بفكر فيكي برضي كمان اريت لو يرحم التفكير ولو سكتنا عترت يوم وجاطت جدول التغيير تجي و تلقيني حاضن الشوق ويصبح حبي بيكي كبير وتسكني في مراسي هواي و اديلك محنة كتير وجد تستاهلي التفكير
بفكر فيكي بس عارف مكانك جوة في الاحساس وعارف انو حبك لي بقسموا منو حب الناس ولو سالوني عنك يوم بلاقو هواكي في الانفاس وبعرفوا قصة التفكير و انو هوايا ليهو اساس وجد تستاهلي التفكير
بحبك و برضو ما بنكر و لو انكر بشوفوا هواك مسطّر في مسام الروح وبعرفوا اني كيف بهواك وما فارقتا دربك يوم ولا حنيت لي غالية سواك لانك عندي كل الكون ومركز دورة الافلاك وجد تستاهلي التفكير
اخى العزيز عبد الله الانسان المرهف.. وانت تستاهل مننا كل الاحترام والتقدير وتعظيم سلام لاعمالك الجميله جدا .. وسعيده جدا اكون اول المتداخلين فى العمل الرائع ده لكن ما غريبه ياكا عبد الله المعروف بجمال دواخلك ونبل احاسيسك ومشاعرك ربنا يديك العافيه وتمتعنا بالجديد دائما وربنا يوفقك ويكفيك شر عين خلقو..
مبروك على هذا اللقاء الإبداعى. بس يانادية خليكى عارفة أنو عبد الله ببكى و عيونو ناشفة و دموعو كملت فى البالتوك لما كان إسمو شوقى. اها انا عاد جنس الدموع الناشفة دى ماسمعت بيها !!
قلت لى كان اسمو منو فى البالتوك؟!!
سوما ليكى تحية
سوما منو ؟
قصدك بت الجنيد الرائعة؟
02-23-2005, 02:38 PM
Balla Musa Balla Musa
تاريخ التسجيل: 12-30-2004
مجموع المشاركات: 15238
عزيزنا وحبيبنا بله لك التحايا يا صاحب الحس النقي و الصوت الحنون شكرا على المرور والحضور الجميل و سعيد بي وجودك معانا انت و الاشواق اقصد الزهور لووووووووووووووووول تسلم حبيبنا وليك ولي حرمك المصون التحايا مطر
Quote: عبد الله ونادية
مبروك على هذا اللقاء الإبداعى. بس يانادية خليكى عارفة أنو عبد الله ببكى و عيونو ناشفة و دموعو كملت فى البالتوك لما كان إسمو شوقى.
الشاعرة والاخت الرقيقة سوما شكرا لكي اولا على الكلمات الرائعةو التشجيع الجميل جمال حروفك ودمتي لنا دوما ايها الرائعة واسف ثانية احبهبي على التاخير قي الرد عليكم ولكم مني الغتبى حيى ترضون ولكم جزيل الشكر وشكرا سوما دوما علي جمال الحضور وروعة اللانتياه والتحايا مطر
بحبك و برضو ما بنكر و لو انكر بشوفوا هواك مسطّر في مسام الروح وبعرفوا اني كيف بهواك وما فارقتا دربك يوم ولا حنيت لي غالية سواك لانك عندي كل الكون ومركز دورة الافلاك وجد تستاهلي التفكير
بس يا شوقى كيف تنكر وفى العينين يبين هو هواك ؟ ومن شلال دموعن سال رحيق عشقا رواه غنــــاك لا بتقدر تفارق خطوك السكه ولا السكه بتفوتا خطاك لانها كون عشق جواك وغريبه الكون يكون مرساك
ابو النسب حبيبنا شكرا اولا على المرور و روعة الحضور و شكرا تاني على الكلام الجميل دا دمت لنا ودامت احرفك نديه وجد مبدع ومرهف كما عودتنا وتب اديناك منصب عمدة البكايين لوووووول اوسلي بجيك راجع لاني ما بنكر لووووووووووووووووووووووووول تسلم حبيبنا وجد والله يا اوسلس واحشنا و واحشانا ضحكتك وكلماتك الحنينة دمت و دام صفاك ليك التحايا مطر
ود الشيخ الحنون يا بحر نيل المحنة ويا سحر كل الفنون ليكا الاف التحيه وليكا من بعض الشجون كل الوان المحبة و كلما تشتاق عيون لي عيون زولا بريده ويبني بي افراحو كون
Quote: ود الشيخ الحنون يا بحر نيل المحنة ويا سحر كل الفنون ليكا الاف التحيه وليكا من بعض الشجون كل الوان المحبة و كلما تشتاق عيون لي عيون زولا بريده ويبني بي افراحو كون
صدقت والله اخوى ود الشيخ زولا جميل بالحيل ربنا يديهو الصحة يارب ويديهو الفى مرادو..
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة