|
هل نشاهد نجوم المريخ بالزي الرياضي يساندون الهلال امام مازمبي يوم 4 اكتوبر
|
فرصة تاريخية لعودة التنافس الرياضي السليم والصحيح بين ناديي القمة
فرصة عظيمة لعودة الزمن الجميل لدنيا المستديرة
ما شهدته الساحة الاعلامية والتشجيعية بين عشاق القمتين
من مهاترات وجدالات في السنوات الخمسة الاخيرة
لا يرقى لمستوى الروح الرياضية التي يجب ان تسود الملاعب والاعلام
كان في الماضي القريب زمالة وصداقة كبيرة بين\فوزي المرضي اسد الهلال وكمال عبدالوهاب نجم المريخ المعروف وكان تنافسهم لا يتعدى زمن المباراة وبعدها يكونان معا في كل موقع
في نيجيريا يرتدي المشجعون الوان المنتخب الوطني عند تشجيعهم لاي نادي محلي في منافسة قارية
الفرصة الآن أن يتوشح السودان ببطولة افريقيا
والفرصة الحقيقية هي عودة التنافس الشريف بين نادي القمة في التشجيع والمؤازرة
واعتقد ان وجود نجوم المريخ بجانب الهلال في مباراته القادمة في الاستاد امام مازيمبي
هو ضربة البداية لازابة الجليد المتراكم
وفرصة تاريخية لتعديل إتجاه بوصلة التشجيع الرياضي في السودان والتي تاهت عن احداثياتها لفترة ليست بالقليلة
فهل يرتدي نجوم المريخ شعارهم ويقفون مع شقيقهم الهلال في ما تبقى له من مباريات قارية
|
|
|
|
|
|
|
|
Re: هل نشاهد نجوم المريخ بالزي الرياضي يساندون الهلال امام مازمبي يوم 4 اكتوبر (Re: محمد عمر الفكي)
|
Quote: محمد عمر الفكي
انتوا يا جماعة دا جمال السنوسي ولا انا ضهبان؟ انا اضمن لك شخصياً ان نسبة 99.9 من المريخاب واقفين قلباً وقالباً مع مازيمبي. الخلاصة لو في مريخابي قال لك انه ممكن يشجع الهلال ضد اي فريق كان داخلي خارجي دولي يبقى بيحاول يكذب على نفسه، يا اخي دي فطرة . كل سنة وانت طيب وكل سنة وانتوا (مصفرين) مصفرين دي هنا بمعني مودعين ما تقوم تزعل وتقوم تقول الزول دا قاصد مصفرين من الصفر الدولي. |
يا ود عمر
لو تاني نبدا من الصفر
تشجيعنا لازم يستمر
| |
|
|
|
|
|
|
Re: هل نشاهد نجوم المريخ بالزي الرياضي يساندون الهلال امام مازمبي يوم 4 اكتوبر (Re: اسعد صلاح البدري)
|
انتوا يا جماعة دا جمال السنوسي ولا انا ضهبان؟ انا اضمن لك شخصياً ان نسبة 99.9 من المريخاب واقفين قلباً وقالباً مع مازيمبي. الخلاصة لو في مريخابي قال لك انه ممكن يشجع الهلال ضد اي فريق كان داخلي خارجي دولي يبقى بيحاول يكذب على نفسه، يا اخي دي فطرة . كل سنة وانت طيب وكل سنة وانتوا (مصفرين) مصفرين دي هنا بمعني مودعين ما تقوم تزعل وتقوم تقول الزول دا قاصد مصفرين من الصفر الدولي.
