|
|
|
 Re: هام وعاجل لأصحاب سيارات التربتيك(الإفراج المؤقت) المسافرين للسودان في هذه الإجازة (Re: nazar hussien)
|
غريبة
ليس غريبا ان تورد الخبر بدون تعليق!
وليه التامين بالريال السعودى داخل السودان! لمصلحة من!
واذا اضفت تكلفة النولون البحرى ذهابا وايابا البالغة حوالى 1600 ريال اضافة الى قيمة دفتر التربتيك البالغة 700 ريال
تبلغ التكلفة الكلية حوالى 3500 ريال سعودى وهى كافية لابجار سيارة فى السودان بدلا عن التلتلة والمرض فى بورتسودان واخطار الطريق اضافة الى تدهور قيمة السيارة عند عودتها بعد ما لاقته من اهوال وعورة الطرق ورداءة الوقود والزيوت!
لماذا هذا الاشتغلال الرخيض لمواطن بسيط يريد ان يقضى اجزة فى وطنه ممنيا نفسه بتعريف ابنائه بوطنه ومواصلة رحمه وانسبائه ومعارفه واصدقائه!
من العبقرى الذى فرض على المغترب ان يشحن العفش منفصلا عن السيارة الشئ الذى لن يضر الا المواطن والوطن حيث يدفع المواطن المغلوب على امره لمالك الباخرة الاجنبى اجرة الشحن البحرى مرة لسيارته ومرة اخرى للعفش والذى قطعا سيصل تافا نتيجة للمناولة السيئة فى ميناء سواكن فتصبح ضغثا على ابالة للمواطن المنكوب!
حكومة السودان الزكت المواطن المغلوب على استخراج دفتر تريب تيك ودفع مبلغ تامين 1000ريال يسترد عند العودة على المواطن السودينى من دون خلق الله الاخرين من اجل عيون احد الجبهجية ظويلى اللسان من اجل قطع لسانه على حساب المغترب ابن الحرام!
جنى
| |
 
|
|
|
|
|
|
|
|
Re: هام وعاجل لأصحاب سيارات التربتيك(الإفراج المؤقت) المسافرين للسودان في هذه الإجازة (Re: ghariba)
|
Quote: امبارح كنت في السفارة لقيت في اعلان من هيئة المواني البحرية فرضوا امنية على عربات الافراج المؤقت مقدارها 1550000 جنيه
مليون وخمسمائة وخمسون ألف جنيه تدفع قبل نزول السيارة من الباخرة في سواكن |
سلامات يا باشمهندس و حمدلله على السلامة!
شكلك السنة دى نويت تمشى السودان بعد ما موضوع الكوبرى جاط شوية!
شكرا للمعلومة القيمة وحسب فهمى انو أمنية دى معناها أموال مستردّة
فهل يا ترى هى كذلك أم الداخل مفقود!! و هل هناك ضمان لإستردادها
أم أيضا فى علم الكريم!! وبالمناسبة دى الرسوم الواضحة و ما خفى
أكيد أعظم مع الجماعة السعرانين البهناك ديل ولازم المغتربين الوهم
ديل ديل يأدبوهم شوية زيادة.
*سؤال شخصى كدة!!! إنت رايك شنو فى الكلام دة و هل هنالك أى إستثناءآت!!!!!
