|
|
 شعورك شنو لو رسلت لي زول و طنشك ؟؟؟؟؟؟
|
تحس بي شنو لو اتداخلت مع زول في بوست وطنشك ؟؟؟ يعني ما رد على مداخلتك ؟؟ يعني فطاك عدييييل كده ؟؟؟
تحس بي شنو لو رسلت لي زول ماسنجر داخلي وعمل منك رايح ؟؟؟ يعني ما رد عليك ؟؟ يعني عمل ما شايفو عديييل ؟؟؟
تحس بس شنو لو كتبت لي زول كلام شييين .. فارغ يعني .. ومااااارد ليك ؟؟ بالعربي سفهههههههك ؟؟؟ لوووول ..
لوووووووول ..... مساحه (فشه خلق) .. الزعل مرفوع ....
|
|
 
|
|
|
|
|
|
|
 Re: شعورك شنو لو رسلت لي زول و طنشك ؟؟؟؟؟؟ (Re: ابو جهينة)
|
Quote:
أظن التجاهل فيه بعض الجبن
أنا منذ إلتحاقي بهذا المنبر لم أتجاهل أحدا على الإطلاق متعمدا .. إلا إن كان سهوا أو ( فططان ) غير متعمد.
لو أردت أن أجعل شخصا ما لا يتداخل في بوستاتي ، فمن الأحسن أن أبعث له رسالة بالماسنجر الداخلي أشعره بعدم رغبتي في محاورته ، و ليس بيانا عيانا ..
ختاما
التجاهل طعنة أقسى من الرد الفظ أو غير المهذب |
الأُخت داليا
مساء الخير
ولتسمحي لي بعد إذنك بوضع مُداخلتي ردّاًَ على عزيزي الأُستاذ أبو جهينة
أُستاذ جلال
تحيّة طيّبة
البعض من حملة الخناجر المسمومة
قد تنهكك مجرّد فكرة الأخذ والرّد على سطورهـ/ـم/ـن
لعلمك بحقيقة آرائهـ/ـم/ـن فيك
والتي قد لا يواجهونك بها ( جُبناً ) بينما يتناقلونها عنك في بُعدك
ظنّاً منهـ/ـم/ـن بأنّها لن تصلك
هؤلاء قد تجبرك معزّتهـ/ـم/ـن عندك على التّرفّق بهـ/ـم/ـن
والصّمت فقط حيال أفعالهـ/ـم/ـن ومحاولات تواصلهـ/ـم/ـن
مجرّد رأي
محبّتي وإحترامي
| |
|
|
|
|
|
|
|
|
 Re: شعورك شنو لو رسلت لي زول و طنشك ؟؟؟؟؟؟ (Re: HAIDER ALZAIN)
|
حيدر الزين يا صاحب ... تحياتي ...
| Quote: الموضوع اظن فتحو اساسي قبل فترة |
والله يا صاحب ما كان عندي فكره , مع اني ما بحب تكرار البوستات حقيقه
لك ولي اساسي كل العتبى ....
Quote: اها يا بت الناس إنت نفسك بتعاني من المشكلة دي ..
ولو عاوزة تعرفي معني كلامي وإنك ما بتتخذي خيار وفقوس .. راجعي بوستك بتاع حمور زيادة وخدش الحياء العام ..
|
فعلا كلامك صاح يا صاحب .. لكن للاسف كنت بحاول ارد على المداخلات بالدور .. لكن بيجوا ناس يكتبوا فوق
ناس تانيين .. زي ما انت عملت بي مداخلتك دي زااااااتها , ولو ما كان العدد هنا لسه بسيط كان برضو طشيت
وما عرفت ارد لمنو قبل منو ...
الحاجه التانيه انو البوست حمور كان خبري من الدرجه الاولى .. يعني الردود كانت معظمها (شكرا للمرور ) وكده ..
يبقى كلامك صاح وعلى عيني وراسي وملاحظاتك تشرفني جدا .. حا انتبه ليها في المستقبل يا صاحب ...
| Quote: اها يا دلوش إنتي بتاعت شو ؟؟؟؟؟ |
انت عرفت عني كده يا صاحب ... ؟؟؟
تحياتي ... مساك ورد ...
| |
|
|
|
|
|
|
|
|
|
Re: شعورك شنو لو رسلت لي زول و طنشك ؟؟؟؟؟؟ (Re: انور التكينة)
|
ابو النوووووووور .. (شفت بقيت تمام موش.. برضو كيتن في مزمل خيري لوووول ) ...
عليك الله دي شنو الصوره دي ... والله مرقت قلبي من ضلوعي ... رفقا بالقوارير عليك الله ..
بعدين اسمع .. دا عمل ميت من زول كم مره شكلو لمن وقع قدام الكمبيوتر ولا شنو ؟؟؟
مساك ورد ...
| |
|
|
|
|
|
|
|
|
 Re: شعورك شنو لو رسلت لي زول و طنشك ؟؟؟؟؟؟ (Re: نزار كروم)
|
المكرمة / داليه كباشي
مساء الخير ,,,
--------------------------------------------------------
لاحظتها في سلوك المناضلين الكبار ( جسور فما فوق )
في حق من يعتقد أنهم (أمنجية) أو أضعف الايمان (غير وطنيون مهمومين بالقضية )
فلا يرد المناضل الكبير إلا على هتيفته ومناصرية
بتحصل كتير وعادي جدا ...
أو في المواضيع العامة لما يكتر التداخل يعني صاحب الموضوع
يلقي قداموا كمية من المداخلات غير عادية برضوا ممكن يصهين ويخلى البوست يمشي نفسوا
أسباب أخري :
لو بين صاحب الموضوع والمتداخل أساسا ما عمرانه
ودي قليلة لكين ممكن يحصل طناش أو رد بكلام فارغ وحسب نفسيات البكتب في اللحظة البكتب فيها مداخلتو
أعضاء عاملين فيها قدامه ومخضرمين ما بردو على ما يعتقدون أنهم برالمة
في الغالب الكل بهتم يرد على متداخليه سلب أو إيجاب
لانو ده الغرض من الكتابه هنا ( الكتابة التفاعلية )
تحياتي ,,,
| |
|
|
|
|
|
|
|
|
 Re: شعورك شنو لو رسلت لي زول و طنشك ؟؟؟؟؟؟ (Re: عبد الناصر الخطيب)
|
لاحول ولاقوة إلا بالله !!!!
شنو ؟؟؟!!!
كدي عيدي السؤال تاني ؟؟؟!!!!
والله وقسمت بالله ... لاحول الله !!!
تعرفي
1. أعذب ليك مستر قوقل ... أجيب ليك تاريخ تاريخه
لحدود ما قوقل يرسل إلكترونيك مسج للمطنش
يحنسوا يحنسني عشان أبطّل
2. أنزل كل كلمة كاتبها في الفيفوريت
أسيفها
أضرب عليها سور ظاهرة الرحمة وباطنه من قبله العذاب
وأفلفلها
لحدي ما تقول ياليتني مت قبل هذا
3. ... بجيك ليها بعد شوية
قال يطنش قال
هو دخول البورد زي مروقوا ؟؟؟!!!!
| |
|
|
|
|
|
|
|
|
|
Re: شعورك شنو لو رسلت لي زول و طنشك ؟؟؟؟؟؟ (Re: Ahmed musa)
|
احمد موسى يا صاحب ...
