|
|
|
 Re: ( الرندوق ) مصطلحات متداوله بين الشباب ومعانيها ( توجد أمثلة ورندوق كثير ). (Re: عبدالوهاب علي الحاج)
|
ودي موديل 2009
( سطالايت ) أو ( راكب فيل ) لانو الفيل بيتطوطح شمال ويمين لمن يكون ماشي : دي بيقولوها لي زول سكران أو ملطط او الطاشم أو ولفظ ( السطلايت ) دا للمسطول بي صوره أصح.
.
.
يقول ليك...
الزول دا ياخي جلينا منو دا.. ( هواء قااايم ): يعني مفلس ومقحط وماعندو ابو النوم.
.
.
يقول ليك برضوا...
الحاجة دي ديش حجر عديل و دسيسة.. وكاسرة فيني ضلع... وقاطعة للديش ( الكلام دا كلو بيقال للبنت الحلوه اللي في بالك سواء أن كانت في حلتكم او الجامعة او شغاله جمبكم )
| |
 
|
|
|
|
|
|
|
|
Re: ( الرندوق ) مصطلحات متداوله بين الشباب ومعانيها ( توجد أمثلة ورندوق كثير ). (Re: احمد محمد بشير)
|
( الشفت )
( المفتح )
( المقديدا )
ودي بيقولوها للزول البيعرف اي شي , يعني زي زي ناذر الخليفة مشاء الله بيعرف أي شي, غني و صحافة و كمبيوتر و عزف علي ألالات الموسيقي... يعني يستحق لقب سيد ( الشي زاتا ) بي كل جداره.
أما لفظ ( الكــبسور ) حقيقي اول مره أسمع بيهو وفي المنبر دا بالتحديد والظاهر انو كان لفظ قديم من زمن الستينات وعمكم ود الصايم دا نشرو ليكم في الفتره الاخيره... الان لفظ الكبسور قاعد يلقي رواج كبير في الشارع العام بفضل المنبر.
ويقول ليك الزول دا
( عشاوائي ) وبتاع ( دخاخين ) ساااكت ودي بي نفس معني كلمة كبسور تماما..
| |
|
|
|
|
|
|
|
|
|
Re: ( الرندوق ) مصطلحات متداوله بين الشباب ومعانيها ( توجد أمثلة ورندوق كثير ). (Re: احمد محمد بشير)
|
ديل قدام خااالص احتمال من التسعينات....
ركب ماسوره ركبه التونسية دقستا يا حبه : يعني اتغشي او اتخدع في أمر ما مثلا اشتري قطعة أرض من السماسره ولقاها مبيوعه لمغترب من ناس المنبر ديل... أو أشتري ( حديده ) بمعني عربة ولقا المكينة بتاعتها ( مخستكة ) بمعني منتهية
.
.
( الربة )أو ( الطربانه ) بمعني الحفلة, يقول ليك الطربانه بتاعت ناس صديق الموج الليلة حتكون ( راااابه للطيش ) لانو جايبين الفنانة ( زبيده الانقــاذ ).
زبيده الانقاذ دي فنانه يا د. مصطفي محمود 
, عشان ما تفهمني غلط.
( الانقاذ ) دي بتعني حي من أحياء الخرطوم التعيسه جدا والغير صالحة للعيش الكريم بأفعال جماعة الكيزان و المنافقين لعنهم الله
| |
|
|
|
|
|
|
|
|
|
Re: ( الرندوق ) مصطلحات متداوله بين الشباب ومعانيها ( توجد أمثلة ورندوق كثير ). (Re: Mohiedin Sir El Khatim)
|
الأخ أحمد ..
لغة الشباب موجودة من أجيال سبقتنا واستمرت مع أجيال جات بعدنا، وهي متطوّرة ومتجددة.
أتفق معاك في أهمية مواكبة هذه المسطلحات، وشخصياً فاتني كتير متابعة هذه اللغة، وبقى عادي الشباب (بسطّحوا) بينا، عشان كده أتمنى الإستفادة منها، بس عندي ملاحظة صغيرة:
إنت أوردت عدد من المسطلحات، لكن بعضها من المسطلحات القديمة واللي إستعملناها من زمان مثل:
الربة - الدامه - زوغ بير - شرحبيل، دي مسطلحات أجيال قبل جيل اليوم.