دمت
| |
|
|
|
|
|
|
|
|
|
Re: هام وعاجل لأصحاب سيارات التربتيك(الإفراج المؤقت) المسافرين للسودان في هذه الإجازة (Re: فاروق حامد محمد)
|
يا جماعة هل يعقل التعامل مع المغتربين بهذه الطريقة؟ يعني قرار ح يطبق بعد أسبوع ما في أي اعلان الا في السفارة؟ و هل كل الناس ظروفها بتسمح ليها تمشي السفارة؟ وين ممثلي الجاليات من مثل هذه القرارات؟ وين الكلام القالوهو عند الغاء أو تخفيض الضريبة بتخفيف الأعباء على المغتربين؟
الأخ غريبة تشكر لفت نظر الناس لقرارات عشوائية زي ديو انت سويت العليك ، يعني يا مغتربين ما تجوا بسياراتكم! و اساسا البمشي بالسيارة عاوز يخفف علي الاسرة قيمة تذاكر الطيرن الغالية يجي يلقى بلاوي زي دي ؟
الحاج حمد
| |
|
|
|
|
|
|
|
|
|
Re: هام وعاجل لأصحاب سيارات التربتيك(الإفراج المؤقت) المسافرين للسودان في هذه الإجازة (Re: ghariba)
|
يشتمكم الرصاص اليخفسكم يا دينق وصاحبو...هسي دا كلام ليكم دا...يعني نظام فتنة...
يا غريبة...والله بركة ساكت القلت دي قرارات مجحفة...طيب وكت هي مجحفة...ما تشتغل
لينا اعلامك وتلغوها لينا...من ناسكم ديل...يعني بوكسي دا الا اتضرع بيه لما يبنو
كبري القاهرة...؟؟
قول معانا مجفة...وظالمة...وقاصدين يزلوا بيها المغتربين...
اها بعد دا شوف البدفع ليهم ضريبة او دمغة...؟؟
هو الدفع دا سااااااااااااااااااااااااااااااااكت كدي...بلا مقابل
| |
|
|
|
|
|
|
|
|
|
Re: هام وعاجل لأصحاب سيارات التربتيك(الإفراج المؤقت) المسافرين للسودان في هذه الإجازة (Re: ابوحراز)
|
Quote: وأول كلمة كنت ساكتبها{ على كل مغترب إن كان عاقلاً أن لايذهب افراج مؤقت }
سأعود ان شاء الله لكتابة التفاصيل |
الاخ ابو حراز
نواصل معاك
انا اوافقك الراي في مساندة فكرة تحجيم المغتربين من السفر بسيارات الافراج المؤقت
و أزيد :
المفروض من عائلة أي مغترب ماشي بعربية افراج مؤقت وبعد وصوله بالسلامة ان يبطحوه اهله ويختاروا اربعة من ناسهم العتاولة ديلك ...
اتنين يمسكوه من رجليه واتنين من يده
ويشفوا ليه سوط عنج تخين او سوط نيم
ويدوه 80 جلدة علشان هو بقى ( مبذر ) كبير ويخضع لقوانين التبذير .....
وبعد الجلد يكتبوه تعهد بعد تكرار السفر بافراج مؤقت
ويجي كبير العيلة يوقول ليهو
أنت الجايبك هنا شنو ؟
نحن هنا ماكلين وشاربين ولابسين
وماعاوزين منكم حاجة تاني
والعفو والعافية وخليكم قبلكم لحدي ما نشوف آخرتها مع :
تاج الدين المهدي
ناس هيئة المواني
ناس هناي
نواصل ...........
| |
|
|
|
|
|
|
|
|
|
Re: هام وعاجل لأصحاب سيارات التربتيك(الإفراج المؤقت) المسافرين للسودان في هذه الإجازة (Re: nazar hussien)
|
العام الماضي قررت أن أنزل الإجازة بسيارة ، حددت موعداً لسفري قبل سفرة الأسرة من جدة إلى الخرطوم بخمسة أيام حتى أكون في إستقبالهم في الخرطوم .. قمت ببيع سيارتي و شراء سيارة جديدة موديل 2006م
و عند مراجعتي لمكتب الشحن فوجئت بأن السيارة موديل نفس العام غير مسموح لها بالدخول و الإفراج المؤقت إلا إذا كان عداد المسافات يتجاوز عشرة آلاف كلم ، حاولت بشتى السبل و بتقديم كافة الضمانات بما في ذلك تقديم إقرار لسعادة / مدير عام الجمارك يفيد بموافقتي على مصادرة السيارة في حالة تأخري يوماً واحداً عن مدة الإجازة ( 45 ) يوم و ليس مدة الإفراج المؤقت ( 6 ) أشهر ، باءت كل محاولاتي بالفشل ، إضطررت لإستلاف سيارة موديل 2004 من شقيق زوجتي و قمت بنقل ملكيتها بإسمي و شحنتها للسودان ، نبهني وكيل الشحن إلى وجود منشور يمنع وضع العفش على سقف ( سبت ) السيارة فأمتثلت لأمره و أضطررت إلى شحن جزء من العفش صحبة راكب .