انت جااااااااااادي ؟؟؟؟
عليك الله بتسوي دا كللللللو ..؟؟؟؟
والله ليهو حق ما يرد ليك ....
عشان عارفك فااااااضي وما عندك شغله تسك ليك زول في البورد دا .. لوووول ...
برد اعصابك يا صاحب ... وكان داير تعمل كده في البورد دا ..الا تمشي لي سيد التلج كل يوم
عشان تخت اعصابك هناك وتجي بدونها ... تكتب .. ويردو ليك ..او ما يردو .. وبعدين تمشي تجيبها
بس اوعك يوم تنساها ولا تخليهو يبيت بيها .. لانو احتمال كبير يديك اعصاب زول تاني ... اتخيل يديك
اعصاب (....) , او اعصاب (....) , لووووووووول ...
تحياتي يا صاحب ...
| |
|
|
|
|
|
|
|
|
|
Re: شعورك شنو لو رسلت لي زول و طنشك ؟؟؟؟؟؟ (Re: عبد الناصر الخطيب)
|
الاخ عبد الناصر الخطيب ... تحياتي ...
Quote: لاحظتها في سلوك المناضلين الكبار ( جسور فما فوق )
في حق من يعتقد أنهم (أمنجية) أو أضعف الايمان (غير وطنيون مهمومين بالقضية )
فلا يرد المناضل الكبير إلا على هتيفته ومناصرية
بتحصل كتير وعادي جدا . |
الغريبه انا بختلف معاك في النقطه (مع كل احترامي) لانو بلاحظ انو اي زول بيحاول
(يترصد) عدييييل للزول المختلف معاهو .. اول ما يجيهو البوست , فت ..!! زولك
يتلب للزول في حلقومو ... لووووووول ...
Quote: أو في المواضيع العامة لما يكتر التداخل يعني صاحب الموضوع
يلقي قداموا كمية من المداخلات غير عادية برضوا ممكن يصهين ويخلى البوست يمشي نفسوا |
دي متفقه معاك فيها ... بالذات بوستات التضامن والاعلانات وكده .. دي ممكن بعد فتره تمشي براها ...
| Quote: لو بين صاحب الموضوع والمتداخل أساسا ما عمرانه |
دي بتحصل كتيييير هنا موش؟؟؟ انا شخصيا بشوف انو عدم الرد احيانا افضل ..
احسن من الانزلاق في متاهات الزول ما بيقدر عليها ... نحن ناس صوغار والجديع
بالطوب ما بنقدر عليهو ...لوووول ...
Quote: أعضاء عاملين فيها قدامه ومخضرمين ما بردو على ما يعتقدون أنهم برالمة
|
لا لا لا دي ما بتفق معاك فيها خالص .. الناس القدام ديل الخير والبركه .. اسي شفت
المحترم ابو جهينه .. من اوائل الناس اللي اتاخلو في البوست دا ...
تحياتي .. مساك ورد ...
| |
|
|
|
|
|
|
|
|
|
Re: شعورك شنو لو رسلت لي زول و طنشك ؟؟؟؟؟؟ (Re: داليا الكباشى)
|
الأخت داليا سلام ،
الطناش هو في حد زاتو درس ممكن الناس تتعلم منو !
يعني الواحد ما يخش لي أي زول ، قولي لي كيف ؟
البوست لو فتحو فلان مثلاً .. توشك كدا بتلقي خشو معاهو علان وفلتكان ،
يعني لو إنتي مامن ناسو طوالي بعتبرك عندك أجندة خفية وأهداف وإستفهامات كتيرة ،
في الحالة دي الطناش كويس جداً ،
الماكويس يقوم يرشك لما تتحيري زاتو ،
ـــ
أحسن حاجة في المنبر دا .. تقرأ كتير وتكتب بسيط ( أو هكذا أعتقد )
| |
|
|
|
|
|
|
|
|
|
Re: شعورك شنو لو رسلت لي زول و طنشك ؟؟؟؟؟؟ (Re: داليا الكباشى)
|
كدى يا داليا نلومك إنتي زاااتك
طنشتينا في أمان الله
وما قلنا حاجة
عملت ليك مداخلة مشتركة إنت والأخت أماني في بوستها بتاع الشكر داك
وأشدنا بموقفكم
جات أماني ردت
وجيتي بعديها
ولا كأننا ذكرنا إسمك الكريم في مداخلتنا
شوفتي يا بت أمي
" كراع البوستات جيابة " كيف ؟؟؟
____________________
ندخل في الجد
إتفاق تام مع ما ذهب إليه الحبيب أبو جهينة
| |
|
|
|
|
|
|
|
|
|
Re: شعورك شنو لو رسلت لي زول و طنشك ؟؟؟؟؟؟ (Re: Faisal Elrasheed)
|
والله دى فرصة يا داليا
انا ما عندى الاتيكيت دا وكتبت عدة مرات انا ما بلوم اى واحد ما رد لى وكذلك اتمنى ان لايلومنى احد اذا لم ارد على مداخلته لانى من طبعى اذا م حسيت انى حاقدر اكتب حاجة تستحق الكتابة ما بكتب عشان ما اهدر الباندوث واضيع وقت الناس ووقتى!
عشان كدة احسن بوست عندى عدد المتداخلين فيه لا يتعدى اصابع اليد الواحدة لكن بكون اتفتح خمسمية مرة ولو الناس حست انه فى حاجة بنستحق التعليق بتعلق او بتفط كلام المجانين!
انا ما بعرف اعمل لى شلة نتبارى فى البوستات شيلنى واشيلك!
عشان كدة انا ما بزعل فى التطنيش ابدا
جنى
| |
|
|
|
|
|
|
|
|
|
Re: شعورك شنو لو رسلت لي زول و طنشك ؟؟؟؟؟؟ (Re: jini)
|
الاخ المحترم ... جني ...
عظيم الشرف مرورك على البوست .. من اكثر المتابعين لكتاباتك قبل ان امتلك باسويرد ...
| Quote: انا ما عندى الاتيكيت دا وكتبت عدة مرات انا ما بلوم اى واحد ما رد لى وكذلك اتمنى ان لايلومنى احد اذا لم ارد على مداخلته لانى من طبعى اذا م حسيت انى حاقدر اكتب حاجة تستحق الكتابة ما بكتب عشان ما اهدر الباندوث واضيع وقت الناس ووقتى! |
اعتبر ذلك رجاحه عقل وحسن تقدير للموقف ... وذللك في رائيي افضل من كتابه اللاشيء في عده صفحات ...
