|
|
 رحبوا معى بالشاعر عبدالله وداعه الامين
|
الحزن الداعب
غطّ ودس مدينتنا
سأريه
اقاتل وحشته
فانا قنديل يا املي
ساضيئ بنوري ظلمته
ساقاتل ما بقيت روحي
ففداك العمر و مهجته
لولاك لما كانت نفسي
ولهجر النورس دنيته
ولكان الكون فحاءات
ولكان حنبنك باسرني
ففيك السفر احبذه
وعلى غاباتك اتسكع
يعجبني الغوص لاتامل
اصداف محار في القوفع
ينداح القلب لها يجثو
اجلالا فخرا يتضوع
فانا يا سحري لو تدري
مفتون هواك به مولع
قلبي منقاد الي عشقك
دليني كيف له امنع؟
ولذا في سفري يا املي
الشوق الجامح للمنبع
فدعيني ارحل و اسافر
ليت من سفري لا ارجع
عبداللة وداعه الامين
تسلل للبورد بهدوءه المعروف .. دائما هو كما النسمه لا تحس حركته
وريثما تتعامل مع حرفه السابح بين جزر البكاء وموانئ الفرح
تحس بحركته نحوك ويبدأ التفاعل بين حرفه ودواخلك
مرحب بك عبدالله وداعه بيننا
|
|
 
|
|
|
|
|
|
|
|
Re: رحبوا معى بالشاعر عبدالله وداعه الامين (Re: مارد)
|
الاعزاء
اسعد
المعز
تبلدى
مارد
الموج
شكرا على المرور والترحيب واهديكم شئ من كتابات صديقى عبدالله
ولا اشكيك لي خطاكي
وضيعة الزول الوراكي
وحرقة القلب الولوف
خوفي منك خوفي ليكي
ياني منك و مشتهيكي
لما تسرقني الخطاوي
وتبقى تسال عن مجيكي
ولما اترجّى الحكاوي
يوم تغافلني و تجيكي
شايلة من همس الغناوي
فرحة تشتاق لي عينيكي
وتاني ايه بعدك نشوف
| |
|
|
|
|
|
|
|
|
 Re: رحبوا معى بالشاعر عبدالله وداعه الامين (Re: osly2)
|
الاعزاء
كمال اوسلي
سيف الدين
د. المعز
تبلدي
صديق الموج
و مارد
لكم التحايا احبتي ولكم الشكر على ترحيبكم الحار بوجودي معكم فمنكم و منا يكتمل النشيد و تنبثق المعاني ويتوشح الفرح لون الصباح فشكرا لكم اعزائي و اتمنى ان اكون عند حسن ظنكم و ظن صديقي العزيز كمال اوسلي فلك الود ايها العزيز بقدر طهرك و طيبتك وحبك للناس ولكم جميعا الود كل الود طالما انتم تزرعون البسمة في وجوهنا المنهكة لكم حبي وقلبي الكبير
عبدالله
| |
|
|
|
|
|
|
|
|
 Re: رحبوا معى بالشاعر عبدالله وداعه الامين (Re: osly2)
|
العزيز اوسلي لك الشكر مرة اخري لانك سباق بالخير لك مودتي والسلام وشكرا اسعد على ذلك اللحن الجميل
> المعز وشاعرنا ومبدعنايشرفني بل تسعدني طلتك الحلوة فانت صاحب الحرف الندي و مهندس الرسم بالكلمات لك ودي .