عند وصولي إلى سواكن عانيت كثيراً في سبيل تخليص السيارة و تنقلت بين أكثر من أربعة مكاتب في كل مكتب كنت أدفع مرة بالعملة المحلية و مرة بالريال و أكثر ما عانيت مع مندوب شركة التأمين الذي أصر على تقدير مبلغ التأمين تقديراً خرافياً معللاً ذلك بقيمة السيارة ، في هذه الأثناء و قبل الخروج من الميناء تلقيت إتصالاً بتعرض أسرتي لحادث في طريق مكة / جدة ، أستفسرت عن إمكانية العودة مباشرة في ذات اليوم إلى جدة فوجدت أن الإجراءات سوف تأخذ وقتاً طويلاً بعد مخاطبة عدة جهات ، تركت السيارة بعد الأتفاق مع أحد المخلصين بإنهاء الإجراءات و من ثم شحنها للخرطوم و توجهت مباشرة للمطار و ببعض الوساطات تمكنت من تدبير مقعد لي على طائرة كانت على وشك المغادرة حتى تلك اللحظة لم أتمكن من الحديث مع زوجتي أو أي ممن كان معها في الحادث بسبب نقلهم للمستشفى و منع زيارتهم ..
بعد وصولي الخرطوم تمكنت من الحديث مع زوجتي و مع إبنتي و رغم بشاعة الحادث إلا أنهم و للحمد لله سلموا إلا من بعض الجروح و الرضوض ، اصرت زوجتي كثيراً على عدم عودتي و أصرت على الحضور للسودان بعد تاخير الموعد المحدد لإسبوع لمتابعة حالة شقيقتها التي كانت أكثرهم تضرراً من الحادث .
بعد متابعة حالة الأسرة هاتفياً أقتنعت بالبقاء حتى حضورهم ، أمضيت أكثر من سبعة أيام و السيارة المشحونة من سواكن ( تجري و تستريح ) و على الرغم من أن الوكيل قبض جميع ما هو مستحق له إلا أن شركة الشحن طالبتني بمبلغ ستمائة ألف جنيه مقابل الشحن و أن أرجع على الوكيل الذي لم يدفع لهم إضطررت للدفع مرغماً ..
وصلت أسرتي بسلام ، و لكن في صباح اليوم التالي و أثناء توقف السيارة أمام المنزل و نحن بالداخل سمعنا صوت إرتطام قوي خرجت فوجدت السيارة ( معجونة تماماً ) من الخلف بعد أن أصطدم بها لوري تراب كان يسيرب بغير فرامل و يقوده ( ولد .. و الله العظيم ولد ) لا يحمل رخصة قيادة و للوري طبعاً غير مرخص و غير مؤمن !! و لاحظوا أن السيارة في الأصل ليست ملكاً لي ..
نصحني البعض بأن أذهب أولاً لشركة التأمين ، ذهبت فأخبرني الموظف بأن وثيقة التأمين غير مكتملة و و و ، غادرته بغير رجعة لأني موقن أن ما فرض علي من تأمين هو إستنكاح ليس إلا ، بعد تدخل الجودية و الذي منو أكتفيت فقط بأن يدلني ( أبو السواق ) على سمكري لإصلاح ما يمكن إصلاحه أخذ مني السمكري ما أخذ حتى عادت للسيارة بعض ملامحها القديمة ..