تحياتي .. مساك ورد ...
| |
|
|
|
|
|
|
|
|
|
Re: شعورك شنو لو رسلت لي زول و طنشك ؟؟؟؟؟؟ (Re: عاطف عمر)
|
الاخ المحترم عاطف عمر ....
Quote: عملت ليك مداخلة مشتركة إنت والأخت أماني في بوستها بتاع الشكر داك
وأشدنا بموقفكم
جات أماني ردت
وجيتي بعديها
ولا كأننا ذكرنا إسمك الكريم في مداخلتنا |
عارف يا عاطف كلامك عن بوستات اماني , الاتنين , بخصوص الموضوع اياه ,,
كم زول قالوا لي نفس كلامك دا , حا ارد ليك نفس الرد يا صاحب ,,
البوستات دي ما انا اللي فتحتها , يعني ما بوستاتي ... دي بوستات اماني الامين
وهي وحدها المطلعه بخاصيه الرد هناك .. بعدين صراحه بيني وبينك كده
انا خجلت عديل ..!! لانو رديت لي اكتر من زول , وبقيت مستلمه البوست من
ستو اللي هي صاحبتي جدا وما عندها مشكله .. لكن ان كان صاحبك اماني ..لووول ..
عموما لك العتبى يا صاحب حتى ترضى ... تحياتي لك وللولد السكر اللفي الصوره
الله يخليهم ليك .... مساك ورد ...
| |
|
|
|
|
|
|
|
|
 Re: شعورك شنو لو رسلت لي زول و طنشك ؟؟؟؟؟؟ (Re: داليا الكباشى)
|
ــــ
| Quote: تحس بي شنو لو اتداخلت مع زول في بوست وطنشك ؟؟؟ يعني ما رد على مداخلتك ؟؟ يعني فطاك عدييييل كده ؟؟؟ |
كدي في الاول سلام يا داليا كباشي
تاني حاجة النكسر الحواجز وأقوليك دلوش 2 
والأخير تداخلت معاك لاول مرة في بوستك دااااك الهديتي لينا فيهو (الآبري) وشكرتك علي الإحساس الإنساني النبيل منك
غايتوا البعرفوا كما أخاف الكذب لي يوم الليلة ما جاني منك رد ؟!
وتاني بشكرك علي الحلو مر اللي أهديتهو لينا
وفي الختام والله عافي ليك وتحدث مثل هذه الأشياء عادي نسيان/ البوست مرات بيحتل تحت القاع / عدم مزاج في الكتابة /كهرباء قاطعة أخري مقدرة وموضوعية .. فللناس ظروف ولنا مثلهم .
الذي أرآه مافي داعي للحساسية الزايدة
وإحترامي ..
| |
|
|
|
|
|
|
|
|
 Re: شعورك شنو لو رسلت لي زول و طنشك ؟؟؟؟؟؟ (Re: emad altaib)
|
الاخ عماد الطيب .. المحترم ...
| Quote: تاني حاجة النكسر الحواجز وأقوليك دلوش 2 |
كل حاجه منك مقبوله يا عمده ( شفت رفع التكليف دا كيف) .... وبعدين دلوش زااااتها صحبتي وعلى العين والراس ....
| Quote: غايتوا البعرفوا كما أخاف الكذب لي يوم الليلة ما جاني منك رد ؟ |
والله يا عمده كان ما اخاف الكضب انا زاتي التقول رديت عليك ..!! لكن يا سيدي ما مشكله
اعتبرني الزمن داك برلومه طاشه ساي وما كنت بعرف كيف اسيطر على البوست ...
شكرا على شعورك الجميل ومرورك الاجمل وبالمناسبه الحلو مر وصل لي اكتر من بوردابي
رسلو ناس شالوهو ليهو او مشيت بنفسي المطار اديتو لي قريب لهم مسافر .. لكن ولا يهمك
الضحيه قربت .. !!! لووووووول ز..
احترامي ومودتي الاكيده ...
| |
|
|
|
|
|
|
|
|
|
Re: شعورك شنو لو رسلت لي زول و طنشك ؟؟؟؟؟؟ (Re: داليا الكباشى)
|
تحياتي
بعض التردد في المداخله
...اتمني ان اكون مفيدا بالقليل الذي اعلم...هكذا ا تعامل مع الموقف....
1-اولا الاحساس بالتجاهل موجود داخلي .. انا شخصيا...يعني انا المالك لاحساسي وهو موجود داخل جسمي وانا الحاسي بيهو بالتالي ممكن
ارجع لي نفسي واسال السؤال التالي: منو الزعلان او محبط الان؟؟؟طبعا الاجابه...لازم تكون انا...لنو مافي زول تاني جواي..
السؤال التاني...هل الزعل حاجه كويسه ممكن الزول يمسكه ويفتخر بيها؟؟...طبعا الاجابه لا
السؤال الثالث..هل انا عندي الخيار في تغيير الاحساس دا.. هل ممكن اغير الحاله النفسيه دي.....الاجابه بالتاكيد نعم.. لانو لسه انا مع نفسي بس...ومافي زول تاني.
السؤال الرابع لنفسي قبل ما أتهم اي حد اخر بالتجاهل..هو كيف اقدر اغير هذا الاحساس (ودا موضوع بي حالو) والرسول (ص) قال فيهو حديث:
اذا غضب احدكم فليتوضأ...واذا كان واقفا فليجلس.. واذا كان جالسا فلغير موضعه...(المعني للحديث)
للغضب وضع فيزيولوجي معين...يعكس تلك الحاله النفسيه من خلال الجسم وتفاعلاته العضويه كما ان للحب لغته كذلك لكل احساس لغته...فاذا تم تغير الوضع الفيزيولجي او الميكانيكي للجسم الذي يعبر عن الغضب تتغير الحاله النفسيه للتواكب مع الوضع الجديد وبذلك ينتهي الغضب او الزعل.. او الاحباط
السؤال الخامس هو هل يمكنني ان اقف في الجانب الاخر؟...بالتأكيد نعم...ولكنني لا اعرف الظروف التي يعيشها الشخص الاخر المتهم بالتجاهل...ولن استطيع نتيجه للوضع الجغرافي...اختلاف المكان ...هنا يصبح الزعل والاحساس بالتجاهل مجرد رد فعل شخصي يمكن التحكم
فيه بالوعي والحضور مع النفس بالاسئله اعلاه.
جلس رجل علي مقعده في القطار وكان معه اطفاله...درج الاطفال علي اللعب والتحدث بصوت عالي.. ازعج كل من في العربه..وبدا الناس حوله يرمقونه بغضب لعدم اكتراثه.. لما يحدث..فتقدمت سيده مسنه وسالته ان يطلب من هؤلاء الاطفال المشاكسين ان يجلسو في هدوء..فهمس في اذنها
انهم لا يدرون ان امهم قد ماتت قبل ساعات في المستشفي..سأحاول ان انقل اليهم هذا الخبر عندما نصل الي البيت..معذرة.. سيدتي..تواصل الهمس في الاذان..وتغير الاحساس الي مواساة..,و واهتمام بالاطفال..لينزل الاب واطفاله عندما توقف القطار...تاركا نفس العيون التي كانت ترمقه بالغضب تحاول حبس الدموع...