| |
|
|
|
|
|
|
|
|
|
Re: رحبوا معى بالشاعر عبدالله وداعه الامين (Re: الجندرية)
|
امانى الجندريه
شكرا على المروروالترحيب وهاك دى من عبد الله
خوفي منك يا بنيّة
خوفي من خوفك عليّا
و خوفي من جور الزمن
من خطاويكي العصية
وروعة البسمة الندية
ولهفة الشوق والشجن
ياني في حبك مسافر
في وطن ما ليهو آخر
تبقي في جوايا انتي
تبقي هسّه وياكي باكر
وببقى فارسك والقبيلة
وببقى حسّك والرهافة
وابقى شارعك والمسافة
وسكة الرحلة البخافة
ابقى جواك والبدن
ببقى روحك يا وفيّة
اصلي ليكي وانتي ليّا
وتبقي في جواي وطن
وابقى وترك يا شذية
وتبقي الحاني الشجية
وابقى ضعفك ابقى خوف
وابقى ذاتك والقطوف
وتبقي سمعي وتبقي شوف
| |
|
|
|
|
|
|
|
|
|
Re: رحبوا معى بالشاعر عبدالله وداعه الامين (Re: osly2)
|
يا سلااااااااااااااااااام
ياسلاااااااااااااااااااام
ياسيدي
جميل انك تغني الريد وما توقف غناك ابواب
جميل شارع هواك يهب يعلم شفع الكتّاب
بانو النيل رحيق الروح وقيساب الامل تيراب
وانو الشوق محل ما فاض بنزرع خاطر الاحباب
تحياتي اوسلي
تحياتي عبدالله
وشايف الاخوه الكرام تسابقوا علي المراكز الاولي وحتما اني لست الطيش رغما عن انو الطيش في عزاءات الصبية بالابتدائي كان عند الله بعيش
تحياتي تاني
| |
|
|
|
|
|
|
|
|
|
Re: رحبوا معى بالشاعر عبدالله وداعه الامين (Re: أسامة معاوية الطيب)
|
الرائع اسامه معاويه .ســـــلام
كان مبتدأ الدنيا عندنا جبال الصالحين وضريح الشـيخ الهـديى
ومنتهاها جبل ابنعوف والاراك
وقتها كان للطياشة اصولها وطرائفها لا شك ان ذاكرتك تحمل الكثير
ولكن فى سيرة اخونا عبد الله هناك الكثير من الشبه بينها وبين
تروس الساقيه حيث لايعرف من اين يبدا الترس واين ينتهى
تحياتى لك وأأمل ان توثق لنا تجربتك الجميله مع نادى الطنبور
| |
|
|
|
|
|
|
|
|
 Re: رحبوا معى بالشاعر عبدالله وداعه الامين (Re: الجندرية)
|
الاعزاء والعزيزات
الجندرية -عصام &امل- اسامةمعاوية- شيري- انا ذاتي امدر- بت القبايل- عبدالله بابكر-تولوس اسعد ابراهيم و استاذي موصلي
لكم كل الشكر احبتي وشكرا لاستقبالكم الحار بي و شكرا على اطلالتكم البهية .
والشكر موصول لحبيبنا وصديقنا العزيز كمال اوسلي فمنكم ايها الاحبة تأخذ المعاني رحيقها وتستمد نبض عافيتها من لحن نفوسكم الطاهرة لكم السلام والمحبة ولكم قلبي الكبير
عبدالله
| |
|
|
|
|
|
|
|
|
|
Re: رحبوا معى بالشاعر عبدالله وداعه الامين (Re: essam&amal)
|
مرحبتين كمال
الذاكرة من تفتح علينا ابواب القادم من حياة ولكنا نخشاها
اشكر اهل نادي الطنبور كلهم حيث احتضنوا تجربتي في ديارهم الكبييييييييرة جدا وقابلوني بانصاف ضخم يخجلني كثيرا وحتما منحوني فرصة خياليه
علي مدي سنتين كان كل اهلنا في الشمال يمنحوني أذانهم وقلوبهم وحبهم العنيف وكنت كل حلقة أخاف منهم أكثر لأني لا اقوي علي مجابهة عالمهم
سأفتح قلبي مساكن لهم كما فتحوا قلوبهم لي مساكن وبيوت لا تعرف متاقاة أبوابها ليل نهار
اه
فتحت علي الذاكرة التي اخشاها
صدقني كانت تجربة مخيفة وارجو ان اكون قد تجاوزتها غير مثقل بكثير خطايا
ولك حبي كله
ولعبدالله الشاعر الجميل
حنتلاقي
| |
|
|
|
|
|
|
|
|
|