بجاي .. بجاي .. قضيت إجازتي .. و عانيت ما عانيت من ملاحقة رجال شرطة مكافحة التهريب و شرطة المرور لي في كل ملف بمجرد أن يشاهدوا لوحة السيارة تنفرج أساريرهم و يلاحقونك ، و مع إن كافة مستنداتي كانت في السليم إلا أن البعض منهم كان لا يتحرج في أن يقول لي ( خارج نفسك يا معلم ) أو يطلب مني ( سجائر السعودية الداسينو دا ) مع إني لا أدخن ، و أحدهم عرض نفسه سمساراً بقوله ( لو عايز تبيع أنا عندي ليك زبون ) مع أنه يعمل في مكافحة التهريب .. أما رجال التحصيل في طرق المرور السريع فأنسى و بس .
لو ذكرت كل ما قابلني في إجازتي السابقة من بلاوي و مضايقات و معاكسات رسمية لفكر كل من يقرأ في أن لا يقوم إطلاقاً بذات المغامرة التي قمت بها في الدخول بسيارة إفراج مؤقت للسودان ، لكن متعة أن تكون وسط الأهل و الصحبة تنسيك جميع ما عانيته و تشدك للعودة إليهم مجدداً بدون إفراج مؤقت ..
| |
|
|
|
|
|
|
|
|
|
Re: هام وعاجل لأصحاب سيارات التربتيك(الإفراج المؤقت) المسافرين للسودان في هذه الإجازة (Re: ghariba)
|
المرة الوحيدة التي ذهبت فيها للسودان إفراج مؤقت كانت في عام 1995 من جدة وتوبة تاني من إفراج مؤقت للسودان حتى ولو كانت كل الرسوم والمصاريف مجانا .
طبعا مشيت بدون اي معلومات حسابية وفوجئت في سواكن باني في وادي والحسابات في وادي .. وهات يا دفع مرة بالجنيه السوداني ومرة بالريال ومرة بالدولار .....
و في الطريق شفت الويل
كل سبعة كيلو نصف ( ما عارف ليه بالضبط كدة ليه )
يوقني واحد ويسالني من اوراق العربية ....... ويسال من حق الفطور والشاي واللذي منه
علشان كدة شهادتي في عملية التربتيك والظلم الواقع علي المغتربين شهادة مجروحة
وشاهد ( شاف حاجة )
والله يكون في عون المغتربين
صلاح غريبة – صاحب تجربة افراج مؤقت للسودان سابقا ... وتاب
| |
|
|
|
|
|
|
|
|
|
Re: هام وعاجل لأصحاب سيارات التربتيك(الإفراج المؤقت) المسافرين للسودان في هذه الإجازة (Re: ghariba)
|
قمت في السنوات الاخيرة بالسفر المتواصل لمصر بريا من السعودية
وكنت كل ما اتخارج من ميناء الغردقة وانا متجه للقاهرة باتوبيسات الجونة .... أصفق
آخر تنظيم
آخر مراعاة
آخر احترام
مصاريف لا تذكر
تنزل من العبارة وتشوف عفشك المتواجد امام العبارة
ويشلو ليك واحد ( مشال ) لحدي الجمارك
والجمارك طبعا ساهللللللللللللللللللللللللللللللللة
يسالك ويقول عندك شنو يتجمرك ؟؟؟
وبعدين يقول ليك ... في ضمتك كلامك دة صاح
لو قلت ليهو في ( ضمتي ) كلامي دة صاح
يقول ليك يلا اتخارج ...
وتلقى اخونا المشال واقف ليك علشان ينقل العفش الى
الاتوبيس الواقف هناك
وتخط العفش في الشنطة
وتتحاجج مع ( المشال )
ودائما انا بعمل مشكلة معاه
هو عاوز 50 جنية
وانا اكون لايوق .....