معذرة... احبتي..نحن لا يمكن ان نكون في الجانب الاخر...ولكننا نستطيع ان نوظف عدم معرفتنا..للتحكم في انفسنا..
صلاح
تحياتي
| |
|
|
|
|
|
|
|
|
|
Re: شعورك شنو لو رسلت لي زول و طنشك ؟؟؟؟؟؟ (Re: Mohamed Foto7li)
|
دلوش يامنقه
انا غايتو عندى عادى
وعشان تامنى هسه ماتردى على
وافتحى بوست تانى وبجيك..
لكن النوع البقول ليك ياخى ما جليتنا
بكون داير يجن وبتكون حارقاه
وزى ديل انا بتعجبنى ليهم فى حنانى ..
والله اول مرة تفتحى ليك بوست ما منو فايده
لوووووووووووووووووووووول،،،،
| |
|
|
|
|
|
|
|
|
|
Re: شعورك شنو لو رسلت لي زول و طنشك ؟؟؟؟؟؟ (Re: صديق الموج)
|
داليا الفاتنة...(من فتانة)
تحياتي ...
البوست ده فيه ريجة مديدة ...وحااارة
يعني معناها اذا انا اتداخلت في موضوع وما اترد لي تاني اعمل حسابي ما اتداخل للشخص الما رد لي ده؟؟
اعتفد وجاهة وفائديةالمشاركة هي حافز المتداخل ...
وفناعتك بانك اضفت للموضوع اهم من تمسكك بضرورة الرد ..
ويرضو اقول....الرد قسم با عيني...
| |
|
|
|
|
|
|
|
|
|
Re: شعورك شنو لو رسلت لي زول و طنشك ؟؟؟؟؟؟ (Re: Awadallah Bashir)
|
هوووووووووووي يا عوض الله بشير ..
انت بس ياهو فكوهو وطار ..!! الباسويرد متتتين ادوك ليها يا اخوي لمن بقيت تجي تكاجرني
في حتتي ؟؟؟؟ والله اسسسي اقول لي الريس يشيلها منك ... انت قايل اي زول هنا بهزروا معاهو ؟؟
نحن ناس ممنوعين من الصرف .. الرعيل المدلع في البورد دا ... لووووووول ...
قال فاتنه قال ...!!!
| Quote: البوست ده فيه ريجة مديدة ...وحااارة |
اااااااااي فيهو (ريجه) مديده ... اها .. انت مالك ؟؟ قلنا ليك تعال دخل ملعقتك معانا ؟؟؟
لووووووووول ...
| Quote: الرد قسم با عيني... |
ما تزعل يا صاحب ... ما بيناتا زعل ... تحياتي للبنات وحمودي ...
| |
|
|
|
|
|
|
|
|
 Re: شعورك شنو لو رسلت لي زول و طنشك ؟؟؟؟؟؟ (Re: صديق الموج)
|
ابونا صديق الموج .. المحترم ... تحياتي ...
يا سلاااااام ياخ الدلع في المنبر دا سمح خلاس .. لووول ..
| Quote: وعشان تامنى هسه ماتردى على |
معقوله ..!! هو انا أأدر ؟؟؟ (أقدر) .. مش ممكن ابدا .. لووول ..
Quote: بكون داير يجن وبتكون حارقاه
وزى ديل انا بتعجبنى ليهم فى حنانى |
انا زااااااااااااااتي .. لووول .. ياخ لقيتك نقااااااااش ... (من ناقش وليس بتاع البوهيه ) !!
| Quote: والله اول مرة تفتحى ليك بوست ما منو فايده |
ملعووووووووووووووووبه ...عشره من عشره ... والله انا احلف انك فاهم اي شي في البورد دا .. لووووول ..
تحياتي يابا .. صباحك ورد ...
| |
|
|
|
|
|
|
|
|
 Re: شعورك شنو لو رسلت لي زول و طنشك ؟؟؟؟؟؟ (Re: Mohamed Foto7li)
|
محمد فتوحي ... تحياتي يا هلالابي .. طبعا فرحان فيني الليله مع التعادل دا . لووول ..
| Quote: انا طوالي بدخل بي مكالمه تانيه واسمعو كلمتين |
مكالمه تانيه ؟؟؟؟؟؟؟ سجمي !!!
غايتو كلامك دا كان زي ما انا فهمتو .. احسن مداخلتك دي تدسها قبل (الريس) ما يجي كاسح هنا .. لوووول شديد كمان ..
تحياتي يا صاحب .. نهارك سعيد ...
| |
|
|
|
|
|
|
|
|
|
Re: شعورك شنو لو رسلت لي زول و طنشك ؟؟؟؟؟؟ (Re: salah ismail)
|
الاخ صلاح اسماعيل ... تحياتي ...
Quote: جلس رجل علي مقعده في القطار وكان معه اطفاله...درج الاطفال علي اللعب والتحدث بصوت عالي.. ازعج كل من في العربه..وبدا الناس حوله يرمقونه بغضب لعدم اكتراثه.. لما يحدث..فتقدمت سيده مسنه وسالته ان يطلب من هؤلاء الاطفال المشاكسين ان يجلسو في هدوء..فهمس في اذنها
انهم لا يدرون ان امهم قد ماتت قبل ساعات في المستشفي..سأحاول ان انقل اليهم هذا الخبر عندما نصل الي البيت..معذرة.. سيدتي..تواصل الهمس في الاذان..وتغير الاحساس الي مواساة..,و واهتمام بالاطفال..لينزل الاب واطفاله عندما توقف القطار...تاركا نفس العيون التي كانت ترمقه بالغضب تحاول حبس الدموع... |
القصه دي سمحه شديد ... ياخ اقول ليك حاجه .. اسمح حاجه في مداخلتك دي ...