Re: رحبوا معى بالشاعر عبدالله وداعه الامين (Re: أسامة معاوية الطيب)
|
سكة الشوق يا مسافه
لسة ما عارفين ضفافه
ما بسم فيها التمني
ما صحت فيها اللطافه
شايله من وهج التشابك
حته بتعطر شفافه
خاته فى شتل المحنه
غنوه ادتني المخافه
تهته زي زولا متيم
ما أظن الفرحه شافه
سـلام مكعب لشيرى
مرحب بيك انتى وشكرا على المرور
اسـامه معاويه
جاييك صاد ولمن اجى تحياتى لتوفيق الطيب البشير وللسامى سامى معاويه
| |
|
|
|
|
|
|
|
|
|
Re: رحبوا معى بالشاعر عبدالله وداعه الامين (Re: essam&amal)
|
يا مسافات أرحمينا
هدي من روعك شوية
خففي الحالة العلينا
قدر ما نرحل نسافر
نلقي جرحك لسه فينا
وقدر ما ترتاح عيونا
تلملمي الاحزان تجينا
تدي من فرحة مشاعرك
غربة توسد سنينا
تبكي ساعات المحنة
وتبكي من ظلمك عنينا
عبدالله وداعه
مرحب ست المواقف المشرفه
شكرا على الاطلاله يا ام وضاح
| |
|
|
|
|
|
|
|
|
|
Re: رحبوا معى بالشاعر عبدالله وداعه الامين (Re: osly2)
|
أنسان هادى مبدع كلماته تتسلل كأشعه الصباح و تبعث فى النفس الفرح و الطرب --- الطرب --- الطرب وأشياء جميله
أخى عبدالله وداعه الامين --- ألف مرحب بك وهيا عطر أجواء البورد برقيق أشعارك و نحن فى الانتظار  المبدع
| |
|
|
|
|
|
|
|
|
|
Re: رحبوا معى بالشاعر عبدالله وداعه الامين (Re: Ana Zaty Omdur)
|
يا مسافآت ارحمينا
شفنا من وهجك كفايه
جاني طيفك مرة نايم
صحي أحلامي الصبايا
هدى حيلي ربيع عيونك
غني من حزنك شقايا
بمشي من دون الخطاوي
وما انسمع ترديد غنايا
لا موده غشت دروبى
ولا فرح ظلل سمايا
انتى ذاتك امدر
سلام من عينة سلام شيرى المربع
ابو الشـوق يبكى وحرفه يبكى فاحتار الدمع بينهما
من كان شيخه جيلانى هل يملك غير البكاء ؟
| |
|
|
|
|
|
|
|
|
|
Re: رحبوا معى بالشاعر عبدالله وداعه الامين (Re: abdalla BABIKER)
|
يا مسافات أرحمينا
هدي من روعك شوية
نحنا من ظلمك شقينا
في المطارات ـالمحطات ـ
البلودات ـ البيوتات الحزينه
كل يوم صوتك بجينا
مره ساعة لحظه حلوه
ومره من آخر المدينه
جاني صوتك مره خافت
قلتا إمكن دى الحنينه
شلتا من شوقي الكفايا
وقلتا فرحك طلا فينا
الا بس الفرحه ماتات
قبل ما نشوف الرزينه
بت القبايل.....عبد الله ـ تحياتى
أشكركم على الترحيب وابشركم بابداع عبد الله القادم
فاللرجل دواخل مشبعة بالجمال ... ترقبوا معنا
| |
|
|
|
|
|
|
|
|
|
Re: رحبوا معى بالشاعر عبدالله وداعه الامين (Re: Elmosley)
|
يا مسافاتنا العنيده
خفي الحاله البتفضح
رعشة الريد الوليدة
قولي لى الزول المسافر
غادي في البلد البعيدة
الفراشآت الحيارى
ما أظن هجرت نشدة
ما فتر فيها الترجي
وكلي يوم تفتح بريده
تولوس .. اسعد .. الموصلى
التحيه لكم وانتم تعبرون الحد الفاصل بين الترحيب
بقدوم عبدالله وجروف كلماته التى تتدفق
حنيه
| |
|
|
|
|
|
|
|
|
|
Re: رحبوا معى بالشاعر عبدالله وداعه الامين (Re: osly2)
|
بالشاعر عبدالله وداعه الامين (Re: الجندرية)
الاعزاء والعزيزات
الجندرية -عصام &امل- اسامةمعاوية- شيري- انا ذاتي امدر- بت القبايل- عبدالله بابكر-تولوس اسعد ابراهيم و استاذي موصلي
لكم كل الشكر احبتي وشكرا لاستقبالكم الحار بي و شكرا على اطلالتكم البهية .
