في ذكري رحيلك يا مصطفى سيد احمد وانت الباقي فينا

مرحبا Guest
اخر زيارك لك: 03-29-2024, 04:25 PM الصفحة الرئيسية

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات    مدخل أرشيف اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مكتبة عبدالله وداعه الامين(عبدالله وداعه الامين)
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
01-17-2006, 08:44 AM

عبدالله وداعه الامين

تاريخ التسجيل: 06-14-2004
مجموع المشاركات: 2072

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
في ذكري رحيلك يا مصطفى سيد احمد وانت الباقي فينا

    في ذكري رحيلك يا مصطفى تاكلنا الغربة ويسافر بنا مد الغيم الى المجهول
    نكبكيك ام نبكي انفسنا وضيق الحال؟
    ام نبكي" الشجن الاليم" "ما بين خاطر" "وحزنك النبيل"؟
    "وبنفتش عليك في المنفى"
    وفي "مطر عز الخريق" "وطيبة" تكاتل المشوار علي نار الجرف "طورية متكية"
    "نكر صوتك صداك" "واتبرجت غيمة" "نهار شوقنا" ومشاويرنا الصباحية
    وانت النيل
    وكنت قبيل
    دعاش الفرحة لي "طيبة" و" ود سلفاب"
    و وسط الدارة "ترقص فوقا صقرية"
    تنادي الشفع التلعب مع "نوره"
    "وعجنا" الكان بدقوا كرامتو فجرية
    و"عم عبدالرحيم" بشهد هوان الحال
    وضيم الزول وقت ترزم
    خيوت الفجعه فوقو تموت
    "تغرد فوقو قمريه"
    "مداين" تبكي في المجهول
    وفرحة زول
    "بيحلم زي مراكبية؟
    تكابد "ضلنا" المغشوش علي
    "شعر البنية سقف
    وايدين الرجال رصاص" بيوقد لي النهاريه.
    بعد "عزّ المزار" والنيل بقاوم في جيوش الهم
    ويسال عن صلاح الحال
    يرتب "مريم الاخرى" ويصاحب لي الخدرجية
    بعد "مطر الحزن عاود"
    ورشة الدنيا بي سيلو
    "بقول غنوات"
    "ونشوة ريد"
    تقالد بت فرايحية
    وقت وقف النهار بالليل
    تجي "البت الحديقة" كمان
    "وتبكي وجيدة طعنة سيف"
    وفي" الزمن الخرافي" تخت
    حتة فرحه ورديه
    علي "قمر الزمان" تحلم
    "علي عينيك تصاوير الغنى" المسفوح
    و"عباد الشمس" بشهد
    "بحيض النيل" ويملى رعافو كورية
    "وخوازيق البلد زادت"
    "عجاج البحر" سده الغيم
    معاك "ضليت" وضلت فرحة مخفية
    مع غيبتك... حزنت نامت الخرطوم
    بعد ما "عدى فات"الحال
    دعاشك من سماء امدرمان
    وتاهت "سمحه سمرية"
    وانكسر الشتم بالليل
    وضاع النيل
    وقال "اتدفقى" الاحزان
    "ويا ضي شبابك البيوت" انسد
    وسكّت لي الصنايعية
    ويا" صابرين" علي جمر الحزن ابكو ا
    وبكي سماكا يا السودان
    عشان" قمر الزمان" اضحك
    يدق مزيكة" حورية"
    صحي" ابداك انا ومن وين" ؟
    وانت معانا جوه الروح
    محل مانروح
    وفيك ارواحنا متكية
    "وبراك واقف" "هردتا لهاتي" قالن ليك
    "سحابات الهموم" يوم جن
    "علي بابك" يعزنك بعد ما سابن الجيه
    و"سافر" في "زمن بيروح"
    شعاع "عينيك مدن"تحلم
    في" لحظة شهقة" نص الجوف
    و"ميلاد حب" يغالط في السماسرية
    ودفرة وجعة تمصر ليك
    مشرع الحلم الفسيح وتصر
    وشيشا في "طريق الليل"
    بسكّت دمعة محرية
    وقالت"ماشقيتك" يوم ولا استنيت
    "صديقي الاول" المسكون
    وساكن في" استلاب" الغيب
    ويشتل غنوة وردية
    علي "غربة ومطر" و"سحاب"
    عشان "اديني احساس" زول
    همو علي وطن مهموم
    ونفسو تقولو في"نفسي ..في داخلك اعاين" ليك
    بعد تميته وردية
    وجايي تسكت الشفع
    ومن "عزار دموعك ديك"
    تقش ايديك عشان تقدر تعاين ليك
    وايدك ماها ملويه
    رحلتا وسبتا دنيا الهم
    بترقع في يباس الحال
    علي" لوحة وطن" مجروح
    وصوت مبحوح
    بعد عيشة الرجال مسخت
    وعاشت غربة ابدية
    وقالت "يا سلام منك" رحلتا حلاص؟
    وسبتا الدنيا لي الاغراب
    بعد ما ناح غراب الشوم
    ودقا نحاسو زندية
    وجاطت فينا ريحة الخوف
    وعربد في صحاري الروح
    ضجيج الوجعه ينده ليك
    ويشحد ربو حرية
    تلامس لي سما ارضك
    عشان افرح سما الخطوم
    بعد "عز المزار" في الضي
    نشف ريق البنادرية
    نحبك انت مافي وفي
    لانك في
    وبس بكفي
    وجودك في مدى الاحساس
    ونارك ماها مطفية
    وطعمك ببقى زي ما هو
    "مداد ارضك""شليل الراح"
    وحزمة ناس تشنق الليل
    تخلي الساحة مضوية