تحياتي ... ومتابع.
| |
|
|
|
|
|
|
|
|
|
Re: ( الرندوق ) مصطلحات متداوله بين الشباب ومعانيها ( توجد أمثلة ورندوق كثير ). (Re: حسن مضوي)
|
Quote: ( جبت الرساجات يا رفدة )
معناها جبت السجاير يا صديق
* واحد شاف بت حلتهم طالعة مشوار قال عاوز أنتظرها في المحطة بعد
ما تجي راجعة عشان أدق معاها الحنك أها البت أتأخرت شديد قال
( الجاحة دي عملت بيبيتو هناك ولا شنو ) |
اللخوا حسن مضوي,,,
سلام يا أصلي,,,,
يالا يا حجاج وجلاكيم و أعمام خليكم مفتحيين
أخوكم حسن مضوي كشف ليكم الشفر بتاع السجائر
عشان الوليدات البيدخنو و يسجروا ديل ما يدقسوكم
يا ماااان الف شكر علي المشارك القيمة,,,
راجنك يا حبة ..
انت الظاهر عليك قانيش الحنك الدقاق دقاق دا.
| |
|
|
|
|
|
|
|
|
 Re: ( الرندوق ) مصطلحات متداوله بين الشباب ومعانيها ( توجد أمثلة ورندوق كثير ). (Re: احمد محمد بشير)
|
لو قال لك أحدهم وهو يشير لطالبة تتبختر في مشيها : ( شوف سلوى دي بتاعت عدسات كيف ) ، لا تذهب بعيداً وتظن إن ( عيون سلوى ) أو عدساتها لها علاقة بالجمال والسماحة ، فإن ظننت ذلك سيلاحقونك بالضحكات والإستهزاء فالعبارة المذكورة تعني في قاموس الشباب هذه الأيام أن سلوى تبدل حبيباً بآخر كل ( يوم والتاني ) .. أما إذا وصفك بأنك زول ( فيسبا ) – ماركة دراجة بخارية – فلا تغضب ، فهو يعني أنك لا تعود في كلمتك للوراء تماماً مثل ( موتر الفيسبا ) .. إستماع مشوب بالحذر حيال جلسات تجمع بين شباب في ربيع العمر وآخرين يكبرونهم فكل كلمة ترد من أفواهم تحتمل أكثر من معنى ، وأن كنت في وجهة المعني الخطأ فسينعتونك بكلمات تقلل من شخصيتك دون أن تدري كما قالوا لأحدهم يوماً ، ( يا زول إنت ساكن في جذمتك ) .. والمسكين دون أن يدري غرق في إبتسامة عريضة لأنه ظن أن حذائه جميل كما وصفه الشباب ، وغادر دون أن يعلم انهم قالوا عنه : ( الزول ده حايم طول اليوم تقول ساكن في جزمتو ) ، أبناء الدفعة فقط هم من يفهمون لغة بعضهم في نهارات الخرطوم ، وربما فارق عمري لا يزيد عن عام بينك وبين من يجالسونك في أحدى الجامعات السودانية ، يوازي مئات الكلمات التي لن يفهمها أحد سواهم لدرجة انك تشعر بالعزلة لجهلك بالقاموس الجديد ومعاني مفرداته ، القاموس الخاص بالشباب في السودان واغلبهن من طلاب الجامعات – لم يغادر اية مفردة يومية دون ان يضع لها مقابلاً يستخدمه مع الاصدقاء بدءا بالعلاقات العاطفية وانتهاء بالفنون والسياسية ، فالقاموس العاطفي في حياة الشباب يحتشد بعبارات متجددة ومتمددة لا يفهمها سواهم ، فمثلا هم يطلقون مفردة ( الطيارة ) على من لا حبيبة له وان كانت الحبيبة تشعر بالخجل يطلقون ( خوجلي عثمان ) ولوصف عدم الوفاء بموعد مضروب بين الحبيين يقولون عن المشرور : ( شرحبيل أحمد ) .
و أزياء الفتيات ايضا تحظى بكلمات من القاموس الخاص وتتداخل فيه روح الدعابة بالموقف السياسية كما يتم في بعض الحالات توظيف اسماء رموز سياسية في قاموس اللغة البديلة ، كحالة اطلاق اسم السياسي الجنوبي المعروف لاقو ، ليستخدم أسمه مقابل مفردة المجازفة كأن تقول : ( شوف الزول ده عمل جوزيف لاقو كيف وقطع الزلط ) ، ويتبدى تأثير الموقف السياسي للشباب والطلاب في منتوج لغتهم الخاصة في حالات عديدة من بينها إطلاقهم مفردة ( غواصة ) و ( رادار ) على من يشكون في حقيقته
| |
|
|
|
|
|
|
| |
احمد محمد بشير
عبدالوهاب علي الحاج
هويدا شرف الدين
علاء الدين يوسف علي محمد
محمد أبوالعزائم أبوالريش
ذواليد سليمان مصطفى
فيس بوك
تويتر
انستقرام
يوتيوب
بنتيريست