممتاز ورائيك السديد
| |
|
|
|
|
|
|
|
|
|
Re: شي من الجدية ... هذا هو ما هزم الهلال (Re: ودالعباسية)
|
علاء الدين اتعمل ليه غشيل مخ يا ود العباسية
لحدي ما فقد هويته والطريقة المميزاه عن البقية
عادي جدا انو يكون في الفريق في زول شرس ويمكن متهور كمان في الفرق الكبيره موات بكون موجود
ما شافوا جاكوزي ولا شاكوزو ما عارف بتاع ايطاليا داك
| |
|
|
|
|
|
|
|
|
|
Re: شي من الجدية ... هذا هو ما هزم الهلال (Re: ودالعباسية)
|
Quote: Quote: او مرة اشوف علاء الدين يوسف وديع كما الحمل
|
بس ما يكون ده زميلنا عضو المنبر علاء الدين يوسف علي محمد ؟؟
مع إيماني بقاعدة لا يفتي قاعد لمجاهد , ولا مشجع للاعب
ومع أني لم أشاهد المباراة أكيد( شتارته) هي سبب الخمسة.
| |
|
|
|
|
|
|
|
|
|
Re: شي من الجدية ... هذا هو ما هزم الهلال (Re: معاوية الأرباب)
|
كتب كابتن وليد
==================================================
يعني حسن القراية والتوقع بغطي على التقلة وعندك مثال طارق احمد ادم
الحماس والجدية يغطي علاى الفنيات وعندك جمال الثعلب وعبد السلام حميده
الروح والعزيمة تغطي على البنية الجسمانية وعندك جمال ابوعنجة محمد ابوشامة
الكورة ما تكتيك ومهارة فقط بالذات داخل الميدان
وكم من فرق مستوياتها الفنية اقل انتصرت على فرق عالية المستوي لاسباب معنوية فقط
==================================================
كلامك سليم ولكن هذا لما تعرف عيوبك ولا تكابر مثلا
طارق احمد ادم : يعلم امكانياته لايستطيع ضرب الكره بالراس والسرعه بطيئه ويالرغن من ذلك كان افضل مدافع
وكان دعم تنقا والثعلب ومجدي عبد الغني واضح واضف لذلك معرفة عيوب زميلك
جمال الثعلب : صديقي وحبيبي ولعب معي في نادي الاتحاد امكانياته الفنية ضعيفة ولكن كما قلت حماسي وتوقيت سليم في الانقضاض
وهل تنسى عندما مسك احمد راضي العراقي
يابوي شباب زمان ديل بشيلوا بعض كانوا بحبو بعض جدا
ولو كان المعنويات اهم شي معناها الهلال امس كان يكون غالب عشرة
وفروا ليهم حوافز واقامه مريحه
واعلام زياده عن اللازوم
وعملوا ليهم ملصقات وكشاكيش
ياكبتن حتى انا لما كنت لاعب كره كان لي عيوب ولكن كنت بعالجها باشياء اخري
والمهم تعرف عيبك وتشوف البديل
كابتن وليد
معليش زحمة شغل وماقادر اكتب بتركيز كويس
____________________________________
ياكباتن بقاتل القلب
| |
|
|
|
|
|
|
|
|
|
Re: شي من الجدية ... هذا هو ما هزم الهلال (Re: وليد عبد اللطيف)
|
ولى ...
| Quote: شي من الجدية ... هذا هو ما هزم الهلال |
خلاص اتفشيت ... من امبارح حايم شماتة فى كل البوستات (لوعاوزين نطلع فضولى أكيد انت ) 
Quote: السبب الرئيسي هو الشحن الزائد
نعم هو الشحن الزائد
|
زائد عدم احترام الخصم بالرغم معرفة الهلال لمازمبى والعكس ....
معقول مدرب الهلال لم يشاهد مباراة مازمبى والنجم الساحلى فى تونس وكل مبارياتة خارج ارضة بالتحديد ...
السبب الثانى الهلال شرب من نفس كاس المريخ وانقاد للاعلام الرياضى الحلقة الاقوى لتدهور الكرة السودانية ...Quote: لحصل للهلال هو ما يحصل لبعض النابغين في امتحان الشهادة السودانية
كثيرين هم النابغين المميزن الذين كان يتوقع لهم الحصلو على درجة تفوق الـ 90%
ونتيجة للضغط والشحن من قبل الاسرة والمدرسة
تحصلوا على اقل من 70% |
والله انت كريم خلاص 70% شنو ياصحبى دى 0%
كتبت فى بوست لحميدة قبل فترة عن تخوفى من اعادة سيناريو 2007 عندما ركن الهلال لاخر مباراة مع الترجى وخسر
لكى لا يتصدر ويقابل الاهلى المصرى مرة اخرى وخرج ليعيد نفس السناريو فى مباراة زيسكو ويتعمد الحصول للمركز الثانى
لكى يضمن النهائى بالخرطوم اى منطق تفكير هذا ؟
قلبى مع الجماهير الكبيرة التى حضرت المباراة بالاستاد وبكل ربوع السودان وخارجة الخزى والعار للاعبى الهلال وجهازة الفنى وادارتة
| |
|
|
|
|
|
|
|
|
|
Re: شي من الجدية ... هذا هو ما هزم الهلال (Re: بابكر التوم)
|
Quote: الحصل للهلال هو ما يحصل لبعض النابغين في امتحان الشهادة السودانية
كثيرين هم النابغين المميزن الذين كان يتوقع لهم الحصلو على درجة تفوق الـ 90%
ونتيجة للضغط والشحن من قبل الاسرة والمدرسة
تحصلوا على اقل من 70% |
هذا هو السبب الرئيسي يا وليد...
وهو آفة الكرة السودانية...
وحا تشوف كلامي دا في مباراة الرد..
لو لم يهتموا بهم ويشحنوهم كل هذا الشحن...كان حا يؤدوا
مباراة افضل بكثير من المباراة ام خمسة دي...
| |
|
|
|
|
|
|
| |
وليد محمد المبارك
وليد عبد اللطيف
على محمد على بشير
حمد فتح الرحمن
السيد أحمد إبراهيم
خالد خليل محمد بحر
Sayed Bekab
ودالعباسية
Omar Bob
محمد عمر الفكي
معاوية الأرباب
بابكر التوم
nazar hussien
فيس بوك
تويتر
انستقرام
يوتيوب
بنتيريست