والشكر موصول لحبيبنا وصديقنا العزيز كمال اوسلي فمنكم ايها الاحبة تأخذ المعاني رحيقها وتستمد نبض عافيتها من لحن نفوسكم الطاهرة لكم السلام والمحبة ولكم قلبي الكبير
عبدالله
| |
|
|
|
|
|
|
|
|
|
Re: رحبوا معى بالشاعر عبدالله وداعه الامين (Re: osly2)
|
كيف سار هذا لموكب دون ان نسمع هدير الترحيب
الذي يضبط إقاعة قريبي الشامخ الابداع كمال
اوسلي
هل هو هدوء المحتفي به الموصوف اعلاه؟
مرحبن حبابك و اليوم السعيد الليلة جابك
يا عبد الله وداعة
اتمني ان يطيب لك المقام
و يسيل بحرك يروي المنبر
و يفيض
| |
|
|
|
|
|
|
|
|
|
Re: رحبوا معى بالشاعر عبدالله وداعه الامين (Re: نصار)
|
شوقى سيبك فى الحكاوى
نغمه فى همـس الاغانى
ولما تتوسد حنانا
فيك بتتجسد معانى
بيها تجمعك المحنه
فوق جروف عز الامانى
يوم تكون الغاليه جنبك
ليك نرسل طن تهانى
الزمن يا شوقى جائر
الا بس مقدور عليهو
ولو ترنح فى الخطاوى
بكره بتصلح مشيهو
وياما باكر يا نسيبى
ليك كم يقلب وشيهو
لما تتلاقى المشاعر
يبقى جنبك ومشتهيهو
الباشمهندسه سلوى ونصير المبادئ نصار
وهل تكتمل فرحتنا بعبدالله ـ شـوقى ـ من دونكم
اتمنى ان تجمعكم به ليله بالتوكيه مقمره لا تظلل سماءها سحب الكيزان ـ على وزن الدخان ـ فشعر شوقى يفرح من يسمعه ويظل
قائله فى حالة بكاء متواصل
مرحب بكم فى مهرجان قدوم شوقى
| |
|
|
|
|
|
|
|
|
|
Re: رحبوا معى بالشاعر عبدالله وداعه الامين (Re: osly2)
|
ســــلام تاني
الاعزاء سلوى و نصار و ابو النسب الرائع اوسلي
لكم التحية والتجلة وشكرا لترحيبكم و كلماتكم المعبرة.
شكرا لك عزيزي نصار يا صاحب الحرف الندي و الحس الداقي
شكرا لكي سكسك آسف سلوى لووووووووووووووول و اهلا لطلتك وطلعتك البهية و ما ذال شوقي يبكي يا سكسك
لوووووووووووووووووول
عبدالله
| |
|
|
|
|
|
|
|
|
|
Re: رحبوا معى بالشاعر عبدالله وداعه الامين (Re: osly2)
|
الف مر حب بمز ما ر د ا ؤد عبد ا للة و دا عة ا لا مين ..ا لحر ف ا لمر هف ....و الكلم ا لمنغم ا لممو سق..و الحس ا لمجدو ل بحب ا لناس و ا لجما ل .. هذ ا ا لفنا ن ا لشا عر ...ا لذ ى طو ع ا لحر و ف و استعمل معجمة ..و ا فا ض ..انة كسب ..و نغم مر فة جد يد ..سيلو ن كل سمو ا ت سو دا نيز و ن لا ين و مجر ا تها ا لمتعد د ة فى مجمو عتها ا لشمسية ا لو ا سعة و ا لمنتشر ة ..مر حبا و ا لف تر حا يب ا يها ا لشا عر ا لمجيد ا لجميل
| |
|
|
|
|
|
|
|
|
|
Re: رحبوا معى بالشاعر عبدالله وداعه الامين (Re: عبدالله وداعه الامين)
|
الاخ الحبيب اوسلي
لك الود وشكرا على القصيدة الرائعة.
