|
|
 الناس النخل - الى كل الشرفاء - شهيق خاطر
|
بديت يا ني؟
بنيت ماسوف وحيح كربك
تاشر لي..
و تتوجع دخولي عليك
وما عارف دخول الهم... كتر كضبك
ممواويل الغنى المحزون
وقت ينقز سموما علي؟
وما فاضح... اذا الواضح مسك دربك
وحجنك بروق العتمة خانقة قفاك
وانت براك تخنق فوق عتامي الصي.
وزي ما النار بتوقد في حشى الكلمة
ومراويد الصبر بتفور علي منقد
حجاك اسف ..
صبح جمرك غتاهو الشي.
كمل حيل البشيل وجعك وبتململ
وداخرك دمعة لي الاسود ومتحير
وما قايل الوجع بكويهو كترالعي.
كويت كبد النهار.. ايدك بكت شيل
الحزن... والنار...
وما قايل الحزن واحد
وفي الاخر بكون لي النار عقاب الني.
ويا شاتل مدارج الهم علي اسف الوقع واقف
بحارب الضل اذا جرتق جنى الواقفين
وغافل ضل بعاين ليك وقلبو علي جناهو حدي.
صحي المقدودة كان رهفت
بقدوها الاسف والناس
ومتاسف علي ناسي
اذا ناسي ... بديت ارجاك..
احلم بس وما عارف العلي واللي.
دخلتا عليك مروق الروح..
عرق جلدك..
دخول الموية شفقانة..
وشهق في بالي كم خاطر
بعاين ليك مدى السكة
وما قادر اشيل ايدي.
وانا الراكب صواري الريح
ارص الموج علي قيفك
وانادي الرملة... يا نيل الشجر والناس
منو الفيكم رماني حجر وما قادر ياشر لي ؟
اذا انعدل القدم والراس.. وشدّ الحيل رفيق باكر
لبس شال الامل توبنا ...وقدلنا نجرتق البقعة
ونقزنا برانا فرحانين بعد خلفولنا باقي الكي.
بتضحك بكرة شمس الحق
بخش النور شقوق ارضك
وتقدل يا عشى البايتات علي كيفك
وبي كيفك براك تعرف مدارك الضي.
ويا شايلين بواقي الحب ..تمر ريدنا
وغناوينا الرماها شتم
ربابة النيل تناديكم
امرقوا علي السواقي نغم
وخجّلوا لي ضلامنا شوي.
بتشرق كل كهارب الروح
بقوم اخضر
نوى الزارعينو في الصحراء
وبهل شجر الحراز فوقنا
وسدر عافيتنا برمي شتي.
شوارع الفجعة تبكي اسف
يغنن لك بيوت الطين ويا طيبين
امرقوا نخل يضلل فوق رويسو جدي
قدم شافع .. ستر حفيان يدقّش
حامد المولى وشاكر ربو رغم العي
عبدالله وداعه الامين
لندن 27.06.2007
|
|
 
|
|
|
|
|
|
|
|
Re: الناس النخل - الى كل الشرفاء - شهيق خاطر (Re: إسماعيل التاج)
|
Quote: العليك نحن خابرنو وعارفنو بلحيل يا ود الوداعة
وحالك دا ما عاوز عِـرْفـَــة
حالك دا عاوز تبـتبات (لوووووووووووووول)
مشتاقين يا زول يا جميل ورائع
باين صيف لندن رامي ظلالو عليك
وانت رامي ظلالك في خبايا الجمال والأحلام.
كـن بخير |
ود التاج حبيبنا
وديني ليك وحشة وكمية من الاشواق وبركة الانت طيب
طمنا عليك وعلى كل الحلوين وناس البلد
صيف لندن والله مطر ..وعسكر وارهاب
ربك يستر بس
شكرا يا جميل على الطلة ويديك العافية
مودتي والشكر
| |
|
|
|
|
|
|
|
|
|
Re: الناس النخل - الى كل الشرفاء - شهيق خاطر (Re: أبوذر بابكر)
|
Quote: طربت والله يا عبد الله
طربت حتى الثمالة
شكرا لك يا ايها الشاعر الفيض |
شاعرنا الجميل ابوذر يا غفاري
شكرا لك انت عزيزي الفاضل وشكرا لحضورك الجميل
شكرا عزيزي لانك هنا وسعيد بان كلماتي اطربتك
لك كامل مودتي ومحبتي ايها الشفيف
فمن فيضكم نحن نبني طين فرحتنا
شكرا ايها النبيل
| |
|
|
|
|
|
|
|
|
|
Re: الناس النخل - الى كل الشرفاء - شهيق خاطر (Re: هند محمد)
|
Quote: وما قايل الحزن واحد
وفي الاخر بكون لي النار عقاب الني.
ويا شاتل مدارج الهم علي اسف الوقع واقف
بحارب الضل اذا جرتق جنى الواقفين
وغافل ضل بعاين ليك وقلبو علي جناهو حدي.
صحي المقدودة كان رهفت
بقدوها الاسف والناس
ومتاسف علي ناسي
.. |
وحتى الذكرى أطمارها أسف
عدمانة رتاق
وسوق حبل الصبر
يزيدها فتاق
كلمات معبرة
تسلم
| |
|
|
|
|
|
|
| |
إسماعيل التاج
أبوذر بابكر
عبد المنعم سيد احمد
Elmosley
الفاتح يسن
wedaah mohamed
هاشم أحمد خلف الله
نهال الطيب
هند محمد
المسافر
فيس بوك
تويتر
انستقرام
يوتيوب
بنتيريست