لك جزيل الشكر ... تحياتي ... نهارك سعيد
| |
|
|
|
|
|
|
|
|
|
Re: شعورك شنو لو رسلت لي زول و طنشك ؟؟؟؟؟؟ (Re: داليا الكباشى)
|
داليا سلام
دي طبعا اول مداخلة لي معاك
اولا المنبر دا ليهو ناسو وهو كيمان كيمان
الكوم الاول ، عندك بعض من الناس القدام وقلة من المناضلين بشوفوا انهم ناس كباااااار اووي وعندهم من العلاقات المنبرية ما يخليهم يعملوا أي شي
وخصوصا لو كانت لهم معرفة بي صاحب الموقع يعني شنو يعني مثلا واحد تاريخ تسجلية 2009 اذا رد عليه او ما رد عليه ماهم ما يغور في ستين
الكوم التاني ، دا كوم الكبكابات بس ما يشوفوا ليهم جكسوية
يحجزوها من اول ختت كراعها في المنبر ترحيب شديد اهلا والمنبر نور حتى لو كان راجل جاي بي اسم انثى انشاء الله حتى لو كان هكر مش الاسم اسم انثى
يا مرحبا اشرقت وانورت
والنوع دا ما بفرز لو شاركت معاهو ما شاركت معاهو ما مهم كتير بس وراها في خطراتها ويعمل أي مداخلة يشيد باسلوبها الجميل
وطريقتها الرائعة في الكتابة او يقول أي حاجة المهم انا هنا يا هناية
ولو في يوم احتاجت الى دعم من أي نوع يمرقوا اخوان نسيبة فرسان الحوبه
حزن : يعصروا برش المنبر مواساة للاخر آيات مع شوية ادعية واحاديث و يمكن فيهم الما بصلي من اصلو
شجب : شجب وادانة للطيش وفيهم البكون ما عارف الموضوع اصلا هو ذاتو شنو
فرح : اووووا دا اسايدوا طبعا مع صور و ورود ومقطع من اليو تيوب يتناسب مع الحدث السعيد والذي منو
الغريبة بعملوا في الحركات دي ومفتكرين الناس التانين ديل عميانين طرش هبل ما عارف
على العموم الجكس ماخد حقه تالت ومتلت ونادرا ما يتم تجاهله حتى ولو كان موضوعه خارم بارم
الكوم الثالث ، ياخي خشمي وجعني
خلاصته
انا لا اهتم كتير بي دا رد علي او ما رد لانى على قناعة تامة انو الشخصية الاسفيرية بتكون بعيدة من الشخصية على ارض الواقع من حيث الشكل والعمر
والصوت والاسلوب الخ الخ الى القليل
و ياما في ناس عاملين ضجة في المنابر وقت تقابليهم الواحد فيهم ما تشتري بي بصلة
اسمعي المداخلة دي لا كبكبة ولا حاجتين
| |
|
|
|
|
|
|
|
|
|
Re: شعورك شنو لو رسلت لي زول و طنشك ؟؟؟؟؟؟ (Re: الأمين عثمان صديق محمد)
|
الأخت العزيزة داليا...سلام وتحية طيبة....موضوع البوست دا مهم وحاصل بكثرة في الحياة الإجتماعية وليس في سودانيز أونلاين فقط.....يعني مثلآ في ناس بعتبرهم أصدقاء وأهل وحبايب وكنت ومازلت أتصل بهم تليفونيآ...كنت أتوقع أن يبادلوني نفس الإهتمام ولكن هذا لم يحدث...وطبعآ ديننا الحنيف يحض علي التسامح...فالمسامح كريم.....غايتو الواحد بقي جلدو تخين وما بيتأثر زي زمان...ولك الود
راشد
| |
|
|
|
|
|
|
|
|
|
Re: شعورك شنو لو رسلت لي زول و طنشك ؟؟؟؟؟؟ (Re: Awadallah Bashir)
|
اختنا داليا
عادي جدا ماتاخدي الامور شخصية لوووووووووووول وحاولي ان تجدي له عذرا
انا برضو اخدت تطنيشة رسلت رسالة بالماسنجر الداخلي وتم تهمشيها تميشا شديدا
واخدت الموضوع عادي جدا وقلت انا الغلطان وختيت الملامة علي انا.
اسع انت كمان ختي الملامة علي وارمي الملامة علي يوم الاحبة شنو ماعارف وشال الالم مني وراح
ارقدي عافية
زاتوووو
| |
|
|
|
|
|
|
|
|
|
Re: شعورك شنو لو رسلت لي زول و طنشك ؟؟؟؟؟؟ (Re: شول اشوانق دينق)
|
شول اشوانق دينق ... صاحبي ... (فينك يا راقل .. تعبير مستلب جدا لووول ) ..
| Quote: النعمل check للماسنجر حقى ما تكونى قاصدانى بكلامك الفوق ده يا داليا |
اسااااااااااااااسا قاصداك انت ... منو غيرك يعني .. ما تبطل حركاتك دي .. لوووول ..
تحياتي يا صاحب ... نهارك سعيد (بي توقيت هنا برضو ) ...
| |
|
|
|
|
|
|
|
|
|
Re: شعورك شنو لو رسلت لي زول و طنشك ؟؟؟؟؟؟ (Re: عفاف الصادق بابكر)
|
داليا بت الكباشي
سلام ومحبة لوجه الله
يابت أمي الطناش خشم بيوت
أولا "" مابمشي لي ناس مابجوني""
يقوموا كمان يطنشوني
لكن والله في ناس مهما يطنشوا
"" نحاول نلقى ليهم عذر""
يمكن مشغولين يمكن ماشافوا
يمكن ح يردوا يمكن يمكن ..
""نصبر روحنا... ونعيش على الذكرى ""
تحياتي ياراقية
| |
|
|
|
|
|
|
|
|
|
Re: شعورك شنو لو رسلت لي زول و طنشك ؟؟؟؟؟؟ (Re: الأمين عثمان صديق محمد)
|
الاخ الامين عثمان ... تحياتي ...
Quote: حزن : يعصروا برش المنبر مواساة للاخر آيات مع شوية ادعية واحاديث و يمكن فيهم الما بصلي من اصلو
شجب : شجب وادانة للطيش وفيهم البكون ما عارف الموضوع اصلا هو ذاتو شنو
فرح : اووووا دا اسايدوا طبعا مع صور و ورود ومقطع من اليو تيوب يتناسب مع الحدث السعيد والذي منو |
التصنيف دا عجبني شديد .. لووووووول ..
نضميك سمح يا صاحب ... تحياتي.. وطوالي مرحب بيك ... نهارك سعيد ...
| |
|
|
|
|
|
|
|
|
|
Re: شعورك شنو لو رسلت لي زول و طنشك ؟؟؟؟؟؟ (Re: داليا الكباشى)
|
يا داليا يا بت الكباشي ..
تعرفي هي حارة بيني وبينك ..
لكن لما تكون مره وتانيه ok اما لما تكون التالته ..
صراحة ما حيكون عندي عذر .. بطنش على طول ..
لكن لو في واجب بدخل مع الناس وبعمل الواجب ..
وصراحة ده انا بسميهو تبخيس .. ودي بتترك انطباع لنفوس بعض ..
يعني الواحد لو سنحة ليهو فرصة وقابل الشخص .. بكون في نوع من الحذر
وكده ما حلوه ..
| |
|
|
|
|
|
|
|
|
|
Re: شعورك شنو لو رسلت لي زول و طنشك ؟؟؟؟؟؟ (Re: داليا الكباشى)
|
| Quote: شول اشوانق دينق ... صاحبي ... (فينك يا راقل .. تعبير مستلب جدا لووول ) .. |
غايتو بأكلو فى حنانى بس
Quote: Quote: النعمل check للماسنجر حقى ما تكونى قاصدانى بكلامك الفوق ده يا داليا
اسااااااااااااااسا قاصداك انت ... منو غيرك يعني .. ما تبطل حركاتك دي .. لوووول ..