100% مع مازيمبى
هسا يا جمال كان دا المريخ كنت كتبتا الكتبتو دا
والله العظيم لو لعبتو ما فريق إسرائيلى نشجع الإسرائيلى
| |
|
|
|
|
|
|
Re: هل نشاهد نجوم المريخ بالزي الرياضي يساندون الهلال امام مازمبي يوم 4 اكتوبر (Re: شمس الدين ساتى)
|
Quote: انتوا يا جماعة دا جمال السنوسي ولا انا ضهبان؟ انا اضمن لك شخصياً ان نسبة 99.9 من المريخاب واقفين قلباً وقالباً مع مازيمبي. الخلاصة 100% مع مازيمبى والله العظيم لو لعبتو ما فريق إسرائيلى نشجع الإسرائيلى |
من حقك يا شمس
يا شمس يا شمس لاتغيبي
وانتو مالكم يا ناس الوصيف
يا الطال غيابكم سنة وزيادة
متعودين على الغياب
قلننا تجيبوا ناسكم ديل عشان يطلعوا معانا المنصة
لكن وين مع ناس سمش الدين شاتي صخشياً
| |
|
|
|
|
|
|
Re: هل نشاهد نجوم المريخ بالزي الرياضي يساندون الهلال امام مازمبي يوم 4 اكتوبر (Re: طارق جبريل)
|
الاستاذ جمال كلام جميل وماتطالب به الان حدث وشاهدناه باعيوننا فى الثمانينات وطبعا ده كان قبل انتشار الصحف الرياضية واعمدة المشجعين الذين يسمون انفسهم صحفيين وساعدوا فى تعميق الهوة والجفوة بين مشجعى الفريقين . ماتطالب به لا اظنه سيتحقق تانى فى السودان ولو رجعت لاعمدة ناس رمضان ومعتصم ومحمد عبدالماجد وقصيدة كبير القوم الارباب الاخيرة مامشكلة والتى صاغها بعد فوز الهلال على المريخ ومافي كل ذلك من تريقة واستهزأ بالمريخ لعلمت مدى صعوبة طلبك وحتى مدى صعوبة ان يتمنى مريخابى تأهل الهلال
| |
|
|
|
|
|
|
Re: هل نشاهد نجوم المريخ بالزي الرياضي يساندون الهلال امام مازمبي يوم 4 اكتوبر (Re: Magdi Algorashi)
|
والله ياود السنوسي
بي شماعاتكم الكثيــرة دي
مابعيـد تجوا بعدين تقولوا طيرنــاكـــم
عشان كــدا طيـــروا بــراكــم
ولن ينتهي العزاء بانتهاء مراسم الدفـن
يدفنوكم في مقبـرتكــم ونحن هنا في المنبــر نزيـد عليكم التراب
أصلنا ما نسينا وقفتـكم معانا في سيكافا الاخيـرة
طيــروا بــراكــم
الوطنيـه أسم سينما في ودمدني
مع امنياتنا لكم بزوال (صفـــركم الدولي) فرصتــكم لا مريخ ولا اهلي القاهري ولا الزمالك
ودي اخر فرصة ليكم في حياتكم
ابومصطفى
| |
|
|
|
|
|
|
Re: هل نشاهد نجوم المريخ بالزي الرياضي يساندون الهلال امام مازمبي يوم 4 اكتوبر (Re: Magdi Algorashi)
|
جمال كل سنة وانت طيب وسيد البلد مرفوع الرأس والمريخاب ( الطيش ) برضو كل سنة وانتو طيبين
يا جمال ياخى شرطّ عينا .. ناس المريخ ديل داير تديهم فرصة يتكلموا تانى ليه .. اصلا الدخلت فيهم ما بتطلع الا بالبوستات الزى دى .. ديل القشعريرة بتاعة 11 سبتمبر جابوا ليها كل انواع الغاز وحطب الطلح شان ترجعهم للدفء من جديد وما نفعت .. الحرد والمشى الهلال والطالب بحل مجلس المريخ وال .. سيد البلد كان فى محك حقيقى السنة دى بسبب ناس المريخ ( الحاقدين ) واعلامهم الغريب .. كانوا بحكم المؤكد من خلال تصريحات مجلس ادارتهم وصحيفتهم ( الصدا ) عايزين يوأدوا الهلال من البطولة الافريقة لا لشى الا وانه كييييف بس يكون معاهم فى البطولة الام وانهم ما يلعبوا تمهيدى كما فعل المريخ !!