وفي الآخر اديه .. بس 20 جنيه مصري
ويوصلنا الباص لحدي ميدان التحرير
وكل دة بتذكرة واحدة دفعت قروشها في الرياض وهي 610 ريال
من الرياض لحدي القاهرة
زائد المشال 20 جنيه
وتكون وصلت بالسلامة
ونواصل ....................
| |
|
|
|
|
|
|
|
|
|
Re: هام وعاجل لأصحاب سيارات التربتيك(الإفراج المؤقت) المسافرين للسودان في هذه الإجازة (Re: ghariba)
|
الأخ صلاح غريبة تحياتي
يا أخي أهلنا قالوا البشرب براه علي وزن البشرب براه ما بشبع
وإنت هسي ماسك ليك كباية شاي لا عرفناها في فرح ولا عرفناها في كره
وتاني لمن تمشي السودان تلقي واحد يقول ليك حق الشاي ورية الصورة دي
وبعدين يا أخي بيدو أن اللوبي الخاص بتأجير العربات نشط هذه الأيام
يعني عايزين يضيقوا علينا لمن نسيب التربتك ونمشي نأجر منهم في السودان
وكدا الحكاية مضمونة بالسعر الذي يراه صاحب العربات والتأجير
ومافي زول قلبه علينا
المهم أحسن حاجة نخلي الدولة تشارك في العملية دي بفرض طيارات طوالي لعواصم الولايات
وهناك من عاصمة الولاية أقرب أتوز والحلة جاكي زول .
وكمان ناس الجوازات ذاتهم يبقوا لامركزية يعني تأشر من عاصمة الولاية وتقوم صوف . مش الخرطوم دي والله إلا يدونا فيها بيت ولا كم مليون دولار كدا ونغشاها بعد داك.
بحيراوي
| |
|
|
|
|
|
|
|
|
|
Re: هام وعاجل لأصحاب سيارات التربتيك(الإفراج المؤقت) المسافرين للسودان في هذه الإجازة (Re: ghariba)
|
Quote: وتخط العفش في الشنطة
وتتحاجج مع ( المشال )
ودائما انا بعمل مشكلة معاه
هو عاوز 50 جنية
وانا اكون لايوق .....
وفي الآخر اديه .. بس 20 جنيه مصري
ويوصلنا الباص لحدي ميدان التحرير
وكل دة بتذكرة واحدة دفعت قروشها في الرياض وهي 610 ريال
من الرياض لحدي القاهرة
زائد المشال 20 جنيه
وتكون وصلت بالسلامة
ونواصل .................... |
صلاح غريبة.
كمان بخيل؟
بالمناسبة يا غريبة.
عملت لينا في موضوع الاتهامات دي؟
شايفك لم تقوم بنفيها بعد.
الله يكضب الشينة بس يا صلاح غريبة.
دينق.
| |
|
|
|
|
|
|
|
|
|
Re: هام وعاجل لأصحاب سيارات التربتيك(الإفراج المؤقت) المسافرين للسودان في هذه الإجازة (Re: ghariba)
|
Quote: وتخط العفش في الشنطة
وتتحاجج مع ( المشال )
ودائما انا بعمل مشكلة معاه
هو عاوز 50 جنية
وانا اكون لايوق .....
وفي الآخر اديه .. بس 20 جنيه مصري
ويوصلنا الباص لحدي ميدان التحرير
وكل دة بتذكرة واحدة دفعت قروشها في الرياض وهي 610 ريال
من الرياض لحدي القاهرة
زائد المشال 20 جنيه
وتكون وصلت بالسلامة
ونواصل .................... |
صلاح غريبة.
كمان بخيل؟
بالمناسبة يا غريبة.
عملت لينا في موضوع الاتهامات دي؟
شايفك لم تقوم بنفيها بعد.
الله يكضب الشينة بس يا صلاح غريبة.