شوقي من دون الحكاوي
فيهو تنهد المعاني
يفقد احساس المغني
وهمس انغام الاغاني
يبقى ذي مجنون و واعي
و مره زايد في الجنان
و مره ذي زولا مودر
و مره جاير مرة جاني
لاحصد تمر المحنة
ولاجمع لي الليهو جاني
ياهو طبع الدنيا اوسلي
وديمة طعم الريدة تاني
والحنان الكسنا دربو
وفيهو كترنا الاماني
يبقى ذي حلم المسافر
لما يشتاق للمواني
وياني مشتاق لي عيونه
قدر ما يشتاق زماني
| |
|
|
|
|
|
|
|
|
|
Re: رحبوا معى بالشاعر عبدالله وداعه الامين (Re: sympatico)
|
سكة الريد القديمة
قلنا بتجيبك براهه
وحتة الشوق المودر
قلنا بتسوقك معاهه
بي امانيك العزارى
ولهفة الناس الحيارة
الديمة تسعد بي شقاهه
الا قلبك لسه قاسي
اقسى من وهج الاماسي
الكنا نشتاق لي رؤاهه
الا مستنين حنانك
وغير حنانك ما بقينا
لو ظروفك مرّة سمحت
ابقى تتذكر تجينا
مرّة جامل يا حبيبي
وابقى اسأل يوم علينا
عمر الماحى ــ ســـــــــناريك ـــ ســــــلام
شكرا على المرور ومعكم ننتظر ابداعات عبد الله
| |
|
|
|
|
|
|
|
|
|
Re: رحبوا معى بالشاعر عبدالله وداعه الامين (Re: osly2)
|
ســلام احبتي مرة اخرى
الاعزاء حيدر بدوي- كمال عباس-عمر الماحي والصديق الاخ الحبيب سمبتيــــك سنارك في رواية اخرى
لكم الشكر احبتي على ترحيبكم الحار وكلماتكم الرائعة لكم الود كل الود
سنارك
لك التحية ايها الحبيب و كم افتقدناك عزيزي واهلا بك و بهمسك الجميل لك ودي.
(شوقي)
| |
|
|
|
|
|
|
|
|
|
Re: رحبوا معى بالشاعر عبدالله وداعه الامين (Re: عبدالله وداعه الامين)
|
وان اليحر يا بحر
سيرسو عند مؤتلق
على ارواح خيلهم
اذا اصطفت على ليل
يواقعها اناشيدي
يعلّمها السلام
الا يا بحر ارضعنا
قوافي حرفك الاولى
لنورثها روابينا واطفال هديناهم
خطايا جدك الاولى
وتأتات الكلام
الا يا بحر علمنا
وعلمنا لكي نبحر
الى الاعماق ارسلنا
اذا ضلت قواربنا
على الوديان وانكسرت
على ظهر الاكام
الا يا بحر علمنا غسيل الروح
كي نغفر
الى الارواح ما تهفوا
وعلمنا الوئام
الا با دهر اهدبنا وعلمنا السلام
عبدالله وداعه الامين
| |
|
|
|
|
|
|
|
|
|
Re: رحبوا معى بالشاعر عبدالله وداعه الامين (Re: ahmed)
|
يوم اشوف عينيك و احلم
و ابقى بينات النجوم
و افرد الفرح المسافر
جوة في داخلك و احوم
يسكن الريد المزاهر
وحزمة الشوق الازاهر
ازرع الامل اللي زاهر
و ابقى احلم بيك و انوم
تسكن الجوف المحبة
الحلوة في كل الاحبة
و ابقى في جواكي حبة
فرحة تصطاد الغيوم
ابن اوســـلى البار احمد
ياخى دى ابام يرسلوا فيها اميل .. الهاكرز على قفا من يشيل
شكرا على المرور من هنا
العم عمر ادريس معنا هنا ويكتب باسم فجراوي
| |
|
|
|
|
|
|
|
|
|
Re: رحبوا معى بالشاعر عبدالله وداعه الامين (Re: تراث)
|
بي فرح فرحك اغني
و اهدي ليك احلى التهاني
وشلتى من فرحي المودر
بسمة الشوق و المحنة
التدي لي وجودك معاني
جيت اقول مبروك عليكي
شان اخلي الفرحة تكبر
و يضوي بي وهجك زماني
ومرحب بيك انت يا عثمان تراث
اسمك يرمز للماضى وكتاباتك تكشف ما وراء سحب المستقبل
ونحن نعيشك حاضر مشبع بالوفاء
لك التحايا
| |
|
|
|
|
|
|
| |
osly2
Saifeldin Gibreel
ASAAD IBRAHIM
Dr. Moiz Bakhiet
صديق الموج
الجندرية
أسامة معاوية الطيب
essam&amal
shiry
تولوس
Elmosley
salwa elsaeed
نصار
Haydar Badawi Sadig
kamalabas
omer almahi
ahmed
تراث
فيس بوك
تويتر
انستقرام
يوتيوب
بنتيريست