|
|
 شكـــــــر وعرفــــــان
|
من لا يشكر الناس لا يشكر الله
اتقدم باسمى ايات الشكر والتقدير
لكل كتيبة الحق... الكرامة ....الاشاوس
بقيادة الخال وهبة...
وقائد العمليات الميدانية .... الاخ علاء الدين يوسف
ومنسق العمليات .... الاستاذ علاء الدين صال
بمعوانة كل من اللواء حرب حيدر الزين (اللي للان الجبهة بتشهد توتر في بوستيه)
والعقيد اركان حرب فيصل الرشيد
وبقية كتيبة الاشاوس ....الذين تواجدوا بكثافة في ارض المعركة وعلى راسهم الاخ عبد الناصر الخطيب ...معتز القريش
وإذ نعلن لكم يا جماهيرنا بالمنبر انو الحملة انتهت بانتصارنا الكبير
وقد تكبدنا خسائر في المؤن (قصدي البوستات)
والله يطول بالك علينا يا بكري ابو بكر
وفي ظل اجواء النصر والفرح
نتقدم نحن في قيادة العمليات باسمى ايات الشكر لكل من تكبد مشاق التداخل في العملية
وكل من تقدم بنصحيه وراي
على وعد ان تكون كل نصاحئكم واراءكم محل تقدير لدينا
ونكرر شكرنا وتقديرنا لكل أولئك
ولا أراكم الله مكروها في عزيز لديكم
ونحن في قيادة الكتيبة نعتذر لكل من سقط اسمه سهوا
والذي لا يمثل شئ اما عرفاننا بجميلكم في دواخلنا
والله من وراء القصد
ميادة كمال
سيد الشئ زاتووو
|
|
 
|
|
|
|
|
|
|
 Re: شكـــــــر وعرفــــــان (Re: walid shingrai)
|
Quote: اقسم بالله
ممتاز
في المناكفه
جيد جدا في |
البرلوم وليد شنقاري
اذا دي صفات فيك
أبشر بطول إقامة في المنبر دا
ولازم لازم تتحلى بالمصداقية
وشايفاك بتاوق في بوست بي هناك في تراجي مصطفى
إياااااااك
دي كبيرهم الذي علمهم السحر (قصدي النضال)
لكن النصحية زولة عقلانية مرات مرات
ومحل تقدير من الكثيرين ومن ضمنهم شخصي الضعيف (دا ما كسير تلج والله يا تراجي مصطفى دي حقيقة حقيقة)
| |
|
|
|
|
|
|
|
|
|
Re: شكـــــــر وعرفــــــان (Re: mayada kamal)
|
Quote: بقيادة الخال وهبة...
وقائد العمليات الميدانية .... الاخ علاء الدين يوسف
ومنسق العمليات .... الاستاذ علاء الدين صال
بمعوانة كل من اللواء حرب حيدر الزين (اللي للان الجبهة بتشهد توتر في بوستيه)
والعقيد اركان حرب فيصل الرشيد
وبقية كتيبة الاشاوس ....الذين تواجدوا بكثافة في ارض المعركة وعلى راسهم
الاخ عبد الناصر الخطيب ...معتز القريش
وإذ نعلن لكم يا جماهيرنا بالمنبر انو الحملة انتهت بانتصارنا الكبير
وقد تكبدنا خسائر في المؤن (قصدي البوستات)
|
ديل لسانهم بينقط دود يا اختي....
تسببو في حذف عشرات البوستات...
| |
|
|
|
|
|
|
|
|
|
Re: شكـــــــر وعرفــــــان (Re: احمد محمد بشير)
|
Quote: ديل لسانهم بينقط دود يا اختي....
تسببو في حذف عشرات البوستات... |
أختك !!!!
إتخسى ...
إنت اخر زول يتكلم عن الاخوة
لا طمرت فيك عشرة سنين الزمالة والدراسة
ولا وحدة العرق....
ديل انت بتقول عليهم كدي واحد فيكم يساوي ضفرة من ضفور رجلهم البضفروها بالضفارة
واقول يا احمد
تاني ما تخش لي بوست لا بي خير ولا بي شر
وقع ليك !!!!!!!!!!!!!!!!!!!!!!!!!!!!
| |
|
|
|
|
|
|
|
|
|
Re: شكـــــــر وعرفــــــان (Re: انعام حيمورة)
|
جميل ان يقف علاء الدين هذا الموقف مع الاستاذة ميادة ويشكر على هذا الموقف النبيل
لكن لابد تذكير من الاستاذ علاء الدين يوسف ان ما يقوم في البوست الارشيفي لحلفا دغيم ولا لبنان للاستاذ فيصل
عمل صبياني متهور لا يصدر من شخص سوى
فليعلم علاء الدين ان ذااك البوست يتحدث عن حلفا
علاء الدين معذور لانه لا يفهم ماذ تعنى لنا مدينة حلفا
لذلك اقول له ما تقوم به في ذاك البوست اساءة لكل النوبيين
فكف عن ما تقوم به
تصفية خلافاتك مع الاستاذ فيصل تكون بوستات اخرى
| |
|
|
|
|
|
|
|
|
|
Re: شكـــــــر وعرفــــــان (Re: محمد على حسن)
|
Quote: جميل ان يقف علاء الدين هذا الموقف مع الاستاذة ميادة ويشكر على هذا الموقف النبيل
لكن لابد تذكير من الاستاذ علاء الدين يوسف ان ما يقوم في البوست الارشيفي لحلفا دغيم ولا لبنان للاستاذ فيصل
عمل صبياني متهور لا يصدر من شخص سوى
فليعلم علاء الدين ان ذااك البوست يتحدث عن حلفا
علاء الدين معذور لانه لا يفهم ماذ تعنى لنا مدينة حلفا
لذلك اقول له ما تقوم به في ذاك البوست اساءة لكل النوبيين
فكف عن ما تقوم به
تصفية خلافاتك مع الاستاذ فيصل تكون بوستات اخرى |
محمد علي حسن
شنو جاي شابِكنا (ذاك البوست يتحدَّث عن حلفا)
وإنّو علاء الدين يوسف (لا يفهم ماذا تعني لنا مدينة حلفا)
وما تقوم به في ذلك البوست (إساءة لكل النوبيين)
شنو الكلام العجيب دة؟؟
وإنتَ لو بتتكلَّم عن حلفا وعن النوبيين بالحُب دة كُلّو..