دينق.
| |
|
|
|
|
|
|
|
|
|
Re: هام وعاجل لأصحاب سيارات التربتيك(الإفراج المؤقت) المسافرين للسودان في هذه الإجازة (Re: Deng)
|
Quote: العربيه الـvisto إيجارها في اليوم يتراوح بين 30 - 35 ألف جنيه (قديم)
الكورولا (رضا الوالدين) موديل 2005 - 2006 إيجارها اليومي 50 - 55 ألف
أنصح الإخوه المغتربين بعدم جلب سياراتهم معاهم والإيجار بدل التلتله ويعذبوك ناس المرور هنا وعذاب عجيب اللهم إلا الزول يكون نازل نهائي ماإجازه .. |
اولا الشكر للاخ غريبه للبشريات
الاخ محمد فرح
غايتو قبل سنتين الكرولا 100 الف والاتوس 70 الف
انا مسافر باذن الله يوم 3يوليو وشايل هم العربية
بالله دلنا على شركات التأجير دي حتى لو بالمسنجر
وتكون ماقصرت ابداً
| |
|
|
|
|
|
|
|
|
|
Re: هام وعاجل لأصحاب سيارات التربتيك(الإفراج المؤقت) المسافرين للسودان في هذه الإجازة (Re: ghariba)
|
Quote: الاخ دينق
وتابعه ( قفة )
من البديهي أن لا يكون ما ذكرته صحيحاً
وان من ( نقل ) لك الخبر حاول أن يضللك
راجع ( نفسك ) وراجع من نقل لك الخبر
ثم :
اليس من الأجدى فتح بوست آخر لنفس الغرض لان هذا البوست مخصص لناس سيارات الإفراج المؤقت ( التربتك ) .
هل فهمت الدرس يا ..............
صلاح غريبة - الرياض |
صلاح غريبة.
برضه كلامك مبهم.
أنت يا صلاح غريبة شتمت أل سعود في جلساتك الخاصة أم لا؟
بالتحديد حديثك عن سلوك الاميرات في الخارج يا غريبة.
دينق.
| |
|
|
|
|
|
|
|
|
|
Re: هام وعاجل لأصحاب سيارات التربتيك(الإفراج المؤقت) المسافرين للسودان في هذه الإجازة (Re: shammashi)
|
ناس المؤتمر الوطنى والكيزان ديل حيرونا لمن يكون فى حاجة مشاترة من الحكومة يخرتو يدهم كانو الامر لايعنيهم
انتو مادى حكومتكم قولوا ليها دا غلط البتسوى فيهو دا
ايرادك للخبر كانو لايعنيك من بعيد او قريب انتو ما مؤتمر وطنى وعندكم فرع فى الرياض خاطبوهم وارفعو عننا الظلم
ولا الموضوع لايهمك كثير انت مش بتاجز فى مصر
وربنا يكون فى عون المغتربين الغبش الماسافروا ليهم 5 سنوات وليهم سنة بيخططوا يسافروا الصيف دا وعندهم 5 اطفال ومسافرين بالعربية وبقرار اهوج تتحطم امال واحلام عدة اسر وحسبنا اللة ونعم الوكيل ( ولا ديل ماناس الدين من اللة مابخافو)
| |
|
|
|
|
|
|
|
|
|
Re: هام وعاجل لأصحاب سيارات التربتيك(الإفراج المؤقت) المسافرين للسودان في هذه الإجازة (Re: ghariba)
|
Quote: دينق
اتمنى ان تترك ( تفاهاتك )
وان تخرج من هذا البوست
لانه بوست جادي وخاص بموضوع معين
ويهدف شريحة معينة
====================================================
اذا فعلا كنت محق فيما قلته عليك بفتح بوست منفصل مبينا فيه مستنداتك
وشهود .... الخ
والا فانا اعتبر ما تفعله نوع من ( التعرصة )
هل تعرف معني التعرصة ؟....
وساطلب من الاخ بكري ان يحقق في هذا الموضوع
صلاح غريبة |
صلاح غريبة.
كمان جابت ليها"تعرصة"؟
أنت شغلك بتاع السفارة ده مش يعتبر أكبر "تعرصة" ولكن نحن طبعا بنستعمل كلمة إنتهازي.
