مغلوب اغالب دمعتي وحيران افتش ليك حنين والليل سهى و سكت الرباب والكنت شايلو فرح عمر دسيتو من زمن الشقى اتلقاهو بي لهفة العذاب ما كنت قايل السكة يوم بتهد كتف كل الغنى تسرق سحابات المنى ويملا المساحات السراب والكان جميل بدي الحنان سافر علي غيم الوعد واختار مصير الاغتراب يا ضل بيوت الهجعة هل صحّت بروق القبلي ريح ام غافل المطر السحاب؟ يا سور كضب ليل الفجر واسوق نعاسك ما حلم بي سوق بساسق زي حراب شربت من الدم الشرف لبست جلاليب الترف وبقت تساوم في الرقاب شفع بترضع في الوهم امات صحت مليانا هم واسياد بتزرع في الرهاب مين الـ قال انو الشمس غتاها غربال الدجل او غطى عتم الليل شهاب؟ ما الفجر مهما الليل يطول تمتدّ قامتو مع الفجر ويسد براحات الغياب والظلم بابو بينقفل زي كل شر بنهدّ حيلك يا شجر والعدل بفتح الف باب والايدو في نار الوطن بقبض جمر كل الشقا وبتمدّ زي شجر الهشاب ما هزّ فاس... فرعو اليباس او داس رقاب صمغو اللحا واتضارى ضعفو علي التراب
عبدالله وداعه الامين لندن 19.12.2006
12-21-2006, 08:07 PM
محمد أبوعاقلة الطريفي محمد أبوعاقلة الطريفي
تاريخ التسجيل: 05-11-2006
مجموع المشاركات: 482
Quote: ما الفجر مهما الليل يطول تمتدّ قامتو مع الفجر ويسد براحات الغياب والظلم بابو بينقفل زي كل شر بنهدّ حيلك يا شجر والعدل بفتح الف باب والايدو في نار الوطن بقبض جمر كل الشقا وبتمدّ زي شجر الهشاب ما هزّ فاس... فرعو اليباس او داس رقاب صمغو اللحا واتضارى ضعفو علي التراب
يا عبد الله ... يا معطون في موية ورد يا الساسقت هناك لبعيد ...لأبعد حد لغاية الظلم القافل بابو ولو عينيك افترشت مد ما تتوقف نحن معاك فينا خلايا الشوق تتجدد
انا جنبك وما شايفني ... علي مرمي بصر ياخ ازيك ... طلعت زيتي
01-03-2007, 06:19 PM
osly2 osly2
تاريخ التسجيل: 10-17-2002
مجموع المشاركات: 3541
Quote: بنهدّ حيلك يا شجر والعدل بفتح الف باب والايدو في نار الوطن بقبض جمر كل الشقا وبتمدّ زي شجر الهشاب ما هزّ فاس... فرعو اليباس او داس رقاب صمغو اللحا واتضارى ضعفو علي التراب
العدل فى زمن التتر زى سفره طالت دون اياب الظلم بقدل فى الدروب والناس بسوموها العذاب يتحت كل ورق الشجر ياتى الخريف من دون سحاب والبانى املو على الزرع بحصد اكيد ثمر الرهاب عبد الله شوف بؤس النخل متاكى باكى مع الهشاب
Quote: بنهدّ حيلك يا شجر والعدل بفتح الف باب والايدو في نار الوطن بقبض جمر كل الشقا وبتمدّ زي شجر الهشاب ما هزّ فاس... فرعو اليباس او داس رقاب صمغو اللحا واتضارى ضعفو علي التراب
الله عليك ايها الرجل المبدع عبد الله
حتما سأعود !!
01-03-2007, 06:50 PM
osly2 osly2
تاريخ التسجيل: 10-17-2002
مجموع المشاركات: 3541
يا زول عظيم حلق بعيد فوق للسحاب ياأنسان اصيل مويتك محال تصبح سراب ياحس جميل الدعوه منك تستجاب فهمتنا (خلق الجمال) وكيف الثبات عند الصعاب علمتنا شموخ الجبال وأنه الكرم زينة الرجال وانه العفاف نعم الحجاب
01-04-2007, 07:48 PM
osly2 osly2
تاريخ التسجيل: 10-17-2002
مجموع المشاركات: 3541
Quote: يا زول عظيم حلق بعيد فوق للسحاب ياأنسان اصيل مويتك محال تصبح سراب ياحس جميل الدعوه منك تستجاب فهمتنا (خلق الجمال) وكيف الثبات عند الصعاب علمتنا شموخ الجبال وأنه الكرم زينة الرجال وانه العفاف نعم الحجاب
استاذنا وحبيبنا تاج السر
وين المدى البنحصلو وانت السحاب؟ النيل تشر فيهو الفرح وتلبس النخل الشباب تدي البحر طيبة اهل وتحل كمان كل الصعاب تاج سرنا وحسنك سمح بيكفي لي كل الصحاب علمنا كيفك نبني الوطن وتزلل القدرة الصعاب
تسلم تاجالسر حبيبنا وشكرا لك والى احرفك الانيقة مودتي وكل الشكر
Quote: العدل فى زمن التتر زى سفره طالت دون اياب الظلم بقدل فى الدروب والناس بسوموها العذاب يتحت كل ورق الشجر ياتى الخريف من دون سحاب والبانى املو على الزرع بحصد اكيد ثمر الرهاب عبد الله شوف بؤس النخل متاكى باكى مع الهشاب
ابو النسب الجميل
العدل مهما الليل يطول حتما بيهزم لي الغياب والظلم بابو بنقفلو بي ايدنا.. نفتح الف باب نسقي النخل طيبة اهل ومحنة تخجل لي السحاب ان جفّ حلق العشرة يوم واستوطن الوجع الهشاب والفكرة تبقى الناس نخل زي الاهل وتحت صفق كل العذاب
تسلم يا ابو النسب وكل سنة وانت بالف خير والبلد بي خير مودتي ومحبتي
Quote: يا عبد الله ... يا معطون في موية ورد يا الساسقت هناك لبعيد ...لأبعد حد لغاية الظلم القافل بابو ولو عينيك افترشت مد ما تتوقف نحن معاك فينا خلايا الشوق تتجدد
انا جنبك وما شايفني ... علي مرمي بصر ياخ ازيك ... طلعت زيتي
ود ابو عاقلة العاقل خالص
مد الروح والشوق واتمدد مد الغيم واتوهط جوه وخلي خلايا الحب تتجدد ماكا غريب يا الساكن فينا العن شوق الما اشتاقك وطلع بيك زيت شوقو القدد
محبتي و و ودي ايها الانيق ودمت بالف خير شكرا حنين يا حنين
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
محمد أبوعاقلة الطريفي
osly2
عماد شمت
فيس بوك
تويتر
انستقرام
يوتيوب
بنتيريست