تحياتي يا صاحب ... نهارك سعيد (بي توقيت هنا برضو ) ... |
غايتو لقيتك متابعة متابعة لصيقة جداً (مان تو مان بلغة أهل الكورة)
أها النسالك سوعاااااااااال ...
طيب لو ضربتى لى زول تلفون وأبى يرد عليكى بعد أربعة وعشرين ساعة يكتب ليكى رسالة لا تثمن ولا تغنى من جوع (إستلاب شديد ) تقولى شنوووووووووو؟
| |
|
|
|
|
|
|
|
|
|
Re: شعورك شنو لو رسلت لي زول و طنشك ؟؟؟؟؟؟ (Re: شول اشوانق دينق)
|
Quote: تحس بي شنو لو اتداخلت مع زول في بوست وطنشك ؟؟؟ يعني ما رد على مداخلتك ؟؟ يعني فطاك عدييييل كده ؟؟؟
تحس بي شنو لو رسلت لي زول ماسنجر داخلي وعمل منك رايح ؟؟؟ يعني ما رد عليك ؟؟ يعني عمل ما شايفو عديييل ؟؟؟
تحس بس شنو لو كتبت لي زول كلام شييين .. فارغ يعني .. ومااااارد ليك ؟؟ بالعربي سفهههههههك ؟؟؟ لوووول ..
لوووووووول ..... مساحه (فشه خلق) .. الزعل مرفوع .... |
الرائعة داليا....السلام عليكم...
سوف أجد له العذر إلا ان اتأكد من ألأسباب..وبعدها لكل ذو حدث حديث...
تقديرى الشديد.....إسماعيل محمد احمد عباس...
| |
|
|
|
|
|
|
|
|
|
Re: شعورك شنو لو رسلت لي زول و طنشك ؟؟؟؟؟؟ (Re: ismeil abbas)
|
داليا إزيك ..
طبعا إترددت كثير جدا قبل ما أكتب ليك المشاركة خوفا من التطنيش
وعلى فكرة برضو متوقعو منك يعني ..
ياخ والله البوست ده ريحني راحة كدة ما تتخيليها ..
في واحد كدة عامل لي رايح ليهو أكتر من تلاتة يوم في مسألة مفصلية جدا في حياتي
تخيلي مرات بكون جاري اليوم كلو وما عندي زمن أفتح البورد .. لكن بجي بس عشان
أراجع المسنجر .. ألقى ليك البلد خلى.. no new email in the inpox
أها عليك الله من خلال تحليلك لظاهرة الطناش دي .. أعمل شنو للراجل ده ؟؟
| |
|
|
|
|
|
|
|
|
|
Re: شعورك شنو لو رسلت لي زول و طنشك ؟؟؟؟؟؟ (Re: شول اشوانق دينق)
|
| Quote: طيب لو ضربتى لى زول تلفون وأبى يرد عليكى بعد أربعة وعشرين ساعة يكتب ليكى رسالة لا تثمن ولا تغنى من جوع (إستلاب شديد) تقولى شنوووووووووو؟ |
احتمال يكون ما سمع الجرس
ولما شاف التلفون لقي ما عنده رصيد
وكان مسخن ....
بتاع الاتصالات ابي يعمل ليه تحويل قدر ظروفك ..
قام لقي فلان قال لي ه عليك الله حول لي حق رساله بس ...
اتكرم فلان وحول ليه مايكفي لرساله واحده بس..
قام هو رسل ليك الرساله وقعد في السهله 
شول صباح الخير بالسواحلي
| |
|
|
|
|
|
|
|
|
|
Re: شعورك شنو لو رسلت لي زول و طنشك ؟؟؟؟؟؟ (Re: Faisal Elrasheed)
|
| Quote: يمكن الزول ده ما عنده انترنت متوفر او كمبيوتره معطل |
أها عشان أزيدك حبتين..
الإنسان دا قااااااااعد كل يوم في البورد .. وبفتح في بوستات جديدة وبتونس مع الناس كمان.
الـ(pox) ده ما تركز معاهو شديد .. إحتمالات كتيرة جدا بتناسب الحتة دي
لكن أها عليك الله رايك شنو .. ياخ حتى داليا زاتا ما ردت علي ..
| |
|
|
|
|
|
|
|
|
|
Re: شعورك شنو لو رسلت لي زول و طنشك ؟؟؟؟؟؟ (Re: محمد عمر جبريل)
|
محمد عمر جبريل .. تحياتي,,,
اها عشان ما تزعل فطيت ليك شول اشوانق , وفيسل الرشيد العامل ازعاج دا , و الاستاذ اسماعيل عباس شخصيا
عليك الله ابدا ما تخت في خاطرك .. البوست دا ما مقصود بيهو انو انا زول طنشني ولا كده , الحمد لله انا ما حصل
كتبت لي زول وطنشني ابدا ودا من كرم الناس اللي هنا انهم يتكرموا على برلومه صغيره زيي ويردوا ليها , لكن
الحصل اني انا طنشت لي زو ل وهو قام حرن شديد , وسخن معاهو , بيني وبينك الطناش كلن اسهل حل , لانو كتب
كلام مش ولا بد ... غايتو ... مرورك لطيف وكتابتك سمحه وما دام انت صاحب فيسل ما بتجيك عوجه , بس خلي كيبوردك عالي
كما يقول طارق جبريل ود عمي ...
تحياتي (عليك الله رايك شنو في الرد .. اكتر زول وريتو الحاصل , ياخ انا نقشتك عديييل كده لووووول ) ...
| |
|
|
|
|
|
|
|
|
|
Re: شعورك شنو لو رسلت لي زول و طنشك ؟؟؟؟؟؟ (Re: محمد عمر جبريل)
|
| Quote: لكن أها عليك الله رايك شنو .. ياخ حتى داليا زاتا ما ردت علي .. |
لا كان كده زولك ده احتمال مهكر وهو ما عارف ؟؟ (زش زعاط ومعاط)
لا والله كان كده زولك ده ثقيل او كاتب شيكات
داليا دي اول حاجه ترشها رش قبوره ..عشان تاني تفتح عينا وتبطل الحركات دي
اقتراحي انك بعد التهميش ده تفتح بوست وتطالب بكري بقسمة البورد والباسوردات وترش المدعوه اعلاه دي رشا مبينا ونحن من خلفك
والله لا يضيع اجر من احسن عملا
| |
|
|
|
|
|
|
|
|
|
Re: شعورك شنو لو رسلت لي زول و طنشك ؟؟؟؟؟؟ (Re: Faisal Elrasheed)
|
Quote: داليا دي اول حاجه ترشها رش قبوره ..عشان تاني تفتح عينا وتبطل الحركات دي
اقتراحي انك بعد التهميش ده تفتح بوست وتطالب بكري بقسمة البورد والباسوردات وترش المدعوه اعلاه دي رشا مبينا ونحن من خلفك
والله لا يضيع اجر من احسن عملا |
فيسل ... طبعا لمن الزول يكون جديد في عالم (الرش) بيكون ما فارز .. يرش في ياتو بوست
ويتداخل ويمرق من سوكات في ياتو بوست , خاصه انو ادوات الرش اللازمه تكون غير مكتمله
النمو بعد ..