كُنتَ وين لمَّن ميّادة كمال أُختكُم النوبيّة الشريفة إتعرَّضت للإهانات ديك كُلّها؟؟؟؟؟
جاوِبني على السؤال دة
كُنت وين؟؟؟ وباقي ناسكُم كانوا وين؟؟
كُنتَ وين لمّن أهانها قبل كدة واحد من حركة العدل والسجم
في بوست أحمد محمد بشير بتاع زيارة البشير لدلقو
كُنتَ وين لمن إتلفَّظ معاها المدعو بُشرى سليمان بألفاظ واطية وبذيئة؟؟؟
وهسا جاي تتهجَّم على علاء الدين يوسف؟؟
ياها دي رجالتكُم؟؟؟؟
النوبة بالنسبة ليكُ صوَر ونخيل وبُكاء على الأطلال ومُناهضة بس؟
ولاّ برضو شهامة ورجولة وأخلاق ودِفاع عن العِرض والشرف والكرامة بالنسبة لأخواتنا؟؟؟
ولاّ إنتو ما بتقيفوا مع واحدة من بناتكُم لو كانت كوزة؟؟؟؟
بتقيفوا بس مع المُناهِضات للسدود؟؟؟
ولاً بنات حلفا والنوبة ما مِن أولويات إهتمامَك؟؟
إهتماماتَك بـ "الأساتذة" بس؟؟
أنا هِنا ما بدافِع عن علاء الدين يوسِف لأنّو أرجَل بكتير من إنّي أدافِع عنّو
وإنتَ عارفو كويِّس
داير تجي تشكُر علاء يوسف تعال أشكرو ولا كتَّر خيرَك
لكن ما تجي تعمل لينا فيها إنّك بعانخي ملِك النوبة العظيم
أو الناطِق الرسمي بإسم النوبيين
وبعدين شنو حكاية (إساءة لكُل النوبيين) دي؟؟
ومنو الأدّاك الحق إنَّك تتحدَّث بإسم كُل النوبيين؟؟؟
روح يا شيخ بلا فلسفة فارغة معاك
| |
|
|
|
|
|
|
|
|
|
Re: شكـــــــر وعرفــــــان (Re: mayada kamal)
|
كتبت ما كتبته في خيطي العركة الإسفيرية المحذوفين . وهي عركة إتفق الناس فيها على شجب رشاش قول مسطور أصاب الأخت ميادة كمال . إتفق الكتبة منقسمين فريقين : فريق تداعى لنصرة المصابة في مشهد للرجم الشريعي ديس فيه على قول المسيح الرحيم عليه السلام بغليظ النعال , مشهد مستلف من قرون خلت يتقاطر فيها عباد الله إلى ساحات تنفيذ الحدود , مشهد ذميم - (أربأ بالعزيزين علاء الدين صالح و عبد الوهاب على الحاج أن يكونا من حملة الأحجار) - جرد فيه سيف من آدميته وخفض إلى منزلة الكبش المهيأ للنحر وسط الهتاف وصير دروة يتمرن عليها الغادي والرائح وهم فرحون بما صنعت أيديهم , و فريق ثان , يا رب العباد !.
| |
|
|
|
|
|
|
|
|
 Re: شكـــــــر وعرفــــــان (Re: أمين محمد سليمان)
|
Quote: مِن ما قريت الجُملة دي عِرِفتَ إنِّك جِبتي أجلو
وقد كان. |
عشان كدة انا حمبكت وابيت ادخل البوست دا تاني يا علاء الدين صالح ..
ـــ
الاخت ميادة قالوا ما بين الخيرين حساب ولا بين الاخوان شكر ..
قلنا القصة كلمة حق حسب منظور رؤيتنا وعبرنا عنها ..
أها هسع استفدت وعد من جنابو علاء الدين يوسف اني وقت اجي السودان وكدة
حا يستضيفوني في زنزانة تبع قسم عمو وهبة في الامن .. ودا راجل حنين فبيكون الشغل علي خفيف
لك الاحترام والتقدير
| |
|
|
|
|
|
|
|
|
|
Re: شكـــــــر وعرفــــــان (Re: abdalla osman)
|
ميادة يا بت كمال
لالالالالا أنا زعلان منك
لا بالجد زعلان منك
تشكرينا على شنو يا أختي
نحنا ما سوينا إلا الممكن يسويهو أي راجل سوداني أصيل
نادته أخته كما نودي المعتصم (وا معتصماه)
لم نفعل ما نشكر عليه يا ميادة
بل فعلنا أقل من الواجب
كوني كما أنت .. أصيلة وبت رجال وبت قبائل
وما تخافي من اي زول هنا ولا غير هنا
| |
|
|
|
|
|
|
| |
mayada kamal
walid shingrai
احمد محمد بشير
علاء الدين صالح
مريم عبد الله
انعام حيمورة
محمد على حسن
علاء الدين يوسف علي محمد
Osman M Salih
abdalla osman
أمين محمد سليمان
HAIDER ALZAIN
معتز القريش
فيس بوك
تويتر
انستقرام
يوتيوب
بنتيريست