شوف يا غريبة. أنت لو جبان كده ليه بتتكلم كلام فارغ في أولياء نعمتك؟
نحنا عندنا مصادرنا في الرياضض دي. ولقد حان الاوان يا غريبة لكي تعرف صليحك من عدوك.
أبقى راجل وقول أنا قلت الكلام ده.
دينق.
| |
|
|
|
|
|
|
|
|
|
Re: هام وعاجل لأصحاب سيارات التربتيك(الإفراج المؤقت) المسافرين للسودان في هذه الإجازة (Re: ghariba)
|
Quote: ليس غريبا ان تورد الخبر بدون تعليق!
وليه التامين بالريال السعودى داخل السودان! لمصلحة من!
واذا اضفت تكلفة النولون البحرى ذهابا وايابا البالغة حوالى 1600 ريال اضافة الى قيمة دفتر التربتيك البالغة 700 ريال
تبلغ التكلفة الكلية حوالى 3500 ريال سعودى وهى كافية لابجار سيارة فى السودان بدلا عن التلتلة والمرض فى بورتسودان واخطار الطريق اضافة الى تدهور قيمة السيارة عند عودتها بعد ما لاقته من اهوال وعورة الطرق ورداءة الوقود والزيوت!
لماذا هذا الاشتغلال الرخيض لمواطن بسيط يريد ان يقضى اجزة فى وطنه ممنيا نفسه بتعريف ابنائه بوطنه ومواصلة رحمه وانسبائه ومعارفه واصدقائه!
من العبقرى الذى فرض على المغترب ان يشحن العفش منفصلا عن السيارة الشئ الذى لن يضر الا المواطن والوطن حيث يدفع المواطن المغلوب على امره لمالك الباخرة الاجنبى اجرة الشحن البحرى مرة لسيارته ومرة اخرى للعفش والذى قطعا سيصل تافا نتيجة للمناولة السيئة فى ميناء سواكن فتصبح ضغثا على ابالة للمواطن المنكوب!
حكومة السودان الزكت المواطن المغلوب على استخراج دفتر تريب تيك ودفع مبلغ تامين 1000ريال يسترد عند العودة على المواطن السودينى من دون خلق الله الاخرين من اجل عيون احد الجبهجية ظويلى اللسان من اجل قطع لسانه على حساب المغترب ابن الحرام!
جنى |
كلام تمام يا جـني
| |
|
|
|
|
|
|
|
|
|
Re: هام وعاجل لأصحاب سيارات التربتيك(الإفراج المؤقت) المسافرين للسودان في هذه الإجازة (Re: أحمد الشايقي)
|
الاخ دينق مسلكك مع صلاح غريبة مسلك شخصي ومسلك استبزاز
لو عندك قضيةوحوار ضد مع غريبة افتكر ليس مكانه هذا البوست والراجل يا اخي طالبك بفتح بوست منفصل اكتر من كده عاوز شنو؟
لكن الكلام البتقول ده خطير وانت ما واعي بتقول في شنواذا كان عندك دليل يا اخي هاتو اما اتهامات اتهامات دي ما صح؟
ليه انت زعلت ونطيت لمن قالو انو كنت بتساعد المخابرات الامريكية ضد السودايين في امريكا ليه الكلام حرقك
صلاح غريبة عندو علاقة واضحه وانو مؤتمر وطني ومتحدث باسم السفارة دي علاقتها شنو وانت خلاص اسه بقيت مدافع عن السعوديين ما رايك فيهم واضح ؟؟
| |
|
|
|
|
|
|
| |
ghariba
nazar hussien
jini
أيمن الطيب
فاروق حامد محمد
hajhamad
Elawad Eltayeb
Mamoun Ahmed
Deng
Hassan M Saeed
محمد فرح
ابوحراز
الطاهر عثمان
البحيراوي
إسماعيل وراق
المسافر
humida
زول ساكت
صديق الموج
Hisham Ibrahim
فيصل نوبي
فيس بوك
تويتر
انستقرام
يوتيوب
بنتيريست