المذكور اعلاه فيسل .. نظر لانو ما عندك موضوع ف التهميش برضو كتير عليك , لذللك قررنا
نقول ليك .... قووووووم لف ...!!!!
| |
|
|
|
|
|
|
|
|
|
Re: شعورك شنو لو رسلت لي زول و طنشك ؟؟؟؟؟؟ (Re: محمد عمر جبريل)
|
داليا الكباشي
اولا انا مابزعل لو في زول مارد علي بعذرو وبقول مامنو من العليهو
ثانيا بوستاتك ذات طابع اجتماعي بحت يعني لو رديتي علي زول او خليتهو الناس نفسها مابتكون زعلانه
لان مداخلات الناس في البوست تغني عن ردك
اها الكلام الفارغ الله لا جابو في شان شنو
اما التجاهل اهني صديقي الدكتور مصطفي محمود علي ادخال هذه الادبية في منبرنا
لك من الود افضله والشكر اجزله
---------------------------------------
بودراب الخرطوم شللية وقعدات عن ستات الشاي والشيات ملاحظتي وانا بمدينة الخرطوم
عمدت ان لا اقابل شخص بعينة الاحظ من علي البعد
| |
|
|
|
|
|
|
|
|
|
Re: شعورك شنو لو رسلت لي زول و طنشك ؟؟؟؟؟؟ (Re: saif massad ali)
|
حكماء الجاهلية
قال أحد الحكماء في الجاهلية ما رأيت أبخل من ثلاثة :
من يلبس القديم ولديه الجديد!
ومن يمنع نفسه عن الطعام ولديه المزيد !
وسكت .... فقيل له من الثالث !
فدمعت عيناه وطأطأ رأسه وقال:
من يعمل مداخلة ولا يُرد عليه
وقاعد يستقبل فقط
ثم أجهش بالبكاء حتى بكى كل الحاضرين معه في الكوفي شوب
_________
مسروق ومعدل 
| |
|
|
|
|
|
|
|
|
|
Re: شعورك شنو لو رسلت لي زول و طنشك ؟؟؟؟؟؟ (Re: محمد عمر جبريل)
|
Quote: عليك الله بعد الرد الطويل ده تقولي أرشها ؟؟!
إنت بي صحك ؟؟! |
افتكر يا فسيل بعد دا الجو جميل جدا جدا , وصحو , ومناسب للطيران ..
يعني ممكن برااااحه كده , بدون ما زول يشعر بيك , تعمل فيها ما جيت هنا من اساسو
ولا دخلت البوست دا , والمداخلات الفوق دي انت ما كتبتها , والاحسن من دا كللللو عارفو
شنو ؟؟؟؟؟؟؟؟
انك تقووووووم تلف ...!!!
-------------
عجبني ليك يا السره , اقصد يا فيسل .... لووووووووول ..
| |
|
|
|
|
|
|
|
|
|
Re: شعورك شنو لو رسلت لي زول و طنشك ؟؟؟؟؟؟ (Re: saif massad ali)
|
سلامات يا داليا ..
Quote: تحس بي شنو لو رسلت لي زول ماسنجر داخلي وعمل منك رايح ؟؟؟ يعني ما رد عليك ؟؟ يعني عمل ما شايفو عديييل ؟؟؟
|
دي حصلت علي مرتين بس ما عارف رسالتي كانت ثقيلة واللا الفهم شنو بالضبط ما عرفت !!
مع إني ما طلبت شي في رسايلي مجرد إستفسار والسلام ، بعد الموقف دة اقتنعت بالمثل البقول
خوة البورد حدها الكيبورد وأي علاقة تخرج عن هذا الإطار لتذهب غير مأسوفاً عليها ..
| |
|
|
|
|
|
|
|
|
|
Re: شعورك شنو لو رسلت لي زول و طنشك ؟؟؟؟؟؟ (Re: بكري اسماعيل)
|
الاخ بكري اسماعيل ... تحياتي ...
Quote:
Quote: تحس بي شنو لو رسلت لي زول ماسنجر داخلي وعمل منك رايح ؟؟؟ يعني ما رد عليك ؟؟ يعني عمل ما شايفو عديييل ؟؟؟
دي حصلت علي مرتين بس ما عارف رسالتي كانت ثقيلة واللا الفهم شنو بالضبط ما عرفت !!
مع إني ما طلبت شي في رسايلي مجرد إستفسار والسلام |
والله الزول دا قصر معاك عديييييل .. اسي جيبوا لينا هنا ما بنقصر ليك نعاهو ابدا
نحن ما بندقو بنفهو غلطو بس ... لوووووووول ..
اضحك وخلي كيبوردك عالي .. الحبه ما بتجيك ....
Quote: البقول
خوة البورد حدها الكيبورد وأي علاقة تخرج عن هذا الإطار لتذهب غير مأسوفاً عليها .. |
لا لا والله قصرت في الكلام دا .. انت ما شفت البوستات بتاعت الحلو مر والاتصالات والبوست بتاع الدواء ؟؟؟
والله ياما في البورد دا مافي اخوان جد جد .. وقت الحاره تلقاهم ...
تحياتي ...ونهارك سعيد ...
| |
|
|
|
|
|
|
|
|
|
Re: شعورك شنو لو رسلت لي زول و طنشك ؟؟؟؟؟؟ (Re: saif massad ali)
|
Quote: محمد عمر جبريل .. تحياتي,,,
اها عشان ما تزعل فطيت ليك شول اشوانق |
محمد عمر
والله لكن لقيتك زول طيبان خاااالس
ياخ يفكو فيك الحنك الضارب ده وتصدقو ؟
هي ماقاااااعده من صباح الرحمن وانته شايفه وانا شااايفه وشول شااااايفه اها ماله ماردت ... الا بعد تزنقه ؟
بعدين هي ماله ما عزمتك الشاي ؟
الموضوع ده يا اخوي ما تعديه بالساهل كده ...ترشها لمن تكتب ليك هنا ده الرووووووووووب لوووولز
ــــــــــــــــــــــــــــــــــــــــــ
اها شيلي شيلتك يا تفتيحه
| |
|
|
|
|
|
|
|
|
|
Re: شعورك شنو لو رسلت لي زول و طنشك ؟؟؟؟؟؟ (Re: Faisal Elrasheed)
|
Quote: محمد عمر
والله لكن لقيتك زول طيبان خاااالس
ياخ يفكو فيك الحنك الضارب ده وتصدقو ؟
هي ماقاااااعده من صباح الرحمن وانته شايفه وانا شااايفه وشول شااااايفه اها ماله ماردت ... الا بعد تزنقه ؟
بعدين هي ماله ما عزمتك الشاي ؟
الموضوع ده يا اخوي ما تعديه بالساهل كده ...ترشها لمن تكتب ليك هنا ده الرووووووووووب لوووولز |
يا ود الر شيد إنت شغال ضفر شديد ياخ
بس بينى وبينك ... عافى منك والله
ست البوست
| |
|
|
|
|
|
|
|
|
 Re: شعورك شنو لو رسلت لي زول و طنشك ؟؟؟؟؟؟ (Re: شول اشوانق دينق)
|
شول اشوانق ...