الحسرة والمغسة كاتلاهم كتل ... وتجوا انتو يا اسياد البلد بعد نجح الاتحاد الافريقى فى انصافكم من الاتهامات والشكاوى والرشاوى وكلو وتنتصروا عليهم قانونيا وتدفنوهم فى المقبرة وتخلوا خشمهم ملح ملح وتمرقوهم ب ( 3 نقاط ) لا غير والطيش .. وعايزهم يشجعونا ؟!!
خليهم يشجعوا اسرائيل اصلهم من نجمة داؤد ما طالعين هههههه الوشوش مافيشا ياخ ( من زمان مسمينهم صهاينة *)
اسياد البلد استادهم بملوه ويفضلوا والباقين فى الشوارع بستنوا الانتصار للمسيرة باذن الله وما محتاجين اى تشجيع رغم انك قدمت ليهم السبت لكن تعلم سلفا ان سبتهم لا تخرج فيه الحيتان
| |
|
|
|
|
|
|
Re: هل نشاهد نجوم المريخ بالزي الرياضي يساندون الهلال امام مازمبي يوم 4 اكتوبر (Re: Mohamad Shamseldin)
|
[bluie] ياجماعة شجعونا فى دبى عشان تزيدو الدخل فقط دى نحن بنقدر عليها برانا
بعدين ياجمال زى ما الكرة مستواها نازرل عندهم حس التشجيع والحماس ايضا نازل عندهم,, خليهم,, امس قابلت عبد الحميد السعودى ماشى الدمام,,ربما يتفاوض مع الاتفاق تقول ليهم يشجعوك هو فضل فيهم زول,,,
بعدين خليل ما قاليكم اخطر معلومة صرح بهاقسطنطين لما فكوه يوم الوقفة,,, قال الهلال سوف يحصد 4 كاسات ,,ولو لا برشلونة لحصد الخامس كدى احسبو لينا كاسات خليل دى,,, لكن ممكن نديكم منها وااااااااااااحد عشان تطعمو بيه خشمكم باقى لى الموسم دا الا تلعبو مع تريعة البجا تحت تشمو ليكم بريق نصر تسلمو
(عدل بواسطة abuguta on 09-25-2009, 07:34 AM)
| |
|
|
|
|
|
|
Re: هل نشاهد نجوم المريخ بالزي الرياضي يساندون الهلال امام مازمبي يوم 4 اكتوبر (Re: abuguta)
|
Quote: انتو من بتين بقو يعدوكم مع أولاد الناس ؟
الحاشر رقبتك وسطهم ديل قيهم واحد لصقو ليهو 3 جوه بلدو..... شوف ناسك .... و البس مقاسك ..... |
ديل ناس كاسات محموله جوا ونحن ناس كاسات محموله جوا
ديل ناس انجازات ونحن ناس إنجازات
ديل صفوة الفرق الأفريقية ونحن صفـوه في السودان
بس انتو مع شنو؟؟؟
لا كاسات لا انجازات بس [I]صفيـــراب
طيــروا بــراكـم ونحن مابنقيـف معاكــم
ولو شلتو الكاس بنرجاكـم ولو ماشلتـوا بنفداكـم
مع الاعتذار لجمهور الـ(0) الدولي
ابومصطفى
| |
|
|
|
|
|
|
Re: هل نشاهد نجوم المريخ بالزي الرياضي يساندون الهلال امام مازمبي يوم 4 اكتوبر (Re: جمال السنوسي)
|
خلاص نسيت الفسيخ والبطيخ والذي منو ..... انت واحد من اسباب تدهور التشجيع وانحطاطه .... وانت واحد من الذين دفعونا لكراهية الهلال ... قوم بلا هلال بلا قرع فقوس فاضي والله لو جبتوا كأس العالم برضو انتو يكم ناس هلال الشهداء وزريبة العيش واسالبيكم من زمان هي نفسها وما يقوم به صلاح ادريس الان وجوقته من رشاوي الحكام والذي منو هي ورثة اجداد بنوا التاريخ الهلالي الموقل في الفساد الذي اذكم الانوف . لاعبي المريخ لو لقوكم في النار بيزيدوكم حطب ..
| |
|
|
|
|
|
|
|