بعيداً عن زقاقات السياسة... إسـتراحـة ضـاحـكة مـع إبـن القـيم الجـوزيـة...

Quote: الأخ معاوية شكرا للبوست الخفيف و الممتع. تنيبه بسيط.. أظن والله أعلم أنك تقصد الإمام أبا الفرج عبد الرحمن الجوزي و هو غير الإمام ابن قيم الجوزية و هو أبو عبد الله محمد بن أبي بكر تلميذ شيخ الإسلام ابن تيمية رحمة الله عليهم أجمعين. أما الأول فعرف بالجوزي لشجرة جوز كانت توجد بداره بواسط و قيل نسبة إلى فرضة الجوز و هي مرفأ نهر البصرة (ويكيبيديا). أما الثاني فعرف بابن الجوزي لأن أباه كان قيما (ناظرا) على المدرسة الجوزية بدمشق فعرف بابن القيم أو ابن قيم الجوزية و لا يصح أن يقال ابن القيم الجوزية كما لا يصح قولك ابن السائق السيارة فإما أن تقول ابن سائق السيارة أو ابن السائق. شكرا لك مرة أخرى يا معاوية و تقبل تحياتي.

Quote: يا سلام عليك أخي العوض، والله يأخي أنا مُمتن وشاكر ليك جزيل الشُكر على التنبيه، وصدقني أنا أقتني الكتاب من زمن بعيد ولم إنتبه لما أشرت إليه، وطلعت أنا زاتي واحد من الحمقى والمغفلين، وبعد ده ما في طريقة نغير العنوان عشان نضاري الفضيحة. غايتو يا قول أهلنا البقت بقت... على العموم نمسح وشنا بمرقة ونواصل... عن محمد بن عبد الرحمن الحضرمي أنه قال: قرأ علينا عثمان بن أبي شيبة (فضرب بينهم بسنور له ناب) فقيل له إنما هو (بسور له باب) فقال: أنا لا أقرأ قراءة حمزة قراءة حمزة عندنا بدعة... قول لسيف اليزل قال ليك ود المدير، أنا ما بشتغل بالِنكات، الِنكات عندنا بدعة...

Quote: الاستاذ فى نص الحصة بيقول للطلبة طبعا نحن كلنا جينا من ادم وحواء نط شافع شليييق قال ليهو : انا ابوى قال لى الانسان اصلو قرد الاستاذ عاين ليهوا لقاهوا شيييييين قاليهو : يا ابنى نحن بنتكلم بصورة عامة ما عن اسرتكم على وجه التحديد ------------------------------------ مسطول لقي نفسه قدام أسد ما عرف يتصرف قال ليهو : أكلني تاكل السم -------------------------------------------- مسطول شايل وطواط في يدو وقاعد يعاين ليهو الجماعة قالو ليهو مالك ؟ قال ليهم مستغرب في الفار اللابس عبايه ده..... ----------------------------- اتنين مساطيل قاعدين في برندة عاملين بالسجارة ون تو (واحد يشيل نفس و اديها للتاني لما السجارة طلعت في النخاشيش وكدا واحد شاف الزنكي بتاع السقف بمشي و بجي زي بندول الساعة فسأل التاني و قال ليهو انتا الزنكي دا بمشي و بجي كدا مالو؟؟ قال ليهو شغال اوضة و برندة . --------------------------------------- --------------------------------------------- رباطابى صلى الجمعة فى مسجد أنصار السنة الإمام قال السلام عليكم مد يدو للزول الفى يمينو قال ليهو: تقبل الله أنصارالسنة رفض يمد يدو و قال ليهو : دى ماورد فيها نص، الرباطابى قال ليهو : نان الإحراج ورد فيهو نص؟؟ -------------------------------------- رباطابى عندهم بنطون عطلان وقاعدين طول النهار بيعافروا عشان يطلعو البنطون من البحرعشان يصلحو.. جا واحد جعلي قال ليهم: انتو البنطون دا مطلعنوا من البحر ليه؟ رد عليه واحد منهم: والله البحر ما نفع معاهو قلنا نجرب الظلط.. ----------------------------------- رباطابي عسكري مرور .. بلغوه أنو في باص إنقلب .. مشى مكان الحادث لقى الناس كلها ميتين ماعدا واحد .. قال ليهو : أها يالصـــــندوق الأســـــود .. الحادث حصل كيف؟؟؟ ----------------------- واحد عندو كميه من الجمال داير يقطعا البحر وخايف من عين الرباطاب صاحبك اتوكل وركبها البنطون وكلها كانت باركه اول البنطون ما وصل القيف فى جمل وقف على طولو واحد من الرباطاب قال ليهو انت جملك دا فايتاهو ركعه ------------------------------------ رباطابي راكب القطر بتاع الشمالية ...وعشان مافي نور عفص رجل واحد جنوبي ... الجنوبي بي زهج قال ليو : انت عميان ولا شنو تطلع في كراع بتاع الناس انت ما عارف زاتو ماشي وين...الرباطابي رد عليه : انا ماشي عند اهلي انت ماشى وين ----------------------------- حمار اتعود يحك راسو بشباك فصل في مدرسة .. الاستاذ قال لي الطلبة: الحمار ده كل يوم بعمل كده عندو ود عم هنا ولا شنو؟ رد عليهو تلميذ رباطابي: والله ما بجي إلا في حصتك يا أستاذ..!!

Quote: معاوية يا سلام عليك انت ياخ قمة في الادب والتعامل واحترام الاخرين ... ياخ انت زول يستاهل احترامي العميق ,تقبل تحيات صلاح مرحب الخير

Quote: الأخ معاوية شكرا لك على الرد و شايفك في بوست قبل كدا الظاهر عليك جارنا... أنا في ساسكاتشوان. عليك الله ما عندك طرفة كدا في الحمقى و المغفلين الما لقوا محل يتغربوا فيهو إلا بلد درجة الحرارة فيها ناقص أربعين؟

(عدل بواسطة د.يوسف محمد طاهر on 12-16-2009, 07:47 PM)

Quote: لك التحية أخي معاوية المدير , مع جزيل الشكر لهذا البوست الجميل , وعلى فكرة لابن الجوزي كتاب (الأذكياء ), وهو أيضاً مثل (أخبار الحمقى والمغفلين) قمة في الروعة أدعوك بقوة لاقتنائه وستدعو لي كما لديه كتاب ( تلبيس إبليس ) وهو أيضاً من الكتب الجيدة. Quote: مسطول لقي نفسه قدام أسد ما عرف يتصرف قال ليهو : أكلني تاكل السم شكراً لك أخي سيف اليزل والله قطعت مصاريني بالضحك .