دي اخرتها يا شول ؟؟؟ بعد خمسه وعشرين سنه خدمه بتؤلي اؤؤم اؤف ؟؟؟
دا كلو عشان بقى يتكلم سواحلي زيك ؟؟؟ ياخ هو زااااتو شغال بس كوبي بيست
والكوبي زااااتو غلط .. يعني الشف دا زاااتو ما بيقدر عليهو ..
عليك الله دا ززول تتضامن معاهو ضدي ؟؟ زول ما بيعرف يشف ؟؟؟
غايتو يا شول الفيك اتعرفت ... شكرا ...
------------
اووووعك تضرب لي تلفون , انا تلفوني بعتو لي فيسل الرشيد اها ...
| |
|
|
|
|
|
|
|
|
|
Re: شعورك شنو لو رسلت لي زول و طنشك ؟؟؟؟؟؟ (Re: Faisal Elrasheed)
|
Quote: الموضوع ده يا اخوي ما تعديه بالساهل كده ...ترشها لمن تكتب ليك هنا ده الرووووووووووب لوووولز
|
انت محمد عمر مالك ومالو ..؟؟ ياخ ما تندس لينا ورا زول .. تعال لينا هنا دا عشان نتفاهم
معاك ... محمد عمر دا زول لطيف والشاي كان داير مش بعزمو ليهو , برسلو ليهو في ماسنجر اسي..!!
انت خليك معاي انا .. انت بتحرش في الناس مالك ؟؟ عندك كلام تعال قولو عديييييل عشان نرد عليك ..(لوول مقتبس من تمبس ) ..
اها يا فيسل منتظراك انا ,, نشوف ما ستجود به القريحه الاسفيريه حقتك (حلوه فريحه دي موش) ..
عليك الله الليله اجازه ما تعملنا (التواث) ( ياسلااااام اخيرا قلتها ) في راسنا ..!!
-------
في انتظارك يا العمل ساتر .. (ساتر في المدرسه !!!) لوووول ..
| |
|
|
|
|
|
|
|
|
|
Re: شعورك شنو لو رسلت لي زول و طنشك ؟؟؟؟؟؟ (Re: داليا الكباشى)
|
Quote: الاخ سيف مساعد ..
شكرا لمرورك ....
تحياتي ... |
سيف مساعد
شايفك بي هناك داعم صاحبك وبي هنا لاوي ضنبك
وجبته معاك مكنة الكوبي بست حقتك ...
عليك الله قول ليه اصرف لينا عدد :
1 زهرة
1 لوري فيه ناس كتار مكندكين
1 اي حاجه من عنده
ياخ انتو حقو تعملو سيرك ..صدقني جتجيبو دخل خرافي
| |
|
|
|
|
|
|
|
|
|
Re: شعورك شنو لو رسلت لي زول و طنشك ؟؟؟؟؟؟ (Re: Faisal Elrasheed)
|
عادي ومعاه ألف عذر طال ما أن البوست غير موجه ضدي
وذلك بإعتبار أن المداخلة حسب إعتقادي لا تخلو من أن تكون
1. مجرد وجهة نظر في الموضوع المطروح ( وقد اديت الغرض بمجرد المداخلة).
أو
2. تهنئة تعزية ( وهذه الأخرى غير محتاجة لتعقيب ، إلا من باب اللطف والتقدير).
أو
ردا على قدح شخصي موجه ( وهذه هي المحتاجة لحديث الرسول (ص) ليس القوي بالصرعة
ولكن القوي من يملك نفسه عن الغضب)
داليا يا عزيزة سلام ، ولجميع الحضور
وعقبالك بوست من شيخي ود الموج يجيب أجلك
| |
|
|
|
|
|
|
|
|
|
Re: شعورك شنو لو رسلت لي زول و طنشك ؟؟؟؟؟؟ (Re: سيف بخيت موسي)
|
Quote: يا ود الر شيد إنت شغال ضفر شديد ياخ
بس بينى وبينك ... عافى منك والله
ست البوست |
شول يا فردة
عاين الحقارة دي ... هسه فطيته ليك عاااادي زي الزبادي
ورشيته ليك رش الذين امنوا ..ومابرد ليها ولا حشتغل بيها شفته كيف
اها تصبح علي خير بالفرنساوي كااااااااك
المحيرني : سيف مساعد ومكنة التصوير حقته دي عندهم شنو هنا
| |
|
|
|
|
|
|
|
|
|
Re: شعورك شنو لو رسلت لي زول و طنشك ؟؟؟؟؟؟ (Re: مدثر قرجاج)
|
الاخ مدثر قجاج ...
| Quote: امال نحن نسوى شنو؟ كان انتو بطنشوكم!!!!!!!!!!!!!!!!!!!!!! |
تااااااني نعيد الكلام اللي كتبناهو فوق ... انا مافي زول طنشني .. انا طنشت زول , لاسباب جوهريه
قام زعل مني ... وزي ما قلت تااااني فوق .. الطناش كان احسن حل ..!!!!
تحياتي وصباحك خير ....
| |
|
|
|
|
|
|
|
|
|
Re: شعورك شنو لو رسلت لي زول و طنشك ؟؟؟؟؟؟ (Re: Yassir Tayfour)
|
ياسر طيفور .... صباح الخير ...
| Quote: النصيحة لله يا داليا أنا جلدي تخين.. |
من كتره جر الشوك فوقو , لووول , تطلع من (....) يجيك طاير (....) وبعدين
مساله انك محاصر بي (....) و (.....) مسأله صعبه شديد .. (وش لابس نضاره وبينظر) ..
عشان كده انصحكتنوم بدري وما تاكل (سمك) ولا (طماطم) .. لوووووولز ..
------------
بركه المرقت من البوست داك شوفت الحاصل شنو بره , اسي بتكون ما عيونك مغمده من ضربه الشمش موش؟؟؟ (تحياتي ياسر) ..
| |
|
|
|
|
|
|
| |
داليا الكباشى
آدم صيام
ابو جهينة
لؤى
انور التكينة
HAIDER ALZAIN
Ahmed musa
جعفر محي الدين
عبود عبد الرحيم
عاطف عمر
خالد علي محجوب المنسي
Faisal Elrasheed
jini
emad altaib
طارق جبريل
salah ismail
Mohamed Foto7li
صديق الموج
Awadallah Bashir
Rashid Elhag
ALZOLZATOO
عفاف الصادق بابكر
شول اشوانق دينق
ismeil abbas
محمد عمر جبريل
saif massad ali
عمران حسن صالح
سيف بخيت موسي
عبدالله كع
مدثر قرجاج
Yassir Tayfour
فيس بوك
تويتر
انستقرام
يوتيوب
بنتيريست