    عبدالله وداعه الامين
    لندن 17.01.2006

    (عدل بواسطة عبدالله وداعه الامين on 01-17-2006, 05:45 PM)
    (عدل بواسطة عبدالله وداعه الامين on 01-17-2006, 05:58 PM)

                  

01-17-2006, 01:52 PM

بهاء الدين سليمان
<aبهاء الدين سليمان
تاريخ التسجيل: 11-28-2004
مجموع المشاركات: 1095

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: في ذكري رحيلك يا مصطفى سيد احمد وانت الباقي فينا (Re: عبدالله وداعه الامين)

    عبد الله وداعة ... التحية لك
    الحمد لله رب العالمين ونسأل الله أن يتغمده بواسع رحمته وكما كان متوقع فان كل السودانيين فى كل أنحاء العالم كان يوم 17يناير بالنسبة لهم هو يوم الحزن الأكبر ... ونحن هنا بالامارات تركنا العمل يوما واحدا حدادا عليه

    ما عليك الا أن تبكى وتترحم حتى تتنفس
                  

01-23-2006, 08:18 AM

عبدالله وداعه الامين

تاريخ التسجيل: 06-14-2004
مجموع المشاركات: 2072

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: في ذكري رحيلك يا مصطفى سيد احمد وانت الباقي فينا (Re: بهاء الدين سليمان)

    بهاء الدين سليمان كتب:

    Quote: عبد الله وداعة ... التحية لك
    الحمد لله رب العالمين ونسأل الله أن يتغمده بواسع رحمته وكما كان متوقع فان كل السودانيين فى كل أنحاء العالم كان يوم 17يناير بالنسبة لهم هو يوم الحزن الأكبر ... ونحن هنا بالامارات تركنا العمل يوما واحدا حدادا عليه

    ما عليك الا أن تبكى وتترحم حتى تتنفس


    الاخ بهاء الدين التحية لك وانت تعطر هذا البوست بحضورك الجميل
    شكرا لك حبيبنا ويديك الف عافية ورحم الله مصطفى بقدر ما اعطى واجزل
    وحزننا اكبر من تدونه حروف اللغة

    ودي لك وتحاتي


    عبدالله
                  

01-17-2006, 09:36 PM

عبدالله وداعه الامين

تاريخ التسجيل: 06-14-2004
مجموع المشاركات: 2072

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: في ذكري رحيلك يا مصطفى سيد احمد وانت الباقي فينا (Re: عبدالله وداعه الامين)
                  

01-20-2006, 09:58 PM

Kostawi
<aKostawi
تاريخ التسجيل: 02-04-2002
مجموع المشاركات: 39979

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: في ذكري رحيلك يا مصطفى سيد احمد وانت الباقي فينا (Re: عبدالله وداعه الامين)

    Quote: في ذكري رحيلك يا مصطفى سيد احمد وانت الباقي فينا


    Salam Mustafa
    Don't ever think we've forgotten you

    You are living with us
    Day by Day

    and we are enjoying you to the fullest

    ha ha
    got u

    alkarama (Kostawi)
                  

01-23-2006, 08:23 AM

عبدالله وداعه الامين

تاريخ التسجيل: 06-14-2004
مجموع المشاركات: 2072

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: في ذكري رحيلك يا مصطفى سيد احمد وانت الباقي فينا (Re: Kostawi)

    كوستاوي كتب:


    Quote: Salam Mustafa
    Don't ever think we've forgotten you

    You are living with us
    Day by Day

    and we are enjoying you to the fullest

    ha ha
    got u

    alkarama (Kostawi)


    بلدياتي العزيز كوستاوي

    كما قلت تمام انت اننا نعبشه كل يوم ولن ننساه لانه باق كلوز الارض يزهر كل ربيع
    لك مودتي وتحياني وشكر على الطلة المفرحة ولك كل الحب

    عبدالله
                  


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات



فيس بوك تويتر انستقرام يوتيوب بنتيريست
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de